{ونـــــــــــــــاستنا في رشــــــــــــاقتنا }(تمديد الى 17-7)

[oum 5ald]

انااا قررت اتغدى خيار بالروب وعصير اناناس وكيوي

انا تريقت بيض وطماط لووووووووووول وشربت قهوتين لوووووووول

والحين بتغدى مبجر

ماراح اخرب وبشرب الاعشاب ملوتي برجعلهم عالاقل مايزيد وزني حتى لو ما انزل

 

[ام فجور 2008]

شوفي حبيبتي انا كان وزني فوووووووووووق سويت تخفيف

على الريج ماااااااااااااااي ويفضل يكون شوي بارد

الفطور:
2 توست +جبن او لبنه قليل الدسم + جاي حليب +نسكافيه
او كورن فليكس + حليب

السناك:
فاكهه او تمر او كاكاو صغير

الغداء:
سمج مشوي +دايت
جيز بيرجر+دايت
لحم مشوي+دايت +سلطة
دجاج مشوي +دايت +سلطة
تونه +دايت +سلطة
نقانق مشوية +دايت +سلطة
بطاطه مشوي او مسلوق + دايت +سلطه

المغرب
لاااااااااازم فواكية وماي
بعدين كاكاو حجم وسط او 4 قطع بسكوت +جاي او نسكافيه

العشا:
اناناس +كيوي
لبن اكتيفيا + تفاح
سلطة روب مع خيار
سلطة خضرا عادية من غير زيوت وصلصات بس خل وليمون وممكن فلفل اسود
2 توست مع 3 ملاعق فول او لبنة
2 بيض مسلوق
سلطة سيزر من ماكدونالز
طبق رقي او أي نوع من الفواكة بس من غير مانجا وموز وهالسوالف

بس ما استمريت فيه وايد وبعدين هديته ورديت سويت رجيم الدكتور عبدالله المطوع وسويت عقبه رجيم ثاني والحمدلله
الحين رديت على هذا الرجيم وهو اقتباس من رجيم الدكاترة كلهم بس انا نوعت لان ما ابي امل

 

[قطريه 55]

مشكوره فديتش باحاول <<متعقدة

 

[oum 5ald]

ماكو شي صعب ...

بس اللي تبي صج لازم تلتزم ولا ماراح تحصل نتيجه


ام فجوره اشرب ماي قبل ما اكل ...؟

لاني حاربت الماي من صارت فيني بلوة البلاعيم لوووول

 

[ام فجور 2008]

اي ام خلود لازم قبل عالشان تحسين انج شبعانة ويخليج تكرمين اتبولين يطرد السوائل وكثري من التفاح الاخضر

 

[oum 5ald]

اليوم البنات مادري وينهم ..

 

[ملح و سكر]

السلام عليكم...اشلونكم بنات ...يصراحه الله يعينها اللى تداوم بصراحه لاعت جبدى من وزاره لوزاره ...شنو هذا
اللى ودها تداوم تهون ...المفروض يخلون التعيين فى الشتاء ....علشان الواحد ماتزهق روحه ..والله اطلعت روحى من اللف والدوان ...هذى تودينى عند وحده ..والوحده تودينى عند الثانيه ..والثالثه ...واى لاعت جبدى من قلب....
ماعليه ....حطيت حرتى فيكم ماعليه بس والله الشغله ماتسوى كل هالتعب.....

منمنه اشلونج والله ضحكتينى فنكيه من البيض يبى عليج بالعافيه كلى كثر ماتبين ....صفصف اشلونج ياقلبى مع الرجيم
ومس يو ترى مانسيتج ترى والله كل من الحر اللى شفته مسح مخى عدل .....
ام فجور اشلونج راح تداومين على رجيم طالب خلاص .....ام خلود صباح الخير ....
اليوم كان ريوقى على السريع .....توست مع جبن سلايس...
وغداى الحين ...سلطه فتوش +5ملاعق عيش مع نص صدر ....والحين اسمحولى بروح اتغدى ....وارجع لكم ...ز

 

[~ MhMh ~]

السلام عليكم ... ألف مبروك لكل اللي نزلو ... و هارد لك للي ثبت وزنهم .. و هم للزايدين
صافية: ألللللللللللللللللللللللللللللللللللللللللللللف مبروك يارشيقتنا .. و إن شاء الله تحققين الوزن اللي تبينه بصحة و عافية
زاجل:ألف مبروووووووووووووووووووووك الحمل .. عسى الله يهون عليج النساة و الحمال و يرزقج باللي تتمنين ك)
منمن : إن شاء الله تحملين و تييبن بنوته حلوة ،، و نزولج حلو هالأسبوع .. موتشمين ريحة الحمال و تكشتين بالرجيم
ملح و سكر :ياعمري أنتي .. شكلج مخربطة بالسعرات .. مستحيل 1200 سعرة بالكافي لاتية ... و إذا انتي تحبين سوالف القهوة ، عندج تروبيكانا سليم " إيتاليان كافيه لاتيه " حده عجيب و بالجيس الواحد بس 60 سعرة
أم فجور :حياتي مايصير تألفين رجيم من كيفج .. أنا أحب أتابع دكتور تغذية ... شرايج أعطيج نظام ديتوكس اللي أنا مسويته الحين ... حده حلو وينزل 4 كيلو بالأسبوع و أحلى مافيه .. كلش ماتحسين بجوع >> هاا شرايج ؟؟ تبينه ؟؟
عنيد : شكل نظام النقاط ماشي معاج .. تبارك الله ... ألف مبروك السبع أيام diet .. صبرتي و نلتي
فنكية :ماشاء الله عليج ،، تدرين وزنج ليش ماينزل ؟؟ لأنج طايحة بالبيض .. لووووووول .. لأ لأ .. صج ما شاء الله .. تبارك الله عفية عليج و صج انجاز اللي سويتيه
مس يو : حبيبتي أنتي ... الخدامة عمرج ماتعلمينها أنج مسوية رجيم بس المشكلة ليصارت خدامتج فلبينية و مبلتعة و حاطة عينها عليييييج .. مدام ماتبين غدا؟؟ مدام ماتبين عشا ؟؟ و إلا تحسبلج شكثر مشيتي <<< أتكلم عن خدامتي غاثتني
ياحلاتي :الحمدلله على سلامة أختج .. و مبروك اللافي .. يتربى بعزكم ، و أحلى الأسامي محمد ..
قطرية 55 :حياج معانا ... بعد أذن منمن الحبوبة طبعاً
بس ليش مستحية من وزنج ... ترا أول خطوة في الرجيم أنج تتصالحين مع نفسج وجسمج و وزنج ...
أنا وزني ماشاء الله 104 و عادي أقول <<< ما أستحي على ويهي <<حدي ثقة
ملكة روحي :حياالله بنت الجهرا شرااااااااايج؟؟ <<< بعد أذنج يعني ... نتسابق و نتنافس أنا وياج هالأسبوع ؟؟؟ عشان نتحدى نفسنا ؟؟؟ <<< ليش اخترتج .. لأنج الاسبوع اللي طاف خربطتي و أنا بعد كنت مخربطة
وش قلتي ياملوك ؟؟؟ _03BA:

 

[عليـاء]

مبروك للكل
وعقبال الباقي يارشيقات
:tek:

 

[ملح و سكر]

["]ملح و سكر :ياعمري أنتي .. شكلج مخربطة بالسعرات .. مستحيل 1200 سعرة بالكافي لاتية ... و إذا انتي تحبين سوالف القهوة ، عندج تروبيكانا سليم " إيتاليان كافيه لاتيه " حده عجيب و بالجيس الواحد بس 60 سعرة
هلا والله MHMH اشلونج ياحياتى بالنسبه للقهوه صدقينى يمكن انا بالغت فيه ...بس والله فى سعرات حراريه مرتفه وايد لدرجة انا انصدمت ..بالنسبه لتروبيكانا سليم ..انا مااحب هذا النوع من القهوه ..احبها واهى فى محل القهوه ...ياحلو....اشلون رجيمج انشالله ماشيه عليه ....:ggdw:يلا شدى حيلج ويانا نبى نضعف...:ada:

 

[روعة خيال]

هاااااااااي بنااات

شلونكم

اليوم خربطت من قلب لان انا زوارة عند اهلي

من من شخبارج يا قلبي

ام خلوود هااا بشررري حملتي لوووووووووووووول

امس كله اتخيل التجمع كله يحمل و ينتقل لقسم الحمل و الولادة بدل السمنة و النحاااافة ههههههههههههههههههه

 

[مس يو]

مس يووووووو الف مبرووووووك الله يتمم لج ويقومج بالسلامه
بنات صج عصير الاناناس مع الكيوي يسد النفس من قلللللللللللب انا مجربته وهم حطي بدال الاناناس عصير برتقال تنسد نفسج لثاني يوم

امبيه شمس والله قلبي وقف من الخررررررررررعه لا مو انا الحامل... الله يستر شكلي بخلي التجمع صار في فايروس خطير :dddds:

 

[مس يو]

هاي بنات شلونكم شخباركم ولهت على سوالفكم من من ام فجور ومس يو صافيه وكل البنات الحلوين ما ادري شفيني صايره اقوووم متاخر من النوم اشرب قهوه وبعد شوي بتغدا بيض وخبز او اليوم بروح مع بنت خالتي جلستها الثانيه مع زيرونا احبكم كلكم

هلا والله إيمي احنا الحمدلله بخير انتي شلونج...

حبتج العافية بعد عمررررري

وبشرينا شصار بزيرونا

 

[مس يو]

مس يو : حبيبتي أنتي ... الخدامة عمرج ماتعلمينها أنج مسوية رجيم بس المشكلة ليصارت خدامتج فلبينية و مبلتعة و حاطة عينها عليييييج .. مدام ماتبين غدا؟؟ مدام ماتبين عشا ؟؟ و إلا تحسبلج شكثر مشيتي <<< أتكلم عن خدامتي غاثتني


Mhmh .. لاتوصين انا من النوع الحريصه حيل مع الخدم ما احبهم ينتبهون لاهتمامي بنفسي يعني كل شي اسوي بداري وما اخليها تدخل علي حتى سوالف التمكيج وجذي ما اعطيها ويه في خدم تتدخل وتحب تعلق ولا بعضهم تعطي رايها بعد.. وانا خدامتي اثيوبيه توني يايبتها .. بس الحمدلله حبيبه معاي ومع عيالي وزينه .. وبعدين انا ماالعب رياضة بالبيت اروح النادي ..يعني معلمتها حدودها وين!!

 

[مس يو]

مبروك للكل
وعقبال الباقي يارشيقات
:tek:

الله يباررررررررررررررك فيج

 

[مس يو]

يومياتي:

الريوق: بيض مفيوح + قشطة لايت وعسل + زيتون اسود + حليب جاي + خبزة سمره << بس ما حددت الكمية لاني تريقت انا وبناتي بس مو وايد طبعا..ومارحت النادي لاني قعدت متأخره من النوم وداقه علي اختي علشان تبيني اروح معاها السوق واصلا اشتراكي انتهى وما جددته .. ان شاء الله باجر اروح اجدده ...<<< طبعا توني متريقة صارلي ساعة خووووش ريوق العصر

 

[pop corn]

<<<< ياية متأخرة

ممكن اشارك وياكم ؟؟ :$

 

[mn.mn]

لوووووووووووووووول كتبت رد شطوله رديت عليكم وحدة وحدة جان يعلق النت وينمسح أوووووف

المهم شلووووووووونكم وشخبااااااركم ؟

 

[mn.mn]

<<<< ياية متأخرة

ممكن اشارك وياكم ؟؟ :$

حيااااااااااااااااااااااج الله لا متأخرة ولا شي اصلا باجي لنا شهر :ada:

 

[pop corn]

حيااااااااااااااااااااااج الله لا متأخرة ولا شي اصلا باجي لنا شهر :ada:

الله يحييج حبيبتي تسلمين كلج ذوق
انا بادية ريجيم صارلي ثلاث أيام وامشي من ساعه إلا ربع وان شاءالله اكمل يارب

بقولكم قصتي كان وزني 120 وسويت ريجيم عند دكتور طالب الشمري ونزلت ب 6 شهور 25 كيلو صار 95 وصج بين علي الضعف لاني طويلة بس مليت من الرجيم وهديته وخلال سنه رديت الي ضعفته كله بس الحين ناوية من قلب اني اضعف خلاص :0bee2e8d89:

طولي : 172
وزني: ماني مستحية بقوله 119
الهدف : 80

واتمنى انزل 8 كيلو بالشهر

تريقت عصير برتقال فريش بس وتغديت شيش طاووق وسلطة بدون زيت بس ليمون وملح

والله يصبرنا ونكمل​