~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[ام فجور 2008]

اهلين من من
انا امس كان غداي وعشاي واحد اكلت كباب
بس صار تخربط بالمتبل :dddds:

اهلين زيون صباح الخير
زيون جن وزنج نفس وزني


بـــــــــــــــــــنات بقولكم خبر


_03BA: _03BA:

اخذت موعد عند العب من بداية رمضان قالت لي دورج 7\3

 

[بطة رشيقة]

صباح الخير بنات شلونكم شخباركم ...

فينى النووووم ماتسوى على هالنومه اليوم والله كسافه تخيلواا رن تلفونى ويوم مسكته جان يزلق من ايدى ويطيح تحت السرير واى على ما قمت وتقلقصت تحت ويبته خخخخخخخخ

ام فجوره حبيبتى صباحج فل وياسمين

شلونج وبشرينى عنج .. ؟

انا الحمدلله ابشركم الحمدلله امس كنت زينه ... :tomato2:

الله يسلمكم امس يت من الدوام ونمت شوى صج كارزووو لعوزنى وقام يحوس ويقول ان اهو زعلان عشان انا راحيت الدوام على قولته خخخخخ عاد قلت خل اطيب خاطره شوى .. وانا الصراحه كنت يوعانه حدى وما ادرى شنو اتفطر جان سااحل ابونا واقوله يالله من مال الله نبى نروح نتفطر ونلعب كارز شوى ... عاد والله عقب صه العشا رضى علينا وكسرنا خاطره رحنا الافنيوززز من زمان عنه وتمشينا شوى وماوصلنا صوب الاالعاب مسكين ما لعب بس هم زين غير جو اشوى ... وتالى قلت شنو اكل انا من الفطور على التمر والماى .. :0bee2e8d89:

عاد رحنا لونوتر من زمان عنه وهالمطعم وايد حلو وراقى وشاعرى بنفس الوقت ... بس الصج الصج ما يصلح مع الياهال مشالله عليه عفسنا يقوم يقعد والهدوء اللى بالمطعم خلى الناس كلهم يتضايقون من وجودنا لان معانا ياهل اسم الله عليه وتعرفون اقعد .. اسكت ... لاتجيس ... بس ومن هالحجى ... حتتى كان فى ثنتين قاعدين يمنا عصبوا وقاموا غيرووو مكانهم !!!!!! فشله ... :eh_s(14):

عاد اكتشفنا ان هالمطعم ما يصلح الا حق اللى عندهم كلام شاعرى وبقلبهم شوى رومانسيه مايصلح حق الورعان خخخخخخ عاد انا اطالب ريلى بروحه ثانيه بروحى ...

المهم شنو كليت الله يسلمكم طلب ريلى شورب فطر شربت منها شوى بس وطلبت سلطه جرجير معاها جبده دياى اتيننن وايد لذيذه وخنينه هم ماكلتها بروحى ريلى شاركنى فيها وطلبت سندويجه ستيك مع جبن مع فلفل اخضر بارد مع بطاط بس كارز كلى البطاط اسم الله عليه وبس بجذى احس انى ماخربطت وكان يومى حلو وما تسحرت واكتفيت بجاى اخضر .. :ggdw:

ولعبت شوى نط حبل والقرص الدوار واثقال .. :ada:

وانشالله اليوم بعد اكون احسن ويارب انشالله ما اخربط وربى يكون بالعون انشالله
:68_asmilies-com:​

 

[mn.mn]

زيون هلا والله زين تمام حلو الشعور بالرضا انا لا مو راضية عن نفسي امس وان شاء الله اليوم يكون احسن

والوي فت لا ناوية عليها بس ينزل المعاش خبرج المعاش ما عاش هالشهر ما شاء الله عيد وعيادي وطلعات ومطاعم و10 هني و10 هناك

 

[بطة رشيقة]

منمن حبيبتى صباح الخير ويعطيج العافيه وعساج على القوه صاجه مشالله هالشهر المعاش صج ماعاش خخخ الله يكون بالعون ويالله شدى حيلج ولا تتكيسلسن

والوى فتنس ما ادرى ودى ووما ودى فيها ....

 

[mn.mn]

هلا والله بطبط والله موتيني من الضحك على كارزو الله يحفظه انا مجربه معاناتج الياهال مال ماكدونالز وبس

المهم عليكم بالعافية الطلعة عاد كنت ناوية على الافنيوز امس بس تغيرت الخطة ولا جان شفتج حسافة

ام فجور زين سويتي انا والله ودي آخذ عنده موعد بس مالي خلق الروحة والردة وآخرتها نفس رجيمات المنتدى

ريوقي اليوم توست وجبن وزيتون وجاي حليب وصلحه

 

[عنيّد]

صبآآآآآآآآآآآآح الخيييييييير

ايييييييييييي ايييييييييي هذي دوانيتنا ، الواحد مايلحق ع السوالف :dddds:
الله يدووووم الهذره والرجييييييييييييم علينا :gathering:


انووووووووج ،، شنو هذا اليوم هل هلالج ؟؟ :eh_s(6): شونش شخبارش يا بووونيه

منمن وبطوط ،، ترى الوي فت فلللللله ، ماقص عليكم واقولكم اني العب فيها جم يوم ورا بعض وبعدين اطنشها جم يوم ، بس جد جد ونييييييسه :ada:

زيون ،، آهااااااا يعني حزة الدوام ، عيل يبيلي اسمعه من الموقع _03BA:

ام فجور وفل مون ،، كيفكووووون :68_asmilies-com:

 

[mn.mn]

بطو انا مفكرة فيها لان خلاص الوي وموجودة ما يت على هذي

وانا هم ابي ولدي العود شوي يلعب طالع له كرش صغيرون

عنيد الله يسمع منج يارب ويدوم الرجيم لين اشوف ال 70

 

[بطة رشيقة]

هلا منمن اى والله فشلنا امس واهما حاطين مثل خيوط ما ادرى شلون صايره يم الدريشه يعنى بداال البرده وحسر بالخيروط وانا حدى انحرجت وابوه قام ينافخ حشى ما تسوى علينا ما يبيله غير جليز وابل بيز الصوت والاغانى شايله حتى لو تطقين ولدج وتتهاوشين محد يحس فيج خخخخ ماعليه عدى على خير الحمدلله

وحسااافه جان زين شايفتج عاد والله والله صج وايد ولهانه عليج وودى اشوفج

وبالعافيه الريوق ..

 

[mn.mn]

بطبط بعد عمري الله يعافيج وميخالف انا بعد ريلي جذي صاير على اقل شي يطفر من لوية الياهال

وان شاء الله نشوف بعض قريب لاني هم انا ولهانة عليكم وايد من زمان ما شفنا بعض

 

[زيـنـه]

بطبط .. انا مفهمه ريلي .. طلعتنا انا وياه شي .. و طلعت اليهال شي .. ما يصير لا طلعنا اليهال تنحسب طلعه لي .
لان صج اليهال حوسه .. و ساعات تبين طلعه بروحج .
عسى الله يسخر هالرياييل و يهديهم .

ام فجور .. انا احسن منج دقيت عليهم اول رمضان قالوا لي .. 14-2 .. تبادلين و تعطيني الفرق .. لوووول

عنيد .. انا عندي راديو صغير و اشغله من اول الدوام لي اخره و الا امل .. ما احب الصخه و الهدوء .. ادوخ .. و هالراديو مسوي لي جو شوي .

 

[ام فجور 2008]

اهلين عنيد شلونج

بطبط شلونج فديته كارز خليه يخرب فداه

 

[ام فجور 2008]

زيون اي ابادلج :dddds:

 

[mn.mn]

بروح اتريق وارد

ودي ارد ابدي بالرياضة بس احس لي الحين ماكو وقت يمكن لي بدت المدارس الاسبوع الياي شوي يتنظم اليوم بس هم ما ظنتي

 

[زيـنـه]

من من ..

انا ودي بالمشي .. احس الجو تعدل و حلو .. و ان شاء الله القى وقت .

الحمدلله تريقت شابوره و قهوه .

 

[mn.mn]

بالعافية زيون انا بعد تريقت والمشي انا مالي غير جهاز المشي لو امشي عليه كل يوم نص ساعة نعمة

بس الممشى صعب اروح ما اقدر بعد اخلي الياهال صار فيني رعب من عقب سالفة علاوي

 

[زيـنـه]

من من .. الله يعينج على اليهال ..و الله خير حافظ ان شاء الله .

لاحظتوا مواضيع البنات عن ماي الزعتر و التنحيف ؟

شرايكم ؟

انا احس ان ما فاد ما ضر .. جنه يبيله تجربه ؟؟

 

[mn.mn]

ماي الزعتر انا جربته ريلي يابه لي من الخفجي بس الصراحة ما استمريت وماحسيت بذيج الفايدة

بطو من اي مركز سلطان شريتي القرص الدوار دورته بشرق ما لقيته ؟

 

[بطة رشيقة]

منمن انشالله يارب .. نتشاوف جريب وبالعافيه الريوق وعلى المشى ترى الجو هالايام تعدل..

زيون اى انا جذى بسوى خلاص ابى طلعه حقى بروحى بس هم يكسر خاطرى ولدى اقول ما ابى اقطه على امى ما ابى اضايق احد

تعالى صج زيون اى انا اقول جذى ودى اجربه ماى الزعتر بس تهقون وين احصله ..؟ باى جمعيه عشان بروح اشتريه انا اللى فهمته ان اهو عادى مثله مثل اللقاح مثل المرقدوش فنجرب شورانا وعلى قولتج مايضر انشالله ويمكن يفيدنا شدراكم خخخخخخ

ام فجوووور هلا فيج شلونج شخبارج وشلون فجوره كشخت بالعيد

 

[بطة رشيقة]

هلا منمن انا شريته من مركز سلطان الجمله اللى بالفروانيه ذيج اليوم رايحه مع امى تسوى برده حق الصاله ومرينا تبى تاخذ اغراض ولقيته بدينارين وربع والله خمطه وانا مقمضه عيزت وانا ادوره خلاص اذا لقيته بمكان اخذه لج عشان خصرج يصير مثل خصرى

 

[زيـنـه]

من من ..يعني شكثرجربتي ماي الزعتر ؟
و القرص الدوار موجود بالنصر الرياضي .

بطبط .. ان شاء الله ما تضايقين احد بولدج .. كله يوم و مدة ساعتين و الا 3 .
و الله يعينج .