~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[شيخه***البنات]

وااااااااااي الحمداللللله ماخربطت قاومت كل المغرياااااااااات

عاد المغريات اكثر اليوم

ماكليت صاج نقانق ولا شربت امبراطور ولا كليت جوكليت دونات واليوم سوو عيد ميلاد رفيجتي ويابو كيكه باسكن واي اتشووق بس ما كليت


لانــــــــــــــــــي راح اووووصل 55 غصب طيب لووول ((بالغصب قاعده اشجع نفسي))





===========

شيخه البنات يلا عأبال الوزن المثالي يارب

عفيه علييييج و الله محد راح ينفعج بعدين ..

الله يوفقج ..

وان شاءالله الله يسمع منج واوووصل المثااالي بإذن الله ..

 

[شيخه***البنات]

ميشووو

انا اليوم خربطت شووي ..

تريقت كورن فليكس ..

اول ماييت ولا القى صينيه معجنات .. كليت منها شووي .. ماذكر جم وحده << اشكره ماكله واايد

ماراح اتعشى اليوم ..

 

[جوجو.]

وانا بعد خربطت شوي واي البقصم يعور القلب بقول حق جمعية الفيحا ماتبيعه بعد

 

[جرح الليالي]

احنا لو عندنا ارادة جان الحين منكانات

 

[مستشاره قانونيه]

لووووووووووووووووووول اليوم كلناااااا بالهوى سووووى

واااااااي انا اول ماقعدت اشزززيني تغديت كورن فلكس برااان مع حليب خالي الدسم وسكر تروبيكانا وكنت خووووش وحده والله وحتى الكميه كانت اشوووويه

وتحملت وصبرت وصمدت بس المصيبه الساعه 7 على هالحزه اكلت كتكات وبسكوت ولبن اكتيفيا وااااي شالاجرام الله يسامحني مادري ليش اخربط على هالسوالف

وطبعا قلت بس عيب خل استحي على ويهي ولا اتعشى عقب هالخرابيط وبس الحين قاعده اشرب جاي اخضر بالليمون لعل وعسى

اناااا الحين تعرفووون صايره فيني أي حااااااله !!!!!!!؟

حاله اني مادري اسوي أي رجيم والله

الكورن فلكس على رجيم السوائل على رجيم دشتي

اشرااايكم شنو اسوي ؟؟؟ طبعا رجيم ال12 يوم عطاني رد عكسي عقب التزامي صرت مفجوعه مادري ليش اول مره يصير فيني جذي



ابي تشجيييييع ونصاايحكم شيوووخ اشرايج بدشتي مجربته انتي من قبل انا سويته شهر قبل رمضان وغيررني وايد نزلت 4 ونص بس تغير شكلي حيييل ودي ارد اسوووي بس التزم عدل وماخربط عشان انزل اكثر

 

[بطة رشيقة]

وايي بنات الله يعين الجميع !!

كلنا دبب ؟؟ لوووووووووول

بغيت اسالكم حبيباتي .. سلطة سيزر و سلطة فواكه تنفع تدخل بالرجيم ؟

انا تقريبا ريوقي و غداي كله بالجامعه و ماكو الا مطاعم و ريحة الاكل بالكفتيريا تهوووووووول حدها تغري

ماكو الا ستاربكس اقزر على سلطاتهم .. ها شتقولون

و هم بغيت اعرف المشروبات الزينه الي سعراتها قليله (( لحد يقول عصاير طبيعيه ؟ هناك بالكليه ماكو الا بيبسي و قهاوي و عصاير يا ثقلها ))

جم جم حبيبتى شلوووونج .. ذكرتينى بالجامعه وايام الجامعه والرجيم اللى بالجامعه


انا بالفتره هذى ما قصرت سويت رجيم والحمدلله كانت نتايجه روعه وهذا اللى ابيه الحين انى ارد نفس ماكنت ايام الجامعه قبل سنتين .... شوووفى الله يسلمج ... انا كنت اتريق سندويجه امريكانا امر اى جمعيه قريبه على وانا رايحه الجامعه واخذها مع عصير انناس او برتقال او فواكه ... وترى وايد تشبع وتسد لى الضحى او عقب صلاه الظهر اروح ستاربكس واخذ لى سكم لاتيه يعنى قهوه مع حليب قليل الدسم بدووون كريمه والله طعمها وايد وايد حلو وساعااااات اخذ معها نتفته بسكوته او كاكاو يعنى من هالطقه والله الحمدلله اشبع .... واذا كنتى تتمين لى العصر او المغرب يعنى غداج هناك هم كنت اروح جمعيه الخالديه يا اكل سب واى واحط فيه اللى ابى بس يكون تبع الرجيم او اخذ من مشويات الخالديه حلوه لحم مشوى او دياى مع تبوله والحمدلله كنت ماشيه على هالنظام وكان تمام التمام ......

وبالنسبه للعصاير حاولى تاخذين عصير برتقال انناس .... او بيبسى دايت وكثرى الماى .. والله يوفقج

 

[بطة رشيقة]

صباح الورد على الحلوووين .. شلونكم شخباركم .... بعترف لكم الصج الصج الصج امس حااااشنى ملل فضييييييييييييييييييييييييييييييييييييييييييييييييييييييييييييع واحس انى تعبت ... جان افتحهاااااا خربطت وكليت ... واحس انى سويت رفرشنق على قولتهم ..... والحمدلله احس انى غيرت جو شوى ههههه واليوم بصير خوش بنت

 

[شيخه***البنات]

ميشووو :

ابي تشجيييييع ونصاايحكم شيوووخ اشرايج بدشتي مجربته انتي من قبل انا سويته شهر قبل رمضان وغيررني وايد نزلت 4 ونص بس تغير شكلي حيييل ودي ارد اسوووي بس التزم عدل وماخربط عشان انزل اكثر

ابي انا بعد ابي اتشجع والله عقب رجيم الـ 12 يوم ترى هم انا احس ان نفسيتي للأكل زاادت ..

خلاص انا قررت و الله بعد ان شاءالله مااسوي رجيم كيميائي لان تدرووووووون شصار انا نزلت 3ونص

ورديت كيلوين و الله حدي متحبطه .. وفيني بجوووه ..

مشيوو رجيم دشتي ماعرفت طريقته بالمره وكل ما ابي اسويه احس ماعرفله .. و احس ان مورجيم لان صج صج في اكل

فاا نفسيا ماحبيته بس ودي اسويه على تجارب البنات و اللي نزلوو عليه ماشاءالله وايد ..

بس انا اليوم موعدي ان شاءالله باخذ رجيم من التغذيه واكتبلكم اياه خلاص حتى لو بالاسبووع كيلوو انا راضيه و الله

بس ولا اسوي رجيم سريع وازيييييييد حرااام جني ماسويت شي ..

ورجيم التغذيه ممتاز و الكل يمدحه و ان شاءالله ينفعني و يضعفني يااا رب .. ..

 

[شيخه***البنات]

صباح الورد على الحلوووين .. شلونكم شخباركم .... بعترف لكم الصج الصج الصج امس حااااشنى ملل فضييييييييييييييييييييييييييييييييييييييييييييييييييييييييييييع واحس انى تعبت ... جان افتحهاااااا خربطت وكليت ... واحس انى سويت رفرشنق على قولتهم ..... والحمدلله احس انى غيرت جو شوى ههههه واليوم بصير خوش بنت

امبييه و الله يابطوو حتى انا مادري شفيني ..

ان شاءالله ببدا جد ..

 

[رمانه]

قوه بنات شلونكم مع الرجيم انا عاد ارادتى صايره صفر وكل شى باكله وموقادره التزم نهائيا وحاسه كل اللى ضعفه راح ارده

 

[Galaxy90]

جم جم حبيبتى شلوووونج .. ذكرتينى بالجامعه وايام الجامعه والرجيم اللى بالجامعه


انا بالفتره هذى ما قصرت سويت رجيم والحمدلله كانت نتايجه روعه وهذا اللى ابيه الحين انى ارد نفس ماكنت ايام الجامعه قبل سنتين .... شوووفى الله يسلمج ... انا كنت اتريق سندويجه امريكانا امر اى جمعيه قريبه على وانا رايحه الجامعه واخذها مع عصير انناس او برتقال او فواكه ... وترى وايد تشبع وتسد لى الضحى او عقب صلاه الظهر اروح ستاربكس واخذ لى سكم لاتيه يعنى قهوه مع حليب قليل الدسم بدووون كريمه والله طعمها وايد وايد حلو وساعااااات اخذ معها نتفته بسكوته او كاكاو يعنى من هالطقه والله الحمدلله اشبع .... واذا كنتى تتمين لى العصر او المغرب يعنى غداج هناك هم كنت اروح جمعيه الخالديه يا اكل سب واى واحط فيه اللى ابى بس يكون تبع الرجيم او اخذ من مشويات الخالديه حلوه لحم مشوى او دياى مع تبوله والحمدلله كنت ماشيه على هالنظام وكان تمام التمام ......

وبالنسبه للعصاير حاولى تاخذين عصير برتقال انناس .... او بيبسى دايت وكثرى الماى .. والله يوفقج

هلا بعد عمري بطه .. بخير الله يسلمج و انتي شلونج و شلون الرجيم وياج .. انا اصلا مو متينه وايد وزني بالستينات و طولي 157 فا مو حلو علي المتن ! حتى لو بسيط ابي اصير رشيقة رشيقو !! ابي وزني يوصل 45

انا احاول اخفف و جذي و بما اني عنونه و لا ليسن ولا عماة عين :dddds: و كله اطلع متاخره شوي ماكو وقت امر جمعيه او شي

و اهو اساسا ستاربكس عندهم كلوب ساندويش بس مو كل مره احس مشتهيه .. حدي حدي بخفف من السبوع الياي ماكو مشروبات غازيه و بكثر سلطات و عصاير

و بقيس حق اعرف وزني عدل و بمشي على هلاساس و انشالله خير

بس بنات عندي سؤال ولك والله محيرني و دامكم رجيم حاليا .. شرايكم بجاي اخضر مال لبتون ؟ زين حق الكرش و جذي ؟ كرشتي نص و نص بس هم في و مرات احس تبين باللبس فا شرايكم ؟؟ اقزر جاي اخضر ؟ لانهم قالوا زين و يروح الكرش و مابي استخدم نوع مو معروف ( معني ماحب الجاي و ما اشرب الا من الى بليييييز شوروا علي )

و مشكوره على النصايح يا بطه ​

 

[جوجو.]

مسا الخير اليوم غداي خبزه سمره ومرق
والعشا سلطه عذااااب عذاااب

 

[شيخه***البنات]

مسا الخير اليوم غداي خبزه سمره ومرق
والعشا سلطه عذااااب عذاااب

الجووري ماعليه هااانت ان شاءالله راح تستانسييين على النتيجه ..

الله يووفقج حبيبتي ...

 

[مستشاره قانونيه]

هاااااااي انا كااااااااني اهنيييييييي اشلووووووووووونكم حباااااااااااااايب قلبي

شيووووووووخ يابعد عمري والله نفس الحاله تصدقين والاحباط اني مادري الوزن زاد من الدوره ولا من يومين بس عقب الرجيم تدرين ليش لان اساسا الوزن اللي نزل كله ماااي مو الدهون وجذي بسرعه نرد الكليوات بس شكل الجسم تغير مالج شغل بالميزان
وانشالله تضعفين مع التغذيه وعلى قولتج لو بالاسبوع كيلو او كيلو ونص المهم التوتل الشهررررررر 5
وعن رجيم دشتي انا جربته شهر وايد حبيته وارحتله بس اللي ضيق خلقي شعري وايد يحت وقمت اخذ الحين فيتامينات لاني بفتره الرجيم يوم كنت اسوي ماكنت اخذ فشكلي برد علييه الصراحه احلى رجيم سووويته ماتحاتين بالطلعات شنو تاكلين مو مقيده

وباجي البنااااات للحين ماقريت ردودكم خل اقرا شمهببيييين ههههههه

 

[مستشاره قانونيه]

بس بنات عندي سؤال ولك والله محيرني و دامكم رجيم حاليا .. شرايكم بجاي اخضر مال لبتون ؟ زين حق الكرش و جذي ؟ كرشتي نص و نص بس هم في و مرات احس تبين باللبس فا شرايكم ؟؟ اقزر جاي اخضر ؟ لانهم قالوا زين و يروح الكرش و مابي استخدم نوع مو معروف ( معني ماحب الجاي و ما اشرب الا من الى بليييييز شوروا علي )

جم جم عاااااااد وانا اقررررررررى الموضوع بايدي كووووبي شاااي اخضر ليبتون بالليمون

عاد اناااا ماحب الجاي الاخضر وخصوصا ليبتون احسسسه مر بس هذاااااا بنكهه الليمون بعد فواايد عجبني وصارلي 3 ايام اشرب مرتين باليوووم وايد حلووو جربي وصج معروف الجاي الاخضر يضعف جررررربي بس استمري عليييه مو يوم تشربين و10 لا


الجوووووري يلا برافووووو عليج كملي وشدي حيييييييلج وانشالله تلقين نتيجه حلوه


ام بنتهاااااااا وييييينج ؟؟؟؟؟؟؟ اختفت مره ثانيه @@ شكلهاااااا ردت وبدعت لووووول

 

[شيخه***البنات]

هاااااااي انا كااااااااني اهنيييييييي اشلووووووووووونكم حباااااااااااااايب قلبي

شيووووووووخ يابعد عمري والله نفس الحاله تصدقين والاحباط اني مادري الوزن زاد من الدوره ولا من يومين بس عقب الرجيم تدرين ليش لان اساسا الوزن اللي نزل كله ماااي مو الدهون وجذي بسرعه نرد الكليوات بس شكل الجسم تغير مالج شغل بالميزان
وانشالله تضعفين مع التغذيه وعلى قولتج لو بالاسبوع كيلو او كيلو ونص المهم التوتل الشهررررررر 5
وعن رجيم دشتي انا جربته شهر وايد حبيته وارحتله بس اللي ضيق خلقي شعري وايد يحت وقمت اخذ الحين فيتامينات لاني بفتره الرجيم يوم كنت اسوي ماكنت اخذ فشكلي برد علييه الصراحه احلى رجيم سووويته ماتحاتين بالطلعات شنو تاكلين مو مقيده

وباجي البنااااات للحين ماقريت ردودكم خل اقرا شمهببيييين ههههههه

امبيه خلاص انا اليوم ابداااااااع حدي و الله العظييييم بدعت لين قلت بس ..

الحين بطني متفوووووووخ ..

طبعاً رحت وزنت بالتغذيه وزني 81 .. ماستغربت لان صح انا زايده كيلوين ..

طبعاً طلعت من التغذيه ولا اقول حق امي يالله يما دام اخر يوم خنروج جيلييز و الله مشتهيه اكل من قلب

واروولج جلييز و اكل ساندويش تركي + بطاط ودايت .. وطبعا ناتشوز واخر شي ختمتها

بماااااااااالتن كييييييييييييك امبيه طفححححححححت حدي والله بطني ذابحني لووول ..

وان شاءالله راح ابلش باجر برجيم التغذيه خلاااااص ...

راح اكتبه بالرد الياي اللي ودها تسويي وياي حياها الله ..

قالتلي عالاقل تنزلين باسبوعين كيلوين .. وايد زين ..

 

[مستشاره قانونيه]

شيووووووووخ عليج بالعااااااااااااافيه زين سووويتي لان الحين وراج رجيم وراح تلتزمين لان في متاااااابعه مو بروحج ووو وزنج نفس وزني انا بعد وزني 80 وامنيتي اصير 70 بس مابي اقل 10 كيلو راح تغيرني وااااايد

المهم انا نااااااااطره رجيمج وبسالج اهوا عموما ينزل 2 بالاسبوعين او ينزل اكثرررر وعلى حسب الجسم ؟؟

وانا اليووم هلكت روحي بالنااااادي رياضه وسباحه وتعشيت كورن فلكس بس تغديت همبرغر مشوووي وقبل اشوي جاااي اخضررر

 

[شيخه***البنات]

قبل كل وجبه 2 كأس ماي ..

الريوق (( الساعه 6ونص)) :

كوب حليب قليل الدسم أو لبن أو روب ..

+ قطعه جبنه بحجم الجبريت أو 2 كبيره ملعقه لبنه أو 2 ملعقه كبيره فول أو 2 ملعقه كبيره جبنه قريشه Jocca أو

1 بيضه أو شريحه جبن سلايز قليل الدسم ..

+ 2توست اسمر أو نصف خبز لبناني أسمر ((الخبزه المتينه )) أو وحده خبزه سمره كامله (( الخبز الخفيف )) أو 3 شابوره سمره

أو كورن فليكس ..

ولج م وسط زيت زيتون باليوم أو 5 حبات زيتون ..

الضحى ((الساعه 10)) :

حبه فاكهه مثل (( تفاحه أو برتقاله أو خوخه أو عرموطه أو كيويه )) أو (( 2 تين او 2 افندي ))

أو (( 3تمرات )) أو (( 10 حبات عنب أو كرز )) أو (( نصف موزه أو نصف مانجا أو نصف رمانه ))

أو نصف كأس عصير غير محلى ... << يعني اي فاكهه بخاطرج تاكلينها تاكلينها حتى لو نص .. أو بدال الفاكهه

تقدرين تاكلين 7 حبات لوز مو محموووس أو حبتين جوز ..

الغداء (( 2ونص )) :

سلطه خضراء كميه مفتوحه

كوب واحد مرق خضار (( يصير مرق باميه )) أو خضار سوتيه بدون بطاط ..

كوب واحد عيش أو معكرونه أو ذره أو بقوليات أو بطاطه وسط مسلوقه أو وحده خبزه سمره خفيفه ..

واحد كوب بقوليات بس اذا كلينا بقوليات ماناكل لحم .. أو سمك أو صدر دجاجه أو لحم أو وحده همبورجر

أو 6 ملاعق لحم مفروم مشوي أو مسلوق ..

المغرب (( الساعه 5 ونص )) : نفس الضحى ,,,

العشاء : نفس الريوق أو العشا ..

(( انا لما وصلت بيتنا قريت الرجيم عدل مافهمت طريقه الغدا :S )) ,,

وموعدي بعد اسبوعين وقالتلي عالاقل بعد اسبوعين نازله كيلوين .. ان شاءالله انا بحاول ماتعشى

اهم شي اتريق عدل عشان الدوام و اتغدى و بس ..

وقالتلي ملاحظات :

ان اهم شي وجبه الريوق عشان تسهل عمليه الحرق ..

ولازم 8 اكواب ماي باليوم ..

وعالاقل نص ساعه باليوم مشي ..

وقالتلي بوقت الاكل وبأي وقت حاولي تشدين بطنج وعشان الزنود ترسي بطلين ماي

وومسكيهم ورفعيهم فوق وتحت عشان يشدون نفس الاثقال الصغار ..

 

[مستشاره قانونيه]

شيوووووووووخ الرجييييييييييم حده حلوووووو ويشبع وخصوصا الريووووق ماشالله واااايد خبزه كامله فيه

وبعدين صح كلامج اذا قطعتي العشا جذي راح تضعفيين اكثررررر

وشنو مافهمتي من الغدا بالعكس حلوو وسهل

يعني بالغدا تقدرين تاكلين كوب عيش مع مرق وسلطه
او كوب معكرونيا مع لحم
الكوب = حجم قوطي الروب
عادي على كيفج تنوعين بالغدا يوم جذي ويوم جذي
متى راح تبدين فييييييه ؟

 

[شيخه***البنات]

شيووووووووخ عليج بالعااااااااااااافيه زين سووويتي لان الحين وراج رجيم وراح تلتزمين لان في متاااااابعه مو بروحج ووو وزنج نفس وزني انا بعد وزني 80 وامنيتي اصير 70 بس مابي اقل 10 كيلو راح تغيرني وااااايد

المهم انا نااااااااطره رجيمج وبسالج اهوا عموما ينزل 2 بالاسبوعين او ينزل اكثرررر وعلى حسب الجسم ؟؟

وانا اليووم هلكت روحي بالنااااادي رياضه وسباحه وتعشيت كورن فلكس بس تغديت همبرغر مشوووي وقبل اشوي جاااي اخضررر

اللع يعافيييييج ياقلبي انا بعد و الله اتمنى اول شي اوصل 70 ..

ورجيمي حطيته اهيا قالتلي عالاقل تنزلين 2 كيلوو باسبوعين ويفرق كل جسم عن الثاني اتوقع

وهذا رجيم صحي وعالاقل ما اتعب الصبح و لا ادوخ و الكيلو اللي انزله بصعووبه ما ارده بصعوبه ان شاءالله

..

زين تسوين لاتهدين النادي و الله انا ودي ادش النادي بس ماكوو وقت كلش :s ..