خاص بأطفال التوحد

[& الذاهبه &]

الله يسمع منج ياقلبي ويحفظج ويحفظ عيالج من كل مكروه

بس حبيبتي شلون الاحظها وشنوالشي اللي لازم احط بالي عليه...

ودكتوره عبير كانت مستانسه حيل من عمر بنتي تقول لاسمح الله لو فيها شي راح تستجيب للعلاج من بعد الله سبحانه وتعالى

 

[& الذاهبه &]

وشنو المهارات الي احرص اني ادرب بنتي عليهاااا

الله يطمن قلبي عليهااا

 

[ريحانة_14]

الله يسمع منج ياقلبي ويحفظج ويحفظ عيالج من كل مكروه

بس حبيبتي شلون الاحظها وشنوالشي اللي لازم احط بالي عليه...

ودكتوره عبير كانت مستانسه حيل من عمر بنتي تقول لاسمح الله لو فيها شي راح تستجيب للعلاج من بعد الله سبحانه وتعالى

شوفي صفات الطفل التوحدي بأول صفحة بالموضوع .. ولاحظي هل تلاحظين شي من هالصفات على بنتج والا لأ ؟؟

يعني الطفل مانقدر نثبت إنه توحدي لمجرد إنه ما يطالعنا أو يطنشنا ساعات

لأن أغلب الوقت الطفل يكون مندمج وسرحان في برنامج تلفزيوني أو لعبة وبوقت الإندماج هذا تلاقين صعوبه إن الطفل يرد عليج حتى الطبيعيين منهم

أما بخصوص المهارات تقدرين تدربينها على الألوان والأشكال .. راويها صور مثلا وتقولينلها شنو هالصور لكن صور واضحه ..

في قصص تناسب سنها بالمكتبات وشوفي نسبة تقدمها شلون تصير معاج .

والله يوفقج حبيبتي

ولا تحاتين ياعمري الله يرح قلبج يارب

 

[as.as]

بحمد لله ومنه وفضله علينا تم خروج يويو من المستشفى سليما معافا:eh_s(6):


أشكر جميع أخواتي في الله لسؤالهن عن يويو:gathering:

الف الحمد لله على سلامه يوسف ... الله يحفظه من كل سوء وكل ابناء امه محمد صلى الله عليه واله وسلم

:aha: :aha: :aha:

 

[as.as]

السلام عليكم والرحمه
اختي العزيزه ريحانه مشكوره على هذه المعلومات الثريه .....جعلها الله في ميزان حسناتج امين يارب العالمين
سؤالي هو : وين تنصحيني في افضل المدارس اللي تقدم افضل تعليم لاطفال التوحد في الكويت؟ :eh_s(7):

 

[ريحانة_14]

السلام عليكم والرحمه
اختي العزيزه ريحانه مشكوره على هذه المعلومات الثريه .....جعلها الله في ميزان حسناتج امين يارب العالمين
سؤالي هو : وين تنصحيني في افضل المدارس اللي تقدم افضل تعليم لاطفال التوحد في الكويت؟ :eh_s(7):

هلا فيج ياقلبي

شوفي .. مركز الكويت للتوحد يقدم برامج تعليمية وخطط فرديه لأطفال التوحد على مستوى عالي جدا ومثمر

يعني مستحيل تشوفين إن ولدج ما يتطور في مركز التوحد

وعندج مدرسة التربية النموذجيه .. بس هالمدرسه البنات يمدحونها وحاطين عيالهم فيها لكن أنا ماعندي فكره عنها سإليهم وراح يفيدونج أكثر بهالموضوع

لكن وخري عن دسمان سكول لأنه يجمع الإعاقات فما يكون في تركيز على الطفل التوحدي ..

والسلوك التوحدي طبعا الخطط التعليمية إللي يقدمها للطفل التوحدي حيل ضعيفه وتفتقر للتركيز على حاجات الطفل التوحدي ومتطلباته

وحياج الله حبيبتي بأي وقت

 

[as.as]

مشكوره عزيزتي عاى النصيحه ..... الله لا يحرمج الاجر

 

[ريحانة_14]

العفو ياقلبي وحياج الله بأي وقت

 

[انوشا]

السلام عليكم السؤال لأختي ريحانه -14 انا ولدي عمره 4 سنوات وفيه سمات توحد حسب تشخيص الدكتوره فاطمه العوضي طبعا اهي بس متابعة وهو يداوم في حضانة احتاياجات خاصة بس سؤالي يعافيج متى الطفل التوحدي يبدأ يدخل طور التوحد أو لما ينفصل عن العام ويبدأ بالانعزال عن الناس ويهز وجنه معانا وهو مو معانا انا ولدي عنده تأخر نطق ويراجع اخصائيين تخاطب من مده بس هم ما يتكلم بس انا افهمه وهو ما يقدر يعبر عن نفسه ودايما يبكي اذا حس انه مو قادر يعبر عن نفسه بس صراحه انا عندي هاجس وخوف ولدي يدخل طور التوحد للنعزال الرجاء اختي ريحانه اذا عندج معلومات افيدني على الخاص بليز ... بلييز

 

[ريحانة_14]

إن شالله حبيبتي أنوشا

دقايق وجيكي عالخاص ياقلبي

 

[& الذاهبه &]

حبيبتي شلووون يدخل طور الإنعزااال

خوفتيني ؟؟؟؟

يعني الطفل بعمر سنتين اذا التوحد عنده خفيف ممكن بعد سنتين او ثلاث تدخل بطووور الإنعزاااال

 

[{ bint oboy ~!]

السلام عليكم اختي ..
انا عندي اخوي عمره 13 سنه ..
بدت فيه اعراض التوحد لمن كان عمره سنتين تقريبا ً .. قالولنا انه مريض يوم صار عمره 3 سنين و نص .. و مايتكلم ..
يت له فتره كان هادي شوي و بادي يتعلم مع مدرسه بحرينيه بمركز التوحد .. و غيروا الابله فجأه ....
الحين بادي يتوتر و يصارخ بشكل مو طبيعي .. و وايد يكسر و يعور نفسه .. و يشمخ .. بشكل متوااصل احيانا ً
لمن سألنا الدكتور هارفي الي بمركز التوحد .. قال انه يمكن فتره البلوغ مأثره عليه او من الادويه .. لانه كان ياخذ رسبردال و وقفناه ..

الحين مو عارفين شلون نتعامل معاه .. دايما معصب و يصارخ .. و متوتر ..


و شاكرتلج اختي

 

[& الذاهبه &]

الله يستر

 

[العبدة أم كشة]

الله بأجر كل واحد عنده مريض هو مو قادر يعبر ويتواصل مع الناس
علشان جذيه مغبون ومعصب
الله يفرجها عليكم

 

[& الذاهبه &]

مارديتو علي شلووون يعني طور الإنعزال؟؟؟

 

[ريحانة_14]

آسفه عالتأخير عزيزتي أم خالد

طور الإنعزال يعني إذا الطفل كان فيه صفات توحديه ممكن نتاركها بوقت مبكر

لكن بسبب الإهمال ينترك الطفل بروحه لعدة ساعات من غير تواصل مع الأهل أو الأصدقاء أو أي شخص

ممكن إنه ينعزل ويتطور عنده ضعف التواصل مع الآخرين

 

[الصابرة المحتسبة]

يارب يهون عليج حبيبتي ريحانة والله مشتاقين لوجودج معانا

 

[& الذاهبه &]

ماقصرتي ريحانه والله يهون عليج حبيبتي

 

[ترانيم العود]

يعطيج العافيه..

بنتي فيها ضمور بالمخ ومأثر على النظر بس تشوف الضوء

ودايم اذا قعدت بحضني او وراها اي شي طق براسها ورى بعض حيل سألت الدكاتره قالو انه شي طبيعي وهما تحط ايدها على راسها وتفركه

وايدينها دايم مصكرتهم وطق ارجولها بعض

وماتمشي واسوي لها علاج طبيعي

وديتها المجلس الاعلى للمعاقين وقالو ان فيها تأخر نمو وهى ماتكلم ولا تناغي


هل فيها توحد؟؟

 

[ترانيم العود]

ودايم اذا كانت قاعده تضحك بروحها او انها تعفس وجها
وفجأه طلع صوت كأنها تبجي وتسكت بسرعه
وتلف وجها يمين ويسار بسرعه


واذا بتام لازم يكون هدوء اذا سمعت الصوت ماتنام

وعندها صعوبه بالبلع

سوري ازعجتج