الباكستانية الانجليزية تم دمج جميع المواضيع المتشابه

[باونتى]

رد: اللى عيالهم بالمدارس الباكستانيه .. دقايق من وقتكم ... ممكن ؟؟

اناولدي بدخله وين ادخله الباكستانيه اللي بالجليب ولا اللي بالفروانيه وجم الاسعار بليز فيدوني ياحلوات

العضوه زهور الجمان بنتها بالباكستانيه اللى بالفروانيه وتمدحها تقول تأسيسهم قوى وبالنسبه للاسعار ما عندى فكره وان شاء الله باقى الامهات يفيدونج

 

[نـــــور]

رد: اللى عيالهم بالمدارس الباكستانيه .. دقايق من وقتكم ... ممكن ؟؟

حبيبتى الله يسلمج و منور بوجودج بس و الله مرات يكسر خاطرى احس مو عايش طفولته كله واجبات و دراسة مع ان اولى روضة

 

[السمرة~القمرة]

مدرسة الكويت الباكستانية الإنجليزية

السلام عليكم يا كويتيات
ابي استفسر عن مدرسة الكويت الباكستانية الإنجليزية

شلون مستواها الدراسي حق الروضة واشلون الطلبة اللي فيها
وشلون النظام عندهم جادين والا خرطي __ أمان والا الأمور سايبة ؟؟
والمدرسات ؟؟؟
والمواصلات ؟؟
ومن كل النواحي
الله يعافيكم
عشان بسجل ولدي فيها الاسبوع الياي


تحياتي ,,,

 

[سر القلوب]

رد: مدرسة الكويت الباكستانية الإنجليزية

هلا حبيبتي

انا ولدي ثانية روضة بس بالدولية الباكستانية خيطان
وعادة يتشابهون
الدراسة قوية
بس ياحرام كراف والولد ضاعت طفولته من الواجبات والكرف وعطلهم مومع الحكومة يعني الناس معطلين وهو ينام مبجر
وماعندهم فرصة مثل الناس حدهم تلفزيون توم وجيري وبالاسوع متة اومرتين بسهذا اولى اما ثانية يمكن بالشهرين مرة او اكثر
وطايحيلج باليهال طق اذا كتبو غلط وفرصتهم داخل بصفهم اليهال طقني واطقك والابلة ماجنها تشوف

الباص مادري بس اللي اعتقد كلش مو مستوى كود بالباص
طبعا نظافة بالمدرسة إنسي وااااي حرام غلطت دخلت ولدي دقرته ونسيته طفولته
برايي لاتغلطين غلطتي
بس الدراسة شاطر بس طفوله لا انا اقول لاحق على الدراسة
طولت عليج بس من حر مافي يوفي​

​

 

[السمرة~القمرة]

رد: مدرسة الكويت الباكستانية الإنجليزية

وااااااااااااااي
خرعتيني
عاد ولدي عنيد
لا لازم استخير قبل لا اسجله
عموما مشكووووره على مشاركتج حبيبي

 

[قمر الليالي]

رد: مدرسة الكويت الباكستانية الإنجليزية

هلا اختي
انا ولدي باكسفورد الباكستانيه الانجليزي بقريد 1
نصيحه دخلي ولدج فيها لان روضتنا رقص ولعب بس مافي تأسيس
ولدي حطيته بروضة الحكومه ومايعرف شي كلش
والحين يتكلم انجليزي ويعرف الآيات القرآنيه
واذا تبين استفسار انا حاضره لان الزمن هذا دراسه مو لعب لاحقين عليها بالعطل

 

[***البسبوسه***]

رد: مدرسة الكويت الباكستانية الإنجليزية

انا ولدي بثاني ابتدائي في الاكاديميه الباكستانيه بصراااااااحه مستواها مو شي انا مدخلته من اولى ..الروضه مادرس فيها ويالله يعرف يقرا ويكتب وفوضى وغير جذي تغيير للمدرسات اشكثر ودي انقل ولدي بس المدارس االزينه بعيده عن بيتي الله يعين ..

 

[وجدان الخواطر]

رد: مدرسة الكويت الباكستانية الإنجليزية

هلا حبيبتي انا اعيالي بالباكستانيه الانجليزيه بحولي رابعه وثالثه ابتدائي المدرسه روعه شوي عليها وقويه عدل عدل بالدراسه تاسيس صحيح ومافي طق ممنوع والناظره عجيبه الكل يحبه لدرجة ان اليهال بالهده يركضون عليها يبوسونها ام الابلاد يموتون رعب منها عندهم اتزفينها وتسبينها بس لا اتروحين تشتكين عند الناظره شوفي حبيبتي اول وثاني روضه مافي تعب وايد بس لازم اتتابعينهم يومي ام اول وثاني ابتدائي بتنتفين شعرج من الواجبات اليوميه والدراسه ام ثالثه قليل الواجبات ورابعه احسن والاهم من هذا ان اعيالج بلابل بالانجليزي ميه ميه وكل هذا الله يسلم المدرسات الخصوصي حطيله مدرسة الصف اتدرسه عدل والباكستانيات مايخذون شي وايد اتدرسه لج اربع مواد 30 دينار يوميا وفي ارخص بعد طبعا بالشهر مو باليوم لفلوس ام نظافة المدرسه ابصراحه نضيفه بس عيبها انها اصغيره ومافي مصافط طق عصي علي المصافط ابصراحه انصحج فيها والله شوف عيني من الروئيه والابداع والبريطانيه يايين يسجلون ورسومها مو وايد نظام دفعات توكلي علي الله وسجليه
بس ان شاء الله اتلحقين لان ياخذون عدد معين ويوقفون لحقي فبل الجنسيات الاخري يركضون ركض لاتنطرين موعد التسجيل اذا تقدرين روحي هالايام

 

[السمرة~القمرة]

رد: مدرسة الكويت الباكستانية الإنجليزية

الله يبشرج بالخييييييييييييير
ياوجدان الخاطر ،،،،
واااااااااااااااااااي بردتي جبدي
الله يعطيج العافية

لالالالالالا ضروري اروح اسجله هاليومين !!!

ومشكورين ياحبيباتي:klhfl:

 

[sara999]

رد: مدرسة الكويت الباكستانية الإنجليزية

يعطيكم العافيه ..... الحين الباكستانيه الامجليزيه تاخذ عمر الحضانه ؟؟؟؟ واشرايكم اخلي ولدي بحضانته الحين وبعدين اوديه مدرسه خاصه من اولى روضه والا اتابعه بمدرسه وحده؟؟؟؟

 

[سارة_kw]

رد: مدرسة الكويت الباكستانية الإنجليزية

هلا حبيبتي انا اعيالي بالباكستانيه الانجليزيه بحولي رابعه وثالثه ابتدائي المدرسه روعه شوي عليها وقويه عدل عدل بالدراسه تاسيس صحيح ومافي طق ممنوع والناظره عجيبه الكل يحبه لدرجة ان اليهال بالهده يركضون عليها يبوسونها ام الابلاد يموتون رعب منها عندهم اتزفينها وتسبينها بس لا اتروحين تشتكين عند الناظره شوفي حبيبتي اول وثاني روضه مافي تعب وايد بس لازم اتتابعينهم يومي ام اول وثاني ابتدائي بتنتفين شعرج من الواجبات اليوميه والدراسه ام ثالثه قليل الواجبات ورابعه احسن والاهم من هذا ان اعيالج بلابل بالانجليزي ميه ميه وكل هذا الله يسلم المدرسات الخصوصي حطيله مدرسة الصف اتدرسه عدل والباكستانيات مايخذون شي وايد اتدرسه لج اربع مواد 30 دينار يوميا وفي ارخص بعد طبعا بالشهر مو باليوم لفلوس ام نظافة المدرسه ابصراحه نضيفه بس عيبها انها اصغيره ومافي مصافط طق عصي علي المصافط ابصراحه انصحج فيها والله شوف عيني من الروئيه والابداع والبريطانيه يايين يسجلون ورسومها مو وايد نظام دفعات توكلي علي الله وسجليه
بس ان شاء الله اتلحقين لان ياخذون عدد معين ويوقفون لحقي فبل الجنسيات الاخري يركضون ركض لاتنطرين موعد التسجيل اذا تقدرين روحي هالايام

وجدان انا معاج وايدج بقوة

الباكستانيه اللي بحولي احسن مدرسه شفتها اللي جدام الجابريه بس المواقف كله full :tomato2:

من ناحيه التأسيس ممتاز واسعارها معقوله بنتي بأولى روضة والحمد لله ماشيه معاهم

 

[red flower]

رد: مدرسة الكويت الباكستانية الإنجليزية

صباح الخير بالنسبه الباكستانيه اللي بحولي جم رقمها بعد اذنكم وانا محتاره بينها وبين التكامل شرايكم

 

[العهووود]

رد: مدرسة الكويت الباكستانية الإنجليزية

ما قصرتوااااا يابنات ..........نبي تفاعل اكثر ........ما حبيت ادخل ومااعلق ........ولدي صغير وودي ادخله حضانه شرايكم

 

[ريوف2]

رد: مدرسة الكويت الباكستانية الإنجليزية

ana 6aleba eb madresat elRU'YA o el9ara7a ashoof ena ta2seeshum bel KG wayed 8awi
ana adres feeha o greeb bat5araj..ma3a ena darast feeha bas sentain waaaaaaayed merta7a.
o tara 9ij ygoolon ena elbakestaniya zaina
(ma 7bait adesh o ma a3ale8)

 

[السمرة~القمرة]

رد: مدرسة الكويت الباكستانية الإنجليزية

هاااااااااااااااااااي
ولي عودة
مدرسة حولي فازت بأغلب الأصوات من المنتدى وبره المنتدى
لأني قاعده اسوي search مكثف
ولله الحمد وبعد الاستخارة ارتحت حق حولي الباكستانية
وهذي التفاصيل للي يحب يستفيد :
مدرسو حولي الباكستانية الانجليزية
الارقام : 22658334 - 22658443
الروضة :-
الرسوم بالسنة : 287ونص
على ثلاثة دفعات 100 - 100 - 87ونص
فتح الملف : 20
الملابس والكتب : 20
المواصلات : 153 مع المشرفة
على ثلاث دفعات 34 - 51 - 58 (( السعر أو تقسيمته غلط ))
التسجيل في: 16 فبراير
بداية الدراسة :منتصف ابريل

 

[مس يو]

رد: مدرسة الكويت الباكستانية الإنجليزية

هاااااااااااااااااااي
ولي عودة
مدرسة حولي فازت بأغلب الأصوات من المنتدى وبره المنتدى
لأني قاعده اسوي search مكثف
ولله الحمد وبعد الاستخارة ارتحت حق حولي الباكستانية
وهذي التفاصيل للي يحب يستفيد :
مدرسو حولي الباكستانية الانجليزية
الارقام : 22658334 - 22658443
الروضة :-
الرسوم بالسنة : 287ونص
على ثلاثة دفعات 100 - 100 - 87ونص
فتح الملف : 20
الملابس والكتب : 20
المواصلات : 153 مع المشرفة
على ثلاث دفعات 34 - 51 - 58 (( السعر أو تقسيمته غلط ))
التسجيل في: 16 فبراير
بداية الدراسة :منتصف ابريل

حبيبتي بداية الدراسة 1-ابريل مو نص ابريل وهذا بداية السنة الدراسية عندهم وانا مدخله عيالي الاثنين فيها بس والله الدراسة صعبة حيل فيها توني استلمت شهاداتهم ولدي الكبير اللي بثانية ابتدائي ذكي بسم الله عليه بس صدمني بالشهادة مستواه مو شي كلش مع اني مجابلته حيل بالدراسة بس مناهجهم صعبه ودسمة حراااام توهم صغاااار بس ماشاء الله تعلم اللغة الانجليزية لما تكلمه المدرسة جدامي يفهم كل اللي تقوله ويرد عليها وحتى لما نروح المطاعم يتكلم مع الجرسون انجليزي ويحب اللغة وولدي الثاني باولى ابتدائي صرااااحة مايعرف الارقام من بعض بس يعرف العد وما يعرف الجمع والطرح والحروف الانجليزية ما يميزها من بعض والله تعبت معاه حيل بس مستواه زين بالساينس(العلوم) درجة كاملة والسشوال(الاجتماعيات) جيد جدا والتربية الاسلامية اثنينهم امتياز والمواد الثانية مستواه جيد وانا كلمت له مدرسة خصوصية تعلمه الاحرف والارقام كتابة وقراءة مع انه هم اتعلم يتكلم انجليزي وعلى فكرة يا بنات ترا من ثانية ابتدائي يعطونهم لغة فرنسية بس بسيطة ارقام واحرف وكلمات سهلة وعبارت السلام والترحيب ماشاء الله ولدي مستواه حيل زين بالفرنسي تحسن عن اول وايد
بس والله تعبت من الواجبات والتدريس والمراجعة شكثر واجباتهم خصوصا انه دوامي عصر وارد البيت الساعة7.30 استلمهم تدريس وحل واجبات زززززززززهقة اكره نفسي ساعتها....وترا رسومهم حيل حلوه ورسوم المواصلات على حسب المنطقة وانتي الظاهر حاطه اللي تعرفينه..........
ووووووووووووووووبس ادري حدي قرقت :gathering:

 

[السمرة~القمرة]

رد: مدرسة الكويت الباكستانية الإنجليزية

مشكورة حبيبتي عالافادة
اي والله هذا اللي قالولي اياه لمه دقيت عليهم وحطيتيه

 

[sara999]

رد: مدرسة الكويت الباكستانية الإنجليزية

واااااي مس يووو صج الله يعينج وشوف عيني بصير نفس حالج

 

[كيتي]

رد: مدرسة الكويت الباكستانية الإنجليزية

سؤال عندهم حضانه؟

 

[أم أسيل]

رد: مدرسة الكويت الباكستانية الإنجليزية

حبيبتي ان مثلج بعد تفكير واستخاااارة اخترت مدرسة حولي الباكستانية الانجليزيه والتسجيل قالوا انشالله 15-2 والروضه صارت اللحين 296ونص
بس في ناس قالولي انها الاكسنت الانجليزي مو ذاك الزوود انا هذي الشغله متخوفه منها الله يعينى جميعا انشالله