اسعارالولاده بالمستشفيات الخاصة(تم تجميع المواضيع المتشابهه)

[nhr-36shan]

شوفي حبيبتي اخر العنقود انا اللي حسبته الولاددة مع المساعدة 675 عرضهم اللي اهم حاطينه وابرة الظهر 80 و80 سوو لي سونار على الساقين لانهم انتفخو حيل بعد الولادة 30 ابرة الدم يعني مجموعهم865 بس، والباجي قالوا تحاليل للبيبي لان كان معاي سكر حمل وادوية العادية للخياط ومادري بخصوص اللي دشو معاي اخذو عليهم ضريبه والا لا بس وانا داشه الولادة مكتوب عالباب من برة مسموح لدخول شخص واحد مع اللي تولد وانا ادخلو معاي شخصين بس انتي دام دكتورج من برة ان شاءالله بتكون اهون لان بكون معاج طول الوقت انا دكتوري بس يطل على ويروح ووقت طلعت البيبي اهو اللي ولدني بس نصيحة شوفي الغرف قبل ماتاخذينها يمكن الملكي يعجبج اكثر من جناح السلام والله يسهل عليج يارب
بس عندي استفسار ليش تقولين ممكن ولادتج ممكن تكون عسرة ؟؟؟

 

[آخر_العنقود]

انا شفت الغرف كلهم و اخذت حتى ارقام الغرف طبعا الاحتياط واجب
انا يمكن ولادتي اتكون عسره و ان شاء الله يخيب ظني
لان الراس فوق للحين و انا الحين تقريبا بخلص التاسع و انا مجربه الولاده جذيه بالمقلوب قبل هالمره و الدكتوره خذت مني همجه لان مو سهله الولادة الطبيعية بالمقلوب صعبه.!.!!.!

 

[اهواك بلا امل]

السلام بس بغيت اسئل انا حامل والحين بالخامس ادرى تو الناس على الولادة بس هذى اول حمالة وحدى خايفة
ومدحولى معصومة وناهدة العلى فبغيت اسئل منو ولادة عند وحدة فيهم ومنو احسن
وبغيت اسئل ابى مستشفى يكون زين ومو غالى حيل لانة انا مو وظفة وريلى فقران حدا فليت تساعدونى

 

[3rosa]

صباح الخير بنات ...
امس رحت المواساة وافتريت على الغرف و عرف الاسعار و شفت الغرف بعيني ... وبعدين رحت السلام وافتريت على الاجنحه تقريبا 20 جناح من كل دور .. لكن بغيت اشوف جناح السلام قالولي انها تحت الصيانه كلهم ألا السلام 2 الي في الدور الثالث .. ما عجبني بالمرة الملكي وايد احلى , ان شاء الله اعرض لكم الصور مع اسعار


حبيبتي om-saleh اي دور شفتي السلام الي ما عجبج

 

[nhr-36shan]

السلام بس بغيت اسئل انا حامل والحين بالخامس ادرى تو الناس على الولادة بس هذى اول حمالة وحدى خايفة
ومدحولى معصومة وناهدة العلى فبغيت اسئل منو ولادة عند وحدة فيهم ومنو احسن
وبغيت اسئل ابى مستشفى يكون زين ومو غالى حيل لانة انا مو وظفة وريلى فقران حدا فليت تساعدونى

اختي اهواك بلا امل انتي تقريبا معاي بالخامس وانا جربت الهادي ودار الشفا والسلام والمرة هذي محتارة الغالب راح اولد بالهادي لان كمامهم قوي واسعارهم حلوة وهم دار الشفا حلوة اسعارة وكمامهم بس خبري فيهم من جم سنه

انا شفت الغرف كلهم و اخذت حتى ارقام الغرف طبعا الاحتياط واجب
انا يمكن ولادتي اتكون عسره و ان شاء الله يخيب ظني
لان الراس فوق للحين و انا الحين تقريبا بخلص التاسع و انا مجربه الولاده جذيه بالمقلوب قبل هالمره و الدكتوره خذت مني همجه لان مو سهله الولادة الطبيعية بالمقلوب صعبه.!.!!.!

حبيبتي اخر العنقود الله يسهلج ولادتج ان شاءالله وتولدين طبيعي بإذن الله بس مادري شلون الدكتورة راح تولدج على هالوضع يعني تحاول تفر البيبي بوقت الولادة والا تطلعه على هالوضع؟؟؟؟

صباح الخير بنات ...
امس رحت المواساة وافتريت على الغرف و عرف الاسعار و شفت الغرف بعيني ... وبعدين رحت السلام وافتريت على الاجنحه تقريبا 20 جناح من كل دور .. لكن بغيت اشوف جناح السلام قالولي انها تحت الصيانه كلهم ألا السلام 2 الي في الدور الثالث .. ما عجبني بالمرة الملكي وايد احلى , ان شاء الله اعرض لكم الصور مع اسعار


حبيبتي om-saleh اي دور شفتي السلام الي ما عجبج

حبيبتي عروسة انا حطوني بجناح السلام رقمها 401 ناسيه اي دور وبعدها رحت الملكي اظن بالدور الخامس رقها 503 بصراحه كانت احلى من السلام حييييييل واشرح
بس ياقلبي كذا وحدة بالمنتدى مايمدحون كمام المواساة يقولون خفيف حيل وتحسين بكل شي مادري اذا انتي مجربته قبل والا لا واذا ممكن تقولينا على اسعارهم

 

[غلاه غير]

بنات صج رويال حياه عندهم خصم 50% لوزارة الدفاع؟؟؟؟؟؟؟؟؟؟؟؟؟؟؟

 

[آخر_العنقود]

ام صالح
االله يسلمج ولدي اللي قبل هذي الحمله كان همن بالمقلوب فالدكتوره سوت لي مسحه مدخل الرحم عشان اتسبب لي طلق و اتولدني قبل موعدي لان البيبي صغير و تقدر اطلعه من اريوله بولاده طبيعية بس كانت الولاده مو سهله
و الحين في احتمال انها اتسوي لي نفس الشغله و الله يستر ... بس الحمدلله انا مو متخوفه من هالسالفه لاني جربتها!

 

[nhr-36shan]

حبيبتي اخر العنقود
منو دكتورج اكيد شاطرة؟
اول مرة اسمع عن مسحه مدخل الرحم !!!
عمومه الله يسهل عليج يارب بس انا سامعه ان حركه السجود والحبي مثل الصغار يخلي البيبي يفتر
عموما الله يسهل عليج وتولدين بالسلامه

 

[آخر_العنقود]

الله يسلمج يام صالح
دكتورتي ليلى ابو الليل في انترناشونال كلينك
و سوالف الحبي و السجود تعبت و انا اجربها لين حسيت ان ظهري انكسر بس مافي فايده و انا نفسج اول مره سمعت سالفه المسحه هاذي و ما كنت متصوره انها صج اتسبب الالام و اطلوق!!
بس ان شاء الله ما اتفاجأ بسعر المستشفى

 

[اهواك بلا امل]

اختي اهواك بلا امل انتي تقريبا معاي بالخامس وانا جربت الهادي ودار الشفا والسلام والمرة هذي محتارة الغالب راح اولد بالهادي لان كمامهم قوي واسعارهم حلوة وهم دار الشفا حلوة اسعارة وكمامهم بس خبري فيهم من جم سنه

اى انا مدحولى دار الشفا واختى مدحتلى الهادى فشكلة ياهذا او هذاك
بس احد والد عن معصومة مقصيد انا مدحولى اياها بس مادرى اذ زينة اولا

 

[ليان الكويت]

حياتي الولاده بالهادي مو غاليه يعني اول يوم من الولاده اخذي الصغيره وبعدين الملكي انا جذيه وطلعت مع كل شي 700 مع العلم ان الهادي يسوي للوزارات خصم وقت الولاده ودكتوره ناهده العلي عجيــــــــــــــــــــــبه و ترى الطبيعي غير القيصري

 

[اهواك بلا امل]

لا مو مفكرة اخذ ملكى غرفة عادية بس واللة انا مدحولى ناهدة بس الاكثر مدحولى معصومة وفمادرى
يلا اللة يسهل انشاللة

 

[Mini-wife]

بنات
انا في بنتي ولد بالمواساة
خذيت الجونيور سويت
وايد حلوه
وكمامهم ولا اروع ومع احترامي للبنات اللي يقولولون كمام المواساة خفيف غلطانين
ماحسيت بولالالالالالالالاشي الحمدلله
ودكتورتي من المستشفى نفسه
المانيا اسمها فيرجينا
وايد شاطره ماشالله عليها
وولادتي طبيعي الحمدلله خذيت يومين بالمستشفى
وحسابي كله 610

 

[wishesangle]

بنات انا بالشهر السابع و محتارة بين الهادي و دار الشفا ... ولاتقولون لي المواساه انا دكتورتي ما تولد بالسلام ..

المهم انا قبل خمس سنوات جربت الهادي و كانت ولادتي و لا اروع وماحسيت بشي كلش .. بس الحين تو اختي و مرت اخوي و خالتي والدين فيه كلهم قالوا ان عمامهم مو مثل قبل صار خفيف و حسوا مع العلم ان دكتورتنا وحده ..

و في ولدي الثالث قبل سنتين جربت الشفا و بصراحة صار عندي حساسية بالمنطقة الحساسة و دمامل و كان بسبب عدم تعقيم الغرفه مع انها خاصة ..

و الله محتارة ... احد جرب بالشفا و صار معاه حساسية ؟؟؟؟؟؟؟؟؟؟؟؟؟؟؟؟

 

[{ ليت ظني كآن صآيب }]

الشفاااااااااااا انا اراجع فيها الحين وان شاء الله بولد هناك << ادعي لي اولد اليوووووم

شكثر اعرفهم ولدوا هناك محد صار فيه حساسيه بالعكس

 

[wishesangle]

والله مادري خايفه حيل مع ان الولادة الرابعه لي ..


زين و كمام الشفا اشلون ؟؟؟؟

 

[{ ليت ظني كآن صآيب }]

امممم ماجربته للحين بس يقولون قوووووي !

 

[Emanova]

السلام بنوتات

عندكم صور غرف رويال حياه ؟

 

[3rosa]

حبيبتي عروسة انا حطوني بجناح السلام رقمها 401 ناسيه اي دور وبعدها رحت الملكي اظن بالدور الخامس رقها 503 بصراحه كانت احلى من السلام حييييييل واشرح
بس ياقلبي كذا وحدة بالمنتدى مايمدحون كمام المواساة يقولون خفيف حيل وتحسين بكل شي مادري اذا انتي مجربته قبل والا لا واذا ممكن تقولينا على اسعارهم

ان شاء الله راح انزل اسعار المواساة .... انا رحت السلام وجني جفت الملكي 503 انا عجبني الي بدور الرابع الدانه و الجناح ثاني بس اتاكد و اعطيكم الاسعار السلام

 

[^مرايم^]

السلام عليكم

شخباركم بنوتات ؟؟

انا مريت المواساة بعد ما رفعوا أسعارهم .. مستشفى هادي و مافي لوية بصراحة ..

هذي الأسعار اليديدة:

طبيعية :

غرفة عادية 550
جونيور سويت 650
في آي بي سويت 800
نيو في آي بي سويت 1000
فلورال و إيترو سويت 1550
أرماني سويت 2200
غولد سويت 2500

أما القيصرية:
غرفة عادية 1100
جونيور سويت 1600
في آي بي سويت 1700
نيو في آي بي سويت 2000
فلورال و إيترو سويت 3100
أرماني سويت 4400
غولد سويت 5000

إذا طبيبتج من بره المستشفى نقصي 100 من القيمه و ضيفي سعر الطبيبة..
إبرة الظهر 93 و الشفط 29

يا ريت تجاربكم مع المواساة !!