يومياتي ..لقتل ودفن ووداع السمنه (الجزء الثاني من ستة اجزاء)(انتهت المده)

[Heaven Light]

رد: يومياتي ..لقتل ودفن ووداع السمنه (الجزء الثاني من ستة اجزاء)(مدة شهر من تاريخه)

هلا والله حبيباتي ....

كيفكم بخير انشاء الله

تقريري اليوم الصباح افطرت كوب حليب مع شابوره ....

الضحى تفاحه الغدا كان سلطة خضار + 1 كأس رز مسلوق

بعد الغدا كوب شاهي اخضر بعدين العصر رياضه ساعه ..:weight_lift:

والعشا كان توست مع بيض مسلوق...

طبعا غير القهوة والشاي قليل السكر

وكان هذا تقريري اليومي ....و اشوفكم على خيييييييييييير​

بالعاااااااااااااااااااااافية يااا قلبي .. خووش نظااام ...ياااااااااااارب دوووووم ..

atosha
لووول تعبت


اذا على سوالف المراهقه .. اناا المفروض انزل كتاب فيها كركركر ... << كانت شيطانه


بس الحمدلله تزوجنا وركدنا وهيعنا .. جني خرتها .. احم

خخخخخخ لا انا عكسج بالمراهقة كنت هادية وانطواااائية ومالي شغل بأحد<<أكسر الخاااطر ..

"أم شوشة ^^ومنفوشة"
انا اليوم ما تعشيت ورحت احوس بالجمعية ادور اغراض البيت علشان ما افكر اتعشىى

شرايكم حتى اذا برقع بروحي والهي عمري غلط

بس لا

شريت تمر عجوة المدينه من جمعية اليرموك وشريت حليب خالي الدسم

والضحى برتقالة

والغدى سلطة ((بقدونس وخيار وجرجير وطماط وبروكلي...+ملعقة وسط زيت الزيتون او زيت بذر الكتان))
مع ((2 همبروجر او نصف صدر دياية مشوي او تونة صغير مصفى من الزيت))

عقب الغدى وهو الاهم ...

زنجبيل حار

المغرب قكطعة فليك + تروبيكانا سليم كابتشينو

العشى لمدة 4 ايام تفاحة وخيار وروب الوفرة خالي الدسم صغير وبصور الوزن نهاية الاسبوه واوريكم اياه

بس اذا غبت شوي لشوية امور واسمحولي


ها شرايكم

شجعونيييييييي

حلوووو نظااامج وان شاء الله تنزلين عليه ..

ان شاء الله بنشجعج .. بس همتج معااانااا .. وان ان عندج اشغال فمعذووورة قلبي..​

 

[alfajr alb3eed]

رد: يومياتي ..لقتل ودفن ووداع السمنه (الجزء الثاني من ستة اجزاء)(مدة شهر من تاريخه)

الله يوفقكم

 

[Heaven Light]

رد: يومياتي ..لقتل ودفن ووداع السمنه (الجزء الثاني من ستة اجزاء)(مدة شهر من تاريخه)

الله يوفقكم

وااااااي فجوووور شفيج احسج صرتي غريبة ..

صووورتج الشخصية تعووور القلب .. يارب يشااافي امج وامهااات المسلمين .. وترجعووون لبلادكم بأقرب وقت ..

وبعدين وين الشعاار ؟؟ لا تشيلينه حتى لو مو ماشية على ريجيم .. المهم تكونين من قروبنااا ..


ويارب يوفق الجميع .. ​

 

[Heaven Light]

رد: يومياتي ..لقتل ودفن ووداع السمنه (الجزء الثاني من ستة اجزاء)(مدة شهر من تاريخه)

بنااااات اليوم سويت ريااااضة واحس مزااااجي رااااااااايق ..

صبح الصباح فتاح يا عليم
والجيب ما فيهش ولا مليم<<اي والله
بس المزاج رايق وسليم
باب الأمل بابك يا رحيم
ده الصبر طيب عال
وإيه غير الأحوال
يا اللي معاك المال
برضه الفقير له رب كريم
برضه المتين له رب كريم:tomato2: :dddds:


^
^
^
^

اتوووش عادتيني قمت اغني بردودي :eh_s(6):





اليوم 18 /5 /09

مشيت سااعه وحده مقسمة نص ساعة ونص ساااعة بينهم راحة عشر دقااايق ..

وبعدين شربت الليمون الدافي مع العسل علشان الكرش







وبعدين اخذت شوووور ..


وبعدين تريقت .. 1 توست + جبن سلايس + خياااار + جااي بدون شكر ..






وبس ..


ان شاء الله بحط لكم غدااااي بعد شوووي .. واحاول ما انام عشان اعدل نوووومي <<اي خير ان شاء الله هذااا ويهي ان قاومت ​

 

[atosha]

رد: يومياتي ..لقتل ودفن ووداع السمنه (الجزء الثاني من ستة اجزاء)(مدة شهر من تاريخه)

حياااااااااااتي فجوووره بعد قلبي

صج صج خنقتني العبره الصوووره الشخصيه يما يما .. ربي يكون بعوووونج وبعووون اميمتج الغااااااااااااااااليه بوووسيها لي تكفين على راسهاااا قوليلها اتوش من المنتدى ماعليج اهيا بتعرفني على طول << احم

انتي ويانا بالقروووب حتى لو مو ماشيه على النظام مثل ما قالت تعبت .. خلج ويانا واحنا وياج نعين ونعاون انشالله ..


ربي يحفظ امج وامهاتنا .. وامهات جميع المسلمين من كل شر ويعطيهم الصحه والعافيه ,,,

 

[تفاح بنفسجي]

رد: يومياتي ..لقتل ودفن ووداع السمنه (الجزء الثاني من ستة اجزاء)(مدة شهر من تاريخه)

هلا بحبيبات قلبي....

وشخباركم.....

الفجر قطعتي قلبي يااااااااااااااااارب تشفيها وتعافيهاولاتوريها مكروه واميمتي وجميع مرضى المسلمين..

حبيبتي ماقدامها الاالعافيه..

حبيبتي تعبت..

ماشاء الله عليك على النشاط والحيويه عسى دوم وباالعافيه ...​

 

[atosha]

رد: يومياتي ..لقتل ودفن ووداع السمنه (الجزء الثاني من ستة اجزاء)(مدة شهر من تاريخه)

يقال ...

ان ضرب الحبيب مثل اكل الزبيب ..

لوووووول

فديتج تعبت والله صوتج حلووو << دزتها عالبراااااااااد ..


لووول غني يا قلبي غني .. راح تنطقيييييييين يعني تنطقييييييييين .. ليما تعدلين نومتج .. والله معلووومه اكيده ان النوم بالليل يساعد على عمليه الحرق يعني وانتي نايمه باللليل تحرقين .. << اشجعج عشان تنامين بالليل ..

ما الووومج بطااااااليه .. وبهالمناسبه بغنيلج اهداء من القلب الى القلب ..

والبطالي باع كوته ما شراله كووت ثاااني .. ترن ترن ترن ..

لووووول

 

[atosha]

رد: يومياتي ..لقتل ودفن ووداع السمنه (الجزء الثاني من ستة اجزاء)(مدة شهر من تاريخه)

بالنسبه لي اليوم ..

تريقت صمونه جبن مع عصير فراوله والسناك كان رقي..


ولما رديت البيت كان الغدا عباره عن ستيك مع خضار سوتيه وبطاط مشوي ..


والله للحين يوعانه بس الحمدلله على النعمه بجعم روحي وانام شوي

 

[dяέἆᶆ qûếếἦ]

رد: يومياتي ..لقتل ودفن ووداع السمنه (الجزء الثاني من ستة اجزاء)(مدة شهر من تاريخه)

سلام بنات

الفجر البعيد ماتشوف شر الوالده الله يشافيها يارب .. تعبت نورتي والحمدلله ع سلامتج .

سوري انا موراضي يشبك الوزن للحين ماتلحلح 66 دعواتكم وبالعافيه عليج تعبت

بنات بغيت أسأل هل حبوب الحديد تزيد الوزن ؟؟؟

 

[تفاح بنفسجي]

رد: يومياتي ..لقتل ودفن ووداع السمنه (الجزء الثاني من ستة اجزاء)(مدة شهر من تاريخه)

تقريري ليومي..الفطور كان كوب نسكافه مع قطعة كيكه ....

والغدا 2قطعة استييك مع خبزه +سلطه ...بعده اخذت كوب شاي اخضر.

والمغرب راح العب رياضه لمده ساعه....

والعشاءجبنة بيضا + سلطه خضار +1 توست +1 فاكهة...

وهذا هو برنامجي اليوم ...​

 

[Pretty Amoola]

رد: يومياتي ..لقتل ودفن ووداع السمنه (الجزء الثاني من ستة اجزاء)(مدة شهر من تاريخه)

قوة بنات، شخباركم؟

ما تشوف شر أمج يا فجورة، أسأل الله العظيم رب العرش العظيم أن يشفي أمج

عاجلاً غير آجلاً، اللهم آمين.


باقي البنات: تعبت ، أتوشا ، تفاح بنفسجي، والبنات الي مالهم حس: ملاك ، نور الكويت

ashoka ومينونة....

شلونكم؟ يارب تكونون جميعا بخير وملتزمين بالحمية والرياضة.​

 

[BLack doll]

رد: يومياتي ..لقتل ودفن ووداع السمنه (الجزء الثاني من ستة اجزاء)(مدة شهر من تاريخه)

الفجر البعيد أجر وعافية , الله يشافي أمج ويحميها من كل شر

شخباركم بنات

>> أطل عليكم يوم واغيب شهر

اليوم كنت صايمه

تفطرت 3 تمرات وشوربة

والنفسيه واصله القاع

انا بالعادة إذا اكتأبت آكل بس هالمرة احس فيني بجية من القهر

الله يسامح الجميع ..

 

[alfajr alb3eed]

رد: يومياتي ..لقتل ودفن ووداع السمنه (الجزء الثاني من ستة اجزاء)(مدة شهر من تاريخه)

الله يجزاكم خير يارب :eh_s(2):

 

[مينووونة]

رد: يومياتي ..لقتل ودفن ووداع السمنه (الجزء الثاني من ستة اجزاء)(مدة شهر من تاريخه)

هااااااااااااااي بنات


شلووووووونكم


شدعوا ماسألتوا عني ؟؟؟


خلاص زعلت عليهم بشيل قشي وبروح بعيد << جنها تقدر لووووووول


وووحشتوووووووني ومبروووووووووووك كل اللي نزلوا

الفجر البعيد ماتشوووف امج شر ياقلبي واذا اكلهم مو شي مالج الا الخضرا حيلج فيها

وبعدين ليش ماتروحين تتمشين ساعهساعتين الجو هناك حلو

حاولي تلتفتين لايجابيات البلد وابتعدي عن سلبياته شوووي


وترجعون بالسلامة يارب

 

[Heaven Light]

رد: يومياتي ..لقتل ودفن ووداع السمنه (الجزء الثاني من ستة اجزاء)(مدة شهر من تاريخه)

هلا بحبيبات قلبي....

وشخباركم.....

الفجر قطعتي قلبي يااااااااااااااااارب تشفيها وتعافيهاولاتوريها مكروه واميمتي وجميع مرضى المسلمين..

حبيبتي ماقدامها الاالعافيه..

حبيبتي تعبت..

ماشاء الله عليك على النشاط والحيويه عسى دوم وباالعافيه ...​

هلاااا فيج يااا قلبي ..

تمام انتي شلوووونج ؟؟
الله يعاااااااااافيج يا قلبي ..

atosha
يقال ...

ان ضرب الحبيب مثل اكل الزبيب ..

لوووووول

فديتج تعبت والله صوتج حلووو << دزتها عالبراااااااااد ..


لووول غني يا قلبي غني .. راح تنطقيييييييين يعني تنطقييييييييين .. ليما تعدلين نومتج .. والله معلووومه اكيده ان النوم بالليل يساعد على عمليه الحرق يعني وانتي نايمه باللليل تحرقين .. << اشجعج عشان تنامين بالليل ..

ما الووومج بطااااااليه .. وبهالمناسبه بغنيلج اهداء من القلب الى القلب ..

والبطالي باع كوته ما شراله كووت ثاااني .. ترن ترن ترن ..

لووووول

خخخخخخخخخخخخخخخخخخخخخخخخ صوتي حلووو اي هين .. ياااي يا حلاتها اللي تطق شوفي انا نسرة بالطق لو انج مو اتوووش جان حرمتي تطقيني لوووول .. حيااتي والله تدرين متى قمت من النوووم 9 بالليل :eh_s(1):
اي والله من البطالة نومي يقلب بروووحه شسوووي ..

والبطالي باع كوته ما شراله كووت ثاااني .. ترن ترن ترن ..

ايوا عاشواا اي والله من وين يشتري خنت حيلي لا شغله ولا مشغله

atosha بالنسبه لي اليوم ..

تريقت صمونه جبن مع عصير فراوله والسناك كان رقي..


ولما رديت البيت كان الغدا عباره عن ستيك مع خضار سوتيه وبطاط مشوي ..


والله للحين يوعانه بس الحمدلله على النعمه بجعم روحي وانام شوي

بالعاااااافية حبي ..

شربي ماااي وااايد او نسكافيه 3 في 1 يشبع ويسد الشهية ..

رفيلو
سلام بنات

الفجر البعيد ماتشوف شر الوالده الله يشافيها يارب .. تعبت نورتي والحمدلله ع سلامتج .

سوري انا موراضي يشبك الوزن للحين ماتلحلح 66 دعواتكم وبالعافيه عليج تعبت

بنات بغيت أسأل هل حبوب الحديد تزيد الوزن ؟؟؟

هلا وغلاااا برفيلووو << الله عاد ودي برفيلووو

الله يسلمج حبي .. والله يعافيج ..

والله ما اظن حبووب الحدبد تزيد الوزن ..

ويارب تنزلين هالاسبوووووووع ..

تفاح بنفسجي

تقريري ليومي..الفطور كان كوب نسكافه مع قطعة كيكه ....

والغدا 2قطعة استييك مع خبزه +سلطه ...بعده اخذت كوب شاي اخضر.

والمغرب راح العب رياضه لمده ساعه....

والعشاءجبنة بيضا + سلطه خضار +1 توست +1 فاكهة...

وهذا هو برنامجي اليوم ...

بالعاااااافية حبيبتي ..

BLack doll
الفجر البعيد أجر وعافية , الله يشافي أمج ويحميها من كل شر

شخباركم بنات

>> أطل عليكم يوم واغيب شهر

اليوم كنت صايمه

تفطرت 3 تمرات وشوربة

والنفسيه واصله القاع

انا بالعادة إذا اكتأبت آكل بس هالمرة احس فيني بجية من القهر

الله يسامح الجميع ..

هلا حبيبتي ..

تقبل الله منج صالح الاعمال ...

افا والله ليش شنو فيج .. وسلامتج من القهر حبي ..

alfajr alb3eed
الله يجزاكم خير يارب

حياااتي والله .. ان شاء الله شده وتزوووول ...

مينووونة هااااااااااااااي بنات


شلووووووونكم


شدعوا ماسألتوا عني ؟؟؟


خلاص زعلت عليهم بشيل قشي وبروح بعيد << جنها تقدر لووووووول


وووحشتوووووووني ومبروووووووووووك كل اللي نزلوا

الفجر البعيد ماتشوووف امج شر ياقلبي واذا اكلهم مو شي مالج الا الخضرا حيلج فيها

وبعدين ليش ماتروحين تتمشين ساعهساعتين الجو هناك حلو

حاولي تلتفتين لايجابيات البلد وابتعدي عن سلبياته شوووي


وترجعون بالسلامة يارب

يا هلااا وياااا مرحبااا ..

انا بعرف انتي وين تغطين ؟؟ انتي وقطوة اجناااعية ما ادري شفيكم بين فترة وفترة تختفووون ..

وبعد احنا اشتقناا لج حياااتي ..

شخبااارج ؟؟ ​

 

[Heaven Light]

رد: يومياتي ..لقتل ودفن ووداع السمنه (الجزء الثاني من ستة اجزاء)(مدة شهر من تاريخه)

وهذاا غدااي اليوووم

فيليه دياي مشوي + توست + كاتشب + عصير ..

​

 

[atosha]

رد: يومياتي ..لقتل ودفن ووداع السمنه (الجزء الثاني من ستة اجزاء)(مدة شهر من تاريخه)

يم يم


مشالله الاكل مشهي صراحه .. عليج بالعافيه , و يا عله مطاريح الهنا يارب ..


انا توني قبل شوي تعشيت ...


كان فوول مدمس ودايت كولا وسيزر سلط .. ( بصراحه اهو ريووق باجر ) بس ماقدر اكل جذي بالدوام كليته اليوم وبما ان عشاي كان بيض اومليت مع خبز فبتريق منه باجر انشالله ..


عموما تقريري لليوم .. كان حافل بالانجازات ...


رحت المركز العلمي .. كل اثنين اكو عرض يوكلون اسماك القرش عاد قمت شلت قشي ونفضت المكينه رحت عالساعه 6 المغرب مع حماتي واليهال الزعاطيط .. لميت يهال العايله و وديتهم .. عقب تعشوا من برجر كنج .. وانا اطالعهم يم يم ..

عقب رحت سيتي سنتر اللي بالسالميه الاحمر .. شريت اغراض البيت وحووسه بحووسه ..

فمافيني حيل رياضه صراحه بدش بفراشي وانام .. بكرا دوااام ..


هذا تقريري لليوم ودمتم بحفظ الله ورعايته ..


سلام خاص حق امووله : انا تمام منيحا .. والرجيم ماشييه عليه ياقلبي .. مواااااااح بوسيلي البــيبـــي ( مادري بنوته والا صبيوون ) بس الله يخليه لج يارب ..

 

[Ashoka]

رد: يومياتي ..لقتل ودفن ووداع السمنه (الجزء الثاني من ستة اجزاء)(مدة شهر من تاريخه)

صباااااااح الخير

الفجر الله يقوم امج بالسلامه يااااااااااااااااارب وما تشوف شر

شلونكم بنات شخباركم

برتي انا تمااااااام حمدلله شلونج انتي شخباارج ..؟

اتوشا انا كل ما كليت حبوب الخل راسي يصكني بعدها مادري ليش ..؟

وبالنسبه لي


انا قررت اسوي رجيم البيض اسبوع هذا اهوا

الفطور اليومي : 1 بيضة مسلوقة + عصير جريب فروت أو شاي بدون سكر


اليوم الأول: الغداء: 2 بيضة مسلوقة + سلطة خضراء + عصير جريب فروت أو شاي بدون سكر
العشاء: 2 بيضة مسلوقة + عصير جريب فروت أو شاي بدون سكر

اليوم الثاني: الغداء: لحم مشوي + خيار + خس + عصير جريب فروت أو شاي بدون سكر
العشاء: 2 بيضة مسلوقة + خيار + عصير جريب فروت أو شاي بدون سكر

اليوم الثالث: الغداء: لحم مشوي + خيار + عصير جريب فروت أو شاي بدون سكر
العشاء: 2 بيضة مسلوقة + عصير جريب فروت أو شاي بدون سكر

اليوم الرابع: الغداء: 2 بيضة مسلوقة + جبنة قليلة الدسم
العشاء: 2 بيضة مسلوقة + عصير جريب فروت أو شاي بدون سكر

اليوم الخامس: الغداء: سمك مشوي + سلطة + عصير جريب فروت أو شاي بدون سكر
العشاء: 2 بيضة مسلوقة + عصير جريب فروت أو شاي بدون سكر

اليوم السادس: الغداء: لحم مشوي + خيار
العشاء: سلطة + فواكه

اليوم السابع(والأخير): الغداء: دجاج مشوي + جزر + عصير جريب فروت أو شاي بدون سكر
العشاء: دجاج مشوي + عصير جريب فروت أو شاي بدون سكر


ملاحظات مهمة :
* الإكثار من الرياضة ( نصف ساعة إلى ساعة يوميا)
* الإكثار من شرب الماء
* الشاي بدون سكر
* عدم الإكثار من الزيت و الجزر في السلطة

 

["أم شوشة ^^ومنفوشة"]

رد: يومياتي ..لقتل ودفن ووداع السمنه (الجزء الثاني من ستة اجزاء)(مدة شهر من تاريخه)

صباح الخير صبايا

شلونكم يا رشيقات نفر نفر

:68_asmilies-com:

رشيقة رشيقة


انا قايمة والمزاج اليوم عال العال


لانيه لقيتني نازلة


((ماشاءالله وبارك))

700 غرام بهاليومين من الريجيم اللي كتبتلكم اياه


عجييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييب


والله لما قمت كنت ناوية اذا مانزل ما اكمل خلاص واقول بالطقاق ... بس الحمدلله


بنات ترى كورن فليكس فتنس يبيعون ويا العلبة سي دي رقص 20 دقيقة امس تمسخرت لما حاولت ارقص وياهم


مو عارفة اتحرك من الربادة:krkrkr:

اليوم بشغله بعد

وبحاول انزل ريجيمي بالصور


تمنياتي لكن بالضعف

قولوا امييييييييييييييييييييييييييييييييييييييييييييين


((فجوررررررررررررة: الله يردكم انتي وامويمتج بالصحة والعافية وعسى عينج تقر فيها... اللهم اذهب الباس, رب الناس, اشفي انت الشافي, لا شفاء الا شفاؤك, شفاءا لا يغادر سقماااااااااااا))

 

[Heaven Light]

رد: يومياتي ..لقتل ودفن ووداع السمنه (الجزء الثاني من ستة اجزاء)(مدة شهر من تاريخه)

وااااخيراااااااااااااا رضااا علينااا المنتدى وبطل .. من اليوم الصبح وانا احاول ..

اتوشااا .. بالعاافية حبي .. ووناسة ما شاء الله رحلة المركز العلمي .. يا حليلهم اليهااال اكيد استانسواا بالعافية عليكم ..

ام شوووواشي .. الف الف مبرووووووووووك حبيبتي .. ومنهااا للاعلى والاكثر يااارب .. ما شاء الله عليج ..

اشوووكا .. واااي شالهريجيم .. لو سويته يمكن اقعد سنه ما آكل بيض .. ما ادري شالحكمه منه اهو اصلا بدون خبز بدون بيض ولا معاااه راح تنزلين وايد لانه بدون نشويااات .. بس جذي بيكرهج بالبيض سويه هالاسبوع .. وسويه الاسبوع اللي بعد بعده بشرط يكوون ريووق بس بيض والغداا اي شي سمج ولا لحم ولا دياااي راح تنزلين نفس الشي انا متأكده .. ​