ملتقى الأمهات - مدارس الخاص + فهرس المدارس الخاصهܓܨ@

[برونزية رشيقة]

رد: ملتقي الامهات - مدارس خاصه

زين قطو1 الحمدلله
الله يهديه لج ان شاالله


امهات الله يعافيكم ابي طريقه أحبب فيها التلوين لولدي
قبل جم يوم قالت لي ابلته انه بالتلوين يشخبط فحاولي بالبيت تخلينه يرسم
شريت له كراسات والوان وخليته يختار اللي يبي
بس أحسها صارت مشكله
مااااايحب إلون
يمسكه دقيقه ولايلون بس يحدد الرسمه ويقووم
حاولت فيه بالطيب بالهداوه ماااكو فايده
امس شديت عليه وحسيت اشوي وأطلع من طوري
مابيه يكره التلوين ومسكة القلم
وباجر يكره الكتابه

خبرااتكم ياأمهات

آمين يارب العالمين .. مشكورة عالدعوة الحلوة :klhfl:

 

[برونزية رشيقة]

رد: ملتقي الامهات - مدارس خاصه

سر القلوب

العفو حبيبتي ماسويت شي

قطوه
زين اشوه الحمدلله عيل العيب بالمدرسات ولدج
اكيد اهمه يعاقبونه وايد على بو انه شيطان بالمدرسه فمايحب المدرسه تفاهمي معاهم لازم

لف سنوري
عندنا وعندج خير انا كلهم ما يحبون التلوين رسمهم كله خرابيط ومرااااااات اشوف رسمه حلوه
مع اني غرامي الرسم

تايجر / أنا ولدي نشيط اسم الله عليه يبيله مدرسة بالها طوووووووووويل معاه ... عرفوا له المدرسات بس هذي مالت الإسلامية مسكينة بدون شخصية ... وماكو خبرة بالتدريس .... وشغل لا ابتكار لا إبداع ... جنج قاعدة بالكتاااااااااااااااب مال الفلاليح والله هذي طريقتها بالتدريس !!!! مادري أشتكي عليها ؟؟؟؟؟؟؟؟ فقيرة تكسر الخاطر :gathering:

 

[برونزية رشيقة]

رد: ملتقي الامهات - مدارس خاصه

زين قطو1 الحمدلله
الله يهديه لج ان شاالله


امهات الله يعافيكم ابي طريقه أحبب فيها التلوين لولدي
قبل جم يوم قالت لي ابلته انه بالتلوين يشخبط فحاولي بالبيت تخلينه يرسم
شريت له كراسات والوان وخليته يختار اللي يبي
بس أحسها صارت مشكله
مااااايحب إلون
يمسكه دقيقه ولايلون بس يحدد الرسمه ويقووم
حاولت فيه بالطيب بالهداوه ماااكو فايده
امس شديت عليه وحسيت اشوي وأطلع من طوري
مابيه يكره التلوين ومسكة القلم
وباجر يكره الكتابه

خبرااتكم ياأمهات

أنا أذكر كنت شارية كاكاو صغار كيس منوع ( سنيكرز - باونتي - مارس ) أصغر حجم إللي كبر الشاكليت الصغار ... :ada:
كل ما لون لو إنشاءالله نص صفحة أعطيه كاكاوة صغيرة .... وباجر يكمل نفس الصفحة وكاكاوة وجذي .. وأرسم له فوق الصفحة نجمة بالقلم الأحمر يعني أنا مستانسه عليه ... :klhfl:

وشوي شوي قام يحب التلوين وإذا ما يبي ما أضغططططططططط عليه ...

جربي طريقة الكاكاوة ؟؟؟؟؟؟؟؟؟

 

[* LOVE STORY *]

رد: ملتقي الامهات - مدارس خاصه

مشكوورة قطوة1
جربت طريقة ملكة بيتها يزاها الله خير وجنها فادت شوي
وبجرب طريقتج بعد

 

[* LOVE STORY *]

رد: ملتقي الامهات - مدارس خاصه

love story اذا بتحببينه بالتلوين والرسم خليها على لعب يعني لعبي انتي وياه وسوي مسابقه على نفس الرسمه بينج وبينه بجذي يستانس ويبي ينافسج وراح يلون عدل ..

تسلميين حبيبتي
بجرب هالطريه ان شاالله

 

[حلم الطفولة]

رد: ملتقي الامهات - مدارس خاصه

love story >>
عطيه نوت بوك صغير من الجمعيه .. بو امية فلس . .. ( المذكره الصغيره حيل .. ) .. ورسمي له بصفحه دائره صغيره قولي له لون داخلها .. ومره مربع ومره نجمه .
الاطفال الي مايحبون التلوين .. يملون من الرسمه الكبيره الي فيها تفاصيل ,, ويبون يفتكون فيشخبطون ..
بس انتني خلي دايما الرسمات بسيطه ومافيها زود تفاصيل وصغيره .. وبالتدريج من دائره ونجمه .. ليه بطه ..و سمجه .. الى ان توصلين معاه حق لوحة بشيطه .. مثلا مركب وبحر وشمس ..
بس أهم شي نكون صغيره وبسيطه ..
وخلي النوته دايما معاج بجنطتج وين ماتروحون وللا تزورون وللا حتى بطريج سياره عطيه يلون فيها ..
وأكو بعد من محلات ميه ميه .. ومن بعض مكتبات حولي .. دفاتر تلوين نفس المواصفات .. ورسماتها جاهزه ..
والله المستعان وان شالله يستفيد ...

للفايده قلت اعيده لوف ستوري .. لأن هالطريقه كنت اسويها لبناتي .. _03ba:

 

[* LOVE STORY *]

رد: ملتقي الامهات - مدارس خاصه

للفايده قلت اعيده لوف ستوري .. لأن هالطريقه كنت اسويها لبناتي .. _03ba:

حياتي والله ياحلم الطفولة ماقصرتي
بجربها ان شاالله

 

[الثريا]

رد: ملتقي الامهات - مدارس خاصه

السلام عليكم
أشكر الأخت المشرفه صاحبة الموضوع والصراحه وايد مفيد
يا بنات ديرتي محتاجه مسااااااااااااااعدتكم
أنا ولدي في صف رابع في المدرسه الأمريكيه الدوليه ais
وللعلم اهو يدرس برا الكويت
وانشاءالله بنرجع الكويت بعد سنه
وأبي مدرسه أمريكيه سهله سهله سهله لأن aisحدها صعببببببببببببببببببببببببببببببببببببببببببببببببببببه
وعلى فكره في منها فرع بالكويت بس ما أبيها عوووووووووع منها
شنو تشورون عليي ؟؟؟؟؟؟؟؟؟؟؟
شلون التكامل ؟؟؟؟ صعبه ؟؟؟؟ تراني متعقده من ais

 

[jolie_q8]

رد: ملتقي الامهات - مدارس خاصه

الثريا انا ولدي بالتكامل بس توه بأولى

مادري شنو المستوى في المراحل الثانيه

ان شاءالله البنات يفيدونج

----------------

تاقر- رفرف - مناره

اشلونكم؟ باجر اخر يوم دراسه وتسليم الريبورت

استعديتوا؟


عيالكم يداومون والا مغيبينهم؟

انا طبعا يروحون لانه ولدي العود عنده باجر املاء انجلش .. وبس بعدين ياخذون راحه شويه

 

[Miss_Tiger79]

رد: ملتقي الامهات - مدارس خاصه

الثريا
الله يودكم بالسلامه انشالله
والتكامل عيالي فيها بس الي اسمعه انه مستواها وايد زين بس اذا صعبع او لاء ما اقدر افيدج

جولي
اي عيالي مداومين ومتزهبين حق الزيبورت وباجر بيدزون اوراق الي قبلوهم على كلام مس ساره

 

[manarah]

رد: ملتقي الامهات - مدارس خاصه

الثريا انا اللي اعرفهم بالتكامل في بقريد 3 وفي بقريد 7 وماشالله كلهم مستواهم زين بس انا اقولج يجابلون ويدرسون يعني المناهج تحتاج دراسه مكثفه مو اي شي .. بس اللي يدرس يلقى نتيجه طبعا .

جولي انا ولدي امداوم بس باجر بغيبه لان ايده منكسره وباجر عنده موعد بالطبيب .. والريبورت بروح اخده انا انشالله .

 

[Queen-q8]

رد: ملتقي الامهات - مدارس خاصه

بنات

احد يعرف شيء عن الانجليزية للبنات

شلون مستواها واقصد للابتدائي

نظام التدريس قوي والا خواره

المدرسات شلونهم يعني جنسياتهم مستواهم فاهمين والا على البركة

التعامل بالنسبة للمدرسات والادراة

انا عيالي مدرسة انجليزية مختلطة وابي وحدة فصل
طبعا الثنائية اسعارها نار وشرار

وودي بالابداع بس غالية يعني 3 ابتدائي 2500 دك يعني شوي مبالغ فيها

وهمن ودي اسال عن اي مدرسة ثنائية او امريكية فيها فصل وقوية غير الابداع ؟ ولا تقولون رياض الصالحين وايد ناس ما امدحتها بصراحة ؟؟
ابي شيء قوي ومعترف فيه وفصل ......

يا ليت تفيدونا لان التسجيل ماباقي عليه شيء

 

[Miss_Tiger79]

رد: ملتقي الامهات - مدارس خاصه

وييييييييي سلاماااااااااات مناره على ولدج
ومايشوف شر انشالله

 

[ملح و سكر]

رد: ملتقي الامهات - مدارس خاصه

بالنسبه للمدارس الخاصه انا ولدى مدخلته فى الاكاديميه الانجلو ارب ثنائية اللغه في حولي وابي اعرف جم اسعار الابداع حق g6 ومشكورين

 

[jolie_q8]

رد: ملتقي الامهات - مدارس خاصه

سلام امهات

اشلونكم

.. بالنسبه للمدارس اللي سألتو عنها ملح وسكر وكوين كويت .. ماعندي اي فكره للاسف

-------

امهات التكامل اشلونكم؟

اليوم خذيت الشهاده .. الحمدلله كلشي زين

وانتو بشروا؟

دانسغ كوين بشري عن البنات؟

 

[الثريا]

رد: ملتقي الامهات - مدارس خاصه

jolie_q8
Miss_Tiger79
manarah
مشكورين على الرد وربي يسهل انشاءالله

 

[اي اسم]

رد: ملتقي الامهات - مدارس خاصه

اسعار الابداع للعام 2008-2009 كالاتي وانا ماخذتهم من موقعهم بالنترنت بس يمكن يزيدونها على السنه الجاية - اتمنى من امهات الابداع يفيدونا اذا في تغيير على الاسعار او لا
أولا: الرسوم الدراسية:
المرحلة الرسوم السنوية
التمهيدي -/1350 د.ك
الروضة الاول -/1504 د.ك
الروضة الثاني -/1623 د.ك
الابتدائي من 1-4 -/2274 د.ك
الخامس -/2467 د.ك
المتوسط من 6-8 -/2567 د.ك
الثانوي 9-12 -/2912 د.ك

 

[Queen-q8]

رد: ملتقي الامهات - مدارس خاصه

جولي كويت

مشكووورة على الرد


اي اسم

مشكووورة على الاسعار

بس نبي نعرف مستوى الانجليزية للبنات شلونها ؟؟ وشلون المدرسات وجنسياتهم واسعارها؟؟؟ التدريس والمناهج وانا اقصد للابتدائي رابعه وما فوق وهمن التاسييس

 

[Miss_Tiger79]

رد: ملتقي الامهات - مدارس خاصه

هلا جولي
اي خذيت الشهاده اليوم
والحمدلله كل شي زين
ها وصلتلج ورقه القبول ( قبول الجامعه )

 

[jolie_q8]

رد: ملتقي الامهات - مدارس خاصه

اي وصلت وصلت .. قبول هارفارد

لول .. الله يعين