الباكستانية الانجليزية تم دمج جميع المواضيع المتشابه

[باونتى]

رد: اللى عيالهم بالمدارس الباكستانيه .. دقايق من وقتكم ... ممكن ؟؟

اهو تعب بس استثمار معروفين الهنود والباكستانين بالدراسه نواببببببببببببببغ وهذا اللى نبيه حق العيال ومن اول اسمع عن هالمدراس كرف بس ترى احسن عشان الحياة الجامعيه اتصير سهله ويعرفون يدرسون لاتشيلين هم

يا بعد قلبى طمنتينى ربى يطمنج بالخير

 

[malekatsabaa]

رد: اللى عيالهم بالمدارس الباكستانيه .. دقايق من وقتكم ... ممكن ؟؟

ما دخلناها روضة ..لأنه خلال هالسنة ..والعام .. طاقنا التسجيل مع الأسف ..(بالنسبة للباكستانية)

نروح شهر 4 ونلقاهم خالصين ..مادري متى تسجيلهم..!

وبالحكومة مانبي ندخلها روضة الحكومة .. أسستها على المبادئ الأساسية أنا بنفسي

يعني حفظتها سورة الفاتحة وسورة الإخلاص ..

حفظتها الأرقام بالانجليزي ..والعربي

الحروف بداياتهم

الألوان بالعربي وبالانجليزي

بعض اسماء الفواكة


يعني شغلات خفيفة ..ما زالت تخربط فيهم

الحين عندي هالسنة الدراسية اللي احنا ماشيـن فيها ..مادري شنو أتبع فيها ..

في معاهد خاصة مثلا للتأسيس ؟

ترى أنا مو خبررررة ..هي أختي الصغيرونة

بندخلها الباكستانية اللي بالفروانية ان شاء الله

لاتستهينين بالباكستانيه لان الابتدائي عندهم حيل ضغط عالياهل
ولازم يعرف يقرا ويكتب جمل بالانجليزي..انا بغيت ادخل ولدي مثلج الناظر ما رضى قالي ماراح يقدر يمشي مع اليهال حتى الارقام لازم يعرف يحسب ويقرا الارقام بالمآت بالانجليزي.



اما بالنسبه للام الي نعبانه من الواجبات..خل اتطلع البنت وتوديها حكومه وايد احسن

انا دخلت بنتي الي بالمنقف اولى روضه تاسيس..الصف فيه 35 ياهل طول اليوم الصبيان يطقون البنات والابله مو ملحقه.. وحاطين الكويتيين بصف والاجانب بصف
صف الاجاننب يعرفون يقرون جمل صغيره بالانغليزي وصف الكويتيين ما يعرفون غير الاحرف واربع كلمات اما اللغه العربيه بس علمتهم الاحرف ولا ردت عليهم ولا راجعتهم ولا عطتهم ولا كلمه حتى اسماءهم ما علمتهم.

والمدرسه عفسه ووصخه بالنسبه للحكومه ما حبيتها..

بصراحه ما كملت...يازين مدارس الحكومه..نظيفه ونظام والصف مافيه اكثر من 23 طالب واذا على التحصيل كا احنا رحنا حكومه وتخرجنا جامعيين والحمدلله...ليش اعذب الياهل بطفولته..خل يستانس ..الدنيا مهي طايره وكل شي نصيب!!!

الي بيودي خاص يا يودي مدارس انغليزيه سنعه ولا اذا ما يقدر يظل عالحكومه احسن!!!

 

[سارة_kw]

رد: اللى عيالهم بالمدارس الباكستانيه .. دقايق من وقتكم ... ممكن ؟؟

بنتي بمدرسة حولي الباكستانية الانجليزية الحمد لله للحين واجباتهم اشوية ب اولى روضة

انا من رأيي ان التعليم بالصغر احسن للطفل من اللعب والشطانه بروضات الحكومة

 

[باونتى]

رد: اللى عيالهم بالمدارس الباكستانيه .. دقايق من وقتكم ... ممكن ؟؟

ساره حبيبتى يعطيج العافيه ومشكوره على الافاده

 

[leza_q8]

رد: اللى عيالهم بالمدارس الباكستانيه .. دقايق من وقتكم ... ممكن ؟؟

السلام عليكم ورحمة الله وبركاته ..

انا صاحبة المشكله الي حطيتوا عنها بالرابط

انا بقول لكم راي وبصراحه انا بنتي بالباكستانيه الي بحولي بصراحه وايد وايد قويه ووايد واجبت وانا اعاني كثير معاها واحس ضاغطه عيها بس للامانه احس مستواها قوي والي مخفف علي ان ساعات لم انروح السوق او اي مكان فيه اجانب بروحها تطلب لها من مطعم او بروحها تسال عن الحمام تكرمون بروحها تسولف معاهم بالانجليزي

انا قررت انقلها الحكومه وفعلا تمت عملية البحث والدراسه والاستخاره والشورى والبحث الجدي بس ترددت بعد ما شفت مستوى اليهال الي بالحكومه بالابتدائي ومستوى بنتي بصراح اهم يم بنتي جهله جدا بصراحه دراستهم جدا عاديه وبنتي عندهم مستوى 3 او 4 ابتدائي وهي ما زالت بالاول الابتدائي بالبكاستانيه بالمقارنه بالحكومه

بس ترددت قلت لا يبه اتحمل انا وبنتي وكاهي تكبر وكل ما تكبر تعقل وتفهم اكثر وتتعود ... وانا الحين الي متعبني معاها اكثر اني حامل باخر الاشهر وصايره مالي خلق اجابل ودلل وشد قاعد اتعب لم اصرخ

بس ان شاء الله سهاله كلها جم شهر والله يكتب لي السلامه انا والبابي القادم آمين ويخف الضغط وارجع لصحتي وطبيعتي

وانا صلية استخاره جم مره علشان اطلع بنتي من الباكستانيه بس بصراحه شي يصدني عن الحكومه وصبرني على الباكستانيه

وبصراحه مستواها عاجبني دراسيا واخاف اطلعها حكومه ونسونها كل شي

وكانك يابوا زيد ما غزيت


عموما الله كريم والله يسهلها علي وعلى بنتي .. آمين

 

[باونتى]

رد: اللى عيالهم بالمدارس الباكستانيه .. دقايق من وقتكم ... ممكن ؟؟

ليش هالذم بالباكستانيه اللي تبي الراحه لا تدخل عيالها صج تعب أول سنتين بس الثمار بعدين وانا عيالي كلهم فيها وكا رفيجتي بنتها خلصت من الباكستانيه وأمها كله تقولها ما راح تفلحين لان البنت نسبتها كله بالسبعينات وتقول لامها والله يمه الدراسه صعبه وبامتحان الثانويه العامه البريطانيه واللي يقدمه الطلب بالصف الحادي عشريابت 96 واقبلوها طب فليش كله تدورون الراحه لكم وللعيال خله يتعب وهو صغير ويرتاح اذا كبر

حبيبتى جانزين تعطينى معلومات اكثر عن الباكستانيه ..

 

[نظـــرات حـــائرة]

رد: اللى عيالهم بالمدارس الباكستانيه .. دقايق من وقتكم ... ممكن ؟؟

لاتستهينين بالباكستانيه لان الابتدائي عندهم حيل ضغط عالياهل
ولازم يعرف يقرا ويكتب جمل بالانجليزي..انا بغيت ادخل ولدي مثلج الناظر ما رضى قالي ماراح يقدر يمشي مع اليهال حتى الارقام لازم يعرف يحسب ويقرا الارقام بالمآت بالانجليزي.

ياعمري من قال أنا مستهينـه بالباكستانية ؟

بالعكس أنا حابه طريقة الباكستانية وأدري أنه عندهم ضغط وتعب على الجاهل .. بس روضة ما قدرت أدخلها !!!!

وروضة الحكومة أنا قاصدة ما أدخلها ..لأنهم شيعلمون غير الرقص والأغاني ؟ بنيتنـا تعرف ترقص بدون لا ندخلها لروضة الحكومة

وبعدين شلون يبون الجاهل من قبل لا يدش يعرف يحسب وكله بالانجليزي ..!!!

مو المفروض يدخلونه وهم اللي يعلمونه ... يعني يبون الجاهل جاهز !!

احنا ممكن نجهز الجاهل نفسيا أنه هذي دراسة ولازم يكون شاطر ..ونعلمه على الأساسيات مثلا الارقام والحروف واسمه وهالشغلات !!

 

[angelic^smile]

رد: اللى عيالهم بالمدارس الباكستانيه .. دقايق من وقتكم ... ممكن ؟؟

ولدي كان بحولي الباكستانية بس الروضة والابتدائي حولته حكومه صج ارتحت بالانجليزي عارف كل شيء بالانجليزي بس بالعربي تعبت معاه وايد ودخلته معهد حق العربي

 

[سارة_kw]

رد: اللى عيالهم بالمدارس الباكستانيه .. دقايق من وقتكم ... ممكن ؟؟

ساره حبيبتى يعطيج العافيه ومشكوره على الافاده

العفوو حبيبتي

 

[زهور الجمان]

رد: اللى عيالهم بالمدارس الباكستانيه .. دقايق من وقتكم ... ممكن ؟؟

انا بنتي في اللاكاديمية الانجليزية الباكستانية

الي في الفروانية


والله تدريسهم قوي ونسبة الواجبات زينة مو وااااايد مثل ما سمعت عنهم


واليهال كلهم عرب ما فية باكستانيين كله اردنيين ومصريين ولبنانيين مع الكويتيين

 

[برونزية رشيقة]

رد: اللى عيالهم بالمدارس الباكستانيه .. دقايق من وقتكم ... ممكن ؟؟

لاتستهينين بالباكستانيه لان الابتدائي عندهم حيل ضغط عالياهل
ولازم يعرف يقرا ويكتب جمل بالانجليزي..انا بغيت ادخل ولدي مثلج الناظر ما رضى قالي ماراح يقدر يمشي مع اليهال حتى الارقام لازم يعرف يحسب ويقرا الارقام بالمآت بالانجليزي.



اما بالنسبه للام الي نعبانه من الواجبات..خل اتطلع البنت وتوديها حكومه وايد احسن

انا دخلت بنتي الي بالمنقف اولى روضه تاسيس..الصف فيه 35 ياهل طول اليوم الصبيان يطقون البنات والابله مو ملحقه.. وحاطين الكويتيين بصف والاجانب بصف
صف الاجاننب يعرفون يقرون جمل صغيره بالانغليزي وصف الكويتيين ما يعرفون غير الاحرف واربع كلمات اما اللغه العربيه بس علمتهم الاحرف ولا ردت عليهم ولا راجعتهم ولا عطتهم ولا كلمه حتى اسماءهم ما علمتهم.

والمدرسه عفسه ووصخه بالنسبه للحكومه ما حبيتها..

بصراحه ما كملت...يازين مدارس الحكومه..نظيفه ونظام والصف مافيه اكثر من 23 طالب واذا على التحصيل كا احنا رحنا حكومه وتخرجنا جامعيين والحمدلله...ليش اعذب الياهل بطفولته..خل يستانس ..الدنيا مهي طايره وكل شي نصيب!!!

الي بيودي خاص يا يودي مدارس انغليزيه سنعه ولا اذا ما يقدر يظل عالحكومه احسن!!!

أنا معاج بكلامج ووجهة نظرج صحيحة 100 بالمية ليش أودي إعيالي عند الوصاخة والزحمة وعند الجنسيات الثانية ويختلط فيهم وكلامه يطلع عربي مكسر على مصري على أردني على باكستاني ... وزحمة وماكو اهتمام بالكويتيين كلللللللش ...

ليش نأذي عيالنا يا مكان مرتب ويسوى الفلوس إللي قاطتها يا مدرسة حكومة ونظيفة ومع أعيال ديرتي يحتكون أفضل عندي ...
ولو سمحتوا عن الزعل أدري فيكم بتعصبون بس هذا رايي ... وانا مع الأخت ملكة سبأ في كلامها والله .

 

[بحور الشوق1977]

رد: اللى عيالهم بالمدارس الباكستانيه .. دقايق من وقتكم ... ممكن ؟؟

شوفي شنو تبي تسألين سألي كل الي بخاطرش لا تخلين شيء انا خبرة بالمدرسة الباكستانية الي بالسالمية معاناااااااااااااااااااااااااااااات

 

[باونتى]

رد: اللى عيالهم بالمدارس الباكستانيه .. دقايق من وقتكم ... ممكن ؟؟

أنا حاطه الموضوع حق اللى عيالهم بالمدارس الباكستانيه فقط فمافى داعى للذم وللغلط بليييييييييييييييييييييييز اللى عنده معلومات تفيدنى واللى ما عندها ما فى داعى تدش وياريت يعنى يكون فيه ذوووووووووق شوى بالردود ..

 

[رموسة الحبوبة]

رد: اللى عيالهم بالمدارس الباكستانيه .. دقايق من وقتكم ... ممكن ؟؟

رد على كل الكلام انا عيالي بالمدرسة الباكستانية ونقلتهم حكومه بس بعد ما تأسسوا عدل الكبير الى رابعه والثاني الى ثانية بالعكس الأستفادة كبيره تاسسوا صح وشنو يعنى لو احتكوا بالجنسيات الأخرى مو أحسن علشان روح المنافسة اقوى ويتعلم الأعتماد على النفس وبالعكس ما في وساخة ولا اي شي والله اني سافرت ماليزيا العام كانو هم يتكلمون مع المطاعم بالسوق ويساعدوني لو نسيت كلمه
كلامي عن تجربه شخصية

 

[برونزية رشيقة]

رد: اللى عيالهم بالمدارس الباكستانيه .. دقايق من وقتكم ... ممكن ؟؟

أنا حاطه الموضوع حق اللى عيالهم بالمدارس الباكستانيه فقط فمافى داعى للذم وللغلط بليييييييييييييييييييييييز اللى عنده معلومات تفيدنى واللى ما عندها ما فى داعى تدش وياريت يعنى يكون فيه ذوووووووووق شوى بالردود ..

عزيزة وغالية باونتي ... ما قاعدة أذم وأغلط بأحد بس إنتي سألتي وتبين الصج ....وكل وحدة تعبر عن وجهة نظرها .
يارب تلقين المدرسة إللي ترتاحين فيها ... يلله عاد كلش ولا زعلج عاد انا قايلتج قبل أعزززج وايد . :klhfl:

 

[باونتى]

رد: اللى عيالهم بالمدارس الباكستانيه .. دقايق من وقتكم ... ممكن ؟؟

عزيزة وغالية باونتي ... ما قاعدة أذم وأغلط بأحد بس إنتي سألتي وتبين الصج ....وكل وحدة تعبر عن وجهة نظرها .
يارب تلقين المدرسة إللي ترتاحين فيها ... يلله عاد كلش ولا زعلج عاد انا قايلتج قبل أعزززج وايد . :klhfl:

لا انا ما ازعل من احد بس اتحلطم :eh_s(6):
وان شاء الله الاقى المدرسه المناسبه يارب

 

[نـــــور]

رد: اللى عيالهم بالمدارس الباكستانيه .. دقايق من وقتكم ... ممكن ؟؟

انا ولدى بالباكستانية و الله زينة احسن من الحكومة للحين مفكرة بس تاسيس ماشاء الله واجبات و اهو ياهل يبي يلعب بس احسن له يتقوى و لا يروح الابتدائي ما يعرف يمسك قلم بس انا اقولج يبيله طوله بال حق التدريس و الواجبات

 

[نـــــور]

رد: اللى عيالهم بالمدارس الباكستانيه .. دقايق من وقتكم ... ممكن ؟؟

اهو بالشمس المشرقة بحولى لا تروحين الباكستانية الحديثة ترى نفسيه و ما ياخذون الا اللى يعرفونهم نطرونى اسبوع على ولا شى

 

[العطر 87]

رد: اللى عيالهم بالمدارس الباكستانيه .. دقايق من وقتكم ... ممكن ؟؟

اناولدي بدخله وين ادخله الباكستانيه اللي بالجليب ولا اللي بالفروانيه وجم الاسعار بليز فيدوني ياحلوات

 

[باونتى]

رد: اللى عيالهم بالمدارس الباكستانيه .. دقايق من وقتكم ... ممكن ؟؟

انا ولدى بالباكستانية و الله زينة احسن من الحكومة للحين مفكرة بس تاسيس ماشاء الله واجبات و اهو ياهل يبي يلعب بس احسن له يتقوى و لا يروح الابتدائي ما يعرف يمسك قلم بس انا اقولج يبيله طوله بال حق التدريس و الواجبات

انا برايي خلا يتعود من صغره على الواجبات عشان يتأسس عدل .. وربى يوفق عيالنا ويهديهم ومنووووووره الموضوع يا قلبى