تفاصيل جولتي على حضانات الكويت

[katkota76]

سمارت كيدز ( الشامية )
هالحضانة زينة بس وايد صغيرة
يعني ما فيها مرافق وايد الياهل يروح لها
يعني بس الصف وغرفة التلفزيون
وما فيها العاب وايد حق اليهال
ما ادري انا ما عجبتني وايد
ومدرساتها ترى اجانب
ويعطون بعد عربي ودين
بس ترى الحضانة وايد عادية

وبعدين رحت حضانة درر بالشامية تابعوني

 

[katkota76]

حضانة درر ( الشامية )
اول ما تدخلين هالحضانة تشوفين حديقة كبييييييييييييييييييرة تشرح القلب وفيها العاب شوية
واللي بالاستقبال نفسها حلوة وارتحت لها وايد
وبعدين ورتني الحضانة
ويعني الحضانة حلوة وصفوفها زينة وعندهم حوض رمل كبير وحلو
وقالوا لي انها ثنائية بس انا ما شفت ابلات انجليزيات وايد
يعني اغلب الابلات اللي شفتهم عربيات
وبعد فيها شي ثاني ما عجبني وايد فيها ممرات وممراتها وايد ضيجة
بس ترى تعتبر من الحضانات الزينة

وبعدين رحت حضانة كدز سبورت بكيفان تابعوني

 

[sara999]

متابعينج

 

[منورة السمرة]

السلام عليكم
موضوعكم يمكن قديم بس انا توني اعاني من هالمشكله وارجو ابداء الرأي معاي ؟
انا دورت وايد بالحضانات و مالقيت الي يناسبني الا الحضانه الانجليزية الفرنسية ؟؟ بمشرف !! حلوة ووايد راقيه بس ما سمعت عنها شي منكم !! افيدوني بلييز

 

[um_yoyo]

السلام عليكم
موضوعكم يمكن قديم بس انا توني اعاني من هالمشكله وارجو ابداء الرأي معاي ؟
انا دورت وايد بالحضانات و مالقيت الي يناسبني الا الحضانه الانجليزية الفرنسية ؟؟ بمشرف !! حلوة ووايد راقيه بس ما سمعت عنها شي منكم !! افيدوني بلييز

شلون طريقتها و ممكن رقمهم و جم رسومهم

 

[قطوه^برونزيه]

السلام عليكم
موضوعكم يمكن قديم بس انا توني اعاني من هالمشكله وارجو ابداء الرأي معاي ؟
انا دورت وايد بالحضانات و مالقيت الي يناسبني الا الحضانه الانجليزية الفرنسية ؟؟ بمشرف !! حلوة ووايد راقيه بس ما سمعت عنها شي منكم !! افيدوني بلييز

اعرف وحده مدخله ولدها وتمدحها ودي ادخل بنتي بس قلت بروح اشوفها ويريت لو تقولينا اسعارها ورقمها الصراحه استحيت اسالها عن السعر بس تمدحها

 

[منورة السمرة]

مرحباا
رحت لهم وسألتهم عن كل التفاصيل اهم حاليا مسوين خصم والكورس ب270دك و فتح الملف ب10 دك والي حببني فيها زيادة خدمه المواصلات ومعاهم وحده توصلهم لي باب البيت أو باب الشقه للي ساكنين أجار الستاف شامي وافتريت على كل الصفوف ولا ياهل يبجي :> هذا الشي يبشر بالخير والرقم اذا رحت البيت اييبه لكم لأني حاليا بالداوم :>
شكرا لأهتمامكم

 

[caramella]

ekhty ma thekarty 7athanat laila laish ma e3jebetech
?

 

[sara999]

رحت حضانه الروضه النوذجيه .... الحضانه حلوه وااااايد وسيعه وشرحه وامكانياتها عاليه
المدرسات مصريات وكويتيات وبدون .... والصفوف حلوه وااايد وكلها تطل على الساحه
دوامهم يبلش الساع7:30 وقبل مناوبه حق الي يقطون عيالهم مبجر يعني من 7
استقبال الاطفال والتحاور معهم عن اليوم وحالة الطقس ولوحة الحضور والغياب من الساعه7:30-8:00
النشاط الصباحي في ساحة النشاط من8:00-8:30
الفتره التهذيبيه وحفظ قصار السور وأذكار اليوم والليله والاحاديث القدسية وأسماء الله الحسنى من 8:30-9:00
غسل الايدي ولبس الصداري بالفصل من 9:00-9:15
المطعم 9:15-9:45 والوجبات من الاهل
تفريش الاسنان ومرور الممرضه بالفصل من 9:45-10:00
حلقة الصباح -خبرة اليوم والاركان من 10:00-10:30
العاب الساحه 10:30-11:00
انشطه خارجيه مثل :المرسم /المكتبه/العاب حركيه/العاب رمل وماء/الكومبيوتر من 11:00-11:30
السناك 11:30-12:00
الفتره الهادئه 12:00-12:30
التهيئه للانصراف 12:30-1:00
المناوبه 1:00-1:30
الرسوم للمساهمين في جمعية الروضه 200 .....لغير المساهم 260
والاسعار بالكورس والكورس 4شهور
حجز مكان الطفل 20 غير قابل للاسترجاع .. بس فلوس الكورس ترجع بس بخصم اذا الياهل داوم

 

[منورة السمرة]

مرحبا
رديت لكم ومعاي البروشور مال الحضانه الانجليزيه الفرنسية
رقمهم: 25394060 والمواصلات على حسب المنطقه اسعارهم

 

[fufu1980]

أنصحج بحضانة عالم الطفل بالزهراء كنت مدخلة عيالي فيها وياخذون سن بنتج وايد زينة وحنونين على اليهال وهذا أهم من التدريس خاصة بسن بنتج

مساء الخير وطنيه بس حبيت أسأل عنوان الحضانه بالضبط

وإذا في وحده منكم تعرف عنوان حضانه بيبي جاردن وين بالضبط تطرشلي اياه ضروري ​

ومشكورين

 

[دمثة]

حضانة دار الفرح اشرايكم فيهاا بالقادسية

 

[انوشا]

الكلام اللي قلتوه صحيح أغلبه ببس انا رأيي غير صراحه الحضانة اذا بتدخلين عيالج فيها سألي عن مستواهم التعليمي شنو يدرسون الياهل النظافة والمعامله الزينه أما شكل الحضانة ما أدري اشلون قايل فهذا مو منطق لأن الحضانات كلها بيوت مستأجره شنو متوقعه المهم المعامله حبيبتي والعناية والسعر المعقول

 

[sara999]

اختي انوشا شي اكيد ولا عليه حجي انج تختارين الحضانه على مستواها التعليمي هذا شي بديهي حتى الي اول مره تدخل بيبيها بتفكر بالشي هذا على طول .....
ثانيا شكل الحضانه وامكانياتها شي واااااااااااااااااااااااااااااااااايد مهم يعني اذا ادخل ولدي حضانه شكلها يلوع الجبد الياهل وين يشتاق حق مكانه؟؟ وصفه؟؟؟ وبعدين اذا مافيها امكانيات شلون ؟؟؟ شنو الي يدعم التعليم؟؟؟؟ وين الي يصرف البيبي بس تعليم عادي ؟؟
الحين كل الناس الي عنده والي ماعنده قاعدين يدخلون عيالهم حضانات ومدارس خاصه كله عشان يوصلون لطفل متعلم تعليم احسن من غيره الي باي مدرسه وبأي حضانه

 

[sara999]

اختي انوشا شي اكيد ولا عليه حجي انج تختارين الحضانه على مستواها التعليمي هذا شي بديهي حتى الي اول مره تدخل بيبيها بتفكر بالشي هذا على طول .....
ثانيا شكل الحضانه وامكانياتها شي واااااااااااااااااااااااااااااااااايد مهم يعني اذا ادخل ولدي حضانه شكلها يلوع الجبد الياهل وين يشتاق حق مكانه؟؟ وصفه؟؟؟ وبعدين اذا مافيها امكانيات شلون ؟؟؟ شنو الي يدعم التعليم؟؟؟؟ وين الي يصرف البيبي بس تعليم عادي ؟؟
الحين كل الناس الي عنده والي ماعنده قاعدين يدخلون عيالهم حضانات ومدارس خاصه كله عشان يوصلون لطفل متعلم تعليم احسن من غيره الي باي مدرسه وبأي حضانه

 

[Fatima]

انا دخلت ولدي ححضانة كاس كيد بالعدان بريطانية شكلها زين من سنه الين 4 سنوات يسسون لهم رحلات ووحفلات واهي بفيلا
شوي غاليه
في احد مدخل عياله مناك انا ملاحظه انا كله اجانب وشوي كويتيين

 

[toota]

مراحب ....بسأل عن الحضانة البريطانية في العديلية اكو أحد مجربها وشنو رايكم فيها عندي بنتي ابي ادخلها بس ماشفت احد تكلم عنها وشنو تنصحونني

 

[nazek_q8]

ماشالله خوش تقرير يعطيج العافيه

انا اختي مدخله بنتها حضارنه بارني وعمرها الحين سنه ونص يعني ما يدروسنها بس لعب

سؤالي

شنو احسن عمر ادخل ولدي الحضانه لان انا على وشك ولاده وابي حضانه حق ولدي بعد ما اداوم يعني عمر سنه احس تو الناس خاصه انه ما يتكلم ولا راح يدرسونه يعني بس يقوم يروح يلعب

انتو شرايكم

 

[حب الكويت]

مرحبا خواتي كويتيات
صارلي تقريبا اسبوعين وانا افتر ادور حضانة زينة حق بنتي :ada:
لان خدامتي بتسافر شهر 4 ومضطرة ادخلها حضانة
وانا حاطة ابالي مواصفات وشروط حق الحضانة اللي ابيها :gr4uu:
خل اقول لكم اول المواصفات اللي ابيها وبعدين أقول لكم تفاصيل الجولة

أول شي أبي الحضانة تكون بطريجي
وبعدين ابيها تكون حضانة انجليزيية يعني المدرسات اجانب
وابيهم يعطونها عربي ودين بعد بس ابي الاساس انجليزي
وابي الحضانة تكون حلوة وفيها العاب وايد تونس الطفل وتكون انشطتهم متنوعة وما يقعدون الياهل طول اليوم بصف واحد
وابي الصفوف كبيرة وشرحة وحلوة ومزينة علشان تشد الطفل
امممممم ما ادري بعد شنو بس هذا اللي ابالي الحين

وألحين بقول لكم تفاصيل الجولة اللي سويتها .......

أول حضانة رحت لها أهي حضانة ريبورن بجنوب السرة - الزهراء
الصراحة روعة روعة روعة
فيها كل المواصفات اللي ابيها
بس حسافة ما ياخذون بنتي
اهما ياخذون من عمر سنتين وانا بنتي عمرها سنة و3 شهور
بس وايد عجبتني ابلاتها كل اجانب وشرحة ووسيعة ومريحة وفيها حمام سباحة اينن فيه تدفئة صيف وشتا
وعندهم صالة العاب فيها اجهزة رياضية صغيرة تشوق
وعندهم مكان فيه رمل عشان اليهال يلعبون بالرمل
وعندهم السرداب فيه العاب حق اليهال وفيه سينما ...... والسرداب وايد كبير يونس
وصفوفهم وايد حلوة
يعني باختصار هذي الحضانة اللي ابيها ..... بس انشاالله بالمستقبل

وثاني حضانة رحت لها اهي حضانة البروج ( بمشرف )
والحين اقول لكم عنها ....... تابعوني

السلام عليكم

حبيت ارد عليج بخصوص هالحضانه

لان شيفتها وعن قرب وقاعده داخل جم مره والله

اول شي مو كل مدرساتها بريطانيات

لآ فيهم هنديات و افرييات واشكالهو تخوف استغفرالله ومصريات وفلسطينيات ومتاكده

اهم جدام الام يقولون لج عندنا وعندنا بس بصج

تنصدمين منهم ومن الاهمال المدرسه بذات حزت الاكل

ويدرسون اليهال جنه عمرهم 12 سنه والله انصدمت اليهل يطلع مو فاهم شي بس مستانس على اللعب

وشفي المكان اشكبره بس كله مقعدين اليهال بالصفوف

يعني الشكل يغرج بس

انا مو اقطع رزقهم بس صج شكل من بره ومن داخل التعليم والتربيه اي شي

وياخذون الام بالسانهم وبذات بنت صاحبه المكان ترفع في المكان واهي مو فاهم في هالمجال اي شي

 

[سيدة الكويت]

منو جرب حضانة المرتقى بالروضه؟؟؟؟؟؟؟؟