معلمات! شكله الناظره بكتبلي لفت نظر (يحق لي ما أوقع عليها بهالحاله؟)

[ليلى رمضان]

انا معلمة متوسط والحين فتره إمتحانات وتصحيح
طبعا كلة أشوف الأبلات يستأذنون من رئيسة القسم وقت التصحيح علشان يروحون المطعم اييبون ريوق
مع إنه قالت الناظرة حسب ما أتذكر انه الإستأذان ممنوع وقت التصحيح إلا لمن نخلص الشغل .

طبعا أنا كان عندي معاملة ضروري جدا جدا أخلصها اليوم ( وهالمعاملة تخصني وتخص زوجي )
وكان آخر يوم اهو أمس بس قالتلي الموظفة انتي حالة استثنائية واذا مايبتي المعاملة الأربعاء قبل الساعة 12 خلاص تعالي السنة الياية .

انا قاعدة أصحح الأمتحانات عالسريع ما وقفت كلش ___>> وطبعا هذي تتكلم بالتليفون وهذي استأذنت من رئيسة القسم علشان تروح المطعم.
انا لما طقت الساعة 11 وخلصت معظم التصحيح وجمع الدرجات حق صفين من أصل 4 استأذنت من رئيسة القسم وقلتها
الله يخليج ضروري الحين أطلع علشان أخلص المعاملة __>> قالتلي وين : قلتلها الخالدية قالتلي :ليش؟؟
انا بصرااحة ماقلتلها لانه شي خاص بيني وبين زوجي وماحبيت أتكلم جدام الأبلات المهم قالتلي خلاص روحي بس لاتتأخرين
(على أساس دورها تبلغ الوكيلة )
لما رحت ورديت ماأشوف إلا الوكيلة ويمها الناظره يسألوني وين رحتي قلتهم السيارة ورديت
اخر شي لما اسألو رئيسة القسم قالتلهم مادري اهي ماقالتلي وين بتروح ولاأدري ليش ؟ ( ولاحظو انا قايلتلها رايحة الخالدية عندي معاملة واذا ما خلصتها راح تتأجل ليه السنه اليايه ) وتخيلو فهمتهم اني جذبت عليها وعليهم ولا كأني استأذنت منها

الله يخليكم عطوني تصرف شسوي الحين ( شكلة الناظرة كتبتلي لفت نظر )
موالمفروض انه رئيسة القسم اهي اللي تحمل لاني استأذنت منها حالي حال الباجي ومارحت والا وعندي حاله طارئة

 

[Q8stylle]

صح كلامج المفروض رئيسه القسم يكون ردها واضح
وهي عارفه وين بتروحين

 

[84 Miss Chocolate]

صراحه مادري اشفيهم هالمدرسات كل وحده ما تفكر الا بنفسها جدام الاداره .. انا لو منج ارووح اقول حق الناظره السالفه و الله يكتبلج الخير .

 

[قلب راشد]

داام الناظره ما كلمتج يعني ما كتبت لج لفت نظر لأن لفت النظر لازم توقعين عليه

 

[ليلى رمضان]

مو هذا اهو باجر الناظره راح تكلمني

 

[ليلى رمضان]

الله يخليكم 46 وحدة دشت ماردو إلا 3
اشدعوه انا متوهقة والله وقلبي قاعد يعورني على سالفة لفت نظر باجر

 

[السنعة2]

بلغي الناظره بالي صار بالضبط
ومره ثانية خلي استاذانج رسمي وموثق من الاداره احسن
ومن حقج الاستاذان

 

[كولوراديه]

المفروض كنتي تستأذنين من الوكيله مو رئيسه القسم احسن من التوهق والحركات البايخه إلي يسوونها
وضحي موقفج لهم واللهخ يكتبلج الخير

 

[¤§ زيتونة §¤]

حبيبتي


لا تحاتين


قولي حق الناظرة السالفة كلها وفهميها انه ماكو مجال للتاخير وانه الموضوع ضروري ومعاملة مهمة وهذا دوام رسمي والتصحيح ما راح يتعطل ولا يوقف عليج

انا اليوم عندي تصحيح ورحت موعد طبيب ورجعت ولقيتهم مزهبين نصيبي من الريوق
وبادين تصحيح

وتريقت وصححت والحمدلله ما انهد الكون وشحلوهم وشحلو ناظرتنا الله يخليها تقدر وتراعي الظروف حيل


يعني الواحد شيسوي يقسم نفسه نصين عشان يخلص اشغاله اللي ما تنتهي الا فترة الصبح ولا يخلص شغل المدرسة اللي ممكن انه يتاخر شوي



الله يعينج حبيبتي وان شاءالله تنسى السالفة وعموما انتي خليج صريحة وياها حتى لو تضطرين تقولين لها السالفة امرج لله

 

[أم سعـود]

وع وع تصحيح ولويه الله يعينكم


عادي حبيبتي قولي لها كلشي

لاتبرئين احد

عليج وعلى اعدائج قوليلها انج عندج معامله ضروري وبلغتيهم وان شفتيها مجذبتج قولي انا استأذنت حالي حال غيري واهي قالت روحي


لاتوقعين لفت نظر ترا بيظل بملفج نقطه سووده

 

[shelatah]

طالما انج استأذنتي من رئيسة القسم ما عليج شي

 

[ضحـاوي]

انت استأذنتي منها وقالت لج روحي

يعني رئيسة قسمج الي تتحمل المسؤرليه

وغلط تقولين لهم كنت رايحه السياره المفروض تقولين الصح لانج ما غلطتي هذي ممكن تنمسك عليج

 

[Eva-SS]

قولي الصج عادي

وبعدين كان لازم تستأذنين من الوكيلة مو رئيسة القسم

 

[(كويتيه عسل)]

روحي للناظره وقوليلها كل شي

علشان ترتاحين وتبردين ذمتج

 

[زري منثور]

قولي الصدق احسن لك والله


والله يعينك

 

[ليلى رمضان]

انا فعلا غلطت لما قلتلها "رحت السيار ة ورديت " لاني خفت من هالإستجواب وعلبالي انا اللي أتحمل المسؤولية مو رئيسة القسم
لا تلوموني هذا اول كورس حقي للحين غشيمة مادري شلي لي وشلي علي
عالعموم انا داومت اليوم والناظرة ما كلمتني بس هم قاعده أحاتي انه الناظره قاعدة تتحقق من وراي لانه اللي عندنه أفعى يابنات ماراح تصدقون .
عالعموم أشكركم واااايد لانه الحين عرفت اشلون ادافع عن نفسي وانشالله مستعده حق أي طارئ يوم الأحد وانشالله مالهم ممسك علي

 

[(كويتيه عسل)]

انا فعلا غلطت لما قلتلها "رحت السيار ة ورديت " لاني خفت من هالإستجواب وعلبالي انا اللي أتحمل المسؤولية مو رئيسة القسم
لا تلوموني هذا اول كورس حقي للحين غشيمة مادري شلي لي وشلي علي
عالعموم انا داومت اليوم والناظرة ما كلمتني بس هم قاعده أحاتي انه الناظره قاعدة تتحقق من وراي لانه اللي عندنه أفعى يابنات ماراح تصدقون .
عالعموم أشكركم واااايد لانه الحين عرفت اشلون ادافع عن نفسي وانشالله مستعده حق أي طارئ يوم الأحد وانشالله مالهم ممسك علي

نفس الحاله عندنا وعندج خير :krkrkr:

حبيبتي مادام مايابتلج طاري بالموضوع ولا نادتج علشان توقعين على لفت النظر

معناته الموضوع انتهى

بعدين اليوم الخميس وعقبها عطلة الويك آآند شذكرها من امس لي الاحد

حبيبتي انا اقولج مره ثانيه ان الموضوع نتهى وماراح يعطونج لفت نظر

وانا مسؤوله عن كلام وانسي واستانسي

Happy Week END :gathering:

 

[وافية*]

ياحليلكم هذي اي مدرسة اللي تستاذنين من رئيسة قسمج شفوي وتطلعين واللة احنا مدرستنا معتقل ماتطلعين ولادشين الاببطايق من الوكيلة ولو تدرعمين بدون بطاقة ينطلج الحارس رايحة فيييييييييييييين ياأستازة؟؟؟

 

[شفافة]

وافيه انتي باي مدرسة

جنج بمدرستي ؟؟

 

[درر النور]

حبيبتي أنا مدرسة وأعرف كذب وألاعيب بعض رئيسات الأقسام والله العظيم يكذبون ويشهدون زور علشان مصلحتهم .. حبيبتي الصدق منجاة .. قبل لا تطلعين من بيتك صلي صلاة الحاجة وادعي الله انه يوقف معاك .. وبعدين روحي قولي حق الناظرة الصدق انك ما طلعت الا عقب ما سمحت لك رئيسة القسم .. وقولي أنا أشهد رب العالمين .. والله كريم وثاني مرة لا تستأذنين الا رسمي .. قطيعة رئيسات الأقسام بعضهم كذبات الله يكفيك شرها.. وقولي حسبي الله ونعم الوكيل .. والله وحده فيه الكفايه ..