هل لديكم طفل يعاني من التوحد- خلونا نتجمع

[Emanova]

ام سلومي : البنات يفيدونج اكثر مني بس انا ايام ما كنت امسويه دايت حق ولدي كنت احاول كثر ما اقدر

عندج تقدرين اتيبين الطحين الخاص و تسوينه مثل البان كيك ... او القطايف و تحشينه دياي او لحم مثل ما ولدج يحب و تحشينه و بعدين بالفريزر انا هذي كنت اسويها حق ولدي

و عندج الصمون مال دكتور شار قصيه بالنص سويه بيزا طبعا بجبن الصويا و يا وجبه بوجبه تسوينها او تفرزينينها

عندج احسن شيء للدايت الاكل الكويتي العيش و المرق و المجبوس لان ما فيه اشياء من الحليب و القمح

و الله يعيج الصراحه

انا اذكر قبل ارض الطبيعه يبيع لبنه صويا ... عاد ما ادري لحد الحين و لا لأ

 

[أم سلومي]

مشكوره Emanova

 

[أم سلومي]

أنا لاحظت شغلة صارت مع ولدي و أثنين غيره و حابة أستفسر عنها...
ولدي كان تقريبن ما يسمع بسبب وجود سوائل بإذنه عرفنا عنها متأخر شوي و سويناله عملية سحب سوائل... أنا أتوقع إن هذا الشي أهوا اللي أخخر النطق عنده و خلاه يكتسب سمات توحد...
في وحده صار معاها هالشي ...و اكتشفت متأخر إن ولدها ما كان يسمع عدل!!

 

[Emanova]

حبوبه اذا ما يسمع بس التواصل البصري زين معناته ما في توحد بس ما يسمع و ماكو تواصل بصري هذي وحده من سمات التوحد

انتي شوفيه اشلون قبل النظام الغذائي و شلونه عقبه ؟ و اشلونه قبل سحب الماي و اشلون عقب ؟

التواصل البصري مثل ما اهو و لا تعدل عقب الدايت ؟!؟؟!

 

[الصابرة المحتسبة]

أم نوفا: صبحج الله بالخير
بخصوص الغيرة عندي اقتراح ليش ما تخلين الصغير يشاركج في المشترى للياهل اليديد وتاخذين رايه وتشجعينه وتكافئينه بعد وتحسسينه بأنه اهو الغالي والحبيب بتصرفاتج وتقربينه حيل لج بهالفترة .

 

[cute_batoota]

بنات الله يشافي عيالكم يا رب انا ولد اختي فيه توحد فكنت قاعدة اسوي بحث لقيت ان في علاج يديد بامريكا وهو العلاج بافيتامين بي 6 والمغنيسيوم تكون على هيئة شراب او بودر او حبوب واكتشفو ان في حالات تشافت خلال ايام من العلاج وكانو شارحين اهميه هالشيين بانتاج الدوبامين وهو مادة فعاله بالمخ ما ادري انا بسال عن هاشي والجرعات وانشالله يفيد يا رب

 

[wathoo7a]

ولدي عنده سوائل باذنه ودائم الأاتهابات بلأذن الوسطى

 

[Emanova]

أم نوفا: صبحج الله بالخير
بخصوص الغيرة عندي اقتراح ليش ما تخلين الصغير يشاركج في المشترى للياهل اليديد وتاخذين رايه وتشجعينه وتكافئينه بعد وتحسسينه بأنه اهو الغالي والحبيب بتصرفاتج وتقربينه حيل لج بهالفترة .

ماكو فايده حتى هدايا و العاب يبت له و قلت له من البيبي ....مو راضي يتقبل:0bee2e8d89:

 

[شيخة الغيد]

ام سلومي .. انا ولدي كانوا يقولون فيه صفات توحد و الحين يقولون سمعه ضعيف و من موعد لي موعد و الله اعلم

 

[مشاعل الشمري]

ام سلومي .. انا ولدي كانوا يقولون فيه صفات توحد و الحين يقولون سمعه ضعيف و من موعد لي موعد و الله اعلم

الله يبلغك فيه ويشافيه

 

[أم سلومي]

ولدي عنده سوائل باذنه ودائم الأاتهابات بلأذن الوسطى

انزين سويتوا حق ولدج عملية سحب سوائل؟
انا ولدي عقب ما سووله العملية و حطوله تيوبات ماشاءالله تحسن .. أول شي تحسن فيه نومته ،قبل العملية كان مستحيل يسحب نومته لين الصبح ،كان كل ليله يفز بالليل و يبجي و يرد ينام الصبح شوية... الظاهر حبيبي كان متلعوز من الالتهابات اللي بأذونه مسكين .. واللي مجرب عوار الاذن يعرف شلون يذبح!
أول قبل العملية كان من مضاد لي مضاد ,كل ما يخلص كورس المضاد نوديه مراجعه و يقول الدكتور ان ليلحين معاه التهاب.. و يرد يوصف له مضاد ..لين سويناله العملية و ارتاح من هالمضادات لأن السوائل اللي بإذنه إهي اللي كانت تسويله هالالتهابات ..و التيوبات فادته وايد عشان ما ترد السوائل تتيمع ورا اذنه مره ثانية.

 

[أم سلومي]

ام سلومي .. انا ولدي كانوا يقولون فيه صفات توحد و الحين يقولون سمعه ضعيف و من موعد لي موعد و الله اعلم

شيخة حبيبتي أقدر أقوللج من تجربتي عن قناعه ان معظم الأطباء الموجودين بالكويت واللي الواحد مضطر يروح لهم بحالتنا مو فاهمين التوحد أكثر مني ومنج.. لا توددينه عند أي أحد..ديري بالج ,لأن ممكن ان ولدج مافيه توحد بس اشتباه على قولتهم..
أول شي جيكي على سمعه.. روحي دكتور زين عنده خبره.. خل يسويله فحص سمع و يتأكدلج ان مافي ماي ورا طبلة اذنه ,لأن وااايد يهال تكون المشكلة بسمعهم .. فيصير سلوكهم غير اليهال اللي سمعهم أوكي ويشتبهون انهم متوحدين.. لا تدشين مجال الطب التطوري الا بعد ما تتأكدين من السمع.. انا ما وديت ولدي الا عقب ما سويناله عملية سحب السوائل و ما تطور عنده الكلام مثل ما توقع الدكتور(د.عبدالله العلي) .. و نصحنا نروح عند د.عبير عوض.
انشاءالله تكون مشكلة ولدج بسيطة و يتشافى وتفرحين فيه

 

[شيخة الغيد]

يسمع منج ربي يا ام سلومي و انشالله لنا موعد في سالم العلي عشان يتاكدون من هالسالفه و انشالله خير

 

[أم سلومي]

حبوبه اذا ما يسمع بس التواصل البصري زين معناته ما في توحد بس ما يسمع و ماكو تواصل بصري هذي وحده من سمات التوحد

انتي شوفيه اشلون قبل النظام الغذائي و شلونه عقبه ؟ و اشلونه قبل سحب الماي و اشلون عقب ؟

التواصل البصري مثل ما اهو و لا تعدل عقب الدايت ؟!؟؟!

قوه ايمان..
بالنسبة حق التواصل البصري.. انا لاحظت ان صار أحسن عقب العملية و الدايت ..لأن قبل كان مافي تواصل بصري كلش كلش ,الحين الحمدلله صار عالأقل يلتفت أو يشوفني مره أو مرتين من بين عشر مرات أناديه فيهم... يعني التواصل البصري تعدل شويييييه ...فشنو تهقين؟ ممكن يكون توحد ولا التوحد هم عندهم نوع بسيط من التواصل البصري!؟؟ لأن صراحتن أنا أدري ان سلومي يعاني من مشكلة مخليته مو مثل اللي بعمره بس حاسة ان اهو مو متوحد مع ان فيه من سمات التوحد.. والأطباء اللي شافوه بعضهم يقول توحد و بعضهم يقول سمات ومنهم يقول لأ مو توحد بس تأخر نطق.

 

[Emanova]

قوه ايمان..
بالنسبة حق التواصل البصري.. انا لاحظت ان صار أحسن عقب العملية و الدايت ..لأن قبل كان مافي تواصل بصري كلش كلش ,الحين الحمدلله صار عالأقل يلتفت أو يشوفني مره أو مرتين من بين عشر مرات أناديه فيهم... يعني التواصل البصري تعدل شويييييه ...فشنو تهقين؟ ممكن يكون توحد ولا التوحد هم عندهم نوع بسيط من التواصل البصري!؟؟ لأن صراحتن أنا أدري ان سلومي يعاني من مشكلة مخليته مو مثل اللي بعمره بس حاسة ان اهو مو متوحد مع ان فيه من سمات التوحد.. والأطباء اللي شافوه بعضهم يقول توحد و بعضهم يقول سمات ومنهم يقول لأ مو توحد بس تأخر نطق.

صار احسن عقب العمليه و لا عقب الدايت ؟!؟!؟!

لان اذا عقب العمليه معناته المشكله كانت من اذنه بس اذا عقب الدايت يعني عنده سمات

اهم شيء المدرسه الزينه و التدريب و اخذي اكثر من راي

 

[مشاعل الشمري]

امهات الله يخليكم من يعرف شي عن المدرسه الامريكيه اللي ورا حولي بارك؟

 

[Emanova]

شنو اسم امدرسه ؟

 

[مشاعل الشمري]

المبدعين العالميه تقول المعلجه انه منهج امريكي وبشهاده لبطء التعلم معتمده من وزارة التربيه
هذا بحسب كلامها وتقول المدرسه عجيبه

 

[فطووومة]

حبايبي الله يشفي عيالكم يارب وجزاكم الله خير على تربيتهم ربي يخليهم لكم

 

[Emanova]

المبدعين العالميه تقول المعلجه انه منهج امريكي وبشهاده لبطء التعلم معتمده من وزارة التربيه
هذا بحسب كلامها وتقول المدرسه عجيبه

صايره المدرسه في عماره ؟

اسمها الاطفال المبدعين ؟ اذا هذي وخري عنها المجلس الاعلى معطينها انذار