~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[mn.mn]

موفقة صفصف

يارب باجر المنتدى يكون اوكي ولهنا على قرقة الصبح

 

[زيـنـه]

مساؤووووو

شلونكم ؟؟


صج الايرور بدع فينا ..المهم عسى ما بدعتوا بريجيماتكم ؟

اليوم وزني 83 و لله الحمد .. عقبال 79 ياربي .

يومياتي امس الثلاثا .

ريوقي 2 توست اسمر و جبن مع خس وخيار و جزر .. و حليب وجاي .

سناكي .. كاكاو وسط و قهوه فرنسيه

غداي .. 6 قفاش برياني دياي مع سلطة ملفوف

عشاي .. روب و اناناس فريش .

و الحمدلله .

اليوم الاربعا

ريوقي نفس الشي .

سناكي .. لوز و يوز و قهوه فرنسيه .

غداي .. 5 قفاش معدس مع دياي و سلطه .. و زرقت حبتين سمبوسه و حبتين كبه!

سناكي الثاني .. شوي حب .

عشاي اناناس و روب .. بس هم زرقت حبة كبة وحده .

و الحمدلله احس رتبت نفسي شوي على النظام .. و ان شاء الله ما اخق و لا تخف الاراده .. بشوف السبعينات .. مليت مليت و انا اتديرف بالثمانينات ... عسى ربي يعطيني على نيتي .. و يعطيكم على نيتكم و ننزل كلنا على صحه و عافيه .

انا باجر اجازه يوم .. بس باطل عليكم شوي الصبح

 

[زيـنـه]

صفصف .. شدي الحيل و رجعي مع ربع الديوانيه .. بس ديري بالج منا ترى نخرع .. لا التزمنا التزمنا و لا فرطنا فرطنا و بدعنا
بس صج صج .. ردي شوفي لج نظام تخفيف بالبداية و ابدي صح .

 

[mn.mn]

صبااااااااااااح الخير

وينكم تعالوا عفية قبل ما يرد المنتدى يخرف

زيون تمام تمام وان شاء الله ببداية السنة اليديدة تشوفين ال 79

صفصف اي والله خلج معانا وشوفي لج رجيم حلو التزمي فيه

بروح اتريق وارد

 

[teenaa]

انا امس كنت تعبانه نفسيا
فرحت مع رفيجتي الي مو شايفتها من زمان فرايديز

فكليت الصراحه

بس الحين بشرب عصير كيوي واناناس
وبس

 

[mn.mn]

هلا والله تينا عليج بالعافية الروحة

وين البنات ؟

 

[teenaa]

الله يعافيج منمووووووونه

ماادري والله اليوم لا حس ولا خبر



وناسه امس رحت سنتر بوينت شريت بلايز سايز 12 حدي استانست واااااااي عيييييييد

 

[mn.mn]

لا لا اليوم محد مداوم غيري انا وياج تينا

وبالعافية المشتريات ملبوس العااااااافية صاجة والله وناسة

 

[just-me]

مساء الورد

شلونكم... أعتذر ماطليت الصبح بس و الله حدي و لهانه على السوالف معاكم

تينا الف مبروك شفتي شحلات الضعف ياحلوه الله يهنيج يارب

من من شخبارج شكلج ماراح تطلين هالحزه

بطه اين انتي وين لاب توب أخوج هذا وقته

 

[بطة رشيقة]

واى واى واخيرا فتح الكمبيوووتر واى ولهت عليكم بنات شلونكم عساااكم بخير شمسوين شخباااااااركم ...؟
صج صج صج بدع فينااااااااااااااااااااااااااااااااااااااا استغفر الله ...
المهم انتوااا شخباااركم ...
انا الحمدلله طيبه وامورى الرجيميه اوكى بس امس ما ادرى شصار فينى تعبت ودخت بغيت اطيح غشيااااانه حسيت روحى انى تعبانه كلش شوى واطيح على ويهى تعشيت تبوله وصمونه حلوم بس والله التبوله كانت حااامضه وحرقت جبدى ما ادرى شنو صار فينى بس الحمدلله اليوم احسن صج انى ميته من اليوع بس الفال لى اصير مثل زيووونه واكمل اليوم السابع انا اليوم الرابع خخخخ ...

جسوووت هلا وغلا واى افا عليج ىشاااابكه من لاب توب اخوى مسكين ابتلش فينى من اشوف ويهه تذكرت لاب توبه خخخخخخ ...

اليوم الله يسلمكم ولدى كان عنده تطعيم ووديته ورحت الدوام متاخر وعلى بالى ان النت خربان عشان جذى ما شبكت ..

واى واى مسكين كسر خاطرى كارزووو بجى شكثر فضح المستوووصف بجى وصر اااااخ وتل ملفعى وقط جوتيه من الانفعال وتقوله السستر ماعليش يا حبيبى عشان تكبر عاد يبجى ويقول يماااا انا الحين صغرت والا كبرت خخخ ... مسكين

المهم اهيا قالت لى ان بيصخن وما يقدر يمشى على الابره عاد مسكين والله نايم ومجاااااابلته وما ادرى شنو مصير الويك اند هذا ...

سناكى الحين جاى حليب وخمطه مكسرااااات

والعشا بيكون روب مع فواكه وبس
​

 

[just-me]

هلا بطه الغالية

اذا ماني غلطانة اخوج كره شي اسمه ويك اند خخخخخخخخ

ماله شر كارز حبيبي لا تلومبنه بس صج ضحكت على سؤاله ياحلوه بسم الله عليه

هالتطعيم مال أي عمر ؟؟؟

ربي يتمم عليج الريجيم و تكملين 4 شهور مو ايام ---->ماكو شي بعيد على الله

وين باقي البنات؟؟؟

وين عنيد صار لها جم يوم غاطه

وين زيون

وين من من

وين تينا

وين صافية

وين ام فجر

وين عبير

شفيني قمت احاجي روحي

 

[بطة رشيقة]

هلا جسوووته حبيبتتى اى والله صااااجه البنات غاطين كلش وترى المنتدى واايد يعلق صاير يبط الجبد ....

وعلى الرجيم اى والله عسى ربى يثبتنا ويديم علينا الالتزام ....

تطعيم كارز مال 3 ونص واتوقع اهو اخر واحد ....

مسكين مصخن وماله خلق كلش اليوم ماسويت شى بس اتسدح واتبطح معاه ورديت من بيت امى تسبحت وتعشت برتقاله وكيوى ورووب صج صج يضيق الخلق العشااااااااا بس ماعليه ...

انا قدها

اى قصى على روحج

تسبحت وتعطرت وسويت شعرى ولبست بجامه وانسدحت على الغنفه وقاعده اطالع المنتدى وانطره ينام كارز عشان انام

ودى اطلع باجر بس خايفه من الاكل ( حشى رعب رعب ) خخخخخ

وانتى بشرينا عنج شلون الرجيم وشسويتى اليوم ..؟

 

[بطة رشيقة]

اى على فكره تسلفت اللاب توب ويبته معاى البيت .. مسكين مسكين اخوى خخخخخخخخخ صج انى نشبه خخخخ بس ماعليه انا الاكبر لازم يحترمنى .. يحترمنى مو اشلخه عاد خخخخ ماعليه ان شالله بالتغير القادم مال 2010 راح تصير وايد اشيا ومن ضمنهم لاب توب .... باذن الله

 

[ام فجور 2008]

السلام
غريبة بطبط شعندج
امس الموقع مادري شفيه كل ما اشبك يطلع لي تحت التطوير مادري شنو

 

[ABEER FLOWER]

السلااااااااام عليكم حبيبااااااااتي

شخباااااااركم جميعاً ؟؟؟
الله يوفقكم يارب و يقوي عزيمتكم و توصلووووو ن لأهدافكم :yaaaaaarb:

منمن تجربتج تعطي داااااافع كبير للبنات و تشجعهم لخوض المعركة الريجيمية بشجاااااعة
الله يتمملج على خير :hjy5jewf:

جسوت موفقة في برناااااااامج الشد :eh_s(7):

بطبط شخباره كارزو ؟؟
يا حليله كبر و صااااار رجال
و الله الأيام تمر بسرعه

سلااااااامي للجميع​

وين عبير

شفيني قمت احاجي روحي

فديت الي يسألووون عني
أنا موجودة بس الأيرور ذبحناااا
مدام تعدل المنتدى
إن شاء الله بتشوفوني مسنترة عندكم


بنااااااااات الي يكلم غااااااب يسلملي عليها كثير
غيبتها طالت
وحشتناااااا ​

 

[just-me]

السلام عليكم بنات

شخباركم ... تدرون ماقمت أقيس وزني

خلاص أحس أبي اوله على الريجيم و الميزان

بنفس الوقت مو مبدعه بالاكل الحمدلله بس بديت أحسن ان جسمي

محتاج شد عشان جذي سويت تجمع الرياضة على الله التزم و اطبق

بس من السنة الياية اذا الله عطانا عمر

شخباركم ..؟؟

 

[ام فجور 2008]

جمعه مباركة ياحلوين شلونكم
منو راحت المعرض
عنيد جنه قاطة كلش

 

[بطة رشيقة]

السلام عليكم شلونكم بنات جمعه مباركه على الكل وربى يوفقنا كلناااا ..

جسووت اى ان شالله كلنا نشد جسمنا ويارب نوصل للى نبيه بس هم لا تهدين الميزان اخاف تنصدمين اوزنى كل اسبوع وربى يوفقج يالغاليه ..

عبوره يا هلا وغلا حبيبتى ماقصرتى اى والله مشالله العيال كبرت على قولتهم يحليله قبل شوى كنت اشيله واحط فيه والحين اسم الله عليه ريال بعد سنه يرووح الروضه ربى يحفطه ويبلغنى فيه يارب ... انتى شخبارج بشرينا عنج وصج صج اللاق ذبحنا ... وقاب والله بينى وبينها مسجات وراح اوصل السلام لها ... :hjy5jewf:

ام فجوووره يا هلا والله شلوونج عسااااج بخير شلون رجيم طالب ...؟ بشرى ... ان شالله اوكيك

انا امس الحمدلله بخير وكل شى تمام بس تبوون الصج قاعده واتشهى ابيه وصلت مرحله اذا غمضت عينى شفت شى احبه !!! براونى والا جونى كرينوووز والا جليز والا باسكن روبنز اسم الله على الرحمن الرحيم !!!! :s141:

المهم تونى قبل شوى تريقت توست وجبن وعصير والغدا ما ادرى بالرجيم موجود تبوله و4 حبات ورق عني انا بالله من وين ايب الورق عنب ولا 4 حيات بعد بششووووووف يمكن اغير فيه واشوووف .. :eshrab:

باللليل ودى اروح السووووق ودى اخذ لى جم ققطعه اخاف البرد يطب فجاه وانا ما عندى ولا قطعه سنعه ...

ربى يكون بالعون

منمن وينج غاطه

وعنيد كللللش مالها بينه ... :080402ask_prv:

 

[بطة رشيقة]

!!!!!!!!!!!!

بناااااات وينكم ........؟

شفيكم ...

عسى ماشر ...؟

عسى مو عافسين الدنيااااااااااااااااااااااااااااااااااااااااااا

!!!!!!!!!!!!!!!!!!!!!!!!!!!!!!!!!!!!!!

 

[زيـنـه]

انا اليوم كله كنت فري على الاخر !
بالاحرى فري من عشا امس .. و طول اليوم

ان شاء الله من باجر اموري تصير مضبوطه و لا اخرب تعب الايام اللي طافت .