تجاربكم الشخصية مع اي دورة خذيتيها ؟

[Ice CreaMa]

جم رقم عبدالرحمن القرشي او شنو موقعه عشان نتواصل معاه ونلتحق بأحدى دوراته..

عفيه لا تحقرووووووني

ترى من كثر ماني متحمسه اتحبط

 

[هبة الكويت]

هلا حبيبتي آيس كريمه

عاد انا اموت بالايس كريم

انا ما أدري اذا اقدر اعطيج رقمه ولا لأ بس وايد ناس يحاجونه بالايميل كل يوم وهذا ايميله

xxxxxxxxxxx

وإن شاء الله تتواصلين معاه بس تنظيم دوراته عند جنان بهزاد وعبدالله السبيعي ممثلي الاكاديمة بفرعها هني بالكويت

يمنع وضع الايميل على العام

 

[Shiny Star]

مجلة اليقضة عدد الأسبوع الحالي مسوية لقاء مع عبدالرحمن القرشي ( مدرب سعودي) يتكلم فيه عن دوراته بإسهاب وتفصيل عن كل دورة

 

[Shiny Star]

أنا أخذت دورة ( فن التعامل مع الآخرين) يناير 2007 مع د. مهدي السلمان محاضر ممتاز ودورة حلوة
دورة (ندسة النفس البشرية وتطوير الذات) براير 2004 مه د.وليد الشوا + صالح البارود ممتاااااااااازة والمحاضرين بعد ممتازين
دورة فن التعامل مع الأبناء ( د.محمد الثويني) روعة وأسلوبه سلس
دورة البرمجة العصبية اللغوية nlp نجيب لرفاعي )وايد استفدت منها
دورة الذكاء الأخلاقي (د. عباس الطراح) كلش ما عجبني معلوماته قديمة وأسلوبه غير مشوق
دورة التدريب ( د. خالد المريفع) الدورة مع المدرب حدها روعة وعلى فكرة الدكتور خالد يدرس في التعليم التطبيقي ويتواصل عالإيميل يعطي معلومات وفيرة ويرد عالأسئلة حتى لو خارج نطاق الدورة وصدره وسيع


ما خذه دورات وايد بس لما أتذكر أضيفها

 

[مفرفشة ومنعنشة]

آنا خذيت دورات عند أ. ليلى الربعي
دورة تخفيف الوزن ... ودورة العلاج بالألوان
بصراحة د.ليلى عجييييييييييييييييبة ماشاء الله عليها
تحسينها تعطي بضمير وتبي تفيد الناس ووايد حبوبة وما تبخل بمعلوماتها
والمكان وااااااااااااايد مريح وهادي

 

[Ma 3endy Salfa]

آنا خذيت دورات عند أ. ليلى الربعي
دورة تخفيف الوزن ... ودورة العلاج بالألوان
بصراحة د.ليلى عجييييييييييييييييبة ماشاء الله عليها
تحسينها تعطي بضمير وتبي تفيد الناس ووايد حبوبة وما تبخل بمعلوماتها
والمكان وااااااااااااايد مريح وهادي

ايه والله صاجة انا اعتمدت مركزها الوحيد الحصري لكل دوراتي :dddds: بصراحة أنا جربت د.ليلى الربعي وايد عجبني رقيها واسلوبها وتعاملها معانا وانها مو مثل بعض المدربين اللي كل واحد يقرض بالثاني هي كل ما سألناها عن واحد من المدربين أو المعالجين تقول كل واحد له اسلوبه وطريقته وأكيد كل واحد عنده شي متميز يقدمه وكلهم فيهم البركه عمري ما سمعتها تتذمر أو تتحلطم على فلان وعلان كله مبتسمه وويهها وااااايد مريح وروحها حلوه ما شالله عليها .

 

[Ma 3endy Salfa]

بنات نسيت أقول لكم مجلة اليقظة هالأسبوع حاطه لقاء مع د.ليلى الربعي كلامها وااايد حلو ويديد مو مستهلك

 

[بنت الكويت1]

عفية بنات احد سمع عن دكتور سامي الحربي شلونه

 

[قلب راشد]

صج اليقظه مسويه مع د. ليلى لقاء ..

خلاص ان شاء الله بشتريها وبقرا الموضوع

علشاان نتعررف على دورااتها

 

[فرووتي]

بنات بغيت اسجل دوره عند د.ليلى الربعي
طاقة الالوان
جم مدتها؟سعرها؟ووين فيه تعطي؟

وشكراا...

 

[تركواز83]

فروتي ليلى الربعي تعطي دوراتها في بيتها بقرطبه ودقي عليها استفسري هن دوراتها بنتها روان ترد عليج اهي منسقه للدورات تليفونها 994459250 انتي كلميهم واستفسري عن الدورات احسن

 

[الام المحبه]

حبيبتي
ممكن رقم الدتورة ليلي الربعي
الرقم الي ذكرته الاخت تركواز 83 عبارة عن 9 ارقام ؟؟؟؟؟؟؟؟؟؟؟؟؟؟؟؟؟؟؟

 

[خوش بنيه]

اب

اب

 

[شوشو الشقيه]

تسلمين اختي
بصراحه
من اختج شوشو الشقيه

 

[=Hope=]

وناسة و الله شي جميل حده

أحب الدورات و أطور نفسي خاصة ان في السنين الأخيرة أهملت نفسي و كله بالبيت قاعدة بيتوتية جداً .. شجعتوني أكسر هالحاجز صراحة .. و كنت أقرا المشاركات من الأخير و ما قريت كل شي ..

مشكورة هبة الكويت على معلوماتج عن القريشي و أتمنى اني أحضر عنده خاصة لكسر الحاجز اللي بيني و بين الناس أحس من كثر قعدة البيت قمت أميل للانطوائية و شخصيتي تبدّلت و صرت معزولة و هالشي مو حابته كلش و لازم أغيره و أكسره ..

أتمنى تزوديني بمعلومات شلون أقدر أعرف دوراته و متى و وين و رسوم الدورات و كيفية التواصل معاهم ؟ و أكون لج من الشاكرين =)

:

انا أخذت من مدة دورة القراءة السريعة عند الدكتور جمال الملا .. و كانت دورة ممتعة جداً و مشوقة .. علّمنا تكنيكات و طرق القراءة السريعة و معلوماته و طريقته كلنا حبيناها .. محد أخذ الدورة عنده و تحسف أو طلع و هو مو راضي عنها صج استانسنا و استفدنا و كانت تجربة وايد حلوة أنصحكم فيه و في دورة القراءة السريعة وايد مميزة .. =)

تقدرون تعرفون د. جمال الملا من قوقل .. و هو يعطي دورات خارج الكويت و آخر دوراته على حد علمي كانت بمصر ان لم تخب ذاكرتي .

 

[هيوونه@]

والله شجعتوني وحمستوني
صج يبيله الواحد يطور نفسه ويغير اسلوب حياته
انا افكر جديا اني ادش دوره

 

[بنت بابا جابر]

أبي رقم مركز ليلى الربعي​

 

[البرنسيسه سعاد]

بنات عفيا ابي دوره عن قانون الجذب منو اتعرف عفيا خدزلي مسج واتقولي عند منوو ؟

 

[البرنسيسه سعاد]

آنا خذيت دورات عند أ. ليلى الربعي
دورة تخفيف الوزن ... ودورة العلاج بالألوان
بصراحة د.ليلى عجييييييييييييييييبة ماشاء الله عليها
تحسينها تعطي بضمير وتبي تفيد الناس ووايد حبوبة وما تبخل بمعلوماتها
والمكان وااااااااااااايد مريح وهادي

متى دورته وبوين ؟

 

[بنت بابا جابر]

رفع للإفاده​