~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[بطة رشيقة]

عطينا تقرير ام فجوووووووور ...

عنيد وياج حبيبتى ..

 

[بطة رشيقة]

يالله بنات انا بخليكم الحين واشوفكم على خير جريب .. حطوااااا بالكم على روحكم واحبكم وايد واتمنى لكم ويك اند بدون خربطات ولا بلعات ولا اكلات مع رياضات واجتهادات

 

[ام فجور 2008]

بطبط الحين احطه لكم
من من لا مابديت فيه لان اليوم رحت
وسالته شكثر ينزل قالي من كيلوين ونص لي 3 ووببدي فيه من باجر

من من انا قلت ابي زيارتي كل اسبوع لان اذا كل اسبوعين راح اخربط

 

[just-me]

مساء الخير

اول شي مبروك أم فجوره اخيرا رحتي حق اخصائي تغذية شهالمفاجأة

يالله ما عليه موفقه شدي حيلج

انا تغديت مطبق سمج هامور و سلطة و حبة هالبينو بالفرن حشيته خضار

و بصل و بلسمك مع صويا صوص طلع روعه

طبعا ماكو طلعه بس الحمدلله اكو زواره بعد صلاه العشا ان شاء الله بروح بيت ابوي

وسلامتكم ...... من من وين الشاي ليش موزاهب ----->شكو لايكون خالتها والامرت ابوها لوووووول

 

[mn.mn]

السلام عليكم

ام فجور زين تسوين راجعيه كل اسبوع وبالتوفيق

جسوت كنت امس طالعة وديت الياهال الطبيب ما بدهاش لازم ياخذون مضاد

امس يومي كان تمام بس العشا خرته واليوم انا رايحة الوفرة واتوقع هم ماكو انضباط باجر ان شاء الله ارد التزم

والميزان راح يكون يوم السبت ولو نص كيلو نعمة المهم اكون بحدود 78

 

[زبدة ككاو]

من من يارب يخليلج زوزو يشافيها
ترى آنا ضعيفه بس داخله لقافه
بقولكم شغلتين مهمتين أكيد تعرفونهم
آنا إختي سوت رجيم عند دكتور وماشالله بشهر صارت رشيقه وإلحين إهيا أضعف مني لوول مت حره المهم رجيمها كان من شهر عشره
آخر مره راحت للدكتور ولازايده كيلو من البرد ، إذا رحتوا مكان إخذي كله لوفات برد أو كيك
وأهم شغله عشاج قبل نومج بسبع ساعات وبس فدييييتكم

 

[بطة رشيقة]

قوووووووه ام كااااااااارز تحيييييييييييييكم ..

وينكم منخشين ليش محد طل بالووويك اند ؟؟؟

انا امس كنت تمام وبالاستقبال ما حليب بس تعشيت سلطه وتبوله وحمص قفشه ومشيت وشربت جاى اخضر والحمدلله واليوم والله للاسف خرتها طلعت العب كاااارز وخربطت اليوم كله بس سويت شى واحد زين رحت مشيييييييت ...:ada:

وان شالله باجر بكون احسن وبتحدى روحى انى مههماااا صار عندى استقبال والا اى مناسبه ما ابى اخرب وابى التزم اسبوع كامل باذن الله ( يا انتى يا ام تحدى ):dddds:

باجر ان شالله بنروح المرزعه وربى يسهل علي وما اخربط ...

ولى الحبن للاسف ما رحت السوووووق وما ادرى متى بتصير روحه السوق !!!

اليوم انا بنام عند امى وتسلفت كمبيوتر اخوى

( مسكين هالاخوووو كل ما اشوووف ويهه اخذ لاب توبه احس منطبه جبده
خخخخخخ):dddds:

واشوووفكم على
خير ان شالله

 

[just-me]

السلام بنات ... شلونكم

و اخيرا امس طلعت طلعه سنعه عقب حكرة تقريبا شهر

تمكيجت و كشخت ورحنا مطعم البلد لبناني بمكان المطعم الدوار قبل تذكرونه؟

طبعا المطعم لبناني و مشهور بلبنان بس امس كان نص نص اعطيه 6 من 10

الفتوش عادي المشويات مثل ما انحطت انشالت الحمص عادي الفتة طاغي عليها

طعم الروب كبة برغل محشية بصل محموس مع صلصىة تخر اذا عضيتيها حلوة

في شي جنه عرايس بس لافينها رول يمها حمص مخلوط فيه دقوس قراش حلو

اجمالا القعده حلوة و السيرفس ممتازة واحنا طالعين شفنا فيه كباين

بس لمن دفعنا الحساب سألنا من له المطعم طلع تابع حق ليتل سيزر وبيتزا بيتزا !!

والله ما تصدقون قعدنا ع الطاولة 8 الاخمس حطوا الاكل 8 دفعنا الحساب 8:35

يعني كنا بسباق و لا لجنة الذواقة شي يضيق الخلق مايسوى ساعة ابدل و اتزهلق

المهم تالي رحنا حلينا بمطعم فوندو قبال الصالحية اتوقع كان مكانه فوشون

المطعم فل بس اشوه لقينا طاولة... ماكان فيه منيو للحلو بس اللي مكتوب على السبورة انا طلبت جوكلت كرواسون

وهو عبارة عن كرواسون مفتفت بصحن و منقع بحليب كاكاو حار و مفتفتين فوقه شي جنه درابيل :dddds:

بس اتوقع كورن فليكس وايد سهل يعني لو اسويه بكرواسون الفيصل ييطلع خطير مع لمساتي السحرية

و طلبنا اوريو كيك مع برد شكلها زين بس حجم الكيكة نتفه و الطعم عادي مو وووووواووووو

يعني امس تجربتين فاشلين وبرقم قياسي بمعنى الكلمة....

تبون الصراحة تحسفت اني خربت الريجيم على اكل الله يزيد النعمه

وما اعتبره اوف لان مو الاكل اللي ياب راسي الحمدلله على كل حال ...

و أبد الساعة 9:30 انا لابسة بيجامتي و مجابلة التلفزيون و قاعدة امسح مكياجي

 

[بطة رشيقة]

مسااااء الفل على الكل ..

شلونكم شخباركم عساكم بخير ..

وينكم صج صج صج غاطين ..؟

جسووت هلا وغلا ومبروك الطلعه من البيت وعليكم بالعافيه الفسحه ولا تتحسفين على شى والحمدلله انج طلعتى وماعليه عليج بالعافيه الاكل بس صج بينى وبينج الاكمل الللبناانى انا قمت ااكس عليه ما ادرى لان كل تجاربى معاه يعنى لج عليها ..

والوحده تنقهر حدهاااااااااا لما تخر ب ويطلع الاكل مو شى وتتحسف عليه ..

بس بالعافيه يا حبيبتى ...

اليوم انا بالمزرعه والحمدلله مسكت روحى اول ما قعده من النوم رحت مشيت وتالى كلت تفاحه ويت مع اهلى المزرعه وغداى الحين بيكون تبوله وسندويجه امريكانا مرتدلا سمره مع خضار .. وبس السناك الثانى يمكن اخليه تمر او اى شى من هالقبيل وربى يتمم علينا ..

مثل ما قلت لكم انا بنتحدى روحى اسبوع بدون تخربط ...

وربى يكون بالعووووووووووووون

:ada::ada::ada::ada:​

 

[mn.mn]

السلااااااااااااااااااااااام عليكم

زبدة ككاو الله يسملج حبيبتي ونورتي الدوانية

جسوت عليج بالعافية الطلعة عاد انا ناوية على مطعم البلد بس يقولون تروحين له غدا القعدة تكون احلى وما عليه المهم جربتي شي يديد

بطبط عفية عليج وان شاء الله تشوفين رقم يرضيج بالميزان

انا امس يومي كان كله بالوفرة واليوم كنت اوكي بس العصر حليت بدونات وان شاء الله عشاي راح يكون روب وخيار بس

باجر ان شاء الله راح أوزن ولو اكون بحدود ال 78 بكون راضية عن نفسي ومن باجر خلااااااااص ماراح أودي لابتوبي المدرسة

عندي اشغال وايد ولازم اخلصها الايام تركض والكورس قرب يخلص فراح تكون طلاتي قليلة ويمكن اخليها على نهاية الدوام

 

[teenaa]

هاي بنوتات شلونكم
انا نفسيتي تعبانه من قعدتي الساعه 9ونص الصبح مو ماكله ولا شي
مو قاعده افكر بالاكل احس نسيته والله

اشوفكم الصبح

:>

 

[بطة رشيقة]

صباح يسعد أيامك
ويبعد عنك أحزانك
صباح يجدد أحوالك
ويقرب منك احبابك

صباااااح الفل على الكل .. ​

 

[mn.mn]

هلا والله بطبط صباح النور

حبيت أصبح عليكم كلكم قبل ما أحوس بزحمة الشغل

اليوم ردينا حق قواعد الرجيم سالمين من بعد خرابيط الويك اند ووزني اليوم للأسف 79.2

ان شاء الله أطل عليكم الظهاري

 

[عنيّد]

صبااااااااح الخيييييييير

:eh_s(6):

 

[teenaa]

صباح النور بنات
انا مو بخاطري اكل شي بشرب جاي وحليب بس علشان راسي بينفجر وباخذ بندول ومابي اخذ على معده فاضيه

 

[teenaa]

وزني اليوم 72.5

وانشالله اوصل 70 قريب

 

[بطة رشيقة]

يالله موفقه ان شالله تينا وتشوفين ال70 جريب ان شالله وانا وياج وانا والله اليوم ما وزنت بس باذن الله قريب بوزن امس كنت تمام .. تغديت سندويجه امريكانا مع تبوووله ولبن والسناك مكسرات والعشا كورن فلكس وحليب واليوم باذن الله اكون تمام ..

منمن حبيبتى صبحج الله بالنووور والسروور وان شالله تنظبطين حسافه على وزنج مو راضى ينول

مشكلتج مثل مشكلتى بالضبط وصلنا لل74 وبعدين صعدنا شوى شوى ولى لحين محنا قادرين نرد لقواعدنا !!! حسافه علينا يبيلنا نفضه قويه كبيره ما ادرى شرايج شنو نسوى ..؟

موفقه بشغل اليوم ويعطيج العافيه ..

وين باجى البنات .؟

 

[ام فجور 2008]

صباح الخير
شلونكم
انا اليوم لي 3 من رجيم طالب بس امس خربته لانه المسعدة بتشرف واشتهيت اكل كاكاو وانا بدل لا اكحلها عميتها اكلت كيكة جلكسي :0bee2e8d89:

 

[just-me]

صباحكم الفل و الورد و الياسمين

 

[عنيّد]

صباح الورد جميعاً

ام فجور ،، بسم الله مداج تخربطين !!!!!
كلنا سوينا رجيم وكلنا شرفت لنا المسعده بس عاد ماخرناها من اولها !
مالج حق ترى >_<