استفساراتكم عن تطعيمات الأطفال....ارجو التثبيت

[um_yoyo]

بنات شسالفه السحايا من اي عمر يطعمون اليهال

 

[Um Hamoudi]

أختي كيت كات مشكورة وايد على الموضوع الرائع، الصراحة كنت بدور في النت على موضوع عن التطعيمات ولقيت المنتدى وسجلت فيه، والله اشحلاته هالمنتدى وأحلى شي إنه للنساء فقط، وناسة وناخذ راحتنا

عندي سؤال واللي يسلم عمرك اتجاوبيني عليه بسرعة
ولدي صار سنتين قبل 4 أيام وعنده تطعيم، بس أنا مسافرة دبي على نهاية الأسبوع، يصير أستنى وما أطعمه لين أرجع، بقعد في دبي 5 أيام بس.
أنا ساكنة في الروضة وقالولي هذا التطعيم لازم في الصقر، طيب يسخن ليمن ياخذه، وفي رجوله وإلا ذراعه.

سؤالي الثاني شنو سالفة السحايا؟ والله خرعونا في الجرايد
رفيجتي قالتلي لازم أطعم ولدي السحايا، مو هذا أهو التطعيم حق السنتين؟

واللي يسلم عمرج تجاوبيني بسرعة

مشكورة حبيبتي

 

[الريشة]

كيت كات شلونك؟
أكو تطعيم سحايا بالمستوصف؟
و من أي عمر؟
انا قبل أسبوع مطعمة ولدي تطعيم الجدري ، يصير الحين أطعمه سحايا أو لازم أنطر؟

 

[غلاي غير]

سالفة تطعيم السحايا يكافينا شره

ويرفع عنهم ولا يبلانا

 

[برونزية]

بنات شسالفه السحايا من اي عمر يطعمون اليهال
نفس السؤال

 

[FdeeT.BnaTy]

استفسار عن تطعيم سنة ونص ..

السلام عليكم ورحمة الله وبركاته ،

شلونكم يا احلى امهات

بغيت اسأل تطعيم سنة ونص ابر والا نقاط بالفم ؟؟ تطعيم بنتي بعد يومين انشالله وقاعده احاتي اذا كانوا ابر لأنها بتكسر خاطري والمشكلة لو كانوا الابر اللي بالفخذ حرام ماراح تقدر تتحرك وتلعب

بليز اللي متأكده تعطيني خبر فديتكم

 

[د. رشــا الصفــي]

رد: استفسار عن تطعيم سنة ونص ..

ابرتين وحدة بكل فخذ و نقط بالفم عزيزتي

الله يعينج و يعينها

نصيحتي

اجلى التطعيم لي الويك اند افضل

راح تتعبين معاها اذا انتي تداومين

اذا كنتي بالبيت فمو مشكلة

 

[pinko]

السلام حبيبتي

بنتي عمرها 3 اشهر وتوني مطعمتها الدرن

شنو راح يصير ؟

اول ياهل لي مو عارفه شي

 

[FdeeT.BnaTy]

رد: استفسار عن تطعيم سنة ونص ..

وااي الله يعيني ويعين بنيتي

تسلمين ياقلبي عالرد

 

[KittyCat]

بنات ارجو الرد شنو هالتطعيم الى من 2003 و فوق؟؟

 

[الريشة]

السلام حبيبتي

بنتي عمرها 3 اشهر وتوني مطعمتها الدرن

شنو راح يصير ؟

اول ياهل لي مو عارفه شي

ماراح يصير شيء ان شاءالله
بس يمكن راح ينتفخ مكان الإبرة بعد 10 أيام و يقرح على حسب جسم الياهل

 

[الريشة]

بنات ارجو الرد شنو هالتطعيم الى من 2003 و فوق؟؟

مادري شنه يقولون لغوه ؟؟؟؟
تأكدي

 

[Laymo0ona]

في وحده طعمت عيالها عن السحايا؟؟ سشالفته؟؟

 

[Laymo0ona]

up up معقولة ولا وحده ودت عيالها سئلت عن التطعيم مال السحايا؟؟

 

[كيت كات]

بنات اسفه على التاخير كنت برا الديرة
عموما السحايا تطعيم الاطفال بعمر السنتين واللي تبي تتاخر 5 ايام مافي مشكله ان شاء الله
والسالفه ان الحجاج لمن يردون يكون احتمال معاهم السحايا وينقلونه لاهلهم بس هذا بس اللي اللي ماطعمو
وصارت حالة سحايا بس مافي خطورة ان شاء الله اللي فوق السنتين فقط اللي يطعم سحايا قبل السنتين لا
والدرن bcjللي عمر3 شهور مايصير شي الا بعد شهر تقريبا وتيبس مكان الابرة وتطلع غي وتعرضون اليد للشمس شويه
وبس

 

[Um Hamoudi]

مشكورة كيت كات
لمن رديت الديرة ولدي صابه التهاب إذن وعنده حرارة ورشح، وللحين بياخذ مضادات حيوية، بستنى يصير زين وآخذه التطعيم حق السنتين.
بس سؤالي بيسخن من هالتطعيم، وفي ذراعه وإلا الرجلين؟
مشكورة حبيبتي

 

[زهور الكويت]

مشكووووورة على هل الموضوع المهم

 

[toota]

مراحب... بسأل : تطعيم سنتين عبارة عن شنو؟ ويكون في حرارة بعده؟ وشكرا مقدما

 

[كوكو كويت]

واللي يعافيج كيت كات... تطعيم 4 سنين ونص صج ألغوه ومو مهم..؟؟

الممرضه قالت لأختي قبل مده انه ملغي وماله داعي صج ؟

 

[كيت كات]

كوكو كويت رديت عليج بالخاص
وتطعيم السنتين اهو السحايا وما يسخن
واذا مريض حرارة ما يتطعم يتاجل