~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[غــلاهــا]

انج لا ان شالله نازله

 

[eng.q8]

طلعت زايده نص كيلووو

بس قالي ما عليه...يعني اليوم فريي ..بس بعد الخربطه احس ماودي اكل شي

 

[just-me]

ميخالف أنوجه لا يضيق خلقج it is never too late يمدي باذن الله

انا تريقت شريحه توسته مع لبنه لايت مع نسكافيه

سناك 1 تفاحة خضرا

غداي كان شيش طاووق مع فتوش

توني كليت برتقاله

اتوقع على المغرب بشرب نسكافيه مع كاكاو وسط غالبا كتكتات

و عشاي باذن الله سلطة يونانية امريكانا الله يستر و فعلا يعدي هاليوم

على خير ....

وينكم ..؟؟؟

 

[ام فجور 2008]

السلااااااااااااااااااااااااام

شلونكم

انا للحيني مع طالب بس الصراحة موملتزمة 100%100 بس الحمدلله وزني نازل
وعقبال ما اشوف السبعينات

 

[بطة رشيقة]

قوه بنات شلونكم انا رديت من رحله رفيجاتى وكانت تمام وحلوه وبدون خرابيط عظيمه باجر ان شالله بكون اقوى واحسن .. انتوا شخباركم

زيون حبيبتى ربى يتمم عليج التزامج ..

انوج موفقه بالدوام وربى يكون بعوووونج وماعليه على النص الزايد ينزل ان شالله انا وياج والينات وكلنا يارب ولهانه عليج اذا عندج فجه خل نشووووفج سيرى علينا ... سير علينا يا هوا سير علينا

غلاها حياج الله حبيبتى ويانا وان شالله تنولين بصحه وعافيه ..

منمن وين رحتى ..؟

ام فجوره حبيبتى الله يوفقج ...والتزمى حبيبتى التزمى ..

جسووت حبيبتى هلافيج شخبارج .. وحسافه عليج يالله شدى الحيل الحمدلله كلنا الحماس مبين على ويوهنا وربى لا يطفيه ان شالله .. ومن باجر نقول شد الحيل وهذا الميدان يا بطات يا متااان ..

جسوووت سؤالج عور قلبى مال الانجازات وانا بقولج كل اللى بخاطرى .. وترى مو قصدى انى اضيق خلقكم ولا قصدى انى اكون سلبيه بس ما ادرى من وين ابدى بس شقول للاسف انا هالسنين اللى طافت على خلتنى شوى اصير سلبيه او ظروووفى ضدى ما ادرى منو الصح ما ادرى منو الغلط بس ما ادرى قبل مده لقيتى شقه جريبه من بيت امى ويم اختى مت قلبى طار عليها ينيت كل شى سويت بس الله يسامحه مارضى لما راحت الشقه وتاجرت ادرى انها مو نصيبى بس هم الواحد تعب من كثر النطره ومن كثر الوعوود اللى مالها اساس من الصحه ..
قاعده اكتب لكم وانا ابجى الحين والله مو انى محتره من احد ولا انى متحسفه عشان خذوووها بس للاسف كانت ما تتعوض بس حسافه ماكو احد فاهمنى وماكو احد حاس باللى انا حاااااسه فيه اهو مو عارف شكثر كانت هالشقه مهمه بالنسبه لى وضيعها على .. جذى يعنى عمرى كله راح اعيش هنى وما راح اطلع من هنى عمرى بكون انا نفس ما انا الناس تروح وتتطور وتتحرك وانا بمكانى واتنازل عشان هذا وعشان هذاك الحمدلله على كل حال انا دعيت ربى من كل كل كل قلبى بس سبحان الله ما ادرى شنو اللى صار .. استغفر الله واتوب اليه سامحوونى بنات انا دوختكم بسالفتى بس مو قادره استكت من مساع وانا ابجى احس انى قاعده ارجع لى ورا وغيرى يروووح جدام ... استغفر الله اعوذ بالله من الشيطان ..

 

[زيـنـه]

مسا الخير

شلونكم ؟

يومي اوكي .. اعتبر غداي كان فري .. ليش لان كان زواره .. و تغديت فتوش و قطع دياي مثل الطاووق .. و معاهم حبو وحده كبة عربانه ما ادري تعرفونها و الا لا ؟ .. و جم حبة سمبوسه .. و تمر
تالي على الجاي .. شربت جاي اخضر .. و حبة معمول و حبة غريبه نتف .

فقلت ماكو كاكاو السناك .

و عشاي اناناس قطع فريش .. و روب اكتيفيا .

اهم شي المصري اللي يبيع بمحل العصير شافني و انا رابع يوم اخذ منه اناناس قطع .. جان يقول لي عفوا حضرتك عامله ريجيم !!
بصراحه قلت له ايه و عشاي اناناس .. قال ايوا هم اللي يعملوا ريجيم دايما بياخدوا كده .. قلتله اشوا يعني في ناس غيري ياخذون .. قال ايوا كتير .. و بعضهم ياخدوا عصير اناناس و كيوي .. ده بيحرء .. يعني يحرق السعرات .

و اعتبر يومي كان اوكي .. اتمنى لي الاسبوع الياي اوصل ال 82 .

و الميزان الثلاثاء على وعد من من .

شخباركم ؟

 

[بطة رشيقة]

صباح الخير ..

وينكم بنات ..؟

انا اليوم الحمدلله احسن وبديت بدايه طيبه من جميع النواحى

وهذه مشاركتى بالمسااااابقه ..

http://q8yat.net/showthread.php?p=14681129#post14681129​

 

[teenaa]

صباااااااااااااح الخيييييييييير
شلوووووووووووووووووونكم


شخباااااااااركم
وينكم غاطين اليوم انا امس ما التزمت يعني يومين خرابيط

لان النفسيه مش ولا بد

المهم انشالله التزام من اليوم

بشروا شلون التزامكم اليوم؟؟؟

 

[just-me]

صباح الخير

أمس مانمت بسبتج بطه لو انتي يمي ألحين جان قرصتج :eh_s(6):

وااااااي أمس أقرى كلامج وألوم نفسي و ابي أشبك و أكتب لج و اوضح لج معنى السؤال

و الزفت المنتدى يطلع error تدرين تميت أحاول ليمن 2:30 و لمت نفسي شلون

كتبت السؤال وخليتج تتكدرين ...والله و الله و الله انا الهدف من سؤالي انج ماضعفتي و لا كيلو ب2009؟

كتبي جم و احد ... مارحتي العمرة قولي ان شاء الله اروح هالسنة ماياتج ترقية بالدوام

ما عالجتي ضروسج وجذي ....!!!

والله أمس سبيت روحي قلت نكدت على المرة و بجيتها سكتي أصلا سكرت جهازي 2ونص

بس تميت اتقلب على شوك لايمه روحي مانمت الا جريب الفجر

يابطه ياحبيبتي ... خليها على ربج يعني تخيلي تحنين على ريلج تروحون مطعم او حتي سينما

واهو مايبي بينكد عليج عيشتج أو أقل شي بيبوز فما بالك بشقة شبيسوي؟؟؟

لكن تخيلي اهوه منه ومن نفسه يقول لج خل نطلع و حصلت شقه بالله أيهو أحسن

خلاص بطه شيلي هالسالفة من مخج و تهني بحياتج لا تنكدين على عمرج و على ريلج

والله و انتي تدرين اكثر وحده حاسه فيج و كل البنات انتي عارفه قصة حياة كل وحده فينا

يالله بس خلاص سامحتج و كتبت اللي في بالي :eh_s(6): ...

 

[teenaa]

حبيبتي بطبووووووووووط
الله يعوضج بالي احسن منها انشالله

وكل شي خيره بهالدنيا
وما فرج الا بعد ضيج انشالله <<< اتوقع جذي المثل

لووول



وجسوت حبيبتي والله صج احس خوات وعسى الله يفرج كربت كل مسلم ويوسع علينا

 

[teenaa]

وناااااااااااسه الصفحه 1000 وانا اول رد ايوااااااااااااااااااااا
عاشوووووووووووووووووووو

لووووول اليوم فاصله لا تلوموني

 

[just-me]

هلا تينا صباح الخير ... ميخالف مع الدوام ان شاء الله تلتزمين

على فكره انا امس خرته على العشا -----> لحد يطق :tomato2:

 

[زيـنـه]

صباح الخير

شلونكم ؟

انا الحمدلله اوضاعي تمام التمام و راضيه عن نفسي و لله الحمد .

تريقت 2 توست اسمر مع جبن.. و خس خيار و جزر .. و شربت حليب معاه قهوه شوي .. و الحمدلله على النعمه .


و صج ونااااااااااااسه على الصفحه 1000 ..

شخباركم ؟

 

[just-me]

هلا زيون صباح الفل

أخبارنا بالصفحة اللي طافت طلي

 

[just-me]

أنا أخليكم شوي بس وين من من اليوم من غير شر

لي طله قريب ان شاء الله

سلام

 

[زيـنـه]

طليت .. و شكلكم مبدعين .. متى تبدون ان شاء الله ؟
مو ناوين تضعفون ؟

و الا ليش ما تسحبون روحكم وتروحون ديوانيه النحيفات .. على الاقل تعطونهم دروس ابلاش شلون يمتنون


ترى ساعات هالنوعيه السلبيه من الكلام لها تاثير ايجابي .

وبصراحه

انا اشكر عنيد على تجربتهاو دعمها بالصور .. من شفتها و انا حاسه ان الوحده فينا تقدر تضعف بس يبيلها تمسك الاراده شوي .

و هم اشكر الرابح الاكبر على اخر حلقه شفتها .

حسيت هالشيين وايد اثروا فيني و ردوا لي ارادتي و عزيمتي و اني اوصل هدفي اللي ابيه .. و عسى الله يقدرني و يفرحني بالنزول على صحه و عافيه .

 

[teenaa]

اي والللللللله زيون

شفتي الرابح الاكبر
مشالله المصري بددددددددع ونااااااااسه وايد وايد وايد نازل



امبي مو صج

يحليله الله يثبته


احتمال اروح حق طالب الشمري اليوم مو اكيد \

تعبت ابي احد يتابعني

 

[mn.mn]

صبااااااااااااااااااااااااح الخير

تأخرت اليوم كان عندنا اجتماع أولياء الأمور وما خلصنا من حنتهم الا وحصتي بادية

انا ان شاء الله اليوم برد امسك روحي اي والله لي متى ؟؟؟؟؟؟؟؟؟؟؟؟؟؟

والوعد من باجر كل ثلاثا يوم الميزان اتوقع هالشي يمكن يفيد معانا شوي

 

[mn.mn]

بطبط ما عليه ربي يعوضج بشقة أحسن منها لا تضيقين خلقج حبيبتي

زيون ربي يتمم لج هالإرادة والعزيمة لين توصلين 70

تينا زين تسوين لا تخلين روحج كملي لين تثبتين وزنج

حاليا قاعدة اشرب جاي اعشاب وقبل شوي خذيت سناكي حفنة مكسرات

 

[eng.q8]

صباح الفل

انا ميزاني ان شالله الاثنين مع الدكتور .....يلا بنات معاكم والله يتممم يارب

بطه...ادري انه اللي قلتيه فشه خلق ..بس هم ربج كريم وعسى ربي بهالسنه يرزقج باللي تبييييييين واكثر ان شالله