حملة (( رشاقتي مع لذوذه )) بالصور--انتهت الحمله وبانتظار النتائج

[digital]

رد: حملة (( رشاقتي مع لذوذه )) بالصور

عبقريه الطماط المجفف كنت اشتريه من مركز سلطان

بس قبل جم شهر بمعرض المنتجات الاستهلاكيه اللى بمشرف لقيته هناك

ممممممممممممم اعتقد الربع كيلو كان ب 6 او شي جذى والله مو متذكره عدل

 

[digital]

رد: حملة (( رشاقتي مع لذوذه )) بالصور

السناك 3 شرايح اناناس والكاسكوه مناشبتنى تبي تاكل معاي

 

[just-me]

رد: حملة (( رشاقتي مع لذوذه )) بالصور

السناك 3 شرايح اناناس والكاسكوه مناشبتنى تبي تاكل معاي



صباحو ديجيتال ... شكلنا بس انا وانتي اليوم قاعدين نسولف بس عفية عليج الله يتمم عليج شطورة ...(فيني لقافة ) ... شنو اسم كاسكوتج ؟؟؟؟ عند أهلي وحدة مليقة بس تصارخ الحمدلله والشكر مو صاحية

عبقرية انا برأيي عادي مو ريجيم حرمان وتجويع.... ولا وحش فيغا اللي في بطني عن خاطرج اوكي ....انا من عمر الدنيا وانا مسوية ريجيم اضعف وامتن ويتسلط لازم أروح مطعم فبالبيت لازم أخفف و اذا طلعت أقول حق عمري ميخالف اليوم استثناء بس مو استبلاع


attractive_gir و D@NoOos_1m مشكورين على المتابعة و التشجيع ان شاء الله تستفيدون من يومياتنا

قصة صبا و هم القلب .. صحتين وعافية على الريوق بس لو تجربون تأخرونه افضل <<< معاكم دكتورة Just me جربوا منتو خسرانين :hjy5jewf:

بطاطي ليش جذي طقي بريك انتي شناوية ما تحبين بطاطي ؟؟ ما تبين تشوفينها رشيقة وصحية..؟؟

دلوعة بنتي .. How Are You أي فرايدايز رحتي ؟؟ احنا حلينا باللي بمارينا كريسنت حسافة كان ودي نعرف بعض :friends:

 

[دلوعة بنتي]

رد: حملة (( رشاقتي مع لذوذه )) بالصور

صباح الخير بنات
توني صاحية من النوم وقام اشرب ماي..

عبقرية .. انا اشرب اي نوع شاي اخضر عادي
مرات اشتري ليبتون بالنعناع ومرات بالليمون
ومرات في نوع اسمه كواليتي ((مو متاكدة)) وهم مرات اشرب رويال

 

[دلوعة بنتي]

رد: حملة (( رشاقتي مع لذوذه )) بالصور

جست مي
انا رحت فرايديز اللي بالمارينا
اول شي كنا قاعدين برا وبعدين دخلنا داخل

 

[just-me]

رد: حملة (( رشاقتي مع لذوذه )) بالصور

جست مي
انا رحت فرايديز اللي بالمارينا
اول شي كنا قاعدين برا وبعدين دخلنا داخل

صج ؟؟ عيل الله العالم كنا مع بعض بس سبحان الله محد عارف الثاني .. احنا قعدنا داخل هجمنا على التيرتل وطلعنا بره برد

 

[digital]

رد: حملة (( رشاقتي مع لذوذه )) بالصور

just-me

كاسكوتنه اسمهه لول وندلعهه لولي بس واااي شيطاااانه اسم الله عليهه

 

[just-me]

رد: حملة (( رشاقتي مع لذوذه )) بالصور

<<Gap>>​

صباح الخير ... شلون صلوح أمس .. المكان مو ذاك الزود ولا الاصانصير ولا الدرج بس الاكل حلو و اجمالا اوكي
ها ..مسكتي روحج ؟؟؟ طمنينا شالأخبار ؟؟ سبع و الا ضبع ...؟؟
يعني مثلي الصبح هيكارو:wqedqw: و بالليل وحش فيغا :rgewrg:


هيكارو حق جيل اليوم اهيه حبيبة غراندايزر و رفيجهم كوجي كابوتو والوحش (بس مو انا ) اهوه فيغا مع القائد قندال
كح كح كح كح كح كح غبــــــــــــــــار
مادري من وين نطوا على تفكيري هالأوادم ..الظاهر مع اليوع ترجع ذكريات الطفولة و الرؤية تصير صافية ماعليها طبقة دهن :dddds:

 

[GAP^^الكبيرة]

رد: حملة (( رشاقتي مع لذوذه )) بالصور

ما شاء الله
واااايد صفحات طايفتني
انا على حظي اشبك الصبح
وما شاء الله سوالفكم كلها باليل ههههههه

بس بالاول برد على جست مي

حبيبتي... التحزيم ما ينفع الا اذا حاطه ببالج انج بتمشين معاه على رياضه ورجيم يعني حتى السوائل اذا شربتيها غلط بتمتنج والاكل المهروس اذا كان متروس كالوري ما سويتي شي... الله سبحانه وتعال قال وكل واشربوا ولا تسرفوا صدق الله العظبم
محد كان نفسي انا كنت اكل قنجه عيش لو يوعانه... تخيلي الحين لو اكل 4 قفاش واشبع
بالتدريج قللي اكلج
وبالنسبه للرياضه اصلا معرووووووووووف محد يشد الجسم وينقىه عن طريق الدوره الدمويه الا الرياضه
ابتدي 10 دقايق وكمليها بعدين لي ساعه . وكل فتره زيدي شي عشان لا تحسين بالملل

نصيحه اخت لا تحزمين ولا تحورين ولا تسوين بعمرج ولا شي

 

[GAP^^الكبيرة]

رد: حملة (( رشاقتي مع لذوذه )) بالصور

<<Gap>>​

صباح الخير ... شلون صلوح أمس .. المكان مو ذاك الزود ولا الاصانصير ولا الدرج بس الاكل حلو و اجمالا اوكي
ها ..مسكتي روحج ؟؟؟ طمنينا شالأخبار ؟؟ سبع و الا ضبع ...؟؟
يعني مثلي الصبح هيكارو:wqedqw: و بالليل وحش فيغا :rgewrg:


هيكارو حق جيل اليوم اهيه حبيبة غراندايزر و رفيجهم كوجي كابوتو والوحش (بس مو انا ) اهوه فيغا مع القائد قندال
كح كح كح كح كح كح غبــــــــــــــــار
مادري من وين نطوا على تفكيري هالأوادم ..الظاهر مع اليوع ترجع ذكريات الطفولة و الرؤية تصير صافية ماعليها طبقة دهن :dddds:[/quote]

لووووووووووووووووول
عمرج طويل توني كاتبه رد لج
نطري موثقه كل شي بالصور
انتي شلونج وشخبارج

فريج صويلح ما توقعه جذي زحممممممممه زحمممممممممممممممه ويهال و لويه... اقول حق اختي مو ناقصنه الا قليلبه عشان نكمل خخخخخخ

الاكل كان حلو جنه طبخ بيوت
المكان يعني مو ذاك الزود

بس تغير حلو

عاد طلعنا منه ولا نروح ديلايتز
وهم وثقت بالصور
نطرووووني

 

[digital]

رد: حملة (( رشاقتي مع لذوذه )) بالصور

بنااات سويت معمول تمر حق زوجي

ميخالف اكل وحده؟؟؟

 

[ضحى الكويت]

رد: حملة (( رشاقتي مع لذوذه )) بالصور

اليوم الخميس الموافق 5-2-2009


السلام عليكم ورحمه الله وبركاته ..........وصبحكم الله بالخير


وعلشان قعدت متاخر اليوم شربت حليبه مع شابوره 3 حبات وهذى الصوره

 

[digital]

رد: حملة (( رشاقتي مع لذوذه )) بالصور

بالعااافيه صاافيه

 

[دلوعة بنتي]

رد: حملة (( رشاقتي مع لذوذه )) بالصور

بالعافية صافية
وغاب الكبيرة يالله ناطرين الصور والتقرير .. لاتطولين

 

[just-me]

رد: حملة (( رشاقتي مع لذوذه )) بالصور

Gap ...مارديتي علي؟؟؟شصار أمس بالمطعم ؟؟ هيكارو والا وحش فيغا ؟؟ جربتي القبوط ؟؟
وبالنسبة لنصيتج لي ..شورج و هداية الله ..بس لما اشوف صاحبتي ام جك بك غصبن عني اسرح بالسالفة ..بس خلاص اذا شفتها بقول
هدها خلها تتحدى:dddds:
صافية ... ماشاء الله حد النزاكة تبارك الرحمن

ديجيتال .. الله يخلي لكم لوليتكم و بالنسبة للمعمول ..تسلم ايدج ماشاء الله شهالحركات مسموح وحدة (دكتورة Justme )
مسموح ياللي تعذرت :lolo:

 

[GAP^^الكبيرة]

رد: حملة (( رشاقتي مع لذوذه )) بالصور

اعاده لكتابه يومياتي.... ههههه

نسيييت اكتب يومياااتي

امس مثل ما قلت لكم رحت فريج صويلح

المكان والنطره ما عجبتني وايد.. وكان مترووووس يهال وزحمممه ولوووويه

شكلنا بالطلبات.. سلطه جرجير وفتوش و برياني ربيان و مجبوس دياي ومطبق هامور وزبيديه وقبوط.. بس ما صورتهم ما صورت الا طلبي

سلطه الجرجير عاديه.. بس الفتوش يقولون حلو
واكلت جم قفشه من برياني الربيان يم يم لذيييذ جنه طبخ بييييت
طبعا لان كل الاكل ما يصلح للرجيم فعشان جذي ما طلبت غير السلطه.. بس ان شاء الله بيوم الاوف بطلب منهم بس سفري لان الزحمه لا تطاق

طبعا لان بس سلطه كنت يوعانه... رحنا الخالديه عند ديلايتس وطلبنا شيز كيك
انا اكلت وحده على بينت بتر يم يم لذيذه بس عندهم انواع واشكال وايد تشووق

واليوم تريقت توست ولبنه وماي

وغداي ان شاء الله نقرور مشوي وعشاي بطلع اليوم مع رفيجتي بنروح الافنيوز وبنطلب لنا من هناك بس للحين ما قررنا باي مكان ....

بالنسبه للرياضه.. سويت تمارين جورج كروز وصعدت ونزلت السلم جم مره بس مو وايد
بس ما مشيت لاني لما رديت كان الوقت متاخر شوي

الحمداله نفسيتي وايد زينه اليوم .. وخاصه ان اليوم الخميس .. واخيرا بشبع نووووم هههههه

 

[GAP^^الكبيرة]

رد: حملة (( رشاقتي مع لذوذه )) بالصور

جست مي... لا وحش عنونو ههههه.. اكلت لي حبه قبوطه بس حسافه كان بارد
يا حلات الاكل الكويتي يهبل بس ما بيصلحش خالص مالص للرجيم خخخخخخخ

دلوعه حبيبتي... سوري ما صورت تقرير كامل... ان شاء الله اصور طلعه اليوم تقرير كامل

 

[just-me]

رد: حملة (( رشاقتي مع لذوذه )) بالصور

عليكم بالعافية .. انزين مادام بتروحون افنيوز جربي Dean & Deluca خوش قعدة فرجة على الرايح والراد ... سلطة السيزر حلوه ... الباستا حلوة الجكن راب حلوة ...و الصراحة انصدمت ان الفاتورة 6دنانير:080402ask_prv: شكلهم غلطوا توقعت أغلى عموما عليكم بالعافية و ان شاء الله يعجبج بس اذا كنتي مجربته بعد مايبيله ماكي ماكو ماكا .... أخ عذاب الماكي

 

[GAP^^الكبيرة]

رد: حملة (( رشاقتي مع لذوذه )) بالصور

مشكووره على النصيحه... نجرب نروح هناك .. بس انا وياها بنفرر يعني عشتو بنتحرك خخخخخخ... شتسوين اذا كنتي امتن شخصيه بين اهلج وبين صديقاتج وبين معارفج.. بس اشوه بالدوام في امتن مني خخخخخخخخ


عاد تصدقين ماحب زحمه الافنيوز بالويكند...وبحاول امشي اليوم قبل لا اطلع عشان احرق واسوي مكان حق الاكل اليديد ههههههه

ولا تعورين قلبي... انا امووووت على شيي اسمه ماكي
مطعمي المفضل ,, بس طبعا لازم كل شي من غير كراب... حتى اوليفر سلاط من غير كراب اطلبها ههههههههههه

 

[دنيا رديه]

رد: حملة (( رشاقتي مع لذوذه )) بالصور

انا ودي اشارك معاكم
بس انا جسمي على حسب نفسيتي اذا كنت مرتاحه امتن واذا نفسيتي تعبانه اضعف واوصل لل50وبعدها ادوور المتن واذا متنت ادور الضعف احترت بنفسي والله

وطوولي 165
وزني 69