ملفي للسلطات المبتكرة والسندويشات المميزة ...

[جوري وبنفسج]

السلام عليكم

الغالية دودو كويتية
تسلمين على المرور الحلو والله يعافيج ويسلمج يا قلبي :hjy5jewf:

الغالية راقية باخلاقي
تسلمين يا حلوة على المرور الراقي وأشكرج على حسن ظنج يا قلبي :hjy5jewf:
تدرين عاد أن في وحدة من أقاربي نصحتني قالت لا تنزلين الوصفات حارم تروح عليج سوي لج كتاب حتى تستفيدين قلت لها أنا ما أحب هالسوالف وخل كل الناس تستفيد من تجاربي وليش كل شيء لازم يصير فيه فلوس كافي الدعوات الحلوة اللي أحصلها من خواتي في المنتدى والله أنها أحلى وأغلى من الفلوس

نوت / ماشاء الله النك نيم شروكة مع العايلة كلها لووول :dddds: اللهم يخليهم لج​

 

[Angel Eyes]

ابداااااااااااااااااااااااااااااااااااااااااااااااااااااااااااع .... لايوقف لايوقف لايوقف لايوقف لايوقف لايوقف لايوقف لايوقف

 

[digital]

اختى عز الاسلام جربت سلطة شرائح الباذنجان وكانت جدا جدا لذيذه بس انا ضفت لها المشروم

تسلم ايدج ومشكوووره

 

[zeinb_moh]

يعطيك العافية

 

[أم حسون]

ولكم باك والله خوفتيني عليج قمت احاتيج عموما ناطرين شغلج حبيبتي

 

[قطوة@@]

ماشاء الله عليج

يعطيج العافيه

 

[Laymo0ona]

ماشاءالله عيني عليج بارده شغلج مو طبيعي
ان شاءالله راح اجرب طبق التورتيلا المميز والخفيف

 

[<> إيلاف الكويت <>]

كثر الله من امثالج

 

[كل الفخر]

يعطيج الففففففففففففففففففففففففففف عافية عزووووووووووووووووو
لا يوقف لايوقف لايوقف

:d

 

[كل الفخر]

يعطيج الففففففففففففففففففففففففففف عافية عزووووووووووووووووو
لا يوقف لايوقف لايوقف
:wqedqw:

 

[أميره بضحكتي]

الله يعطيج العافيه

وتسلم ايديينج

 

[شوق2007]

ماشاءالله يعطيج العافيه سلطات عجيبه

 

[ام سلومd]

السلام عليكم

الغالية دودو كويتية
تسلمين على المرور الحلو والله يعافيج ويسلمج يا قلبي :hjy5jewf:

الغالية راقية باخلاقي
تسلمين يا حلوة على المرور الراقي وأشكرج على حسن ظنج يا قلبي :hjy5jewf:
تدرين عاد أن في وحدة من أقاربي نصحتني قالت لا تنزلين الوصفات حارم تروح عليج سوي لج كتاب حتى تستفيدين قلت لها أنا ما أحب هالسوالف وخل كل الناس تستفيد من تجاربي وليش كل شيء لازم يصير فيه فلوس كافي الدعوات الحلوة اللي أحصلها من خواتي في المنتدى والله أنها أحلى وأغلى من الفلوس

نوت / ماشاء الله النك نيم شروكة مع العايلة كلها لووول :dddds: اللهم يخليهم لج​

اي و الله كلام العقل الله يعطيج العافية و يعطيج على نيتج:ada:

 

[جوري وبنفسج]

السلام عليكم

شلونكم يا أحلى كويتيات

مشكورين كلكم على السؤال والأهتمام يا قلبي

اختى عز الاسلام جربت سلطة شرائح الباذنجان وكانت جدا جدا لذيذه بس انا ضفت لها المشروم

تسلم ايدج ومشكوووره

ماشاء الله تفانين حلوة وهذا اللي يعجبني بالتطبيق أن كل وحدة تضيف لمساتها على الطبق وما تتقيد فيه حرفياً وتسلم أيدينج شكله يشوق :ggdw:

وأن شاء الله هالجمعة راح أحط لكم أطباق جديدة لأن هالجمعة بس عندي إستراحة ​

 

[جوري وبنفسج]

السلام عليكم

شلونكم يا أحلى كويتيات

اليوم جبت لكم تعويض عن فترة أنقطاعي عدة أطباق

والحين مع الطبق الأول

* لفائف الباذنجان بصلصة الأفوكاتو الحامضة *

باذنجان مقطع شرائح بالطول ننقعه بالماء والملح وبعدها نقليه


وللصلصة نحتاج

حبة أفوكاتو



لبنة حامضة



مايونيز



ملح بالثوم وبقدونس مجفف


عصير ليمون

نخلطهم بالخلاط



وبعدها نأخذ شريحة الباذنجان ونمسحها بالصلصة ونلفها لين ننتهي من كل شرائح الباذنجان



نصفهم بطبق التقديم ونزينه بالجوز والكزبرة المفرومة وللمسة النهائية شوية جبن بارميزون




وهذا الشكل النهائي للطبق
​

 

[جوري وبنفسج]

السلام عليكم

الطبق الثاني من تفانين خدامتي أنوما

سلطة حلوة ومفيدة ولذيذة أخذنا طريقتها من خدامة أختي بس خدامتي تتفنن فيها أكثر ههه قامت تنافسني بالسلطات :dddds:


* سلطة الخضار بالرمان *

أنا قلت لخدامتي لا تسوينها حتى أصورج بس من زود العجلة سوتها وما نطرتني :dddds:

المقادير

رمان

ذرة معلبة

خس

كرومب أبيض وبنفسجي

خيار نقصصه أعواد

فلفل بارد أخضر وأحمر

طماط صغار (طماط شيري )

جرجير

ريحان


وللصلصة نحتاج

مايونيز + روب + عصير ليمون + زيت زيتون + ملح بالثوم + نعناع مجفف + بقونس مجفف

وللمسة النهائية نحط جبن بارميزون اللي يجي بعلبة على شكل مبشرة تبشرينه فرش على شكل شرايح طعمه حده لذيذ ( تلقونها بمركز سلطان بس مو دايم موجودة أنا أذا لقيتها آخذ منها كمية صحيح سعرها غالي شوي بس تستهال )
وهذي صورة الجبن



وهذا الشكل النهائي للسلطة ( اليوم من العجلة تصويري على الماشي :tomato2: )
​

​

 

[الروح المتوهجة]

تسلم ايدج عز على الطبقين كل واحد احلى من الثاني


بجرب البيديان حق عزيمة رفيجاتي شكله حده فنتق و غريب


ما ننحرم منج ولا ابداعاتج يالغالية

 

[جوري وبنفسج]

السلام عليكم

الطبق الثالث

* سلطة الدجاج بالخضار *


أول شيء نحتاج صدور دجاج فيليه نقصصها مكعبات ونتبلها ونشويها بالشواية



بصل نقصصه شرايح وننقعه بخل البلسمك ( الطريقة شفتها بأحد وصفات مطبخ الكويتيات وعجبتني وأقتبستها ) نصفيه من الخل قبل لا نضيفه للسلطة



جزر مبشور



خس هولندي نقصصه شرايح



بطاط مسلوق نقطعه مكعبات




كوسا نقصصها شرايح ونشويها بالشواية وبعد الشوي نقطعها مكعبات




نخلط مكونات السلطة

والحين نجي للصلصة

أنا شريت صلصة جاهزة وهي عبارة عن صلصتين تخلطينهم مع بعض ( وهي صلصة الدجاج الدافئة + سيزر )



هذا شكلها لما فتحتها



نخلط الصلصتين مع بعض ونضيفها على مكونات السلطة



وللمسة النهائية نضيف جبن بارميزون وكرنشيز



وهذا الشكل النهائي




وصحتين على قلبكم​

 

[الروح المتوهجة]

حلوة حق عشا خفيف

تسلم ايدج عز

 

[ام سلومd]

عز الاسلام مشكككككككككورة و الله صج من دون مبالغة فقت سلطاتج باذن الله اذا الجو زين باجر بروح مركز سلطان سلطة الدياي شكلها عذااااااااب و البيديان جنج تدرين اني احب البيديان مركز سلطان على طول بحيل الله اذا الجو زين