¨°o.O ( سـفـرتي بالصـوت والصـورة لبـلاد العجـائـب ... الهنـــــــد ... ) O.o°¨

[سياسية]

ومازلت متابعه السفره واشتهيت الاكل الهندي

بعد قلبي منوووله

حاسة فيج ...

طلبي من مغل محل :ggdw:

تابعيني

راح أكمل عن قريب جداً

 

[منوووووله]

متابعه معاج والله ودي اطلب بس الود ودي والهوى ضدي خخخخخخ

 

[سياسية]

تكملة اليوم الثامن

طبعاً لاحت في الأفق دلهي و التقطت لكم بعض الصور من الطيارة..

ونزلنا المطار....

طبعاً من أكبر المطارات اللي شفتها بحياتي لدرجة الطيارة بعد ما نزلنا قعدت تمشي على المدرج ثلث ساعة لغاية ما وصلنا مدخل الترمنال للقادمون..

وقاعدين يبنون ترمنالات ثانية..شي دبلوماسي و شي للرحلات الدولية و شي للرحلات المحلية..

والحمدلله على سلامتنا... وصلنا و دخلنا الترمنال عشان نستلم جناطنا..

مطارهم من داخل

وطلعنا حملنا أغراضنا بالسيارة و توكلنا على الله للفندق..

يتبع...​

 

[سياسية]

تابع اليوم الثامن..

طبعاً الجو حلو و الخضرة ما شاء الله في كل مكان .. نظام المنطقة نفس البنيان البريطاني.. مرتبة و منظمة وايد ..

ووصلنا الفندق..

كان فندقنا أمبيريال.. وطالبته لأني كنت مقيمة فيه من قبل و عاجبني نظام الفندق حيل راقي و أفضل فندق في دلهي.

دخلنا البوابة..

وصار في تأخير بتسليم الغرف لأن الجيك ان لازم متأخر.. و احنا واصلين مبجر وما كانت متوفرة غرف في الوقت اللي وصلنا فيه..

فقلنا نمر على بوفيه الفندق حزة الغداء إذا عجبنا تغدينا.. وان ما عجبنا طلعنا..

ومرينا على البوفيه أشوة ياز حق الجماعة و تغدينا و هذه صور البوفيه.

يتبع... ​

 

[سياسية]

تكملة البوفيه..

يتبع...​

 

[سياسية]

تابع البوفيه والحلويات..

يتبع..​

 

[سياسية]

تابع..

طبعا ما بين روحتي و ردتي على البوفيه .. ولا ألمح هذيج الشقرة.. ياربي أعرفها..وشايفتها..بس نسيتها منو..

طبعا صورتها ..

وطلعت النجمة السينمائية..
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v



قولدي هون..

جان أناديها و أسولف معاها..

استأذنتها إني أصور معاها والمسكينة ما حبت عشان المعجبين ما ينتبهون لأنها متنكرة بنظارة وماتبي أحد يعرفها..جان أقولها بس صورة وحدة والحمدلله حصلت عليها بس للأسف ما اقدر احطها لكم ..


وخلصنا من البوفيه و سلمونا الغرف..

هذا الممر اللي يودي للأصنصيرات عشان نروح غرفنا بالدور الثالث..

يتبع..​

 

[سياسية]

وصلنا الغرف وهذا كان شكلها من داخل..

صالتنا للقعدة و لشرب الشاي..

الباب اللي فيه منظرة هو الحمام عزكم الله..

وهذا شكله من داخل..

أكمل معاكم باجر.. تعبت الحين..

: )​

 

[يابختي]

الله..واخيرا قاعدة تكملين..وايد اشتقت للموضوع...وخووش بوفيه

 

[نسايم دبى]

خووووووووش رحله
الله يهنيكم

 

[نووووونا]

روعه


ولكم باك السياسيه



البوفيه عجيب والصور حلووووووووه



متابعه معاح ان شاءالله

 

[توتاتوتا]

بالصراحه الموضوع روعه وتسليمين على الموضوع الحلو

 

[سياسية]

الله..واخيرا قاعدة تكملين..وايد اشتقت للموضوع...وخووش بوفيه

هلا وغلا يابختي..

الحمدلله تعدلت الأوضاع والنفسية حالياً عال العال..

وتشتاق لج العافية

عليج خوش صورة حق الجباتي بتوقيعج .. تخلي الواحد ايووع

تابعيني ياقلبي

 

[كتكوته551]

واااااااااااااااااااااو تقيري خيااااااااال يعطيج العافيه على المجهود حبيبتي
والله ودي اروح الهند

 

[كتكوته551]

الفندق ماشاءالله عجييييييب ..

كملي حبوبه متابعينج..

 

[سياسية]

خووووووووش رحله
الله يهنيكم

الله يسلمج ياقلبي تناهيد

وحياج الله خلج متابعتني

 

[سياسية]

روعه


ولكم باك السياسيه



البوفيه عجيب والصور حلووووووووه



متابعه معاح ان شاءالله

هلا وغلا نجد

اي ما شاء الله فيه ما لذ و طاب

تنورين ياقلبي ..

 

[سياسية]

بالصراحه الموضوع روعه وتسليمين على الموضوع الحلو

مشكورة ياقلبي على هالكلام الحلو..

ونورتي موضوعي

 

[سياسية]

واااااااااااااااااااااو تقيري خيااااااااال يعطيج العافيه على المجهود حبيبتي
والله ودي اروح الهند

بعد عمري تسلمين على كلامج الطيب

ان حصلت لج فرصة روحي..

انا حبيتها و ودي كل مرة أروح لها

نورتي موضوعي كتكوتة..

 

[سياسية]

تكملة اليوم الثامن

بعد ما نمنا وريحنا العصر.. قعدنا ولا الدنيا مغربيات.. وين نروح وين نروح.. قلت ماكو الا أمشيهم بالسيارة نتفرفر و تالي نتعشى و نرجع الفندق نصفصف اغراضنا و نبتدي جولاتنا المكوكية من باجر..

قمنا غسلنا و صلينا و لبسنا وتوكلنا على الله..

نزلنا بالاصنصير .. ولا هالقعدة بويهي..حبيتها حسيتها هدوء..ومالت انقلش بريك فاست تي و تقرين الجرايد فيها..

هذا الممر اللي يودي للرسبشن..

طبعاً الفندق يعتبر متحف من كثر اللوحات والشغلات الفنية اللي يحتويها.. شي رائع جداً ..

وهذا كان بدال الطاولة اللي يحطون عليها بوكية ورد كبير بنص الرسبشن.. كانوا حاطين مجسم غريب و كله ورد..عجيب و ريحة الورد ما شاء الله فايحة..

وانا انطر السايق.. ولا بويهي هالسيارة..

طبعاً الفندق يحتوي على سيارات رولزرويس قديمة جداً.. بحط لكم صورها عن قريب ان شاء الله...

ركبنا سيارتنا و توجهنا على طول لأول معلم من معالم دلهي..وهي بوابة الهند

وهذه اهي عن قرب

تحتها قبر الجندي المجهول !

طبعا كان يوم السبت و المكان خبصة و زحمة..

وكل من يستعرض بشي..

وكنت اسمع صوت اغاني و هقيت إنه فرقة مسوية شوو.. بس طلع واحد مركب له مسجلة و حاطها على قاري و يتفرفر فيها..

ذكرني بأيام الخيران بأول التسعينات ايام ما كنا نتمشى بالقاري بو أربع تواير و المسجلة السودة ولا الحمرة نحطها بالكرسي او السلة اللي جدام <-- يعني كووول... هههههه

بس شوفوا الفرق بينا و بينهم..

شوفوا مسجلته شلون صايرة..

ما استبعد إنه هو اللي صانعها بنفسه !

وأشم ريحة الفحم و الجو كان فيه هبة هواء شوي..ذكرني بالمخيم و الشاي المخدر..

ولا واحد يمشي ومعاه جاي و حليب على الفحم.. ويبيع على الناس..

كل شي مزهب معاه.. الجاي مخلوط مع حليب بالغوري العود.. والتب فيه القلاصات و القفاش و الشكر و اللزي منووو..

تالي يطلعون لنا يهال يبيعون العاب بدائية..بس ما شرينا منهم و يحليلهم يلزقون لزقة عنزروت هههههه.. الا تشترين منهم..

فجأة جان يطلع واحد ريّال عود و معاه حوسة اغراض..قالي صوريني و اشتري مني..طبعاً استغليت و صورته..بس ما شريت.. هههههه

يسويلي حركات بألعابه شووفوا معاي..

يتبع...​