**(تجمع امهات 2009 حياكم )** (( تم دمج جميع تجمعات مواليد 2009 من قبل الاشراف))

[al7noona]

السلام شخباااركم .. شلون البيبياات الحلوين

على طاري القرقيعان انا من الحين قاعده افكر شنو اسوي بس ماعندي افكااار ..

وعزوز له قرقيعانين انا بسويله وخالتي ام ريلي بتسويله .. قاايم حظه .. انا ببدي من الحين اذا لقيت شي حلو ببدي اسووي لان مابقى شي

امس رحت الطبيب غيرت حبوب الماانع لان اللي اخذهم 28 حبه ونزلت علي الدوره قلت اروح اغيرهم احسن .. وصفتلي الياسميين

بناات منو تستخدم اليااسمين ؟؟

انا استخدمت ياسمين بس شهر عقب ماطلعت من الاربعين وعقب ماخلصت انزلت الدوره رحت ركبت لولب

 

[om_3azoz]

اهاا .. شلون اللولب معااج ؟؟ مرتااحه منه ؟؟ ويين ركبتيه ؟

 

[تمر حنا]

من صجكم تخططون حق القرقيعان من الحين؟؟ انا افكر متى تعدل نومته وانام عالاقل 3 ساعات رااااااااضيه...
ام عزوز حبوب ياسمين راح توقف حليبج
بنات صار لي اسبوع طالعه من الاربعين ولي الحين مانضفت من الدوره شسوي مليت

 

[والله مادري]

الله يخليكم بنات قولوا لي البيبي بعمر 5 شهور كم ساعه يناام

راح اين بنتي عمرها 5 شهور صار لها يومين تنام من الساعه 6 وتقعد شوي بالغصب انا اقعدها وبعدين تكمل نوم وكانه تعبانه مثل وحده منظفه البيت وغاسله ملابس وخامه البيت لما تقعدونها شلون تكون تعبانه بنتي جذي

شسووي شيبت يا نااااااااااااااااااااس كل يوم طالعه لي شغله

يارب مايكون فيها شي يارب...

 

[تمر حنا]

دامها ترضع زين انشاء الله مافيها الا العافيه واذا انتي خايفه وديها طبيب اطفال تطمني عليها

 

[al7noona]

اهاا .. شلون اللولب معااج ؟؟ مرتااحه منه ؟؟ ويين ركبتيه ؟

والله احسن من الحبوب تنسين حبه وتتوهقين وماتحسين فيه انا هذي مره اركبه واول مره عند اليتامي وثاني مره عند دار الشفى

 

[استبرق أم علاوي]

امس طهرته
صار معرس

 

[daloola]

قوة ياحلوين

شلونكم شخباركم انتو تحاتون السهر عيل التطعيم شبتسوون؟
بيصخن وماراح ينام
واعليا بنتي اول مرة يطلع صوتها عالي هالكثر بالمستوصف فقيرة ماتت من البجي
اهي بالعادة صوتها مبحوح شوي...بس يوم التطعيم راحت البحة
بس تصدقون بالنفاس غير وعقب النفاس غير...سبحان الله الياهل بسرعه تتعدل نومته عقب النفاس
طبعا قعده الليل عااااااااااااادي 4-5 مرات بس راح يفرق عليج شوي
انا دام اني باجازة مايهمني اسهر معاها وانام اذا نامت صج تعب بس ماوراي شي غيرها...طبعا هالشي قبل الامتحانات الحين امتحانات العودة مايندرة شكلي ماراح انام لا ليل ولا نهار...الله يسهل

القرقيعان وما ادراك ما القرقيعان
بنات بليز جم ميزانيتكم حق القرقيعان؟ انا الحين امومه ونص معاش

 

[al7noona]

امس طهرته
صار معرس

كلولولولووووووش

مبروووووك


ويلا شدي حيلج دوري له بنيه :krkrkr::krkrkr:

 

[al7noona]

انا بنتي عكس اليهال ماشالله بالنفاس شزينها تنام وتقعد حق رضعتها
من صار لها 40 يوم لا ليلها ليل ولا نهارها نهار من غازات بطنها والحمالله الحين احسن بس هالايام هابه هبه كله شيلوني حتى الكرسي ماتبيه وان حطيتها بالكرسي ولا نومتها تصرررررخ ماتبي تبينا نشيلها لووووول

 

[Om Yassin]

هلا يا امهات
صج ها السنة يقولون موسم صبيان؟!!!!
يعني اكثر اللي انولدو أولاد!!!
انا يبت ولد
وبنات حمواتي 4 يابو اولاد
وبنت خالتي يابت ولد
ومرت خالي هم ولد
يعني معناها لما يدشون الروضة الابلات بيتوهقون............ الصف كله الصبيان. ههههههههههههههههههههههه

 

[بحر الغموض]

بنات اللي يرضعون ن صدرهم يديرون بالهم على البيبي
لاني لما سالت الطبيب عشان هالابر قالي اذا ترضعين ماينفع موزين

 

[om_7san]

سلام عليكم
انشالله تقبلوني معاكم انا بعد جم يوم او اسبوع راح اصير ماما ) بإذن الله
وبكون معاكم بهالتجمع مادري شفيني مستعيله : )))

 

[om_3adoOol]

السلااااااااااام عليكم

شلونكم امهات 2009 شخباركم

وشمسوين مع البيبيات الحلوين وشلونهم

؟؟!




انا بعد معاكم ام يديدة ولدت شهر فبراير 2009

وانشالله تحيوني معاكم بالتجمع ومااكون ثقيلة عليكم :eh_s(6):

 

[بحر الغموض]

حياج الله ام حسن

وان شاء الله تولدين وتقومين بالسلامه وتنورين هالتجمع

 

[om_3adoOol]

اهليييين بحورة شلونج وشخبارج ؟؟

ها شمسوية مع الأمومة وشلون وليدج الله يخليه وتشوفينه معرس يارب

 

[om_3azoz]

الحنونه
والله حتى انا ولدي جذي يوم بالنفااس كان سمله عليه يناام بس يقعد حق الرضعه ويرد يناام من خلصناا الاربعين مااينام ينام خمس دقايق ويقعد يبجي من بطنه غازات وحالته حاله معني اعطيه دوار قاز وهملاياا بس مادري شفيه والله ..
بس الحمدالله امس ناام الساعه 4 ونص الفير وقعد حق رضعته ويرد يناام لي الساعه 3 العصر احناا نايمين لوول اقعد ريلي اقوله قوم يقولي الساعه جم اقوله 3 العصر يقولي اي شي لوول .. سمله عليه لان ناايم يقعد بين كل سااعتين يبي حليب اعطيه لين ينام بروحه

امبين قبل جم يوم طفرت يبجي يبجي اشيله افتر فيه مايبي احط له مصاصه مايبي انومه على بطنه مايبي كل شي يبجي اخر شي حطيته على الفراش وقتله ابج زين لين تنام لوول اشويه مااوعيت الا سكت بروحه وناام لووول كسر خاطري مسكين ..



ام علاوي
يالله على البركه .. دوريله عرووسه



دلوله
ايي والله الله يعينا لمن بنروح نطعمهم .. انا خالتي قالت اذا بتروحين تطعمينه قبلها عطيه اشويه ادوول وبعدين لمن يطعمونه طبعاا بريله
على طووول دهنيه بفكس يهاال لا راح يصخن ولاشي بس اكيد راح يبجي ..

 

[al7noona]

سلام عليكم
انشالله تقبلوني معاكم انا بعد جم يوم او اسبوع راح اصير ماما ) بإذن الله
وبكون معاكم بهالتجمع مادري شفيني مستعيله : )))

الله يسهل عليج ياارب وتولدين بالسلامه وتنظمين معانا :tek:

 

[ام يارا]

قوه

بنات بغيت اسألكم عن الانفلونزا لمن تحوش البيبي شنو تسون ؟ عادي اعطيها برتقال مخفف ؟

بنتي عمرهاا شهرين و نص والحين ثلاث ايام صارلها عيونها ادموع وذبلانه و جفونها حمرا

و تعاطس و ايد مسكينه اليوم احسها صارت شوي احسن

بس اليوم اسمع بصدرها صوت وايد نومتها على بطنها عشان اي شي بخشمها اطلعه (( اسفه ))

و للاسف ماكو فايده ما ادري شنو اسوي و ابوها يقول مستحيل اوديها الطبيب خايف يلعبون فيها

عفيه بنات شسوي معاها ؟ ما ادري شصارلهاا كانت شزينهاا فجأه بعد التطعيم انعفسنا

 

[ام يارا]

دلوله
ايي والله الله يعينا لمن بنروح نطعمهم .. انا خالتي قالت اذا بتروحين تطعمينه قبلها عطيه اشويه ادوول وبعدين لمن يطعمونه طبعاا بريله
على طووول دهنيه بفكس يهاال لا راح يصخن ولاشي بس اكيد راح يبجي ..

ديري بالج ترى سامعه ان الفكس يبطل مفعول التطعيم موزين تحطينه جنج ما طعمتي