~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[عنيّد]

الموزوووع يقوووول : دراسة البنت بالخارج ، مع/ضد ، ولماذا ؟


^ وحده طالعه روحها مع امها عشان تكمل بالخارج :dddds:

 

[زيـنـه]

الحمدلله تريقت قهوه 3 في 1 و شابوره .

بطبط .. شنو من مواضيع عندنا .. همممم اي نتكلم بالشتوي و التفتيحات .. امس مريت السوق على السريع مارينا مول ..لا اله الا الله السوق كله شتوي بشتوي .. و الفاترينات كلها غامجه .
حسيت صج الشتا قرب ..و قعدت احاتي يبيلي فراره على هدوم الشتا لي و للابطال !

 

[زيـنـه]

عنيد .. مع و ضد .

مع : انها فرصه حلوه للبنت شهادتها من بره و اعتمادها على نفسها و تكون مسؤوله .

ضد : احس صعبه على البنت الغربه و الوحده و خاصه اذا طبعها اجتماعي و مهما يكون لابد فيها خوف على نفسها و الدنيا مهما يكون مالها امان .. الا اذا كانت مع جماعه شوي تهون المسائل .

ان شاء الله تكملين دراستج سواء بره او داخل الكويت و ترضين طموحج

 

[بطة رشيقة]

بالنيبه لموزوع عنيد ... انا الصراحه يعنى اقولج انى مو مع وايد هالشى وهم يعنى مو ذد اذا اميمتج راحت وياج والا واحد من اخوانج يمكن مو مشكله بس انج تروحين بروحج ترى صعبه والغبه خايسه يا عنيد يمكن ما تحسين فيها بس لما تصير صج راح تتعبين انا افضل الرداسه مثلا بالبحرين انج تروحين مره ما ادرى مرتين بالشهر .. هذا افضل .. وانشالله يارب تقدرين تكملين دراستج وربى يوفقج ...

وبالنسبه لموضوع زيونه .. علىق ولتج مشالله الشتا قرب والجو بدى يحلو والهدوم والله هالسنه مو مفكره اكود كل سنه نشترى وما نلبس وايد اهم شى نختار للياهال شى مناسب وبالنسبه لنا انا ما ابى اشترى شى والبسه ويطلعنى بشعه .. ابى شى يضعفنى والمشكله اللبس الشتوى يمكن .. بس ماعليه لازم نبقق عيونا ونطالع ..

وبالنسبه لعيد الاضحى اكيد بيكون براد يعنى مو برد ولا حر .. ما ابى اشترى شتوى باخذ قميص ناعم بسيط وبس ..

 

[عنيّد]

زيون ،، الخوف بكل مكان والله الحافظ خو :eh_s(1):
صدقيني تجربة الغربه حيييييييييل حلوه ، مانكر ان الواحد مرات تتقطع نياط قلبه لاسيما بالشتا مع الجو البارد وقطرات المطر آخ آخ جو رومانصي بس الوحده ماتتوافق مع الرومانصيه


بالنسبه لحالتي ، تخصصي موموجود له دراسات عليا بالكويت ، لا من ماستر ولا دكتوراه ، وموهاين علي أكمل بتخصص ثاني حرام والله

طيب خلي الدراسه ، شنو فيها يعني لما الوحده تروح 3-4 أشهر تاخذ لغه ؟ والله الواحد يفحططططط بالكويت طعش شهر يالله ياخذها ، بس بره أسهل والفتره قصيره :bbbiu:


عندي مشكلة وحده امي ماسكتها علي :lololoe: تقولي اشلون بتسافرين هالأربع أشهر وانتي تشتغلين ، يعني معقوله بتهدين شغلج ، والشغل مايعطوني اجازه لهالفتره
مع اني صراحه مستعده أطلق الشغل ، والي عندي يكفيني لكورس اللغه بعد ماسألت وعرفت التكاليف
بس اهي موعاجبها اني اطنش الدوام
طيب شســـــــــــــــوي ؟ :eh_s(2):


<<<<<<< قلبي متروسه وبفضفض لكم عسى تلقون لي مخرج شرعي

 

[زيـنـه]

بطبط ..3/4 ردج بدليااااات

 

[زيـنـه]

عنيد .. هم الوالده عندها نقطه صحيحه اذا ما يعطونج اجازه صعبه تتركين الدوام .. الوظايف صارت صعبه بالكويت و ما تنطال الا بشقول .

 

[عنيّد]

بطوط ،، أنا عندي نظره بالحياة ، اني لازم أعتمد على نفسي ومالي بغيري ، امي ماتقدر تسافر لأنه اختي عندها مدرسه ، واختي توها 1 ثنوي يعني دررررب جدامها ، ليش أضيع من عمري على ماتخلص !
اخواني كل واحد بيتزوج مومعقوله بيترك بيته ويجابل سواد عيوني :dddds:

مادري ، بس اذا بشوف أحد معاي ، ترى محد فاضي لأحد ، ماهي اسبوع ولا شهر ، أقلها 3 أشهر للغه

وماشالله الحين البنات يخلصون ثنوي على 17 سنه ويروحون بعثات بره
ماني ياهل :eh_s(14): بس الله يلعن وسواس ابليس :eh_s(1):


الزعطه اختي تقولي كلها 4 سنين نطريني اخلص ثنوي وباخذ بعثه لأمريكا وتعالي معاي كملي << ووالله شكله هذا الي بيصير لأني بعد 4 سنين ممكن يعطوني اجازه دراسيه ، الله المستعان :eh_s(6):

والحين قاعده أقطع نفسي عشان اللغه بالكويت ، وعسى المكان الي حاطه عيني عليه ينفع :/

 

[عنيّد]

زيون ،، من زين الوظايف عاد !! انا موعاجبني وضعي كلششششششش ، شنو هذا والله الأيام تمر ومامن فايده ، ماكو خبره !!! حرام تضيع أيامي جذي ، أنا ليش درست بالله
أصلاً أحس نسيت كل الي درسته :ggdw: عشان جذي أبي أسوي ريفريشششش
ولو علي والله ، سافرت أخذت لغه وجنننننه العيد
ولما أرجع بشتغل بقطاع خاص ، مكتب عالأقل أستفيد منه بدل البطاله المقنعه الي انا فيها :eh_s(1):

 

[زيـنـه]

عنيد .. ان شاء الله ترضين طموحج .. وينفع للمكان اللي حاطه علينج عليه
عسى ربي يرزقج على نتيج .

 

[عنيّد]

الله يسمع منج زيون


على طاري السوق ، يمكن من قبل رمضان كله شتوي ، شكوووووو مادري !! على قولة رفيجتي إلا يبون الناس تشتي بالعيد :dddds:
مادري بس أحس توالناس عالشتا ، الجو حليو براد ، بس ابورفيجتي يشتغل بالأرصاد يقول البرد السنع بيكون بشهر 12
يعني بكير :ada:

وانا وحده صراحه من أشتري شي أتحسف ، أقول كلها شهرين وبيوسعون علي << أرفع معنويات نفسي :krkrkr:
شريت لي بس بدله وحده شتويه عجبتني صراحه ماقدرت أطنشها ^_^

 

[زيـنـه]

عنيد .. عليج بالعافيه البدله .. و تبين الصج انا غاطه عن السوق برمضان وامس اول مره من شهر يمكن اطب السوق !! صدق او لا تصدق !!

بس ما تمقلت عدل .. كنت رايحه ابي نوع معين من الجواتي وانتي بكرامه فبالي مو صوب الملابس .

 

[بطة رشيقة]

على قولتج زيون مساع كلامى كله بدليات خل اطبع عدل خخ سورى

اى والله نروح نشترى بدله بعدين تكبر علينا حرام خخخخخ

وعلى الرداسه بره يارب انشالله تتسهل امورج وربى يرزقج كل اللى فى بالج يا حبيبتى ..

عندى عرسين الخميس واليمعه مشالله .. ومحتاره شسوى وشلبس ..

الله يوفقهم ويسعدهم ... اللى بيتزوجون والفال حق العزابيه

 

[عنيّد]

الله يسلمج بطوط ^_^
والله يكثر الأفراح ويهني الناس ، أمس اختي تقول هالسنه وايد عروس ، قلت لها الناس توها مكتشفه الزواج وهابه فيه :dddds:




بنات ، قاعده أراجع بعض الشغلات بالانجليزي قبل تقديم امتحان تحديد المستوى

تصدقون ، ايدي ثقيييييييييييله بالكتابه ، أحسها يابسه والله ، والخط سمردحه
كلا من الكمبيوتر !!!!! :eh_s(1):

 

[زيـنـه]

بطبط .. الله يعينج على العرسين

 

[بطة رشيقة]

ااى والله عنيد صج انا بعد احس انى نسيت الانقلش خير شر !!!

 

[عنيّد]

اي الواحد لازم يمارس والله ، الساني صار ثقيل بالانجليزي للأسف
بس المشكله بالكتابه ، من زماااااااااااااااااان موكاتبه بالقلم :S
والحين والله ايدي ثقيله وخطي بطيخ ، برجع لياقتي الكتابيه :eh_s(1):

 

[زيـنـه]

عنيد . لوووول .. حتى اكتابه يبيلها ليااااقه .. وديها المطوع معاج لووووول

 

[عنيّد]

لوووووووووووووول زيون
خلينا ساكته بس ، هذا دليل على الرباده

 

[زيـنـه]

عنيد .. اي والله .
ودي اجرب القهوه الخضرا .. وودي اجرب ماي الزعتر للتنحيف .

اتهقون ؟