الباكستانية الانجليزية تم دمج جميع المواضيع المتشابه

[shimy4sha]

باكستانية المنقف

:aha:يا بنات فيدوني
اشرايكم بمدرسة الباكستانية اللي بالمتقف من ناحية المستوى والدراسة وهل فعلا يطقون اليهال بالروضة
لاني ابي اسجل بنتي بالروضة والله اني متخوفة من موضوع الطق
وشنو الفرق بينها وبين الباكستانية الانجليزية المتكاملة بالفحيحيل ؟ هل فرق وايد بالمصاريف
ومنتظرة افادتكم لي....:aha:

 

[عالمة الحب]

رد: باكستانية المنقف

والله أنا كنت مدخلة عيالي فيها طق ماأدري يس الدراسة قوية ولكن فوضى ومومرتبة ومالت الفحيحيل أقوى والرسوم تقريبا نفس الشيء

 

[ام العبايه]

رد: باكستانية المنقف

اختى انا الى اعرفه الريحه لا تطاق فقطونفس اختى الى قبلى الفحيحيل اقوى........

 

[ليلى رمضان]

رد: مدرسة الكويت الباكستانية الإنجليزية

بنات انا قاعدة أراكض حق بنتي انشالله اولى روضة
رحت النجليزية الحديثة واااايد يمدحونها وقوية بس للأسف الأسعار صلخ

ولما أقرا عن الباكستانية اللي شدني فيها ولفت نظري الأسعار واااايد حلوة يابنات
بس خوفتوني بهالواجبات وصعوبة المناهج انا أتحبط اذا بيوم من الأيامشفت بنتي أو ولدي درجاته متدنية مو منه الا من صعوبه المنهج اللي ماياخذ امتياز الا عيال اخوانه المصرين ، وثاني شي في اخت قالت انه الأكسن الانجليزي مو قوي ومكسر !!! عيل اشحقه مدخلين اعيالنه مدارس خاصة ؟؟
منو عنده غير هالراي

 

[shimy4sha]

رد: باكستانية المنقف

مشكورين ويعطيكم العافية

 

[السمرة~القمرة]

رد: مدرسة الكويت الباكستانية الإنجليزية

ترا اليوم بدا التسجيل في حولي الباكستانية
الطلبات الاولية :
بطاقة الولد أو البنت المدنية وبطاقة الأب المدنية
وعشرين دينار


تحياتي ،،،

 

[أم أسيل]

رد: مدرسة الكويت الباكستانية الإنجليزية

السلام امهات اشلووونكم ؟
انا رحت اليوم حولي الباكستانيه وخذيت الورقه بس شكلي مو عارفه ولا شي فيها
ورحت شفت اللي بخيطان المبنى حلو بس اللي انصدمت منه انه منهج الانجليزي مو بريطاني ولا امريكي منهج باكستاني وانا اخاف مدرسة حولي نفس المنهج الله يستر بس انشالله باجر بدق عليهم واتاكد شنو المنهج اللي عندهم

 

[ريشة الرشيقة]

رد: باكستانية المنقف

نبي نعرف اكثر عن هل مدرسه الله يجزاكم خير شلون طريقتهم

 

[مس يو]

رد: مدرسة الكويت الباكستانية الإنجليزية

اغلب المواد مناهجهم اكسفورد بس هم فيه يتكلمون بالكتب عن باكستان

 

[نواري]

رد: مدرسة الكويت الباكستانية الإنجليزية

اشلونكم حبايبي ... حبيت اشارككم بالموضوع انا عيالي في المدرسه الباكستانيه الانجليزيه الي بالسالميه (الرميثيه ق13) سابقا ..الحمد لله المدرسه وايد زينه والمدرسات حليوين والمنهج قوي . اما الواجبات فهي خفيفه مو وايد واللغه وايد ممتازه عند عيالي .وانصح فيها .واي استفسار انا جاهزه.

 

[السمرة~القمرة]

رد: مدرسة الكويت الباكستانية الإنجليزية

صاجة "" مس يو ""
وااااايد يتكلمون عن باكستان
وولدي مو راضي يحفظ اسم المدرسة اقوله حولي باكستان انقلش سكول
يقولي حولي بارك
خخخخخخخ

 

[أم أسيل]

رد: مدرسة الكويت الباكستانية الإنجليزية

السلام عليكم
انا غيرت راي بمدرسة حولي الباكستانية لاني رحت وسالت لقيت العرب والباكستانيين في صف واحد مو معزولين ولما رحت الامهات ما مدحوها لي وايد حتى بنتي قعدت تبجي وتقولي ماماماما ما ابي هذي المدرسة مو حلوه
فتوكلت على الله وسجلت بنتي بمدرسة اسرار القبندي بالدسمه المدرسة زينه من ناحية المبنى نص ونص بس سالت الامهات الكل مدحها وايد حتى بنتي ما بغت تطلع من المدرسة اعجبتها وايد

 

[اميرة اهلي]

رد: مدرسة الكويت الباكستانية الإنجليزية

بنات انا بنتي ثانيه روضه في اكسفورد اكاديمي اللي في سلوى ومستواها روعه ولغتها الانجليزيه فضيعه تصدمني في الجمل اللي تكونها
وبنت اختي في الباكستانيه اللي في الفروانيه صج نفس ما قالوا الاخوات بس واجبات اكرفوهم حرام ما عاشوا طفولتهم واحس انهم بس كتبه ينسخونهم الكلمات والاحرف من غير مايعلمونهم النطق اذا احنا الهدف الاساسي انا ندخل عيالنا وبناتنا مدارس خاصه علشان يتعلمون لغه مو يصيرون كتبه بس مدرسة بنتي عيبها غاليه يعني السنه الجايه 1075 دينار

 

[ام علااااوي]

رد: مدرسة الكويت الباكستانية الإنجليزية

اختي نواري
بغيت اسألج جم ياخذون رسوم للروضه ؟

ومتى يبدأ تسجيلهم ؟

ودراستهم وعطلهم نفس الحكومه ولا لا ؟ اذا اتعرفين بالضبط متى تبتدي الدراسه !

وعندهم مواصلات ولا لا ؟

رقمهم بعد

ادري دوختج بالاسأله سامحيني

 

[بنت الكويت1]

شنو رايكم بالباكستانية الانجليزية

بنات عفية شرايكم بمدرسة الباكستانية الانجليزية اللي في جليب الشيوخ ودي ادخل بنتي فيها والدوام يبدي شهر 4 فارجوكم ابي اعرف بسرعة واذا عندكم روضة افضل منها ارجوكم تفيدوني واذا سامعين عن مدرسة اكسفورد الانجليزية اللي موجودة بالجليب بعد تفيدوني :q8:

 

[بنت الكويت1]

رد: شنو رايكم بالباكستانية الانجليزية

افا شدعوة 10 مروا ولا كلمة ناطرة منكم كلمة ارجوووكم لا تطنشونها ردوا بسرعة

 

[بنت الكويت1]

رد: شنو رايكم بالباكستانية الانجليزية

والله من صجكم ولا كلمة زين عبروني زين لاتمدحونها ذموها اي شي المهم ابي رد واحد على الأقل يا حسافة والله ما هثييييتها منكم يلا بتم انطركم وانشاءالله ما تخيبون ظني

 

[مس يو]

رد: شنو رايكم بالباكستانية الانجليزية

إذا قصدج الباكستانية اللي اسمها التميز ما انصحج فيها كلش بعدين شلج بالجليب صراحه دخلت عيالي سنه بعدين نقلتهم اللي بحولي
صراحة اللي بالجليب تعلموا منها اردى الألفاظ لدرجة ان ولدي ياني يقول في واحد سكران وماسك بطل شنو بعد اكثر من جذي
اقول اتركي مدارس الجليب بكبرها وخلج على مدارس حولي واهني بالمنتدى في تجمع للي عيالهم يدرسون بمدارس خاصة
اخذيلج فره فيه وان شاء الله تستفيدين

 

[M!$$ CUTE]

رد: شنو رايكم بالباكستانية الانجليزية

انا سمعت عن المدرسة الباكستانية انها وايد أوكي
اعرف ناس مدخلين عيالهم فيها
تعالي شوفيهم ماشاءالله لباقة وثقة بالنفس عالية
صلي استخارة وشوفي
بس يستحسن انج ماتودين بناتج
بس ودي أولادج
>الحذر واجب<

 

[جورىة2]

رد: شنو رايكم بالباكستانية الانجليزية

والله انا مدخلة بنتى ووووووووووووووووووايد زينة يدرسونها الى ياخدة اخوها بثالثة ابتدائى بالحكومه والانقلش توب بس انا الاكاديمية الباكستانية بالاحمدى رووووووووووووووووووووووووووووووووووووووووووووعة