سؤال للكويتيين اللي عاشوا فترة الغزو الصدامي

[ii DareeN ii]

هالموضوع لي الحين ما تسكر؟؟؟

و الله توقعت يتسكر من أول شي!!

لأنه باختصار ((غير هادف البتة))

تنبيه : الرجاء عدم التدخل في شئون القسم المشرفة والادارة بس الي يحددون متى يتسكر ومتى يظل مفتوح

 

[**توفا**]

دخلت بس عشاااااان أقوووول بيت شعر لصلااااح الساااااير ..
7
7
7
7
7
صوووووووب تكريييييييت التفــــــــــــــــت ..


و من قلبك اصرخ : تـــــــــــــــــــــف

 

[$ صمت الشفايف $]

حبيبتي احنا عشنا الغزو وشفنا الخوف والقهر والذل في ديرتنا ومحرومين منها وبرى ديرتنا وهم محرومين منها ذبحوا عيالنا انتهكوا الحرمات وخربوا ودمروا وسرقوا ونهبوا وفوق هذا عذبوا وقتلوا ومو اي قتل الا ذبح بابشع انواعه

مستحيل ننسى ولو شنو وهالكابوس موراضي يتركنا راح يلازمنا العمر كله لان اللي صار صدمه كبيره من جار لجاره من اللي كنا نحسبه اخو طلع عدو من اللي مدينا ايدينا لهم وساعدناهم ووقفنا معاهم

وصدام ماراح ننسى اللي سواه لا اهو ولا زبانيته وحسابه عند رب السماوات والارض

 

[$ صمت الشفايف $]

حبيت انوه بشغله نطقه للشهاده ما يحكمنا عليه ونقول شهيد لانه الله سبحانه وتعالى كما قال " يعلم خائنة الانفس وما تخفي الصدور "

والله سبحانه وتعالى يعلم المفسد من المصلح وهو الحاكم الذي يحكم بكل شي

ولا تنسين فرعون لعنه الله لمن شاف الموت وعرف انه راح يموت لمن اغرقه الله شنو قال

قال "امنت برب موسى وهارون " الايه

وهالسوالف هذي ما نبيها وهالطاري الشين لا تجيبينه صدام راح يظل طول العمر بنظرنا مجرم حرب

 

[كوارين]

بنار جهنم انشالله صداموه وربعة

 

[cup-cacke]

انا ما كنت موجوده بالكويت وقت الغزو

بس ما تغيرت نظرتي له...لحد الحين اشوفه واحد نذل وحقير وناكر للجميل وجبااااااااااااااااااااااان وأكبر جبان بعد

 

[انصاريه قمره]

الله يرحم من يشاء واذا صج كان صدام على قولت رفيجتج بطل واسد ومجاهد في سبيل الله راح يرحمه وكلنا بنواجه بعض يوم الحساب وكل واحد واعماله

 

[& يابعدهم أنا &]

عسى ربى يجعل من يترحم على صدام


يجمعه وياه فى نار جهنم

 

[roses_77]

ترحمي عليه انتي ورفيجتج على كيفكم
بس هدامووو مو محلل ولاكويتي محلله ليما اخر يوم بعمرنا ماننساه اللي سواه لو شنوو

 

[$ صمت الشفايف $]

ترحمي عليه انتي ورفيجتج على كيفكم
بس هدامووو مو محلل ولاكويتي محلله ليما اخر يوم بعمرنا ماننساه اللي سواه لو شنوو

صاجه يا وخيتي بردي اللي بقلبي على هالحقودين ولا راح نحلله

 

[lafemme]

حبيبتي كل وحده لها وجهة نظر مايمنع بس الي يقهر انها عاشت بالكويت وكلت من خيرها وادرست واخر شي قالت هالكلام
مايحتاي اعقب على موضوعج لان اسمحيلي كلش ماله داعي ولاتزعلين هذا رايي الشخصي

 

[سنافية مطير]

إحنــا قــاعدين طــول الغــزو ،،،

بس ما فهمت إشتقصدين بســـؤالج ؟؟؟؟

 

[xxx]

السلام عليكم

هالموضوع انطرح من قبل عضوة سعودية

واهل السعودية على عينا وراسنا

مع ان سؤالها في تشكيك بحب الكويتين لوطنهم

ولكن فتحنا المجال للعضوات بالتعبير عن حبهم لوطنهم وكرههم للمقبور صدام حسين

والعضوة كان مشكوك في أمرها .. خصوصا انها طرحت موضوع للنقاش .. بدون اي رد !

راسلتها للتأكد .. وهذي نص رسالتي

اختي الغالية

طرحتي موضوع حساس جدا للنقاش
http://www.q8yat.net/showthread.php?t=351586

ومارديتي على كلام العضوات

مع انج متواجده يوميا !!!

اذا ممكن تكتبين وجهة نظرج وتوضحين هدفج من الموضوع

وشكرا

وكان ردها غرييييييييب عجيييييييييب وماله اي صلة بالموضوع !! ركزو على الي بالاحمر

صباح الخير ..
سعيده جدا برسالتك
بالنسبه للموضوع انا تابعته من البدايه ورديت على البعض
لكن لاحظت ان حتى الكويتيات اللي ردوا عندهم تحفظ
كبير على صدام واني ما اجيب طاريه وهذا اسمه غزو
عراقي مش صدامي واللي تقول لاتمدحه ولا تذمه وهم
كويتيات .. ماحبيت ان الموضوع يتحول لطائفيه
لأن كل هذا بسبب مشايخ الوهابيه اللي اظهروا صدام
على انه ملاك اذا راح اتابع راح أقول الكلام هذا
وان ابناء الطائفه السنيه انقادوا وراء كل ناعق من
مشايخهم وترحموا على المقبور عليه اللعنه
على فكره وقت الغزو انا كنت موجوده بالكويت
وطلعت بعد يومين وبصعوبه كبيره مع اني كنت صغيره
لكن حسيت بمعاناه كبيره
لكن لاحظت بعد اعدامه ان حتى بعض الكويتيين ترحموا عليه
وقالوا شهيد وحبيت اتاكد من الموضوع هذا هني
لكن مع الأسف ثبت لي ان الموضوع صحيح
وخصوصا السلفيين منهم .. على فكره انا لي شهداء
من قرايبي من ابناء عمامي وخوالي يعني ماتقولي
انتي ايش دخلك مع اني مش كويتيه لكن الكويت
مني وفيني ..
اذا تحبي اواصل راح اواصل بوجهة نظري
وانقياد الطائفه السنيه وراء المظللين من مشايخهم
وراح يتحول لقضيه طائفيه
على فكره اعتقد بذكائك عرفتي اي شيعيه
انتظر ردك .. هل ارد بهذي الطريقه او
اكتفي بالصمت ..

تأكدت من شكوكي

الاخت داخله المنتدى بهدف الفتنة بين الشيعه والسنة فقط لاغير

وعليه سيتم ايقاف العضوية

مع احترامي لجميييييييع خواتنا من المملكة العربية السعودية

ولجميع خواتناااا الشيعه ...