تفاصيل جولتي على حضانات الكويت

[عمشه المنتفشه]

شنو هذي حضانة طارق السويدان من مجربتها ؟؟؟؟



انا من اللي قريته شكلي بدخل ولدي ريبون لان بيتنا بقرطبه ومابي شي بعيد وريلي دوامه بجنوب السره فيقطه على طريجه

ريبون جم سعرها ؟؟ ويقبلون اي عمر؟؟؟؟

 

[قطوه^برونزيه]

مشكوره حبيبتي على المعلومات والجوله والله احترت وين ادخل ولدي لانه اهوه روضه وشلون الغانم وشنو مستواها وماتدرين جم ياخذون حق الروضه لانه شكله ضاق خلقي من بلي قروب وشنو تنصحوني وين ادخله

 

[sara999]

السلام عليكم ... حبيبتي عمشه المنتفشه
اليوم انا مريتهم الساعه وحده يمكن ..... بعد ما خذيت ولدي من حضانته لتل لاند .....
السنه كامله 1200 ادفعينهم 300 دينار على اربع دفعات
وياخذون من عمر 2 الي عمر 4
والمكان حلو وشرح وعندهم صالات لعب وسرداب فيه حوض رمل طبي .... وكلاس مفتوح .... ومسرح ونشاطاتهم كول وحلوه
بس في شي واحد ما عجبني بس يمكن عشان رايحه بوقت اللويه ؟؟!!
المدرسات عندهم وحده ارمنيه ... وعندهم عجوز بريطانيه وافريقبات ... سود والشعر معجف .... اول صف الريحه صنااااااان واي عيوني قامت تحكني ...... مادري ؟؟!!! وبعدين وقت البيبي ينام مادري المكان ما عجبني كلش كلش
اسرتهم ارضيه يعني تقريبا مثل المراتب يعني وااااايد فلاااات وثلاثه ولا واحد لاصق بعتبة الطبخ مادري شلون غرفه الراحه ما عجبتني... بس عندهم المونتسوري واااايد ممتاز عندهم كلاس كومبيوتر عجيب تقولين هندسه بس تظل في ميزات وفي سلبيات وانا محتاره بين اخلي ولدي بحضانته والا اوديه ريبون

 

[أم حيدر]

ناطرة بلومنج ديليس لاني من زمان حاطة عيني عليها

 

[sugar&spice]

بنات تعرفون حضانات زينه بالسره مو جنوب السره؟؟؟؟؟؟؟؟؟؟؟؟؟؟؟؟؟؟؟

 

[Young^Heart]

انا توني دششت عيالي حضانه موني فيس بجنوب السره بالزهراء...مو قويه وايد بس حسيت ان الستاف مريحين نفسيا و صاحبه الحضانه حسيتها فاهمه ...تعليم انجليزي و عربي و التطبيق بالكمبيوتر....و عندهم حصه رسم و العاب علشان الياهل يطلع طاقته... و عندهم حصه دين مبادىء بسيطه ...الاكل و اليونيفورم من عندهم...امسوين لهم كتب حق العربي و الانجليزي و الخبرات... حجز المكان 100 دينار و الشهر 100 دينار و هذا سعر الخصم علشان انا موديه اثنين... جربوها يمكن ترتاحون لها ... و هذا رقمهم ...94099449...واذا شفتوا عليهم شي هم عطوني خبر.. و شكرا!

 

[sara999]

مادري موني فيس حلوه بعد ولد بنت عمي هناك تمدحهم واهوه بعد يحب الحضنه ويحب يروح ......
بس مادري بلومنج ديلز ليش مختارتها اختيام حيدر ؟؟؟؟ مادري انا رحتلها ما شفت ميزاتها ونفسهم خايسه فاذا تفيديني قوليلي لان مادحينها لي بس ما شجعوني الي هناك

 

[katkota76]

أشكرج أختي ما قصرتي والله وايد ناس يستفودون من جولتج ..الله يفتحها عليج
أنا بعد أنطر العطله اتخلص واروح جنوب السره ..وأشوف البشاير
أما قرطبه ..أهيا على طريجي ..أنا أروح شويخ من دائري الخامس ..راح أدورها ..أهيا قريبه من الجمعيه ولا

حبيبتي الحضانة اللي قلت لج عنها باليرموك مو قرطبة
اذا اهي بطريجج روحي شوفيها وانشاالله تعجبج
اسمها سوبر كدز

 

[katkota76]

بنات تعرفون حضانات حلوه وزينه على الدائري الرابع

شكرا

ياليت حبيبتي تقولين المناطق اللي تبينها بالضبط

 

[katkota76]

انا جربت حضانه الفصحى الي بالجابريه تهبل الصراحه يكفي ان طارق السويدان الي مؤسسها ويديرها اهو وزوجته ما شاء الله عليهم

مشكورة حبيبتي عالمشاركة
انا ما شفت الفصحى
بس شفت المرتقى
وهم طارق السويدان اهو صاحبها الصراحة واااااااااااايد عجبتني
وراح اتكلم عنها انشاالله

 

[katkota76]

جم الرسوم و متى التسجيل و من اي عمر ياخذون

و بصراحه خليتني اهون عن بلاي جروب اذا الستاف فلبن اخليه بالبيت مع خدامته اوفر :0bee2e8d89:

حبيبتي الحضانةالانجليزية رسومهم 100 بالشهر وعندهم فتح ملف جنة 80 بس مو متأكدة
وتسجيلهم مفتوح طول السنة يعني يحسبون لج شهر من التاريخ اللي سجلتي فيه
وياخذون من عمر سنة و4 شهور
وانشاالله اكون فدتج
وعلى حضانة بلاي جروب انا الصراحة شكلها حيييل عاجبني وصج صج تشوق
بس والله اللي سمعته عنها مو شوية

 

[katkota76]

بصراحه انا ولدي عمره سنتين ببلي قروب اللي برميثيه واهو وايد مستانس و ولامره رجع البيت وصخ يرجع البيت البامبرز مبدلينه ومرات اخذه يكونون توهم مغسلين وجهه وايدينه عقب اللعب وماكل عندهم وجبه يوميه وحتى اذا كانت اظافره طويله يقرظونهم حقه والمدرسات ملوتهم اهم اللي يقعدون معاهم بالالعاب الفلبينيه بس تاخذه من عند الباب وحق تبديل البامبرز والاكل بس الياهل بعدين مع المدرسه حتى مرات لمن اروح اخذه اشوف المدرسه مالته اهي اللي تلبسه وانتوا بكرامه الجوتي لان يكونون بصاله الالعاب وتييبه عند الباب واول ما ادخل من الباب ينادون ولدي يعرفون اهل كل ياهل واذا راح احد غريب ياخذه يدقون علي يتأكدون من اللي ياي يخذه ...
وانا بصراحه قاعده اشوف انه استفاد لان في وايد اشاء قام يعرف اسماءها بالنجليزي قام يعرف الاحرف والارقام وحتى يحفظونهم قرآن و اذا غاب يدقون يسألون عن الياهل...
واهو قام يقوم من الصبح يبي يروح المدرسه يعني اذا الياهل مو مرتاح ما اعتقد انه يطلب يروح الحضانه...
ومادري هذا رايي ...:eh_s(8):​

حبيبتي الحمدلله انج مرتاحة معاهم
واهم شي الصراحة انج تحسين الياهل يحب الحضانة ويروح واهو مستانس
بس انا هالحضانة وايد سمعت عنها اشياء مو زينة وما فكرت حتى اروح اشوفها من الحجي اللي سمعته
ومشكورة حبيبتي على المشاركة

 

[katkota76]

منو سامعه عن حضانة الدكتور الصغير بجنوب السره

انا ما رحت هالحضانة لان كلش ما يمدحونها
روحي شوفيها وقولي لنا شنو رايج فيها

 

[katkota76]

متابعين كملي واشوى اني شفت الموضوع لان باجر كنت بودي وليدي عنده مقابله بالانجلش بلي قروب لا وكان صايرلي موقف اللي ترد على التلفون مهزاتني وانا سكتلها علشان كنت بدخل ولدي بس بعدج الكلام شكلي بكشت فيهم وانا صج لمن وديت ولدي كله فلبن مايندرى شكلب بسجله بريبون اقرب وبعدين اتوقع نفس السعر

الحمدلله انج شفتي الموضوع قبل لا تسجلينه عندهم
و روحي شوفي ريبورن وانشاالله تعجبج
وسعرهم 130 بالشهر

 

[katkota76]

فيدتج والله استفدت وايد من موضوعج انا بنتي السنه اليايه بدخلها شهر 9 لاني مدرسة مع الدوامات بوديها احسن لها من قعدت البيت واهيا وايد اجتماعيه وتدور اليهال انا دوامي بجنوب السره باحدى المدارس فكنت بدور لها حضانه هناك زينه

ريبورن بس انجليزيه والا ثنائية اللغه ويعطونهم قرآن وعلى نهج منو يمشوون ؟ شنو نظامهم بالتعليم مادري انا ابلة روضة ودراستي كلها كانت بطرق تعليم الاطفال والعلماء وجذي يعني منتسوري همها التعلم واللعب الفردي ما تأيد اللعب الجماعي شلون طريقة ريبورن واذا كنتي تعرفين سير يومهم يا لليت تقولين لنا

ترى انا ميح مالي خبرة بالحضانات كنت بسوي جولتي بشهر 8 بس وفرتي علي التعب الله يوفقج حبيبتي
المهم اهما دوامهم شلون يكون من الساعه جم يستلمون الياهل ومتى تاخذين الياهل من عندهم ؟ سألت وايد صح سوري

العفو حبيبتي والله انا اللي استانس اذا شفت احد استفاد من الموضوع
شوفي ريبورن حضانة انجليزية بس عندهم بعد عربي قرآن بس الاساس الانجليزي
يعني مدرسة الصف الاساسية انجليزية بس مدرسة العربي تييهم حصة باليوم
اما عن طريقتهم بالتعليم والله ما ادري ما سألتهم يعني لو تروحين وتستفسرين احسن
لان اكيد انت لج نظرة بما انج مدرسة روضة وياليت تفيدينا اذا رحتي وسألتيهم
ودوامهم اعتقد من الساعة 7 لي 1ونص
وحبيبتي نصيحة مني اذا تبين بجنوب السرة لا تفترين وتعبين روحج ترى هالحضانة احسن حضانة بجنوب السرة
بس اذا تبين مناطق ثانية فيه وايد زينين
تابعيني وراح اكتب عنهم انشاالله

 

[katkota76]

شنو خلصت الجوله

لا حبيبتي ما خلصت
بس سامحوني صارت لي ظروف وما قدرت اكمل
بس انشاالله حبيبتي راح اكملها

 

[katkota76]

مشكوره حبيبتي على المعلومات والجوله والله احترت وين ادخل ولدي لانه اهوه روضه وشلون الغانم وشنو مستواها وماتدرين جم ياخذون حق الروضه لانه شكله ضاق خلقي من بلي قروب وشنو تنصحوني وين ادخله

شوفي حبيبتي مدرسة الغانم انا معاهم تقريبا من 8 سنين
من يوم ما كانت بنتي الكبيرة اسم الله عليها باولى روضة
والحين اهي بالصف السادس
وهالسنة نقلتها حكومة ومتحسفة قد شعر راسي بس شنسوي
لازم كل ياهل ياخذ حقه
عالعموم ترى المدرسة وااااااايد زينة من ادارة ومدرسين كلهم متعاونين وزينين
وعيالي وايد يحبون المدرسة
وولدي الحين فيها بثالثة ابتدائي وانشاالله الله يقدرني واخليه لين يتخرج منها
وترى عندي وحدة من رفيجاتي عيالها كانوا بالغانم وبعدين يوم كبروا شوي نقلتهم الرؤية لانها ما تبي اختلاط
وتحسفت تقول ماكو على الغانم
ووحدة ثانية اعرفها نقلت بنتها من الغانم لي الابداع وهم تحسفت وتقول الغانم وايد احسن
وحبيتي رسومهم ايام ما كان ولدي بالروضة 1170 بالسنة بس الحين ما ادري اذا صارت اغلى
وانشاالله اكون فدتج

 

[katkota76]

السلام عليكم ... حبيبتي عمشه المنتفشه
اليوم انا مريتهم الساعه وحده يمكن ..... بعد ما خذيت ولدي من حضانته لتل لاند .....
السنه كامله 1200 ادفعينهم 300 دينار على اربع دفعات
وياخذون من عمر 2 الي عمر 4
والمكان حلو وشرح وعندهم صالات لعب وسرداب فيه حوض رمل طبي .... وكلاس مفتوح .... ومسرح ونشاطاتهم كول وحلوه
بس في شي واحد ما عجبني بس يمكن عشان رايحه بوقت اللويه ؟؟!!
المدرسات عندهم وحده ارمنيه ... وعندهم عجوز بريطانيه وافريقبات ... سود والشعر معجف .... اول صف الريحه صنااااااان واي عيوني قامت تحكني ...... مادري ؟؟!!! وبعدين وقت البيبي ينام مادري المكان ما عجبني كلش كلش
اسرتهم ارضيه يعني تقريبا مثل المراتب يعني وااااايد فلاااات وثلاثه ولا واحد لاصق بعتبة الطبخ مادري شلون غرفه الراحه ما عجبتني... بس عندهم المونتسوري واااايد ممتاز عندهم كلاس كومبيوتر عجيب تقولين هندسه بس تظل في ميزات وفي سلبيات وانا محتاره بين اخلي ولدي بحضانته والا اوديه ريبون

حبيبتي قصدج اي حضانة ما وضحتي ؟؟؟؟

 

[katkota76]

حضانة بلومنج ( الدسمة )
حست ساعة على ما لقيت الحضانة
واول ما دخلت والا يهال قاعدين يلعبون بحوض رمل كبير ويونس
وطليت عاليسار والا فيه مثل مرسم كبير وهم يهال قاعدين يرسمون وشكلهم حدهم مندمجين ومستانسين
المهم دخلت الادارة والا فلبينية قاعدة حاطة ريل على ريل حتى ما قالت لي تفضلي
ونفسها خايسة
سألتها من اي عمر تاخذون قالت من سنة ونص
يعني ما ياخذون بنتي
نزين اقولها ممكن اشوف الحضانة دام اني واصلة يعني قلت لها حق السنة الياية
جان تقول لي اذا ييتي تبين تسجلين نوريج الحضانة
انزين عطيني فكرة عن الحضانة ما قالت ولا شي مهم
وحسيتها جنها ودها تطردني
وقلت لها ما عنكم بروشور مال الحضانة قالت لأ
وااااي مالت عليها حيل غثتني
المهم حطيت على هالحضانة اكس

وبعدين رحت حضانة سمارت كدز اللي بالشامية تابعوني

 

[katkota76]

على فكرة حضانة بلومنج منهجهم كله انجليزي وما يعطون عربي