~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[بطة رشيقة]

شدى الحيل ويووونه ...

 

[زيـنـه]

هلا بطبط ... ان شاء الله يا ربي لاني اليوم بدعت بشكل غريب

 

[ABEER FLOWER]

صباااااااح الخير

بطبط ربي يخليلج كارز و يحفظه
و تفرحين فيه يااااااااارب

و تسلميييييين على توصيل سلامي لـ غااااااااااب
فرحتيني

 

[teenaa]

صبااااااااااح الفل اليوم من الصبح انا عند طالب الشمري

عطاني رجيم والتفاصيل بعد قليل

 

[بطة رشيقة]

مساء الورد بنات شلونكم وينكم غاطين كلش...؟

انا اليوم صايمه وربى يتمم على واى واى كل شوى امشى واتشهى بس ربى يثبتنى باذنه وياكم وينزلنا بصحه وعافيه ..

تينا هلا وغلا يالله ننطر التفاصيل ..

عبوره حبيبتى والله ما تقصرين يالغاليه ..

زيونه ماعليه انتى كلتى اللى بخاطرج وكلمى على الرجيم وربى يتمم ويوفقنا كلنا يارب ...

اليوم بتفطر شوربه خضار

تشريب من 4 الى 7 ملاعق مع لحم وقلاص لبن وان شالله ربى يكون معانا ويقوى ارادتنا ..

 

[حبى لله أكبر]

صباح الخير


تقبل الله طاعتكم


انا اول يوم لى رجيم


وراح اتفطر 3 تمرات وشوربه شوفان وسلطه قيصر وهمبرجر 2 وعصير اناناس وبالعافيه عليكم مقدم وعلى انا بعد



وانا متابعتكم

 

[mn.mn]

أنا هني وصلت بالسلامة من أمس وانا بالوفرة

في احد موجود ؟

قبل ما أنسى قاب تسلم عليكم وحدة وحدة وان شاء الله اذا سمحت ظروفها راح تطل علينا بطلتها الحلوة

رجيميا مو اوكي وان شاء الله من باجر ناوية ابدي من يديد

بطبط بتبدين معاي بالرجيمات اللي حطيتهم ؟

 

[mn.mn]

وغدا يبدأ المشوار من جديد لا تحرموني من المساندة والمؤازرة

تجمعي اليديد

 

[teenaa]

اليوم رحت انا واختي عند طالب الشمري شاف اختي قال انا ماراح اعلق (اختي وصلت عنده لين 70 كيلو ) وردت فوقهم تعش كيلو قبل لا تييب عيالها

حبطها بجم كلمه
وعطاها كلام بالعظم صحاها شوي


ويه دوري انا متنحه


شاف وزني عنده ولا اوه صدمه

قالي وزنج كان 106 لووووووووووول قومي اوقفي عالميزان وقفت ولا 72 قال تدرين توقعتج اقل
شكلج اقل من 72

انا استانست
سالني جم وجبه رئيسييه تبين
قلت وحده قالي مو زين


عطاني ان بفتره الدوام من 8 لين 4 الشوربه الجاهزه بكميات مفتوحه ونسكافي وحليب وجاي

ومن 1 الى 3 توست و2رومي او 2 جبن او 2 مورتديلا او من كل شي 1 واحد
ودايت وسلطه


وقالي بحطلج عشى قلتله لا هذا كفايه لان راح اكل هالوجبه عالساعه 5 او 6 الا
قالتله دكتور انا اعاني من مشكله ازليه الا اهيا ( امساك) وانتو بكراامه


قالي شووفي انا بحطلج شي لازم تاكلينه الا اهوا من 1 الا 2 برتقال الا اهوا عشى بالليل وبس



وعندي موعد بعد اسبوعين انشالله


شرايكم تتوقعون ر اح ينزل وزني ؟؟؟؟

 

[زيـنـه]

قوه

شلونكم ؟

اليمعات و الاجازه مو شي .. بصراحه اليوم و امس فري لاخر مستوى .
اطيد باجر راده على برنامجي وموعدي الاربعا و الله كريم .. ان شاء الله هاليومين يروح تاثيرهم .

شخباركم ؟

 

[ام فجور 2008]

السلام عليكم شلونكم
والله اني اشتقت لكم بس شسوي انقلوا دوامي جسبي الله عليهم بامغرة ولايعه جبدي بشوف لي واسطة ارد مكاني
من من مبروك عالتجمع
تينا نفس رجيمي والله يوفقنا

 

[mn.mn]

صباااااااااااااااااااااااااح الرجيم


تينا موفقة يا قلبي وأكيد بعون الله راح تنزلين عليه

زيون خلاص من اليوم ابدي صفحة يديدة

ام فجور واي الله يعينج ربي يسهل أمورج وتردين مكانج الأولي والله يبارك فيج

---------------------------------------------

انا وعدت نفسي ان من اليوم البداية غير عن كل مرة لازم اكون بسباق مع الزمن لان عطلة الربيع ما بقى عليها شي

وانا وضعي بالعطلة كلش مو مال رجيم لان بطالية واسبوع اقعد بالمزرعة فالرجيم ماله مكان حزتها كللللللللللللش

عشان جذي هالشهر اللي بقى لااااااااااازم اسوي فيه شي وربي يعيني ويسهل أموري ياااااااااااارب

ريوقي ان شاء الله شابورة وحليب ونسكافيه الحليب بشربه الحين والشابورة بخليها بعد حصتي باكلها مع جويهه

 

[teenaa]

منمن وام فجور شدوا حيلكم


وانشالله ننزل بصحه


نسيت اقولكم صباح الفل والانوار والياسمين

 

[teenaa]

قاعده اشرب نسكافي 3 اب 1

عوافي منمن وانشالله تنزلين بصحه وعافيه

 

[mn.mn]

هلا والله تينا صباح الورد ربي يسهل علينا كلنا ونشوف نتيجة تعبنا ونستانس باللي وصلنا له بصحة وعافية يااااااارب

بالعافية القهوة انا شربت الحليب وبعد شوي باكل الشابورات :eh_s(12):

 

[mn.mn]

جسوت وزيون وبطبط وينكم اليوم ؟

 

[زيـنـه]

صباح الخير

بدينا من يد و يديد .. و ان شاء الله تروح اثار اللوثه الريجيمه اللي صارت اليومين اللي طافوا .

تريقت .. توست اسمر و حليب و جاي ..مع خس و خيار و جزر .

شخباركم ؟

 

[بطة رشيقة]

صباح الخير بنات شلونكم شمسوين الحمدلله انا تمام وربى يتمم على ويالله خلونا نشد الحيل ...

انا توقعت انى انزل اكثر مع اجتهادى هالاسبوع بس ماعليه ربى لا يحرمنى من هالفرحه ان شالله

تينا ربى يوفقج الحمدلله انتى انجزتى شى كبير وربى يتمم عليج مشالله تبارك الرحمن ...

ام فجوره بعد عمرى وان شالله تردين مكانج وربى يوفقج بالرجيم ..

منمن حبيبتى وزيونه ان شالله ابدوا من يديد وشدووووا حيلكم يا حبيباااتى وترى علىق ولتكم الوقت يمضى والنكهه تبقى لالا خخ اقصد الوقت يمر ولازم نحقق اهدافنا ...

الله كريم ..

اليوم انا صايمه وفطورى يمكن يكون تبوله مشوربه ( ماخذتهم من امى من فطور امس ) ويمكن اكل اى شى معاهم سندويجه امريكانا او اى شى من هالقبيل ...

والحمدلله ربى يعينا ويتمم علينا ..

 

[زيـنـه]

اهلين بطبط .. عسى ربي يتقبل منج و من كل المسلمين طاعاتهم و عباداتهم .
و ان شاء الله يوم يديد و بداية يديده .

 

[teenaa]

وين البنات اليوم

حدي تعبانه فيني النوم