تفاصيل جولتي على حضانات الكويت

[katkota76]

ان شاء الله تلقين حضانه زينه

مشكورة حبيبتي على الدعوة

 

[katkota76]

أختى ممكن عنوان حضانة ريبون اللى بالزهراء

حبيبتي والله ما اعرف العنوان
بس انا واصفة طريجها من قبل
شوفيه

 

[katkota76]

ألحين بكمل الجولة ..... تابعوني

حضانة منسوري الخليج ( سلوى )
اول ما شفت شكل المبنى من برة وايد عجبني
وقلت اي اذا من برة جذيه عيل داخل شلون
ويوم دخلت الاستقبال قالت الموظفة
ما اقدر اوريج الحضانة اثناء الدوام
تعالي الظهر شوفيها
المهم قلت لها عطيني فكرة عن الحضانة
قالت لي ان رسومهم 1800 بالسنة ( رسوم جامعة حشى مو حضانة - أنا ولدي بمدرسة الغانم 3 ابتدائي بالسنة 1550 )
بس هم قلت ميخالف اذا صج تسوى بدخلها فيها تستاهل بيبيتي
وياخذون من عمر سنة ونص
ونظامهم سنوي .... يعني ما عندهم ادخلين الياهل بالشهر لازم سنة كاملة
المهم طلعت منهم وشفت حوش الحضانة حلو كبير وفيه العاب بس عاديين وشوية
ورديت لهم الظهر ووروني الحضانة
اول عيب ان الياهل طول اليوم داخل الصف ما يطلع
صج ان الصف واااااااايد كبير يونس بس هم الياهل يمل
وسألتها ما تودونهم الالعاب اللي برة
قالت مو كل يوم بس اذا الجو زين
واحنا الحمدلله طول السنة جونا مو زين
والصف الوانه كئيبة
حتى العابهم الصغيرة اللي لعبون فيها اليهال كله خشب تضيق الخلق
وكل شي يسوونه بنفس الصف
يعني الصف اهو للدراسة والاكل واللعب والتلفزيون
وقالت لي ان يعطونهم انجليزي وعربي ودين وفرنسي
وعلى فكرة ما عندهم صالة العاب داخلية
بس ترى هالحضانة وايد ناس يمدحونها بس انا ما عجبتني

وبعدين رحت حضانة لتل لاند بالفيحا

 

[sara999]

عاد يلا قولي عن حضانة ولدي والله تشوقينا
حشا حشا مسلسل تركي مو جوله ههههههههههههههههههههههههههههههههههههههههههه

 

[katkota76]

حضانة لتل لاند ( الفيحاء ) قطعة 4
هالحضانة اول ما دخلت لها انشرح قلبي
سبحان الله وايد ارتحت لها
بالمدخل عندهم صالة العاب حلوة وكبيرة وفيها كور
وهم عندهم صالة جم فيها العاب رياضية تينن
وارضية صالات الالعاب كله اسفنج عشان ما يتعور الياهل
وعندهم حديقة خارجية صغيرة فيها العاب بعد
وهم اللي بالاستقبال قالت لي ما اقدر اوريج الحضانة الا نهاية الدوام
ورحت ورديت لهم مرة ثانية
اهني انصدمت شوية
الصفوف وااااايد صغيرة
اول شي اللي افترت معاي بالحضانة المفروض تكون مدرسة بنتي اذا دخلتها عندهم
اجنبية تينن وايد ارتحت لها
دمها خفيف وتونس
وصفوفهم مرتبة وتونس بس عيبها وايد صغيرة
البنات اللي وياي بالدوام يقولون لي عادي الصف انت تشوفينه صغير لانج كبيرة بس بنتج راح تشوفه كبير لانها صغيرة :eh_s(6)::eh_s(6):
حتى المطعم صغير وغرفة التلفزيون صغيرة وغرفة الكمبيوتر صغيرة
بس هم عاجبتني وحاطتها في بالي
بس انشاالله يقبلون بنتي لانها قالت لي فل وحطتني عالويتنج

وبعدين رحت حضانة بلومنج ( الدسمة ) تابعوني

 

[katkota76]

نسيت أقول لكم رسوم حضانة لتل لاند
80 فتح ملف و100 بالشهر

 

[sa7ab]

الله يعافيج حبيبتي
الحضانة بالزهرا
انا بوصفلج الطريج وانشاالله تدلين لان ما اعرف العنوان
انا ايي من بيان وادخل جنوب السرة بين حطين والشهدا
واكمل سييييييييييدا لين اوصل للاشارة اللي قبل الاشارة اللي ادخلج خيطان
لفي يسار من الاشارة وامشي سيدا شوية تلاقين الحضانة على ايدج اليمين
وانشاالله ما ضيعتج:eh_s(6):
وسوري ما عندي رقمهم

مشكوووره حبيبتي

عرفتها ووصفج وااضح ماشاءالله

 

[um 3li]

انا كنت مدخله ولدي حضانه انجلش بلاي جروب الي بسلوى والله لا يوريكم

1) الولد يرجع مطقوق
2) ما يعلمونه ولا شي بس تلوين ويدزون كود اوراق معاه البيت ولما أسأله عن الشكل او الصورة الي بالورقة يقولي ما ادري !!!!
3) يروح ويرجع مو ماكل كللللللللللللللش ( طامة كبرى )
4) والمصيبة انهم كانوا ما يغيرونله البامبرز ومرة رجع البيت ولا طفووووح عزكم الله و ريحة الخروج وانتوا بكرامه شي مو طبيبعي الي رحت على طول وتناجرت معاهم وقتلهم انا 5 دقايق ما قدرت اتحمل الريحة عيل شلون انتوا الي من الصبح عندكم ؟؟؟؟
وهذا كان آخر يوم أوديه الحضانه ومن عقبها ما وديته ولاحتى كملت فلوسهم

 

[ملكة زماني]

يعطيج الف عافيه

امتابعينيج

 

[جاردينيا_2000]

سمعي اختي بعض الحوار الي دار بيني وبينه ...وانتي حكمي
قلت لها :موضغط على الخدامه اتشوف 4 اطفال رضع من 6 شهور الى سنه ونص
قالت: لا هذا العدد المفروض تتحمله ..تقدر اترضع البيبي وتقعد يمها بيبي ثاني اتوكله ؟؟؟؟؟؟؟؟؟؟؟؟؟؟؟؟؟
ياسلام رجل آلي مو خدامه ...ابصراحه السيلانيه ويها سمح حرام ..بس 4 اشلون
وثانيا حسيتهم محبوسين حبس انفرادي لما فجت الباب طار لها البيبي يمكن عمره سنه ..وتروح تمسكه وتسكر الباب
دخلت وله امسكرين التلفزيون ومخففيين الاضاءه اتقول علشان انامون ...مو في غرفه للنوم ..ليش اتسكرون الاضاءه في هذي الغرفه هذي غرفه لعب ووناسه
كيفهم اليهال مايبون انامون ..قاعدين بالظلمه ليش وماسكته ..الياهل شايلته ..احس ان الياهل زهقان ومال منهم ماشفت العاب يلعبون فيهم تركيب عضاضات اي شي مافي
وكان قمته ..مافي تهويه لغرفتهم ..قلت لها موفاجين السنترال ...وله اتقول لا ..بس حسيت بالغرفه ريحه اخموره ..الغرفه مافيها تهويه
انا ولدي ياخذ كمام ..اشلون في هذا الجوى ..
مثل ماقلتي دواعيس وممرات ..واقول حق الابله ..ليش غرفه اليهال الرضع مافيها كامره ..اتقول ماوصلت التمديدات حقها ..الحين كل الحضانه فيها كامرات الا الغرفه المهمه والي يمسكونهم خدم مافيها كامرات ؟؟؟؟؟؟ صعبه قلت لها أنا منحاشه من الخدم واي احط ولدي عند الخدم ....مادري ...أنا ولدي على اديني اتربى ما جاسته خدامه ..أشلون اخليه عند خدامه ماتعرفله ولا اعرفها ..وضل خدامه ..لا متعلمه ولا دارسه اشلون يهتمون باليهال يابينهم مساكين من تحت عشه ماشافو حتى غلايه ماي اخليها تهتم في ولدي ...يعني لو تخصص دارسه ..بيبي ستر ..يمكن افكر بس خدامه ...اتقول انها حنونه على اليهال ...صح ادري السيلانيات حنونين ...بس أنا مودافع 190 د.ك علشان احطه عند خدامه ..أيبلي بيبي ستر خاصه لي واحطا مع ولدي ابيت امي اشرح واوسعله صدر من السجن الزجاجي الي راح احطه فيه عندهم ..مادري ..ضاق خلقي كانت املي الوحيد ....وين اوديه ياربي ..والله احترت ...دوامي ابعيد وبنتي مدرستها في بيان ..مادري ...مالي الا جنوب السره مع ان مخارجها صارت زحمه بعد بس شاسويي
افكر في البشاير في حطين رحتيلها أختي ..شفتيها ..ولدي 6شهور وساكنه برميثيه ..منو الحضانات الي تاخذ 6 شهور وزينه ..واي جني طراره اطر حضانه ..لاحول ولا قوه الا بالله
اشكرج يا اختي على التفاعل بالموضوع ..جزاج الله خير ..والله ينور طريجج

 

[um_yoyo]

ياليت تقولين شنوسامعه عن البلاي جروب و طبعا الكلام صح 100% يعني مو من وكالة سمعت يقولون

لان بصراحه جني بهون و بدخل ولدي الانجليزيه الي برميثيه

 

[^kloOot^]

والله بالعكس انا ماااااااني شايفه على بيبي جاردن الامريكيه اى شي مو زين

بالنسبه للمكان الفيلا توها يديه فعشان جذي من داخل ليلحين مو مسوين فيها شي عكس يوم كانوا بحطين بس من ناحيه التدري والاهتمام والرعايه اوكي ماشالله

لا يغرج بعض الحضانات والرسومات والالعاب والشكل الخارجي بس
اهم شي المدرسات ونفسيتهم والنظافه



وهذه صوره الحضانه من بره وعنوانهم الشهداء ق3 شارع واحد جاده 301 فيلا 2

مشاهدة الصور

 

[جاردينيا_2000]

وتاخذ 6 شهور ..اتهقون حلوه للياهل بنفس عمر ولدي ..ومنو يمسكه خدم ..شنو جنسيتهم

 

[جوري الكويت]

حضانه بارني الشهدا يم بيتي .. الالعاب بالحديقه اللي على الشارع .. خطر على اليهال

لو يي واحد متهور و يطشر اليهال ..لا و الحديقه بدون سور .. يعني لو الياهل يغافل المدرسه و ركض بالشارع !!

مادري شلون الصراحه !!

كتكوتا 76
حضانه ليلى .. بالزهراء .. ما مريتي عليها .. ياخذون من عمر شهر

 

[أم عبوودي11]

اب اب للاهميه

 

[جاردينيا_2000]

مريتي اختي على البشاير في حطين

 

[katkota76]

عاد يلا قولي عن حضانة ولدي والله تشوقينا
حشا حشا مسلسل تركي مو جوله ههههههههههههههههههههههههههههههههههههههههههه

ههههههههه
اي والله يبيلي أصور الجولة أعرضها بالتلفزيون :dddds:
بس شرايج فيني وانا اوصف حضانة ولدج

 

[katkota76]

مشكوووره حبيبتي

عرفتها ووصفج وااضح ماشاءالله

العفو حبيبتي وانشاالله تعجبج :eh_s(6):

 

[katkota76]

انا كنت مدخله ولدي حضانه انجلش بلاي جروب الي بسلوى والله لا يوريكم

1) الولد يرجع مطقوق
2) ما يعلمونه ولا شي بس تلوين ويدزون كود اوراق معاه البيت ولما أسأله عن الشكل او الصورة الي بالورقة يقولي ما ادري !!!!
3) يروح ويرجع مو ماكل كللللللللللللللش ( طامة كبرى )
4) والمصيبة انهم كانوا ما يغيرونله البامبرز ومرة رجع البيت ولا طفووووح عزكم الله و ريحة الخروج وانتوا بكرامه شي مو طبيبعي الي رحت على طول وتناجرت معاهم وقتلهم انا 5 دقايق ما قدرت اتحمل الريحة عيل شلون انتوا الي من الصبح عندكم ؟؟؟؟
وهذا كان آخر يوم أوديه الحضانه ومن عقبها ما وديته ولاحتى كملت فلوسهم

والله هالحضانة انا أحسها مو شي كلش بس شكل عالفاضي

 

[katkota76]

سمعي اختي بعض الحوار الي دار بيني وبينه ...وانتي حكمي
قلت لها :موضغط على الخدامه اتشوف 4 اطفال رضع من 6 شهور الى سنه ونص
قالت: لا هذا العدد المفروض تتحمله ..تقدر اترضع البيبي وتقعد يمها بيبي ثاني اتوكله ؟؟؟؟؟؟؟؟؟؟؟؟؟؟؟؟؟
ياسلام رجل آلي مو خدامه ...ابصراحه السيلانيه ويها سمح حرام ..بس 4 اشلون
وثانيا حسيتهم محبوسين حبس انفرادي لما فجت الباب طار لها البيبي يمكن عمره سنه ..وتروح تمسكه وتسكر الباب
دخلت وله امسكرين التلفزيون ومخففيين الاضاءه اتقول علشان انامون ...مو في غرفه للنوم ..ليش اتسكرون الاضاءه في هذي الغرفه هذي غرفه لعب ووناسه
كيفهم اليهال مايبون انامون ..قاعدين بالظلمه ليش وماسكته ..الياهل شايلته ..احس ان الياهل زهقان ومال منهم ماشفت العاب يلعبون فيهم تركيب عضاضات اي شي مافي
وكان قمته ..مافي تهويه لغرفتهم ..قلت لها موفاجين السنترال ...وله اتقول لا ..بس حسيت بالغرفه ريحه اخموره ..الغرفه مافيها تهويه
انا ولدي ياخذ كمام ..اشلون في هذا الجوى ..
مثل ماقلتي دواعيس وممرات ..واقول حق الابله ..ليش غرفه اليهال الرضع مافيها كامره ..اتقول ماوصلت التمديدات حقها ..الحين كل الحضانه فيها كامرات الا الغرفه المهمه والي يمسكونهم خدم مافيها كامرات ؟؟؟؟؟؟ صعبه قلت لها أنا منحاشه من الخدم واي احط ولدي عند الخدم ....مادري ...أنا ولدي على اديني اتربى ما جاسته خدامه ..أشلون اخليه عند خدامه ماتعرفله ولا اعرفها ..وضل خدامه ..لا متعلمه ولا دارسه اشلون يهتمون باليهال يابينهم مساكين من تحت عشه ماشافو حتى غلايه ماي اخليها تهتم في ولدي ...يعني لو تخصص دارسه ..بيبي ستر ..يمكن افكر بس خدامه ...اتقول انها حنونه على اليهال ...صح ادري السيلانيات حنونين ...بس أنا مودافع 190 د.ك علشان احطه عند خدامه ..أيبلي بيبي ستر خاصه لي واحطا مع ولدي ابيت امي اشرح واوسعله صدر من السجن الزجاجي الي راح احطه فيه عندهم ..مادري ..ضاق خلقي كانت املي الوحيد ....وين اوديه ياربي ..والله احترت ...دوامي ابعيد وبنتي مدرستها في بيان ..مادري ...مالي الا جنوب السره مع ان مخارجها صارت زحمه بعد بس شاسويي
افكر في البشاير في حطين رحتيلها أختي ..شفتيها ..ولدي 6شهور وساكنه برميثيه ..منو الحضانات الي تاخذ 6 شهور وزينه ..واي جني طراره اطر حضانه ..لاحول ولا قوه الا بالله
اشكرج يا اختي على التفاعل بالموضوع ..جزاج الله خير ..والله ينور طريجج

حبيبتي والله كسرتي خاطري الله يعينج
انا حاسة فيج والله لاني مثلج مضطرة ادخلها حضانة
شوفي أختي انا البشاير ما رحتلها لاني مثل ما قلت باول صفحة انا ابي حضانة انجليزية
وحضانة البشاير عربية فشلتها من الجولة
انتي روحي شوفيها وانشاالله تطلع زينة
وانا اغلب الحضانات اللي رحت لهم ياخذون من سنة وفوق
ما عدا وحدة باليرموك اسمها سوبر كدز
ياخذون من 6 شهور
والحضانة وايد حلوة راح اتكلم عنها بالتفصيل بعدين
بعد في وحدة بالزهرا وايد بنات يمدحونها اسمها عالم الطفل ( بس انا ما عجبتني )
هم ياخذون من 6 شهور جنة
روحي شوفيهم
وانشاالله الله يوفقج بوحدة زينة
وسامحيني عالقصور