~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[teenaa]

زيون

حبيبتي مشكوره بس انا كان يحوشني عوار وقالي الطبيب اسوي هالتحاليل وما رحت راجعته عرفتي ؟

 

[بطة رشيقة]

يالله بنات اشوفكم على خير وهابى ويك اند

 

[زيـنـه]

تينا .. راجعي الطبيب احسن .. على الاقل علشان تعرفين نتيجة التحليل .
و ما تشوفين شر

بطبط .. درب السلامه .. و هابي ويك اند تو يو تو .. و ان شاء الله تكون كلها التزام و نزول بالوزن يارب

 

[زيـنـه]

الذين يشاهدون محتوى الموضوع الآن : 2 ( الأعضاء 2 والزوار 0)
‏زيـنـه, ‏عنيّد


عنيد .. اظهر و بان و عليك الامان

 

[eng.q8]

بااااااااااااك

حدي يوعاااااااااااانه خل يخلص هاليوم


ناطره يوم االاكل البحري يمي يمي بسبح بفش ماركت لوووووووووووووووول

 

[زيـنـه]

انوج ..ما قلتي لنا شلون طريقة هالريجيم ؟

 

[teenaa]

عوااااااافي بنااااااااااااااااااااااااااااااااااااااااااااااااااااااااات

انا شربت ثالث نسكافي

والعوار زايد الله يعيني

 

[عنيّد]

لووول زيون :dddds:
خو انا 24 ساعه اسمي موجود اعلقه بالدوانيه لانه النت دايم شابك عندي :eh_s(6):


ياااااالله نهاية اسبوع سعيده :ggdw:

 

[mn.mn]

مساء الخير عليكم جميعا

الحمد الله ماشية الامور تمام وان شاء الله ماراح اخربط بالزوارة باخذ عشاي معاي

وودي اقوم العب على الاوربتراك بس لي الحين مالي خلق

 

[بطة رشيقة]

اطل عليكم من بيت ابوى تونى واصله ..

وتونى قبل ساعه يمكن تغديت بيضتين مفيوحتين + سلطه+دايت سفن وبس

يمكن الحين اروح امشى ...

حسافه منمن جان الحين اشوفج بالممشى خخخخخخخخخ

 

[mn.mn]

هلا والله بطو لي الحين موجودة ولا رحتي ؟

انا اليوم زوارة اهلي ما اقدر اروح الممشى بس توني لعبت على القرص 100 مرة والاوربتراك 10 دقايق والحمد الله راااااااااااااضية

عن نفسي وزهبت عشاي باخذه معاي وان شاء الله اكون تمام لين انام وبالعافية غداج

 

[mn.mn]

حسافة بطبط ما لحقت عليج

انا بعد بطلع بروح الزوارة

 

[سارونه87]

مساء الخيرات شلونكم

 

[mn.mn]

هلا والله سارونة انا بخير الله يسلمج

توني رادة من الزوارة والحمد الله الامور اوكي بس غشيت شوووووووووووووي وان شاء الله ما يأثر

 

[بطة رشيقة]

احم احم

لا تستغربون هذى انا قاعده اطل عليكم من دريشه الدوانيه لابسه جامتى واتزهب حق النوم يمكن مصدومين من خصرى بس شسوى هذا الصج خخخخخخخخ

هلا هلا فيك كلكم منمن حبيبتى بالعافيه العشا وشنو غشيتى بالضبط عشان نعرف بياثر او لا ...

انا الحمدلله مشت نص ساعه وتالى تعشيت شوربه مع فتوش وبس قل شوى رديت ديار ليلى :eh_s(1): وانشالله شوى وبنام

ما ادرى ودى اطلع اروح مجمع اشوف شنو منزلين شنو مسوين اتمشى واتغدى بس ميزانيتى حدها تعبانه انطر المعاش وريض يبيله 10 ايام :0bee2e8d89:

بس انا وايد فرحانه ان الدوانيه بدت ترد اهيا الدوانيه :ggdw:

الله يوفقنا يارب​

 

[بطاطا]

صبااااااح الخييييييييييير ع الحلوين

ما شاء الله الامور طيبة عند الكل

ومبروووووووووووووووك من من شدي حيلج بعد


و كل عام و اللي عيد ميلاده بخير يا عنيد

 

[just-me]

السلام عليكم جميعا

وصبحكم الله بالخير شلونكم .. انا امس كنت زينه بس شويه صار في غش تجاري

يعني بدال نص خبزه صارو خبزه و نص وبدال جبنه او لبنه صارو جبنه و لبنه

يعني كل شي ضرب 2 بس مو فاست فود و كاكاو و خرابيط لا اكل الريجيم بس دبل :dddds:

 

[just-me]

صباح الخير بطاطا ,,, شلون الاراده

تصدقون انا وايد متحسفه ومتضايقه اني مامشيت اليوم الصبح مع اني فازعه من ال 6 حتي الصالون

مالي خلق احط حنه مع ان عندي اشتراك حنه و حمام زيت ومالي خلق

 

[just-me]

انا لاحظت على عمري من أشرب حليب بطني يغروج و أصوات مثل الماي لمن يمشي

بالبايبات لووووول والله فشله و ملاحظه شي ثاني اني هم اذا شربت حليب أقعد أتحكك جني

من 10 سنين مو متسبحه كلي بالذات من اول اسبوع من رمضان لي يومكم احك أحك رحت حق بوحمره

قبل العيد عطاني ابرة كورتيزون و قال لي من العطور و البخور و فادتني الابره يوم واحد بس

والله بسم الله عليكم أحك بشكل خيالي يفشل حتى و انا نايمه .... تهقون من الحليب ؟؟؟

انا مرة من 3 سنين سويت تحليل بو 150 دينار اللي يطرشونه ألمانيا ويقولون لج شنو يمتنج مثل

التفاحه و السلطة طبعا خرابيط ... بس اللي أذكره انهم قالو لي ان منتجات الألبان و الآناناس

تمتنج ... واذا أبي أضعف أقطعهم و أذكر اني وديت التحاليل حق أكثر من دكتور و قالو لي ان الكلام

خرطي وان الانسان و بالذات الحرمه لأنها تحمل وتولد تحتاج كالسيوم ...هممممممم

تهقون التحليل صح بأن الحليب ما يصلح لي و لكن ألف بالامية ماله علاقه بالمتن و الدليل اني

كل ماسويت ريجيم أشرب حليب مرتين باليوم و الحمدلله قاعده أضعف بس تهقون ممكن أنه

يسبب لي حكه...؟؟؟

 

[خنفروشه]

صاح الخير شلونكم شخباركم
just me اللي فهمته منج انه هالحكه من زمان فيج....على حسب معلوماتي يمكن فيج حساسيه من الحليب او الالبان بشكل عام تقدرين علشان الكالسيوم اما تشربين حليب الصويا او حليب نوق وكثري من اللوز (البيذان) فيه وايد كالسيوم
وان شاء الله ربي يعافيج