هل لديكم طفل يعاني من التوحد- خلونا نتجمع

[Emanova]

وضوح : حاولي اتيبينةعصير 123 مال كي ديدي او فريسكو اللي بدون سكر

كلش كلش علميه على العصير الفريش

 

[wathoo7a]

يامال العافية يا أمون

 

[ناني سيكرتس]

وضوح : حاولي اتيبينةعصير 123 مال كي ديدي او فريسكو اللي بدون سكر

كلش كلش علميه على العصير الفريش

مشكوره امون عالعصاير, ودي اغير عصير يوسف بس ما ادري شعطيه..
عموما انا موقفه الدايت ماله وقلت حق عبير هالشي , اهي قالتلي عادي خليخ جذيه بس حاولي الحليب تعطينه حليب الارز ولا الصويا..
والحين الولد اخر دلع , يشرب حليب عادي وحليب كاكاو وسوالف بعد, بس قطعت عنه الكاكاو والحلاو, واذا اشتهى بالاسبوع مره ياكلهم ولله الحمد ماشي حاله..

 

[ناني سيكرتس]

صاجة يمكن من عصيرات كي دي دي
بس شنو البديل هالولد ملعوزني ذووقة صعب صعب
مشكورة على المعلومة أمون

ياحليلج يا وضوح, يبيلج دورة انضباط عسكري, ذوق ولدج صعب وانت مو راضيه تعودينه, خليج صارمه شوي..
شوفي انا شريت حق ولدي القلاص الي عليه غطا, وقمت اصب فيه اي عصير ابيه واحط فيه الفيتامينات ملوته واعطيه اياه, والحين اهو يشرب كل شي, اثاري ولدي ياكل ويشرب كل شي بس بدون لا يشوف شنو داخلة, القلاص فادني بهالناحية..

:eh_s(6):

 

[Emanova]

مشكوره امون عالعصاير, ودي اغير عصير يوسف بس ما ادري شعطيه..
عموما انا موقفه الدايت ماله وقلت حق عبير هالشي , اهي قالتلي عادي خليخ جذيه بس حاولي الحليب تعطينه حليب الارز ولا الصويا..
والحين الولد اخر دلع , يشرب حليب عادي وحليب كاكاو وسوالف بعد, بس قطعت عنه الكاكاو والحلاو, واذا اشتهى بالاسبوع مره ياكلهم ولله الحمد ماشي حاله..

و اشلون نفسيته عقب ما وقفتي الدايت ؟

انا حمودي ياكل بس بالعقل يعني انا احرمه من اكاكاو بالاسبوع علشان ادري بالزواره راح ياكل

 

[wathoo7a]

ناني تصدقين خوش فكرة:eh_s(9):
بجرب
تصدقين يوم ياكل معكرونية
وليمن نسويله مرة ثانية يتفلها:lkmnkl:
وهذا الطبع اللي فيه بكل شي
يعني ماتدرين شنو يبي ياكل
كل يوم الحبييب يتنقه اللي بياكله
وصاير نتفه عوود

 

[eman-77]

بنات انا راجعت عند عبير

عطتني نفس الدايت اللي عطتكم اياه اتوقع ونفس الفيتامينات

بس ماقالتلي اسوي تحليل جينات وراثيه

ايمانوفا ممكن تفيدي بخبرتج شنو الفرق بينها وبين فاطمه العوضي؟ وشنو التحاليل اللي طلبتها منج وعبير ماطلبتها
وتنصحيني اغير من عبير واروح لفاطمه ولا لا؟

سوري لو ازعجج

 

[شيخة الغيد]

خواتي ولدي بيكمل ثلاث سنين الشهر الجاي و شاكه فيه توحد وديته من 6 شهور للطب التطوري قالوا لي انه فيه صفات توحد و سوا له فحوصات بس ما قالوا لي شا اسوي
عزيزاتي من خبرتكم وجهوني شنوا اسوي من احسن دكتوره؟؟ مدحوا لي عبير عوض
اتابع بالتطوري والا لا
وين احسن حضانه خاصه حقه

شكرا مقدما

 

[مشاعل الشمري]

خواتي ولدي بيكمل ثلاث سنين الشهر الجاي و شاكه فيه توحد وديته من 6 شهور للطب التطوري قالوا لي انه فيه صفات توحد و سوا له فحوصات بس ما قالوا لي شا اسوي
عزيزاتي من خبرتكم وجهوني شنوا اسوي من احسن دكتوره؟؟ مدحوا لي عبير عوض
اتابع بالتطوري والا لا
وين احسن حضانه خاصه حقه

شكرا مقدما

السلام عليكم شوفي حبيبتي اول شي تودينه لدكتور مختص اي من اللي نصحوا فيه البنات او غيره(الله يطمنك عليهواذا ثبت ان فيه صفات التو حد فلا تخافين ولا تحاتين لان ان شاء الله مع التدريب السلوكي والنمطي والبصري يعني اذا لقيتي له حضانه اومدرسه او حتى مركز عبيرفراح يساعدونه باذن الله وخليك تابعي بالتطوري اصلا اهومراجعه كل سنه او ست اشهر وانتي بالبيت كلميه حطيه بحضنك وحاولي تجذبين عينه لك مره ومرتين وثلاث لاتملينالصبر
بالنسبه لي انشاء الله راح اتشوفينه يطور ويتحسن بس يبي متابعه والأهمالدعاء:eh_s(6):

 

[شيخة الغيد]

الله يجزاج خير بس منو من الدكاترة تنصحين فيه؟؟ و هل من الممكن انه يعيش انسان طبيعي لما يكبر؟؟

 

[مشاعل الشمري]

حبيبتي في دكتوره جميله العوضي بالتطوري وبعد نتاليا بالنسبه ليوسف وديته مرتين اول ما شخصوه بالتوحد حق دكتوره اجنبيه كانت بالشعب التخصصي والثانيه اردنية وتيي الكويت من فتره لفتره البنات يمدحون عبير والدكتوره فاطمه وديه ولا تنطرين عشان يطمن قلبك
ترى والله راح اتشوفين باذن الله ان راح يتحسن اذا خذا جلسات للسلوك ولكل شيء
انا حاسه فيج لانج ام وانا بعد كنت مثلج احس اني تائه،انا ولديدخل مركز التوحد وكان وقته من ابدع ما يكون وتطور واستجاب ولان الدكاتره بعد 3 سنين قالو ان الولد تحسن والحمد لله ولازم يدخل مدرسه بطيء تعلم ويتعلم وياخذ شهاده

 

[Emanova]

بنات انا راجعت عند عبير

عطتني نفس الدايت اللي عطتكم اياه اتوقع ونفس الفيتامينات

بس ماقالتلي اسوي تحليل جينات وراثيه

ايمانوفا ممكن تفيدي بخبرتج شنو الفرق بينها وبين فاطمه العوضي؟ وشنو التحاليل اللي طلبتها منج وعبير ماطلبتها
وتنصحيني اغير من عبير واروح لفاطمه ولا لا؟

سوري لو ازعجج

حبوبه انتي لازم تلفين على كل الدكاتره ... انا رحت حق عبير و عطتني الدايت و سويت التحليل حق ولدي طلع الدايت لا يفيد و لا يضر ... و آخر شيء قالت لي اكيد نقص اكسجين اثناء الولاده ( يعني شلل دماغي )

و انا قلت لها الشلل الدماغي ما يتحرك و ياكل ويلعب مثل ولدي و انتي ما سويتي له اشعه علشان تفتين ... عصبت و قالت لي هذا اللي عندي


رحت فيه عياده الاعصاب في مبارك و ترجيت الدكتور علشان يسوي لي اشعه مغناطيسيه ام آر آي علشان اشوف هالشلل الدماغي ... و حطييت ولدي تحت تخدير كامل و سوينا الاشعه طلع المخ طبيعي


التحاليل اللي اطلبوها الطب التطوري كلها طبيعي ما فيها شيء .... فتاكدت ان ولدي صفات توحد و ما ينفع فيه الدايت

علشان المتابعه رحت للدكتوره فاطمه العوضي و احلى ما فيها انها تنزل مستواها لمستوى الياهل و تلعب وياه و تحاول تطلع منه

و في ناس نفع معاهم الدايت لان جسمهم متأثر من الاكل ... فانتي سوي تحليل حق ولدج و شوفي اذا يمشي معاه دايت و لا لأ

و من هالنقطه تقدرين تتحركين تروحين حق عبير او غيرها

 

[Emanova]

خواتي ولدي بيكمل ثلاث سنين الشهر الجاي و شاكه فيه توحد وديته من 6 شهور للطب التطوري قالوا لي انه فيه صفات توحد و سوا له فحوصات بس ما قالوا لي شا اسوي
عزيزاتي من خبرتكم وجهوني شنوا اسوي من احسن دكتوره؟؟ مدحوا لي عبير عوض
اتابع بالتطوري والا لا
وين احسن حضانه خاصه حقه

شكرا مقدما

مثل ما قلت للاخت ايمان يعتمد على طبيعه ولدج الاكل يتأثر فيه و لا لأ ... و عندج مدارس متخصصه تودينه لان اهو الحين بعمر المدرسه

سوي اوراقه حق اللجنه التعليميه علشان يمديج السنه اليايه تدخلينه المدرسه ... و اهم شيء التدريب مثل ما قالت الاخت مشاعل

و يفضل تيبين له مدرس باليت او تروحين مدرسه التربيه النموذجيه عندهم مدرسين العصر و تدفعين كل مره يدش فيها علشان يدربونه على السلوكيات و على النطق

و اهم شيء انتوا في البيت كلكم تساعدونه تنتهزين اي فرصه ممكن يتعلم فيها شيء يعني كل ما تعطينه شيء تقولين اسم هالشيء ... اتعلمينه مفهوم الحار و البارد

اتحفذينه اساميكم و اسامي الخدم و اسامي بيت جده ... السالف طويله و يبيلها صبر و طوله بال و انج تتحملين .. مو يوم و لا يومين و لا سنه و لا سنتين ... لحد ما الله يفرجها

اهم شيء التدريب و ان الكل يساعدج يعني تعلمين كل اللي حواليج على طريقتج علشان الولد يمشي على نظام واحد

و شوفي في اشياء المدرسين و الدكاتره يقولون عنها ... انا الصراحه ما امشي عليها لان انا ابخص بولدي و انا ابخص بطريقه حياتي ....

السالفه طويله .. و ما تخلص اي سِال انا حاضر و احنا بين فتره و فتره نتيمع و حياج ويانا و نفيدج بتجاربنا

و اذا ولدج ما قط الحفاظه علميه من الحين لان الجو يساعد الحين

 

[شيخة الغيد]

اختي ايمان مشكورة لتفاعلج معاي بس والله تعبت من التفكير .. هذا اللي كاتبه لنا ربي لا حول ولا قوة
بس ماني مخليه قاصر على حمودي .. متى تجمعون و وين ودي اشكي لاحد مثلي و اتعلم منهم

 

[Emanova]

اختي ايمان مشكورة لتفاعلج معاي بس والله تعبت من التفكير .. هذا اللي كاتبه لنا ربي لا حول ولا قوة
بس ماني مخليه قاصر على حمودي .. متى تجمعون و وين ودي اشكي لاحد مثلي و اتعلم منهم

لا تتعبين ولا شيء هذا شيء الله كاتبه ... و اكيد ولدج حلو لاني لاحذت كل يهال التوحد حلوين اسم الله عليهم

اشوي اشوي كل شيء يتعدل

ولدي حمودي كان كلش ما ادري شنو يبي شنو يعوره ... الحمدالله الحين يقولي جم كلمه و انا افهم شنو قاعد يصير او شنو يبي

كله بالصبر و مثل ما قلت لج ضبطي اوراقه حق اللجنه التعليميه و دخليه مدرسه زينه عندج التربيه النموذجيه ولدي فيها وايد زينه

وخري عن مدرسه هوب

و يبي له مدرس او ودي نفس المدرسه اللي قلت لج عنها علشان يعطونه الدروس

اهو يبيله مجهود جسماني و نفسي و مادي بس الله يسهل و الله يفتح باب الرزق

صدقيني و خذيها مني انا كل ما اسوي شيء زين حق حمودي الله يفتحها علي من صوب ثاني هاليهال بركه من رب العالمين

 

[شيخة الغيد]

اختي ايمان فيه مدارس يقبلون طفل بعمر 3 سنين؟؟؟ اي مدرسه و المدرس عندج رقم؟ يا ريت تعطيني ياه

 

[بنت.المطيري]

الله يشافي عيالكم يارب
ويخليهم لكم امين

 

[ناني سيكرتس]

و اشلون نفسيته عقب ما وقفتي الدايت ؟

انا حمودي ياكل بس بالعقل يعني انا احرمه من اكاكاو بالاسبوع علشان ادري بالزواره راح ياكل[

من وقفت الدايت اهو احسن من قبل الدايت, بالعكس الحين انا عندي متطور اكثر, بس شنو انا مواضبه عالفيتامينات بس الحليب الي يشربه اهو حليب الارز او العيش, واذا عالخرابيط مره بالاسبوع ويوم زوارة بيت عمامه يخوره عادي.. :eh_s(6):

 

[ناني سيكرتس]

خواتي ولدي بيكمل ثلاث سنين الشهر الجاي و شاكه فيه توحد وديته من 6 شهور للطب التطوري قالوا لي انه فيه صفات توحد و سوا له فحوصات بس ما قالوا لي شا اسوي
عزيزاتي من خبرتكم وجهوني شنوا اسوي من احسن دكتوره؟؟ مدحوا لي عبير عوض
اتابع بالتطوري والا لا
وين احسن حضانه خاصه حقه

شكرا مقدما

شوفي لازم تتابعين بالطب التطوري ولو ان شغلهم خرطي بس هالشي راح يفيدج عشان اذا بيدخل الحضانه ويكمل دراسته, وعشان بتقريرهم يمشون له معاش, وبعد كل فتره على ما اعتقد يطلبون منج تقرير الا انت عندج مراجعات عندهم, يعني في لج فايده من هالمراجعات. وبنفس الوقت راجعي عند دكتور خاص, يا عند عبير او عند فاطمه..
اما بالنسبه للحضانه روحي حق القسم التعليمي بالمجلس الاعلى وطلبي منهم لستة المدارس الخاصه والحضانا الي يدفعون لهم المجلس واخذيلج فره عليهم, والي تعجبج دخلي ولدج فيها.

ترا يمدحون الحضانه الي بالخالديه, سالي سنع ومنع عنها..

 

[ناني سيكرتس]

ناني تصدقين خوش فكرة:eh_s(9):
بجرب
تصدقين يوم ياكل معكرونية
وليمن نسويله مرة ثانية يتفلها:lkmnkl:
وهذا الطبع اللي فيه بكل شي
يعني ماتدرين شنو يبي ياكل
كل يوم الحبييب يتنقه اللي بياكله
وصاير نتفه عوود

والله قاص عليج هالولد.. :eh_s(6):
خليج حازمه وصارمه شوي, بعدين اذا يتشترين من هالقلاصات اشتري حق يسوفي واحد معاج لان قلاصه تلعوز من كن كثر الاستخدام, ترا قلاصه ماخذته له من ماكس بس يمكن تلقين ب 100 فلس, عموما انا قلاصات عيالي اتعب عليهم فكل ما احد سافر را اوصيه يشتريلهم قلاصات بلاستيك فيهم عود..