~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[زيـنـه]

اهلين ..

من من .. اللهم امين اوصل ال70 .. وي جان اتوقع اصير مانيكان !
و ماكو مشكله على ميزان الثلاثا .. يعني باجر
و انتي هم شدي الحيل .. و ردي من من اللي اول .

انوج .. هلا و غلا .. كيفووووو ؟
يالله شدي الحيل .. خلينا ندش السبعونات .. و نلحق الضلع الهندسي الثالث اللي اسم الله عليها شفطت عنا ..

بطبط .. لا تضيقين خلقج .. كل شي بالدنيا مقسوم لج و مكتوب .. و ادعي ربج يطلعج من بيت الحموله لي بيت العمر مو شقه بس .. بس انتي هونيها و خليها على رب العالمين ..و لا تتضايقين .. و الله كريم ان شاء الله .

 

[زيـنـه]

خذيت سناكي .. قهوه فرنسيه معاها كاكاو وسط .. و الحمدلله على النعمه.

 

[بطة رشيقة]

مشكوورين مشكووورين حبيباتى ما قصرتوا واول شى .. انا اعتذر من كل قلبى لج جسووووت اسفه حبيبتى والله اسفه مو قصدى انى اضيق خلقج وادرى ان سؤالج كان يتكلم عن الانجازات اللى فى هالسنه بس انا مقهوووره وقللبى فيه حسره .. استغفر الله مو بيدى والسالفه مالت الشقه كانت يوم الخميس يعنى يديده عرفتى وانا حاولت بكل الطرق انه يوافق وماصار استغفر الله وراحت على الشقه .. اهو للاسف مو عارف ولا حاس باللى فينى .. وما اقوول الا رربى يعوضنى ويعطينى على قد نيتى .. والله يا حبيبتى مو انتى السبب ولا يضيق خلقج ولا تتكدرين واسفه مره ثانيه انى سببت لج ضيقه خلق وقلق بس جد انا من داخلى متضايقه وزعلانه واكمل لكم امس رحت الجمعيه قلت بغير جو شوى جان ادعم صبه ما ادرى شنو اسمها وينكسر تاير سيارتى ويوم يا زفنى زف .. مادرى شفيه متعسر وانا متعسره اكثر منه .. سبحان الله ربى يفرجها على .. واكيد اكيد الايام اليايه بتكون احلى وربى كريم وسامحونى بنات حبيباتى انى ضيقت خلقكم وانتوا مثل خواتى والله العظيم ولو ما اعزكم جان ما قلت اللى بخاطرى لكم .. ادعوا لى ان ربى يشرح صدرى ويصبرنى ويكون وعدخ لى صج ومايكون قاعد يلعب على ...

وجسوت انتى حبيبتى واختى الكبيره واكيد فى انجازات صار لى الحمدلله نزل وزنى والحمدلله فى ناس مثلكم يحبونى وفى وايد اشياء بس لما اطلع من هالمود السئ اقول لكم كل شى حلو ..

وما شفتوا مشاركتى ..؟ فى المسابقه ..؟ ​

 

[بطة رشيقة]

http://q8yat.net/showthread.php?p=14681129#post14681129

 

[زيـنـه]

بطبط .. اي هونيها و تهون .. و خطاج السو على الدعمه في السياره و لا فيج .. و كلهم يتعسرون لا صار شي بالسياره مالهم خلق التصليح و الروحه و الرده .. انتي هونيها و ربج كريم
و مشاركتج ما رضت تفتح معاي .. بس اكيد بحاول اشوفها

 

[زيـنـه]

بطبط .. و اخيرا فتحت معاي .. وموفقه دوم لين توصلين النتيجه اللي تبينها .. و ان شاء الله ما تردين عكسي لسابق عهدج .. اللهم امين

 

[mn.mn]

زيون ان شاء الله برد منمن الأولية لا تحاتين خلاص من اليوم ماكو تخربط ويك اند وتزريق عالفاضي والمليان

بطبط شفتها ورديت عليج هناك موفقة يا قلبي وان شاء الله مكملين المشوار

 

[زيـنـه]

من من .. انشاء الله ربي يثبتج .

صج بنات ودي نرد الديوانيه لعهدها القديم .. ايام التنافس الشريف و الميزان الاسبوعي .. ورشيقة الاسبوع .. الخ من هالسوالف .
و ربي ان شاء الله ما يضيع تعبنا و يعطينا على نيتنا ان شاء الله .

 

[mn.mn]

هالرجيمات بديت فيهم المشوار ونزلت عليهم اول 10 كيلوات ببدي فيهم مرة ثانية

يتراوالي راح اتذكر شلون كنت ملتزمة فيهم وما راح يهون علي واخربط


http://www.q8yat.net/showthread.php?t=145671&highlight=%D1%CC%ED%E3+%C7%E1%E3%D8%E6%DA

 

[زيـنـه]

من من ..بالتوفيق ان شاء الله ... و ان شاء الله تنزلي عليهم 10 كيلو مثل اول .. توصلين الستينات

 

[mn.mn]

وااااااااااااااي الستينات وناسة ساعتها برقص رقص

بطبط اشرايج تبدين فيهم معاي ؟

بس انا قبل سويت كل واحد اسبوعين الحين بسوي كل واحد اسبوع عشان يمديني

اخلصهم قبل عطلة الربيع لو انزل عليهم 5 كيلوات حلو

 

[زيـنـه]

من من .. كل نزول حلو لو كيلوين او 3 .. و ان شاء الله تنزلين على الخطه اللي راسمتها حق نفسج .
بطبط .. شاركي من من على الاقل في منافسه بنفس الريجيم

 

[mn.mn]

اي والله زيون كل نزول حلووووووووووو

خطتي ان شاء الله اوصل 75 على عطلة الربيع وشهر 2 بخليه تثبيت لظروف العطل والطلعات والكشتات

وان شاء الله شهر 3 بكمل المشوار لان يكون موعدي عند العبد قرب

بطبط اي والله سويه معاي اخذيه وايد ترى حلو بس يمكن اول اسبوع الريوق مو شي خلينا نشجع بعض

اذا تبين نبدي فيه من الاحد عشان تكون البداية مضبوطة من بداية الاسبوع ويكون بالضبط باجي 5 اسابيع

على عطلة الربيع واهم 5 رجيمات ماراح نمل منهم والاسبوع الثالث والرابع فيه يوووووووووم فري

انا والله كنت ابدع فيه والحمد الله كنت انزل لان يكون بعده يوم سوائل

 

[mn.mn]

مع السلامة اطل العصاري ولا بليل اقرا اللي طافني

 

[زيـنـه]

من من .. موفقه ان شاء الله .. و بلشي اليوم .. و الا باجر .. لا تقولين من الاحد .
انا وحد بلشت من نص الاسبوع من الثلاثا اللي فات .. و اليوم لي سابع و لله الحمد .

 

[زيـنـه]

من من ,, درب السلامه .

وينكم اليوم ؟

اليوم وين عنيد ؟

 

[teenaa]

بااااااااااااك رجعت من يديد


وقيت كل الي طافني


انا اليوم بعد التزام والتزام


نستانس ان يوم عطله بس نخوره اكل لووووووووول

المهم ان خلاص انا عاهدت نفسي ان ارد مثل اول

 

[زيـنـه]

تينا .. عفيه عليج .. بلشي من اليوم .. و ان شاء الله تلتزمين و تحققين اهدافج



خذيت سناك 2 .. لوز بروحه .

غداي بيكون 5 قفاش عيش مشخول.. مع سلطه .. و دياي مع خضار بالفرن .

ان شاء الله اطل عليكم بالليل .. وتكونون كلكم ملتزمين

 

[teenaa]

عوااااااااااافي زيوووووووووووون
انا انشالله برد البيت واسويلي شوربه خضار

 

[ضعيفه وعصله]

بنات بستشيركم
صارلي 3 ايام اخربط
ومن اللحين وقفت و موعدي عند الدكتور عقب باجر اخاف اكون زايده ؟
اروحله واعترف
والا اخليه ؟