~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[بطة رشيقة]

اى صاجه جسوت الواحد لى صار الشى على صحه الف الحمد والشكر لله بس لا تحاتين ان شالله ربى يوفقج وما تشوفين الا كل خير ..

ام فجووره حبيبتى اى والله نففقدج اثارى هذى المشكله خخ .. انا جذى الكمبيوتر الحجرى اللى بالبيت امس انفجر ما ادرى شنو صار فيه خخخخ فبجذذى لازم اشترى لاب توووووووب والمفروووووض ان قووووزوووو يشترى لى هديه ( والله ما اعتقد خخ )

اى صح اليوم ماكو سوعال

ممممم

شنو شنو شنو

خل افنكر وايكم اسعلكم

 

[just-me]

انا اقول لج بطه ... اشتري لج لاب توب جديد ونسي عمرج

اللاب توب صار من الضروريات مو من الكماليات حاله حال السيارة

و الموبايل ... انا اذا اشتهيت شي اقط نقزة وحده على قوزو ما احن

ما شراها انا من ثاني يوم رايحه شاريتها حق نفسي ولا اخلي شي بخاطري

وعلى قولتهم ( كلو يدلع نفسو )

 

[بطة رشيقة]

على قووولتج ... كلوووا يدلع روحوووو وماله شغل بريلووووا

 

[just-me]

نصيحه بطه اخذي HP كد و مد حشا هوندا مو لاب توب :dddds:

شوفي عن تجربة لا ال Vio ولا ال Toshipa نفس ال Hp

اخوي يحب ال Apple بس انا ما احسه يصلح لنا ولايكون اكبر من

14 انش ولا اصغر يختج الشوف مع الكبر يقل ...واذا عندج احد بيي الكويت

من امريكا بالكريسماس خل يشترونه لج من هناك انا جهازي يابت لي اياه اختي

حصلته عند الغانم عقب 4 شهور اغلى ب 200 دينار حرام عليهم

 

[mn.mn]

هلوووووووووووو من بعد الاجتماع والحصة

جسوت هلا والله ياقلبي الف لاباس عليج وان شاء الله اليوم تكونين احسن وعالبرررررررررررررررررركة شوفة الستون ويارب

تشوفينها دوم وما نرد ابد قري وانا الله يسلمج فرقت حول ال 16 كيلو عن الصورة اللي حطيتها شفيج انا كنت فيل صغيرون اول

ما بديت الرجيم كنت 96 وخردة ربي يتمم علينا الصحة والعافية والفال الشتا الياي اكون واصلة 65 ميخالف راضية بطول المدة المهم اوصل

بطبط بعد عمري لا ان شاء الله راح توصلين بس ابدي بالمطوع والتززززززززززززززمي فيه حرفيا والله راح تنزلين

وعلى اللاب توب اخذيلج واحد على الاقل تطقطقين معانا العصاري لي كنتي قاعدة بالبيت

بشرب الحين قهوة وهذا السناك الاول وبعد شوي بروح آخذ الياهال واقطهم البيت

 

[mn.mn]

صح انا لابتوبي hp خذيته السنة اللي فاتت من الغانم ب 320

 

[just-me]

من من تبارك الرحمن استمري و تذكري ان القصر بس اهو اللي ظالمج و الله يتمم

عليج و علينا الثبات و الصحة يارب .... ما شااء الله استمري

وتذكرو قليل دائم خير من كثير منقطع و احنا الحمدلله مع التخربط ماخلينا شي بخاطرنا

و احنا لا ممثلات و لا مغنيات و مع هذا شحلونا تبارك الرحمن

 

[just-me]

دشوا و شوفو فرق الاسعار


http://www.bestbuy.com/site/olstemplatemapper.jsp?id=pcat17080&type=page&qp=crootcategoryid%23%23-1%23%23-1~~q70726f63657373696e6774696d653a3e313930302d30312d3031~~cabcat0500000%23%230%23%2311a~~nf895%7C%7C57696e646f77732037&list=y&nrp=15&sc=abComputerSP&sp=%2Bbrand+skuid&usc=abcat0500000

 

[mn.mn]

اي والله جسوت انا راضية بالنزول البطيء نعمة والله لا نقدر نصك حلوجنا ونحبس عمرنا علطول بالبيت

وانا اصلا من النوع اللي احب الطلعة وروحة المطاعم في ناس ما شاء الله طبعهم يساعد على الرجيم ما يحبون المطاعم كلش

بس للاسف كل اللي جذي يكونون ضعااااف مو بعازة الرجيم بس المتان مستحيل تلقين فيهم واحد ما يحب أكل المطاعم

 

[just-me]

من من احنا تربيتنا غلط و نفس الشي قاعدين نربي عيالنا هذي حياتنا

عندنا اللمة اكل الطلعة اكل ضايق خلقي اكل زوارة اكل استقبال اكل

رحنا مول افنيوز و غيره اكل ... اوكي خل ناكل مو مشكلة بس ليش

بلعه و احسن شي و لازم الاكل محيوف و ترس الطاولة علبو السنع ولازم راهي

شوفي برنامج طبخ اجنبي او فلم قاعدين يطبخون فيه كله فوح و بربسه و الكمية نتفة

واحنا نفرقع بصلة و دهن و تقلي وبهارات و لوية ... طبعا انا ما اتكلم عن الاجانب المتان

لان سمنتهم مفترية من الفاست فود و الكيك و البرد ... احنا سمنتنا مقالي و عيوش وصمامين

و ماله علاقة بالجو ... جوهم ولا اروع و كاهم شمتنهم ... احنا الغلط اللي فينا تربيتنا على البلعة

 

[just-me]

حتى بالسفر ... ندور احسن المطاعم .. ما ندور احسن الفواكه الفريش

اللي تقطر ماي و ما عليها مواد حافظة ..واي و لا بامريكا ارجع منها جني كبت

عنده ايدين و ريول ... ليش جذي ؟؟ امشي بهالجو الحلو و تنقي الاكل الصحي

بس شاطره بالفاست فود و مطاعمهم مو بس البيبسي Free refill حتى البطاط

و اكو مطاعم تدفعين سعر شخص واحد و كيفج اكلي عن 10 اشخاص ليمن تطفحين ويدقون

على 911 يشيلونج من البلعه ... عين ضيجة !!

 

[عنيّد]

جسوت ،، بس لا تنكرين ان اذا حطيتي قنجة المجبوس ويمها الاجار ، وصحن بربسة اجنبيه ، ووقفتي على بعد كيلو
بتشمين ريحة المجبوس وقلبج يقرقععععععععععععع :dddds:


ماكووووووووووو على اكلنا واللللللله

 

[بطة رشيقة]

هلا هلا انا باك الحين بروح اصلى وارد لكم .. واقولكم شى بخاطرى قبل لا اروح صج صج صج ان احنا هذه مشكلتنا نجب البلعه امى علمتنا على الاكل وان الواحد لازم يكون بلعووتى .. وهم ريلى متين ويحب الكاكاو والكيك وعلى قولتج نطلع يعنى لازم ناكل وهالشى الى وصلنا نكون فيله صغار والله ستر ما صرنا فيله كباااار ...

الله يعينا وعلى قولتج جسوت ومنمن .. الحمدلله احنا اللى وصلنا له انجاز كبير وربى يتمم علينا وان شالله رربى ما يردنا لوزنا اللى فات ولالالا نشووفه ابد ...وربى لا يفرقنا والله يمعتنا ولمتنا عطتنا داافع كبير ..

الله لا يحرمنى منكم ويخليكم لى ان شالله يا احلى خوات بالدنيا ..

والحمدلله هذا الشى حلو تشجعنا ونزلنا وتغيرنا واحسن من قبل الف مره وان شالله حتى لو نطول المده المهم ان بالنهايه نوصل للوزن اللى نبيه .. ولا نخرب اللى وصلنا له ان شالله ..


مره نمسسك ومره نرخى والنفسيه والااراده اهم شى ..

وينج يا زيون تسمعين هالخطبه العصماء بالتفاؤل والامل والرضا عن النفس .. ويالله برب صلاه ..

 

[just-me]

بطه بعد قلبي و الله وانتي صاجه انا اشهد اني حبيتكم وتعلقت فيكم و صرتو جزء من حياتي

ولا قمت احب اطلع زود و لازقه بالاب توب انطر اي و حده فينا تطل

عسى الله يديم المحبة و لا يغير علينا الا لللآفضل يارب

 

[just-me]

عنيد ضحكتيني على المجبوس ما شفتي لا تزوج كويتي امريكيه و يابها الكويت

شيصير فيها؟؟ تقولين اونية عيش تمشي على هالطول و الضخامة

 

[mn.mn]

هلووووووووووو على السريع قبل ما أطلع من الدوام

ردا على سوالف المحبة والغرام >>> أكيد انا أحبك أكيد لا تروح افكارك بعيد >>> شعنده رويشد اليوم ؟

الله يديم علينا هاليمعة ولا يفرقنا برجيم وبدون رجيم صج صج انا ما اقدر ما أطل يوميا بالمنتدى

الحين بطلع اشوفكم على خير بليل او العصر اذا قدرت أطل

غداي 5 قفاش مربين وتبولة والعصر سناكي قهوة وككاو وسط

 

[just-me]

موفقه من من بعد قلبي الله معاج

طلي عاد العصر ناطرتج

عوافي الغدا ... انا ما ادري شراح اتغدى

 

[عنيّد]

جسوت ،، اييييييييه يختي ماتنلامشي :tomato2:

منمن ،، جنج انتي بعد صارلج دهر على رجيمات المطوع وللحين قفاشج 5 ماتغيروا ! :dddds:



أنا غداي 2 توست + 1 همبرجر + جم ورقه خضره ينقال لها خسسسس

 

[just-me]

مشتهيه اكل صحي و لذيذ شي يدفي البطن و يرد الروح مو يقعد ع الجبد

 

[mn.mn]

عصر الخير الحمد الله تغديت وحليت وقلت اطل عشان بعد شوي بروح اودي ولدي المعهد

عنيد اي والله انا صار لي دهر على رجيم المطوع بس اقطع فترااااااااااااااات وأرد ما اقدر على رجيمات غيره

خلاص تعودت على نظامه وبعدين ال5 قفاش ما اقدر اغيرهم بعد اقل من 5 عذاااااااااب

جسوت كاني ييت وينج تبين ازهب لج مطارة جاي وحب واشوي لج جم حبة كستنة ونروح نقعد بالليوان ألااااااااااااااااااااه جان زين يصير

الحين الله يصبرني اكيد بموت من اليوع لين إيي وقت العشا والمشكلة العشا كللللللللللللش ما يشبع

المفروض عشاي روب وخيار وشرايح اناناس اذا تميت مشتهية الكستنة يمكن اسوي لي 4 او5 حبات الوحدة فيها 40 كالوري ويكون هذا عشاي