تجاربكم الشخصية مع اي دورة خذيتيها ؟

[طوق البنفسج]

القريشي .. دوراته من اكثر الدورات الي استمتعت فيهم .. ماشاء الله عليه الله يبارك له بهالعلم الي عنده .. انسان ما يبخل بالعلم على احد الي تبينه يعطيج اياه .. من معلومات اسماء كتب .. و باله طويل مع المشتركين و الوقت ماتحسين فيه ولا اتملين ..


حضرت عن وايد ناس بس مل شفت كرم بالملعومات مثله .. حتى لو تسالينه خارج الموضوع يجاوبج ..

و حظرت عن ايوب الايوب و الثويني و الخليفي ووايد بعد ما اذكر اساميهم

 

[smile kw]

ودى اصحح حق الاخت اشواق معلومة قالتها
الاحت امانى الفرحان والنعم فيها انسانة رائعة وطيبة وايد وصح اخذت دورة nlp new code
بس هي مو اول مدربة في الnlp newcode
احنا كنا تقريبا 12 وحدة من كويتيات وسعوديات تخرجنا غلي يد جون جريندر والدكتورة كارمن بوستيك اللى كانت تدرب معاه واخذنا الدورة بشرم الشيخ مصر والاحت امانى كانت زميلتنا ومعانا
للتوضيح بس
والاخت قلب راشد وايد ناس يعطون دورات بدون ترخيص ولا حتى عندهم خلفيات علمية والغريب كل واحد مسمي نفسه مدرب عالمي ؟؟؟؟؟؟
ولا واحد فيهم درب بر حدهم كم دوة خذوها بالكويت ويقولون مدرب عالمي ودى اعرف ليش جذيه؟
لازم يكون عند الواحد مصداقية د.صلاح الراشد ود.نجيب الرفاعي ود.محمد الثويني كلهم مدلربين وخريجين امريكا واعرفهم شخصيا ولا واحد منهم قال انه مدرب عالمي ليش؟لان عندهم ثقة عميقة وبالغة بالنفس اما اللي مو متمن من نفسة يقول مدرب عالمي؟؟؟

 

[smile kw]

انا من زمان في مجال الدورات من 10 سنوات واخذت دورات بلندن وامريكا مو بس بالكويت
وبصراحة المراكز الل اثق فيها وبدوراتها مركز الراشد الوحيد اللى ييب مدربين عالمين من امريكا ولندن وهولندا
مقابلهم الدكتور صلاح الراشديعنى مدربين عالميين وهم بييبون المدربه العالميه الخطيرة لين ماكتاجرت خو بعد مشهورة عالمايا ما اعتقد احد ما يعرفها تكفون بس حطوا اسمها بالجوجل شوفو شنو مكتوب عنها lynn mactag
مشهووووورة على مستوى العالم وصاحبة كتاب ذ فيلد the field
فبراير/2009
وبعد المدرب العالم صج العالم اليابانى وياييبين لهه مترجم من السفارة معتمدته السفارة اليابانية وسووو سيرج عنه بالنت وتاكدوا بنفسكم
لا يطوفكم اسمه emotto
وراح يتكلم عن الماء واسرارة عجييييب؟ بييبونه في 9/3/2009

 

[smile kw]

ويه ممنوع نحط عن الدورات سوووووووووووووري مشرفتنا واله مادريت ترى
تونى قريت بصفحه 4 سوري بايييز

 

['Basma']

بنات شنو اكو دورات يديدة هالايام ؟؟

وقت فراغي طويل وودي استفيد منه

 

[براءة الدنيا]

السلم عليكم أنا تحسفت على القرشى ما سجلت فى الدورات أشلون اعرف عن دورات القادمة تعرفون رقمة

 

[نيولوفر]

موضوع جدا رائع و اتمنى من المشرفات انهم يثبتونه عشان تعم الفايدة

 

[ما أروعك!]

أبي رقم الخليفي ، أو الثويني

أو أي تربوي ممكن يعطي محاضرة بمدرسة

الله يجزاكم خير

 

[Shiny Star]

موضوع رائع ياريت المشرفات يثبتونه

أنا عن نفسي خذيت وايد دورات على مدى سنين وكل دورة كنت لا بد أستفيد منها ولو بشيئ بسيط بنات لا أحد يتوقع أنه إذا كانت الدورة لمدة 5 ساعات راح يستفيد من هالخمس ساعات كلها يعني كل إنسان يتلقى من المحاضر ما يريد

مثل لما نكون بالمدرسة أو بالمحاضرة بالجامعة مو الكل يطلع من الدرس فاهم ومستوعب كل شي وهذي فروقات فردية عادي

وبعدين كل دورة آخذها أكون فعلا محتاجتها بهالوقت ويعتمد طبعا على نضجي الفكري بوقتها وظروفي النفسية كلها تساعد إني آخذ من الدورة اللي أحتاجه وأنا شخصيا دايما أقول إن الغيير أحسن يكون خطوة بخطوة حتى نعتاد عليه يعني لو دخلنا دورة تطلب منا الغيير الكامل ما راح نقدر نتغير ونحس باليأس والفشل لأن صعب ، بس راح يكون سهل لو جاء خطوة بخطوة

بس حسافة المشرفات ما أدري ليش ممنوع نحط عن الدورات أحس إن الكل راح يستفيد إحنا ما راح نسوي دعاية حق أحد ، هذي مجرد معلومات نستفيد منها

 

[أشواق]

ودى اصحح حق الاخت اشواق معلومة قالتها
الاحت امانى الفرحان والنعم فيها انسانة رائعة وطيبة وايد وصح اخذت دورة nlp new code
بس هي مو اول مدربة في الnlp newcode
احنا كنا تقريبا 12 وحدة من كويتيات وسعوديات تخرجنا غلي يد جون جريندر والدكتورة كارمن بوستيك اللى كانت تدرب معاه واخذنا الدورة بشرم الشيخ مصر والاحت امانى كانت زميلتنا ومعانا
للتوضيح بس
والاخت قلب راشد وايد ناس يعطون دورات بدون ترخيص ولا حتى عندهم خلفيات علمية والغريب كل واحد مسمي نفسه مدرب عالمي ؟؟؟؟؟؟
ولا واحد فيهم درب بر حدهم كم دوة خذوها بالكويت ويقولون مدرب عالمي ودى اعرف ليش جذيه؟
لازم يكون عند الواحد مصداقية د.صلاح الراشد ود.نجيب الرفاعي ود.محمد الثويني كلهم مدلربين وخريجين امريكا واعرفهم شخصيا ولا واحد منهم قال انه مدرب عالمي ليش؟لان عندهم ثقة عميقة وبالغة بالنفس اما اللي مو متمن من نفسة يقول مدرب عالمي؟؟؟

مشكووره على التوضيح بس انا اللي أعرفه إن ما فيه غير أ. أماني الفرحان يقدم هالدوره بالكويت وبالسعوديه ما فيه غير د. علوي وواحد بالامارات شيخ ولد النعيمي بس ما أدري شسمه :/ ولا تزعليين كلكم أواائل

وونااسه بيننا مدربه عيل نااطره الدوره مجاانا ..

ولقب مدرب عالمي اللي أعرفه انه يعطي لكل من يتتلمذ على يد مؤسس علم أو شهاده دوليه تأهله أن يعطي خارج الكويت ..

بغض النظر إنه أعطى فعلا أم لا بدول غير دولته

وفيه معلومه بعد توني أعرفها صححي لي اياها إن د. صلاح مو مدرب بل ممارس برمجه وكاان يعطي دورات بناءا على دراسته بعلم النفس وليس التدريب كتدريب

والي أعرفه إنه فيه واايد مراكز تييب مدربين نفس اللي يتعاملون مع مركز الراشد بأسعار أقل يعني مصطفى أبو السعد قدم ممارس برمجه بالراشد بـ 500 وشي ومع الاصلاح ب120 @@

وبوخضور و علاء الدم واايد أسماء تقدم مع الراشد أغلى من مع مرااكز ثانيه ونفس الشهادات :/​

 

[أشواق]

سووري قررقت واايد

 

[أشواق]

عن نفسي صاار لي سنه بس من بديت بهالمجاال قمت احضر داخل وخارج الكويت دوررات والحمدلله استفدت وتعدلت شخصيتي واايد

 

[Ma 3endy Salfa]

مشكوره على هالموضوع القيم وودي أشارككم فيه
أنا جربت وايد مدربين بس الصراحه ماكو على د. ليلى الربعي خيااااااااااااااااااااااااااااااااااااااااااااااااااااااااال رووووووووووووووووعه كل اللي خذوا عندها دورات يمدحونها جربتها صج صج صج استفدت .أخذت أول شي دورة تخفيف الوزن واستفدت منها وايد وايد مو بس في تخفيف وزني لا ما تتصورون اشلون شخصيتي تغيرت شلتوا وحده وحطيتوا وحده شي خيال مهما أوصف ما أوفيها حقها هذا راي كل اللي جربوها واذا بتعرفون أكثر عن هالموضوع شوفوا شنو مكتوب عنها في منتدى السمنه والنحافه تحت عنوان " استفسار بخصوص د.ليلى الربعي اللي بقرطبه للرجيم منو جربها "وهذا هو الرابط
http://www.q8yat.net/showthread.php?t=149123
وأخذت بعدين دورة العلاج بطاقة الألوان وكانت ممتازه استفدت منها وااااااااااااايد وغيرت حياتي 180 درجه.وانشالله باخذ كل دوراتها اذا نزل جدولهم الجديد لأنها الصراحه وايد متمكنه من معلوماتها ونفسها حلوه كله مبتسمه وكريمه وااااااااايد وااااااااااايد بالمعلومات وفعلا شغلها بضمير

فعلا آنا كويتية اايدج 1000% أنا أخذت عندها دورة تخفيف الوزن للأمانه ممتازة وفعلا مثل ما قلتي تشتغل بضمير وتعطي من قلبها وفعلا دوراتها غيرتني وكل من لاحظ علي التغيير الحمد لله وهم اخذت عندها العلاج بالألوان وبعد أخذت دورة مبادئ العلاج بالطاقة الحيوية ودورة زيادة تقدير الذات والحين بدش انشالله دورة الحرية النفسية اللي بتصيرلأول مرة بالكويت بشهر واحد وعلى فكرة ترى د.ليلى هي اول خبيره ومدربة في الحرية النفسية بالكويت والوحيدة اللي تقدر تسوي هالدورة وتعطي فيها شهادات معتمدة من الاتحاد المسئول عن هالعلم وهي بعد الممثل الرسمي لهالإتحاد (آسفة ما أذكر اسمه )

 

[Ice CreaMa]

ابي اخذ دورات شلوون الطريقه

وين اروح وشلون على الرسوم

اتمنى اتساعدوني

وشكرا

 

[Shiny Star]

بنات شوقتوني على دورات د. ليلى الربعي بأي مجال تعطي وإذا ممكن رقمها عالخاص بليز

 

[قلب راشد]

فعلا آنا كويتية اايدج 1000% أنا أخذت عندها دورة تخفيف الوزن للأمانه ممتازة وفعلا مثل ما قلتي تشتغل بضمير وتعطي من قلبها وفعلا دوراتها غيرتني وكل من لاحظ علي التغيير الحمد لله وهم اخذت عندها العلاج بالألوان وبعد أخذت دورة مبادئ العلاج بالطاقة الحيوية ودورة زيادة تقدير الذات والحين بدش انشالله دورة الحرية النفسية اللي بتصيرلأول مرة بالكويت بشهر واحد وعلى فكرة ترى د.ليلى هي اول خبيره ومدربة في الحرية النفسية بالكويت والوحيدة اللي تقدر تسوي هالدورة وتعطي فيها شهادات معتمدة من الاتحاد المسئول عن هالعلم وهي بعد الممثل الرسمي لهالإتحاد (آسفة ما أذكر اسمه )

ونااسه أبي رقمها هالدكتووره الكل يمدح فيها وشنو دوراتها اليايه ؟؟

بس اذا قصدج eft الحريه النفسيه انا ماخذتها قبل شهرين عند بو خضور وهو معتمد بعد لاعطائها يعني مو أول مره بالكويت ولا اهي اول وحده تعطي هالدوره

 

[Ma 3endy Salfa]

ونااسه أبي رقمها هالدكتووره الكل يمدح فيها وشنو دوراتها اليايه ؟؟

بس اذا قصدج eft الحريه النفسيه انا ماخذتها قبل شهرين عند بو خضور وهو معتمد بعد لاعطائها يعني مو أول مره بالكويت ولا اهي اول وحده تعطي هالدوره

قلب راشد ادز لج رقمها على الخاص أخاف ما يصير نكتبه هنيه وبالنسبة للدورة هي فعلا أول دورة معتمدة في الكويت يعني فيها شهادة معتمدة من اتحاد مسارات الطاقة وشوفي هذا الكلام للتأكيد أنا بصراحة أخذت الكلام اللي فيه لأنه من د.حمود العبري يمكن هذا يوضح اللبس .

دورة متميزة من المدربة الرائعة ليلى الربعي.

وهذي اول دورة في الحرية النفسية معتمدة من الإتحاد التطويري لمسارات الطاقة في دولة الكويت الحبيبة. سجل يا تاريخ هذا الحدث الرائع.

وأن شاء الله تكون بداية خير و إنطلاقة الدورات المعتمدة في الكويت وعقبل دورة الممارس و المستوى الثالث والمدرب المعتمد بإذن لله تعالى.

مع اطيب الامنيات،،،
د. حمود العبري
Keep on tapping

ودشي هالرابط اللي فيه الكلام المكتوب

http://www.nlpnote.com/forum/showthread.php?p=140100&posted=1#post140100

 

[Ma 3endy Salfa]

ما عليج امر عندج فكره اذا التسجيل ليلحين مفتوح؟

ايه مفتوح لين يوم الأربعاء بس احتياط دقي عليهم قبل لا تروحين أخاف يكون العدد اكتمل وسكروا التسجيل وتروح عنوتج خسارة

 

[قلب فضيخ]

هذا موقع أ. نبيلة النغيشمي
http://www.alnubalaa.com/

مشكوره حيل كويتيه ذهبيه والماسيه

 

[هبة الكويت]

السلام عليكم ورحمة الله وبركاته

أنا حبيت أشارك بهالمنتدى لانه وايد عجبني هالموضوع

أحب تطوير ذاتي و أحضر دورات وايد حضرت للدكتور جاسم المطوع والدكتور يحيى الغوثاني والدكتور عبدالرحمن القريشي

بس أحلى تجربة خذتها بين كل هالدورات تجربتي بدورات دورات الدكتور القريشي اهوا طبعا مو دكتور بس مستواه احسن من وايد دكاترة وبالجامعة بعد

أخذت معاه تقريبا كل دوراته ولانها كانت تجربة مميزة جدا ودي أشارككم فيها

1- تنظيم دوراته مو وايد قوي بس أسلوبه ينسينا هالسلبية خصوصا انه يتعامل مه مراكز تدريب وايد بالكويت


2- أسلوبه بالدورات متسلسل يعني يبدأ بمعلومة وبعدين معلومة اقوى ويشد الانتباه ويحس فينا لما نتعب من ضغط المعلومات ويخف بالمعلومات ويستبدل هالوقت ببعض القصص المسلية او اللي تخلي نشاطنا يتجدد


3- نوعية دوراته عجييييييييييييييييبة يعن دوراته اللي حضرتها معاه احسبوا وياي
( دورة وين رايحين وهي محاضرة تعلمنا كيف نحدد هدافنا بالحياة والزين فيها انها عملية مو كلام بس يعني ياخذنا خطوة خطوة
- دورة الفراسة هي 3 أيام بس حسيتها 3 دقايق ومر الوقت بسرررررررررررررعة من كثر ما احنا مستانسين وكان يراعي ان الحضور أغلبه بنات فيعطينا أسرار لاكتشاف كذب الزوج :dddds: والعجيب انها تحلل الشخصية من الصوت وحركات الجسم واسلوب الكلام يعطني زوجي مصيود مصيود

- دورة الجرافولوجي الاخيرة وكانت من تنظيم الأكاديمة العالمية لاعادة الاتزان البشري اللي فتحوا لها مكتب هني بالكويت ومنها يسوون دوراتهم وبصراحة فرق وايد أسلوب الاستقبال والتنظيم في آخر دورة كانت وايد حلووووة وطبعا اهي الدورة اللي اشتهر فيها القريشي والدورة اللي حضرتها كانت رقم 92 بعدد المرات اللي قدمها

- دورة الذاكرة وكانت يومين بس اسلوبها عملي ونطلع بفوايد وايد قوية شلون نطور ذاكرتنا خطوة بخطوة

- دورة تحليل رسومات الكبار والصغار 4 ايام بعد كانت وايد مؤثرة لانها اساليب سريعة وعملية في اكتشاف الاطفال والكبار من طريقة رسمها وانا قبل ما ادخل الدورة كنت اظنها خرابيط وخرافات بس هي كانت مفتاح دورات القريشي الباقية)

4- كان كمدرب مايسوق لدوراته اليايه باسلوب بعض المدربين مثل واحد دكتور ومعروف سألته سؤال قالي اووووه هذا سؤال عشان نجاوب عليه لازم تحضرين عندي الدورة الفلاية هذي الحركة تنرفزني بس ماكان يسويها او يمكن سواها بطريقة ذكية جدا من غير أنه يحسس الموجودين تعالوا دوراتي وهو من غير مايقول دوراته ادمان انا خلصت راتب على هالدورات :eh_s(6):

5- ما هو بخيل ابدا بالمعلومة يعطينا من كل قلبه ويطلع بعض الاحيان من الموضوع بس عشان يجاوب سؤال واحدة من الحضور طبعا اول القريشي ماكان يهتم بالوقت بس اخر الدورات بدا يلاحظ الوقت بزيادة

بشكل عام كانت تجربة رااااائعة غيرت حياتي وقضيت وقت حلو وسويت علاقات وايد في بعض الدورات فادتني بعد الدورة وكسرت عندي حاجز الخوف من الاخرين وهذا اللي لاحظه فيني المدرب وقالي اياه اني شايف بخطج خوف من الاخرين بس متى قالي اياه آخر الدورة لما حطني بمجموعة وخلاني القائدة وانا مادري ليه اختاري كااااااانت حركة وايد حلوة كسرت الحاجز بشكل قوي أنا فخورة اني حضرت عند هالمدرب الرائع وأكيد اي واحدة دخلت دوراته من قبل تقدر توافقني الرأي أو تعارضني بس صحيح أنا ادعي له بكل صلاة ان الله يوفقه ويوصل للدكتوراه وينفعه بعلمه ويزيده من فضله​

أنا للحين متواصلة وياه وأعطيه أخبار التحاليل أول بأول واهوا الحين موجود بالكويت وعنده مجموعة دورات ماقدر يقولي جدوله كله لانه كان حيل مشغول بس عنده دورة من تنظيم سهير علي المفيدي ومركزها اس تي اس والدورة اول مرة يقدمها داخل الكويت اللي اهيا دبلوم الان ال بي (البرمجة اللغوية العصبية ) 5 أيام بتصير بأول السنة اليديده 2009 إن شاء الله وبأحضرها أحد يصوت على حضورها؟؟؟؟