شلون نحافظ على نظافه ((طرف)) العبايه

[مزيان]

والله يابنات شكلي يفشل وانا رافعه عبايتي وسيقاني استغفرالله اتبين وريلي دايما يزفني على هالشغله بس شسوي احس اني جني خامه الحوش جربت كل انواع الخامات ماكوووووووو فايده الصراحه لاعت جبدي

 

[MRS.Don Abadini]

اي والله نبي حل انا مت والله توني باديه البس عبايه وقلت الظاهر توني ماطحت على طريقة البنات هذي طلعت موبس انا الحمدلله

 

[شكليطه]

واااي ضحكتيني ..


نفس مشكلتي يا بنات اثاري عيل كلنا ؟؟ منو بقا ؟؟ وينكم يا باجي البنات عطونا اسراركم ..

بس فكرة سالفة السبراي الاستاتيكا .. ان شاء الله أجربها

بس ترا انا عادة ما اطل اشوف طرف عبي البنات وانتوا ؟؟؟ يعني ما يهمني طرف عباتهم .. يعني خصوصا اذا بسوق او مكان عام يلفتني الموديل وجذي .. فأحس ترا ما في داعي انأزم روحنا زياادة بروحها العبي غاليه والله يعني وكل يوم بنغسل حسبي اشكثر تبين تغيرين والله صار مصرف هذا ..؟؟

حبيبتي مو سالفه نطل ماكو شغل

بس انا صددددفه طاحت عيني على طرف عباة البنت وانصدمت...لما قارنتها بعباتي

حسيت ان عباتي مو نظيفة

ووعقبها قعدت جم يوم ألاحظ لان شكيت بروحي صراحه


لاني شبه يوميا اغسل طرف العباية.....ونهاية الاسبوع العباية كلها تنغسل( بالاسبوع ألبس3-4 عبايات)



عفيا اللي عندها اسلوب حلو وقلب قوي خل تسأل هالبنات وتكسب فينا اجر :klhfl:

 

[الهما]

لما في حل
طبيعي تتوصخ عباية و لونها اسود و بعظم عبيهم طويله حيل
شلون ما تبينها تتوصخ
لكن انا لاحظت ان خامة الصالونا اهي الاقل يعني ما تيمع الغبار واايد مثل باجي الانواع
و ترا كل انواع الملابس و الاقمشة و الجنزات تتدمر اذا سحبت بالقاع

 

[حساسه]

عبايتي ماتغبر من تحت وفي الجامعه غالبا اجلس بها واوقات في اماكن مفتوحه كلها غبار واغسلها بعد خمس ايام

وقماشي واحد هو كريب صالون درجه اولى

حتى الحين مفصله عبايه وفصلتها نفس القماش بصراحه مااحب اغامر واخذ غيره

مع انه عرض لي اقمشه ثانية جديده غيره بس خلاص تعودت عليه واحب سواده

موفقه

 

[alffoozz1]

قوة بنات
عندي طريقه ان شاءالله تستفيدون منها انا كنت نفس سالفتكم باطراف العباءه بس الحين الحمدالله من اول نفضه يطير الغبار والله يابنات من كثر ما اغسل عبايتي راح لونها
الحين ولله الحمد اغسلها مرتين او مره بالاسبوع والحل مو بخام العبايه الحل بالغسيل
وهي تغسل بالشامبو المخصص للعبايه ثم السر الثاني والكل يعرفه الكمفورت بعد ماتغسل العبايه بالكمفورت تنشر بعدين تنكوي العبايه والحين اتحداج اذا مامسحتي الغباربعبايتك بس نفضه وحده وشوفي ولا نتفة غبار
اتمني اني فتكم بالموضوع وإلي تجربها تدعيلي

 

[اطباق ماي ورد]

مشكوره حبيبتى ... بس انا فعلا اغسلها بشامبو العبايه وبعدين الكومفرت ونفس طريقتج

بس نفس المشكله وهى مو تشوفينها شايله غبار لأ هو لون ابيض ممولح وهذا ما يروح بالنفضه لازم غسال

 

[فجوره 111]

هذى مشكله كل البنات الى يلبسون العبى

مشكله ازليه يا ريت نشوف لها حل

شكرا

 

[صلاتي-حياتي]

والله العبي تخرب من كثر الغسيل تصير قديمه واهي توج مفصلتها مالها شهر بس شنسوي بنجرب الكومفورت ونشوف النتيجه

 

[slk]

الحل عندى وان شاءالله يعجبكم بس مو من مخى بنت عمى قالتلى خلى جنطتج مناديل ديتول الرطبه واى بقعه بالعبايه او التراب من تحت مسحيه ويروح وجربته وصج وااايد تخف الغبره الى تحت

 

[*&* المميزهـ *&*]

لووووووووووووووول حلوه طريقت الجلاد

 

[بنت باباتي]

مشكلة طرف العبايه انضمت الى مشاكل التريد مارك للكويتيين

 

[مس فيراري]

حاولي انج ترفعين عباتج و ما تمشين على تراب لين تدخلين الدوام .

بصراحه في بنات عبيهم شركه تنظيف يمشون ويخمزن الارض و مو هامه ان عباتها مغبره انا بصراحه دايما افكر اشلون تصلي بهالعباة ؟

 

[alothoob]

نفس المعنات

 

[حنان السعوديه]

وانا بعد ابي اعرف

شكرا لصاحبه الموضووع

 

[Maltesers]

أبيخ شي .. أول شي قصري العباية طبعا ما أقصد قصاصه بس خلي طولها معقول مو تسحب عالقاع


وثاني شي حاولي لا تسفطين بالأماكن اللي فيها تراااااااب هههههههههههههههههههه متعقد من طرف العباية لمن يتوصخ حدددي


وبعد كل طلعه غلط انج تغسلين العباية يعني بشكل يومي او شبه يومي .. جذي خامتها راح تخترب بسرعه وو راح تيمع وصخ أكثر .. اذا بس طرف العبايه كان مغبر شوي او ميمع وصخ

حطي شووووووية كومفورت وماي .. واخذي فوطه نظيفه صغيره ومسحي فيها طرف العباية خل يروووح الغبار او الوصخ اللي متعلق فيها

ولا تلبسينها على طوووول راح يلزق فيها التراب مره ثانيه اذا مبلله ويصير طييين خليها شوي 5 او 10 دقايق تنشف

 

[جيوكندا]

مرحبا اختي الحل عندي


















































اذا شريتي العبايه قولي للمشغل اللي شريتي منه يحط في نهايه العبايه شريط الستن او الستاااااان
حتى لو تمشين ما يوصل لخامة العبايه


اتمنى اكون قدمت الفائده للجميع

 

[ام الغزلان]

خامة صالون الاصليه ماتجذب الغبار كل عباياتي من هالخامه ذربه ونظيفه والكل يسالني عنهم وغالبيتهم اشتريهم من الخبر وفي بالكويت بس محلات معينه

 

[اطباق ماي ورد]

خامة صالون الاصليه ماتجذب الغبار كل عباياتي من هالخامه ذربه ونظيفه والكل يسالني عنهم وغالبيتهم اشتريهم من الخبر وفي بالكويت بس محلات معينه

يعطيج العافيه حبيبتى ما قصرتى بس كمليها وعلمينا ....

يسلمج علمينا من وين بالخبر تشترينهم ومن وين بالكويت بعد

 

[مس*فلحه*]

الصالونه مو ثقيله؟؟

انا جربتها لما كنت بالخبر عند محل عبي وايد ثقيله عالراس وسوادها جذاب مو أسووووووود حييل الصالونه حق العبي الاسلاميه يتراوالي مو عبي الراس