يا بنات تعلموا درس من المجلس السابق .......

[كريستال ليدي]

أي والله صاجة
الأمير قالها "احسنو الإختيار"
يعني بالكويتي الفصيح "الوجوه إلي شفتها بالمجلس إلي فات مابي اشوفها مرة ثانية"

بس من تكلمين و من تفهمين؟
صدقيني هذا و يهي إذا نفس الوجوه إلي بالمجلس من سنة 81 بترد, و نرجع على نفس الموال

الكويت صارت عار على الديمقراطية

تصدقين عندي نفس الشعور انهم راح يرجعون نفسهم

 

[كريستال ليدي]

انا عن نفسي اذا بصوت مارح اصوت حق الي صوت لهم بصوت لغيرهم لانه صج بينت ويوهم ورا الانتخابات

ويمكن ما اصوت بعد وكلام الامير عدل احسنو الاختيار تكفوون مانبي نشوف الويوه نفسها نفسهاا :\

اي والله نبي ويوه يديده بالمجلس يمكن الوضع يتعدل

 

[كريستال ليدي]

صح كلامكم والمرتشي قبل لا يبيع صوتة خل يفكر اشوي انك مو بس بعت صوتك بعت ديرتك وعيالك ونفسك وكل الحجي اللي قالوه لك خرابيط ابسط شي تذكروا دعايات حدس شنو كانت عنه عن الصحة والتعليم اشوف لما وصلتوا المجلس الحجي صار غير مايبتوا لا طاري صحة وله تعليم تكفووووون ديرتكم وعيالكم لا اتبيعونهم بس رجعنا 20 سنة ورا والدير اللي حولنا اللي كنا نطنز عليها صارت واستوت وانتوا وين صرتوا؟ ماشبعتوا بوق؟ لي وين تبي كرشك يوصل؟
تكفووووون لا اتبيعون عيالكم المرتزقة اللي كانوا بالمجلس اللي طاف مانبيهم نبي ناس تخاف على عيالها وديرتها

اي والله صــــــــــــــــــــــــــــــــــــــــــــــاجة
ما شفنا منهم شي فيه خير و شعاراتهم كلهم كانت على الفاضي

 

[كريستال ليدي]

للاسف نفس السناريو راح يتكرر
كل سنه هذا الكلام نقوله
ما نبي نفس الويوه
و نفس الويوه ترجع و بعد الي يقهر بأعلى الاصوات
منو قاعد يوصلهم للكرسي غير اصواتنا؟؟
نبي ناس يدد يخافون على الكويت قبل ما يخافون على مصالحهم الشخصية و جيوبهم

بسنا تشاؤم يا عقربة
خل نتفائل بالمجلس القادم ان شا الله يكون احسن

 

[كريستال ليدي]

اي والله ملييييييييييييييييييييييييييييينا من هالنواب ماكو غيرهم

يبا نبي حريم هالمره يمكن الحال يتسنع

انشالله يطلعون حريم بالمجلس القادم

 

[كريستال ليدي]

الله يحفظ الكويت ويحرسها
ومثل ما قال الامير
احسنــــــــــــــــــــــــــــــــــــــتو الاختيـــــــــــــــــــــــــــــــار


ترا الكويت ما تستاهل اللي صارلها

اي والله ما تستاهل يا بعد عمري يالكويت

 

[كريستال ليدي]

اي والله عيزززنا و احنا نتكللم ونقووووول ونصرررخ باعلى صووت مانبيهم بس عمك اصمخ مااااكو فااااااايده ..


(( لا لنواب اسقاط القروض ))

(( لا لنواب الاستجوابات التاااااااااافهة ))

(( لا لنواب الدبكة ))

(( لا لنواب التأبين ))

(( لا لنواب حفل غزة ))

(( لا لنواب يضيعون الكويت بتفاهاتهم و قضاياهم السخيفه ورفعهم للاحذيه و التطاول على رموز البلاد ))


ياااااااااااااااارب


ياااااااااااااااااااااااااارب

كلهم يطيحون و يسقطون واحد ورا الثااااني يــــــــــــــــــارب .. ماشفنا منهم الا العااااااااااار و الفشيلة لحساب نفسهم و مصالحهم ..

يسلم بؤك

 

[كريستال ليدي]

الكويت ماتستاهل
واحنا ما نستاهل
افكر ما اصوت هالمرة
وجان زين يريحونا منهم سنتين

اي والله بس للأسف الحل كان دستوري و الله يستر من الياي هالمرة

 

[كريستال ليدي]

يعطيج العافية صاحبت الموضوع ...واللة انج صاجة.....
والحمداللة اهلنة معانة وفاهمين الي صار .وانشالة مانصوت الا للي يبي الكويت
الي يحب الكويت....مو بس ربة لحية خلاص نصوتلة....وفي واجد واللة انفضحوا...
وانشالة ماراح نصوتلهم....يمنعون انا نستانس بعيد تحريرنة ..
وهم يرقصون بحفلة حق حركة وسلطة. تتمنة زوالنا وحاسدتنا ,,,يقولون حراام وهم يرقصون
ويغنون .

صح لسانج يالغالية

 

[كريستال ليدي]

السلام يابنات الكويت الوفيات فديتكم وربي يحفظ الكويت من كل شر

انا لي وجهة نظر وأتمنى تتقبلونها

بنات افهموووو موكل النواب بياعين حجي وكلام فاضي في الزين وفي الشين والنائب موبيده يقلب الوضع في اقتراحات والاقتراح يحول ويدرس والقرار مو بايد النائب !!! يابنات افهموووو صح في ناس تقدم استجواب بقصد شخصي لكن في استجوابات لازم تقدم ؟!! شفايدة المجلس اذا موعينه ع الخطأ ومحااااسبة المخطئ ؟!! ليش احنا وصلناهم للمجلس موعشان يحافظون على ثرواتنا من البوق والاختلاس ؟!!

احناااا ماندري شقاعد يصير شي مهول بووووق وسرقة واحتيالات وهدم وكل من يركض ورا مصلحته بس كاااااااااافي اختارو الأصلح صححح بس الحل مو في الغاء المجلس أبداااااااا ..... والغلط مو على النااائب وحده ... أتمنى تتفهمون اللي قاعد يصير وانا أقول كلامي هذا وأقسم بالله مالي اي علاقه بأي نائب أو عضو أوحتى فراش المجلس ...

قلبي ع الكويت وبسسسسسسس ... آآآآسفه ع الاطاله

في الزيين و الشين لكن الخير يخص و الشر يعم

 

[كريستال ليدي]

ياقلبي سرينااا

لا تتعبين نفسج حبيبتي ......كلن عقله في راسه وعارف خلاصه

فيه ناس تنظر للقشور وتترك اللب

تنظر لسفاسف الامور وتترك عظامهااا



والشعب هو اللى راح يختااااار وراح يقول كلمته

حياج الله و مثل ما قلتي كل واحد عقله براسه و اكيد انتي ما تشوفين ال ......سفاسف !

 

[jasmine_flower]

ما اقول اله الى اقالته المطربه فيروز : ياداره دورى فينا ظلى دورى فينا

 

[^وجد قلبي^]

الله يحفظ لكويت من كل شر ..

 

[كريستال ليدي]

ما اقول اله الى اقالته المطربه فيروز : ياداره دورى فينا ظلى دورى فينا

لوووووول

لا ياسمين فال الله ولا فالج ان شا الله الياي احسن

خلونا متفائلين

 

[كريستال ليدي]

الله يحفظ لكويت من كل شر ..

اللهم امين

 

[ScarletteO'Hara]

بسنا تشاؤم يا عقربة
خل نتفائل بالمجلس القادم ان شا الله يكون احسن

انشالله يا رب يكون المجلس احسن, من بوئك لباب السما يا رب!

 

[منوووووله]

نعم هالمره للمرأه والاختيار الصحيح والوجوه الجديده

نبي شباب فيهم حماس لحب الوطن ومصلحته لديرته واميره وشعبه فقط

 

[بدويـــة مودرن]

الله يحفظ لكويت من كل شر ..

اميييين يارب

 

[كريستال ليدي]

نعم هالمره للمرأه والاختيار الصحيح والوجوه الجديده

نبي شباب فيهم حماس لحب الوطن ومصلحته لديرته واميره وشعبه فقط

انشالله هالمرة المرة بتكون لها بصمة واضحة بالانتخابات

الكل متوقع جذي

 

[cat_q8]

لللأسف ناس وايد مايهم الا مصالحهم وماينتخبون الا النائب اللي يمشي مصالحهم وأمورهم والكويت؟؟؟؟؟؟؟؟ آآآخر تفكيرهم
وناس تاخذ فلوس عشان تبيع صوتها وذمتها وديرتها !!!!!!!!!!!
وناس اول وآخر همهم انهم ينتخبون ولد قبيلتهم !!!!!!!!!!! سواء زين او شين
وين تبون المجلس يتغير !!! او يتعدل !!! او يتطور!!!
الله كريييييييييييييييييييييييييييييييم