~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[بطة رشيقة]

اى هذى الخطبه العصماء مالت نهايه الاسبوع عشان ما تفكرون تخربطون شرايكم فيها ..؟

 

[ام فجور 2008]

عاد بطبط تدرين والله كنت توهم البنات يايبين كيكة قرص عقيلي كنت باكله بس قريت كلامج جان اهدها وارد اشرب عصيري الليمون وكاكاوي الارو الصغير

 

[ام فجور 2008]

بطبط ماجهزتي شي حق كارز حق الشتا ؟
انا رحت مذركير شريت لها بلسوتات وشريت لها سليبرات حق البيت وتكرمين جواتي حق البيت
واخذت لها جاكيت حلو عملي لونه وردي
وانا شايفة لها ملابس بعد باخذهم بس مو الحين ترينقات وايد حلوة وعلى 5

 

[بطة رشيقة]

اشوى ام فجور يعنى كلامى ياب نتيجه ماعليه انشالله ربى يوفقنا وانشالله نحقق اللى نبيه ..

والله على السوق انا جذى كل يوم اقول ما ادرى متى بروح .. ودى اجهز له من الحين بس ذيك المره خذت له من مذركير بلوفرين بالتنزيلات حلوين الواحد بخمسه وشى .. وقميص شتوى حلو وبس بلوزه من اتش اند ام وبس ماشريت شى غيرهم ويمكن اخلى واحد من هالبلوفرات حق العيد بس يبيله بنطرون وقميص يعنى يبيلى لفه على سالوق احتمال ابلش من الاسبوع الياى وحتى حقى ابى حق العيد وموعارفه وين اروح بالنسبه لى ما ابى حار ابى صيفى او ربيعى لان ترى حر الصبح وبنخيس مثل كل سنه عشان جذى فكرت اخذ صيفى ومشتهيه تنوره وموعارفه وين اروح ..اذا تعرفين ام فجور مكان حلو فيه تنانير حلوه واذا كانت بدله كامله خير وبركه والله عشان ما اقعد الف على باجى البدله ...

 

[ام فجور 2008]

بطبط جويس مرات يسوي خصم والله تخيلي العيد الي فات لقيت بدله عندهم بالاربيعينات وحلوة
وعندج بالعثمان بس مو عمليين

 

[بطة رشيقة]

اى انا قلت ابى شى عملى يعنى البسه مره ثانيه والله العام حق العيد شريت بدله ما ادرى ما ارتحت فها وحسيتها مو عمليه واله غاليه ومالبستها غير هاللبسه الوحده ...

وين البنات اليوم؟؟

 

[ام فجور 2008]

عنيد راحت المعرض زيون اختفت هي وتينا من من اكيد مشغولة
بطبط سجلتي بنك وربة مال الاسهم مافهمت
بطبط اخذي لج خام وخيطيه تنورة
انا اذكر من فترة شريت خام حلو وخيطته تنورة وركب عليه بودي سادة وفوقه توب

 

[ام فجور 2008]

ااااااااااااااااااخ حده فرق

 

[زيـنـه]

بطبط .. خووووش كلااااااام .. ما تقصرين اخصائيتنا ..

وين البنات اليوم ؟؟

 

[teenaa]

بااااااااك
لاول مره بالتاريخ اتريق صمونه سمرا وداخليها مااادري شنو بس لذيذه لووووول وشوي بطاط

منننننغثه

بشرب جاي اخضر وزنجبيل ودارسين

 

[زيـنـه]

اتمنى لكم نهاية اسبوع سعيده و نتائج ريجيميه موفقه

 

[سارونه87]

تغديت راب حلوم من لوووو فات
وايد حلو
مع عصير اناناس

 

[mn.mn]

السلام عليكم

شلونكم وشخباركم ؟

انا اليوم لهيت بالدوام وخصوصا ان الايقو ما كان معاي فما قدرت اقعد على جهاز الدوام ما احبه بطيء غير جذي رفيجتي كانت تشتغل

عليه فمو حلوة اقومها واقعد اجابل المنتدى ! الحمد الله خلصت جزء كبير من الشغل اللي ما يخلص

بطو بعد عمري سلمت يداك على هالكلام الحلو عاد والله خنقتني العبرة لاني اليوم بعد مخبصة عدل بالغدا وتوني بعد ماكلة فليك

بس ان شاء الله انا وعدتج اني راح ارد ابدي من يديد وخلاص من الاحد وياج على الرجيم اللي اخترناه اوكي ؟

وبالنسبة للعيد انا محتاجة خام اسود عليه القيمة لاني بفصله وباجي الاغراض موجودة اشوه وبنتي بعد خلصت شغلها اشوة

والصبيان سهالة عندهم دشاديش يديدة واشياء عملية للعصاري هم يديدة فالحمد الله ما باجيلي غير خدامتي لوووووووووووول

بعد شوي بقوم اجهز اغراضي معزومة على عرس ومالي خلق اروح بس لازم اروح وباجر هم عندي استقبال ما احب اذا صار

كل شي ورا بعض ربي يسهل الامور هابي ويك اند للكل ونشوفكم ان شاء الله على خير

 

[just-me]

مساء الخير

انا رحت استقبال برويال حياة و الصراحة كنت مبوزه

تدرون شصار ...؟؟؟ سمعت اللي كنت خايفة اسمعه ....






ماشاء الله حتي اللي كانو حوامل وولدو برمضان صارو عصلان تبارك الرحمن

البلعه البلعه البلعه اف اف اف طبعا سمعت من حرمتين حسافة عليج جنج سمنتي

وحده اول مادخلت و انا اسلم غثتني و الثانية ما قصرت وانا على الحلو و القهوه

وبعدين جسوت صار لج من 1/8 و انتي مطنشه الكرشه و معطيتها ويه وبعدين ؟؟

عموما عندي لكم خبر جديد و مو جديد اتوقع انكم متوقعينه !!----> شهاللغز ؟؟

اذا صار اللي في بالي عندي لكم خبر على نص 11 اذا الله كتب

غير جذي المفروض تحاربوني لاني مو خوش صديقه و مو مالت ريجيم و ما ادري

ليش غاتكم معاي و رازه ويهي مع الرشيقات ...خلاص ... اتفقنا من باجر؟؟










أوكي ..؟؟؟












عيل خل اكل نوتيلاعن خاطري قبل لا ابلش باجر

 

[mn.mn]

صبااااااااااااااااااااااااااح الخير

جسوت لووووول اهم شي النوتيلا جنه خلاص لازم ناكل كل شي قبل ما نبدي مادري لي متى فينا هالطبع استغفر الله

وما عليج من هالحريم جنج البخت لا متينة ولا شي وان شاء الله تكون اليوم بدايتج الموعودة انا متفقة من الاحد ببدي مع بطبط

بس ان شاء الله اليوم وباجر ماني زايدة الجيلة بحاول اضبط روحي وربي يتمم لج اللي في بالج ونااااااااااااااااطرين الخبرية

 

[Na77olah]

لالالالالالالالالالالالالالالالالالالا نوتيلا لالالالالالالالالالالالالالالالالالالالالالالالالالالا


منمن اي رجيم بتبدين انشالله <<<<السؤال المعتاد

 

[mn.mn]

واحد من رجيمات المطوع

الحين اسويله كوبي وبيست

 

[mn.mn]

الريوق
حليب خالي الدسم مع 3 شابورة
او
حليب خالي الدسم مع 4 بسكوت ماري
او
حليب خالي الدسم مع 4-5 تمرات
او
حليب خالي الدسم مع كورن فليكس الرجيم فتنس الصغير

الضحى
3-4 تمرات
او
1 فاكهة اي نوع
او
كاكاو وسط
او
تروبيكانا

الغداء
جيز برجر مع دايت او ماي
او
سلطة مع 1-2 همبرجر مع دايت او ماي
او
سلطة مع صدر دجاج مشوي مع دايت او ماي
او
سلطة مع تونه مع دايت او ماي
او
سلطة مع سيخ لحم مشوي مع دايت او ماي

المغرب عكس الضحى يعني ما تكررين اللي كليتية الضحى

العشاء
روب خالي الدسم مع خيار و 2 كيوي
او
لبن خالي الدسم مع 2 فاكهة اي نوع ما عدااا الموز و المانجا
او
حليب خالي الدسم مع 4 بسكوت ماري
او
سلطة ماكدونالز سيزر او قاردن مع صلصلة لايت مع دايت

 

[mn.mn]

وهذا بعد رجيم ثاني فكرت فيه لان يوم خلال الاسبوع الياي بيكون غدانا مربين

تقريبا اهما نفس الشي بس العشا والغدا فيهم شوي اختلاف

الريوق

حليب خالي الدسم مع 3 شابورة
اوحليب خالي الدسم مع 4 بسكوت ماري
اوحليب خالي الدسم مع 4-5 تمرات
اوحليب خالي الدسم مع كورن فليكس مال الرجيم فتنس الصغير

الضحى

3-4 تمرات
او1 فاكهة اي نوع
اوكاكاو وسط
اوتروبيكانا


الغدا

يومين سلطة مع 1-2 همبرجر مع دايت

يومين سلطة مع 3 ملاعق عيش او1 توست
او
ربع خبزة مع قطعة لحم او سمج او دياي مع دايت

يومين تبولة مع شوربة خضار مع لبن خالي الدسم

المغرب
عكس الضحى

العشا

2-3 كيوي مع عصير اناناس
او تبولة مع فاكهة مع دايت
او2 برتقال ابو سرة

 

[mn.mn]

بطبط شوفي الرجيم الثاني شرايج الحين الاول ولا الثاني ؟

انا افضل الثاني للسبب اللي ذكرته سابقا وثاني شي لاحظي الغدا مجموع الايام 6 يعني السابع فري

ماكو فايدة احنا لي الحين ما بدينا ونفكر بالفري