تفاصيل جولتي على حضانات الكويت

[katkota76]

ياليت تقولين شنوسامعه عن البلاي جروب و طبعا الكلام صح 100% يعني مو من وكالة سمعت يقولون

لان بصراحه جني بهون و بدخل ولدي الانجليزيه الي برميثيه

والله حبيبتي الكلام اللي انا سامعته متأكدة منه 10000% لاني سمعته من أختي
واهي اشتغلت فترة مديرة بلاي قروب
وكانت تقول ان بس يجذب الناس بالشكل
والا يحط اردى الناس للتدريس
واعتماده الكلي عالفلبن
مخليهم اهما الكل بالكل
وهذا كل اللي اقدر اقوله
والخافي اعظم

 

[katkota76]

والله بالعكس انا ماااااااني شايفه على بيبي جاردن الامريكيه اى شي مو زين

بالنسبه للمكان الفيلا توها يديه فعشان جذي من داخل ليلحين مو مسوين فيها شي عكس يوم كانوا بحطين بس من ناحيه التدري والاهتمام والرعايه اوكي ماشالله

لا يغرج بعض الحضانات والرسومات والالعاب والشكل الخارجي بس
اهم شي المدرسات ونفسيتهم والنظافه



وهذه صوره الحضانه من بره وعنوانهم الشهداء ق3 شارع واحد جاده 301 فيلا 2

مشاهدة الصور

والله حبيبتي انا ابي حق بنتي احسن شي من ناحية الشكل والتدريس
وبعدين ما ادري انا وجهة نظري ان شكل الحضانة وايد يجذب الياهل
وبصراحة بيبي جاردن ما فيها ولا شي يجذب مقارنة مع الحضانات اللي رحت لها
وبعدين سبحان الله ما ارتحت كلش يوم دشيتها ما أدري ليش
ومشكورة حبيبتي عالمشاركة بالموضوع

 

[katkota76]

حضانه بارني الشهدا يم بيتي .. الالعاب بالحديقه اللي على الشارع .. خطر على اليهال

لو يي واحد متهور و يطشر اليهال ..لا و الحديقه بدون سور .. يعني لو الياهل يغافل المدرسه و ركض بالشارع !!

مادري شلون الصراحه !!

كتكوتا 76
حضانه ليلى .. بالزهراء .. ما مريتي عليها .. ياخذون من عمر شهر

اي والله صاجة احد يحط العاب جذيه
بس انا يتروالي هالالعاب بس ديكور مو معقولة يخلون اليهال يلعبون فيهم

بعدين حبيبتي حضانة ليلي الصراحة اسوأ حضانة رحت لها بجولتي
كلش ما انصحج فيها
تابعيني وراح اكتب عنها انشاالله

 

[katkota76]

حبايبي اللي متابعيني
مشكورين كلكم عالمتابعة
وسامحوني عالتقصير
تدرون عطلة ولوية
بس انشاالله راح اكمل الجولة
تابعوني :tomato2:

 

[أم ^^حمودي]

متابعينج حبيبتي

 

[جاردينيا_2000]

أشكرج أختي ما قصرتي والله وايد ناس يستفودون من جولتج ..الله يفتحها عليج
أنا بعد أنطر العطله اتخلص واروح جنوب السره ..وأشوف البشاير
أما قرطبه ..أهيا على طريجي ..أنا أروح شويخ من دائري الخامس ..راح أدورها ..أهيا قريبه من الجمعيه ولا

 

[شرطيه حلوه]

مشكووره حبيبتي على تقريرج
متابعتج

 

[berry]

بنات تعرفون حضانات حلوه وزينه على الدائري الرابع

شكرا

 

[sara999]

up up

 

[HERMITAGE]

انا جربت حضانه الفصحى الي بالجابريه تهبل الصراحه يكفي ان طارق السويدان الي مؤسسها ويديرها اهو وزوجته ما شاء الله عليهم

 

[um_yoyo]

الحضانة الانجليزية ( بالرميثية )
هالحضانة وااااااااااااااااااايد حلوة وصج صج اعجبتني
وياخذون عمري بنتي بعد
بس يوم طلعت منها حسيتها كلش مو بطريجي ( أنا ساكنة في بيان والصبح اقط بنتي الكبيرة مدرستها بالنزهه ودوامي بالديرة )
مدرساتها أجانب
أول ما تدخلين يم الادارة في صالة العاب فيها نطاطية وكور والعاب تونس حق اليهال
وبعد داخل الحضانة يم الصفوف في صالة العاب ثانية هم فيها العاب وايد
وعندهم صف الكمبيوتر يونس ما شفت نفسه بحضانة ثانية
وقالت لي اللي ورتني الحضانة ان كل شي يدرسونة اليهال يطبقونة على الكمبيوتر
يعني كل منهجهم عالكمبيوتر
وورتني بعد كتبهم .... وعندهم منهج خاص فيهم ..... كتبهم وايد حلوة .......وطريقتها واهي تشرحلي طريقة التدريس وايد عجبتني
وعندهم طبعا مطعم وغرفة تلفزيون
الصراحة كل شي فيها عجبني بس طريجها ما عجبني

وبعدين رحت حضانة بيبي جاردن (جنوب السرة - الشهداء )........ انشاالله باجر اكمل لان صار فيني النوم
تصبحون على خير

جم الرسوم و متى التسجيل و من اي عمر ياخذون

و بصراحه خليتني اهون عن بلاي جروب اذا الستاف فلبن اخليه بالبيت مع خدامته اوفر :0bee2e8d89:

 

[SUN SHAINE]

بصراحه انا ولدي عمره سنتين ببلي قروب اللي برميثيه واهو وايد مستانس و ولامره رجع البيت وصخ يرجع البيت البامبرز مبدلينه ومرات اخذه يكونون توهم مغسلين وجهه وايدينه عقب اللعب وماكل عندهم وجبه يوميه وحتى اذا كانت اظافره طويله يقرظونهم حقه والمدرسات ملوتهم اهم اللي يقعدون معاهم بالالعاب الفلبينيه بس تاخذه من عند الباب وحق تبديل البامبرز والاكل بس الياهل بعدين مع المدرسه حتى مرات لمن اروح اخذه اشوف المدرسه مالته اهي اللي تلبسه وانتوا بكرامه الجوتي لان يكونون بصاله الالعاب وتييبه عند الباب واول ما ادخل من الباب ينادون ولدي يعرفون اهل كل ياهل واذا راح احد غريب ياخذه يدقون علي يتأكدون من اللي ياي يخذه ...
وانا بصراحه قاعده اشوف انه استفاد لان في وايد اشاء قام يعرف اسماءها بالنجليزي قام يعرف الاحرف والارقام وحتى يحفظونهم قرآن و اذا غاب يدقون يسألون عن الياهل...
واهو قام يقوم من الصبح يبي يروح المدرسه يعني اذا الياهل مو مرتاح ما اعتقد انه يطلب يروح الحضانه...
ومادري هذا رايي ...:eh_s(8):​

 

[um_yoyo]

والله احترت و احتار دليلي هاهاهاهاها شكلي بستخير

 

[المدينه]

منو سامعه عن حضانة الدكتور الصغير بجنوب السره

 

[al-3azeza]

متابعين كملي واشوى اني شفت الموضوع لان باجر كنت بودي وليدي عنده مقابله بالانجلش بلي قروب لا وكان صايرلي موقف اللي ترد على التلفون مهزاتني وانا سكتلها علشان كنت بدخل ولدي بس بعدج الكلام شكلي بكشت فيهم وانا صج لمن وديت ولدي كله فلبن مايندرى شكلب بسجله بريبون اقرب وبعدين اتوقع نفس السعر

 

[Arosha]

فيدتج والله استفدت وايد من موضوعج انا بنتي السنه اليايه بدخلها شهر 9 لاني مدرسة مع الدوامات بوديها احسن لها من قعدت البيت واهيا وايد اجتماعيه وتدور اليهال انا دوامي بجنوب السره باحدى المدارس فكنت بدور لها حضانه هناك زينه

ريبورن بس انجليزيه والا ثنائية اللغه ويعطونهم قرآن وعلى نهج منو يمشوون ؟ شنو نظامهم بالتعليم مادري انا ابلة روضة ودراستي كلها كانت بطرق تعليم الاطفال والعلماء وجذي يعني منتسوري همها التعلم واللعب الفردي ما تأيد اللعب الجماعي شلون طريقة ريبورن واذا كنتي تعرفين سير يومهم يا لليت تقولين لنا

ترى انا ميح مالي خبرة بالحضانات كنت بسوي جولتي بشهر 8 بس وفرتي علي التعب الله يوفقج حبيبتي
المهم اهما دوامهم شلون يكون من الساعه جم يستلمون الياهل ومتى تاخذين الياهل من عندهم ؟ سألت وايد صح سوري

 

[فتفوته25]

يعطيج ألف عافية حبيبتي لأن موضوع فعلا مهم والله يعطيج على قد نيتج يارب

 

[قطوطه الحلوة]

ابي احسن حضانه بجنوب السره وياخذون عمر 4اشهر

 

[um_yoyo]

شنو خلصت الجوله

 

[F@ntG Q@t]

الله يحفظ كتاكيتنا