~¤ô¦ô¤~ دوانية رشيقات المستقبل ~¤ô¦ô¤~الجزء الثاني

[just-me]

صباح الخير




كاني ييت عشانكم رديت

و باذن الله اليوم نويت

ارد لصوابي و من اليوم بديت

ريجيم وتخفيف من اليوم سويت



خلاص بلا شعارات

و بسي من هالعبارات

خلاص وزني قلب العدادات

واليوم وصلت 73 و800 من الجرامات



باذن الله من اليوم انا جسوت الأولية

قولوا ان شاء الله ما تطلع حجوتي خرطية

واصير مثل قبل ام ارادة قوية .....وسلامتكم

 

[mn.mn]

هلا والله هلا تو ما نورت الدوانية وين البخور أهوووو نبخر جسوت

لا لا خلاص من اليوم ابدي وان شاء الله راح تردين احسن من قبل

والله يا بنات خلونا نلتزم التزام تام طول الاسبوع عشان نقدر بالويك اند نزرق ترى هالحركة فيها نص كيلو واكثر والله نعمة

احسن من ما ماميش عدل كلامي ولا لأ ؟

 

[just-me]

للاسف مارحت موعدي عند المطوع امس و اهمه بعد ما اتصلو و الصراحة حسيت

ماله سالفه روحتي باسمع لي كلمتين تدقر على تحبط على شكو رازه و يهج لان كان

المفروض وزني قبل نهاية 2009 (69) و طبعا كشت و نسفت الوعد والعهد و الشهد--->شكو

و كليت كل اللي بخاطري و اللي مو بخاطري

من من ماشاء الله استمري عسى ربي يتمم عليج

بطه انا احس انج بديتي تعرفين متى تاكلين و متى تسوين ستوب ماشاء الله استمري

سمسمية ياحلو ديوانيتنا هالسنة صج وجودج معطيها حلات غير نمونه بس لازم نعرف

الطول و الوزن من باب العلم بالشيء و الفضول و بلاغة الشف ههههههه

عموما الكل منخش بنيك نيم يعني لاتحاتين احنا هني من 70 ليمن 100 وشي

اكيد انتي بهالرينج

بنات

ودي اقول لكم شي بس أخاف تقولون من صجج تتحلمين !!!


ودي هالسنة اذا الله سهل و كتب و قدرني تكون سنة العصاله

اتوقع اذا وصل وزني 65 و نازل بصير عصله ودي ودي ودي اسمع هالتعليق

والوحده اذا في بالها شي تعرف توصل له و اتوقع It is never too late

بس لو ترد لي ارادتي .... قولوا يالله

 

[just-me]

عدل كلامج من من بعد قلبي و طيب الله فالج على هالبخور السنع امممممم يهبل

بنات ....ادري مللتكم بس انا ما ادري شفيني اتعب و اصك حلجي و هاتك يا شعارات و نوايا و حالتي حاله

تالي انتقم من نفسي بجنون... ليش الرهش و البقصم و لسان الثور يصير سناكي

ليش الغدا رجع قنجة عيش نفس اول ....؟؟؟؟ صج هالاسبوعين انا مستخفه بالاكل

أمس ولدي يقولي يما ترا انتي متنانه ... فشله ما ادري شنو شاف اللي علق

لاني كنت لابسة تريننغ سوت و انا ادري ان مؤشر ارتفاع الوزن عندي --->حشا بورصة

اهوه فخوذي اهمه اول و اكبر و ابرز مؤشر لسمنتي الشحم يروح لهم سيدا دال دربه

بس خل يعدون هاليومين وباذن الله ابلغكم شصار معاي يارب---->صج متحبطه

 

[بطة رشيقة]

يا هلا وغلا ... يا هلا اسفرت وانورت واستهلت وامطرت ..

عاش من شاااافج جسوووته الغاليه ويا هلا ومرحبا ..

شلون عساج بخير ... صج فقدانج هاليومين .. عسى ما شر ليش جذى مخربطه ... ما ابى اضيق خلقج بس والله حرام نرد اللى نزلنااااه وعلى قولتج ما يندرى وليدج شنو شاف اللى قال هالحجوه بس يا معوده خل اهو يقول بس ابوه لا يقوووووول حده تحبط .. انا ذاك اليوم الله يسامحه قال كلمه ضيقت خلقى .. اهيا تفشل بس بقولها لكم يقول ان ال ( الشسمووونهم صاروا كبار ليش جذى شفيج اول مو جذى اكيد مقاااس ال ( السووتياااان) كبر قلت لا والله حشا هذا اهو يقول لالا شكلهم وايد !!!!!!! ما ادرى بالعماله بيحبطنى ما ادرى شكيت بروحى امشى واقايسهم بس لا والف لا مالى شغل فيه وباذن الله هالسنه سنه الرشااقه جسوت عاد مو العصاله خليج على الرشااااقه ..

وترى الشعارات والكلمات الرنااانه هم حلوه وتعطى حافز يعنى انتى ونستينى يوم قلتى ( قمتى تعرفين متى تخربطين ومتى توقفين مشكوره يا بعد شبدى ) انا ان شالله بستمر لى يوم الاثنين لانى ناويه اطلع اتمشى والود ودى اروح السينما واتعشى عشا فاخر .. ان شالله تضبط معاى ..

منمن حبيتبى وانتى بخير وصحه وسلامه يا بعد عمرى وعفيه عليج خوووش برنامج احنا ناوين على طلعه حلوه وربى يتمم علينا .. ​

 

[just-me]

بطه بعد قلبي والله ماقصرتي الله يجبر بخاطرج مثل ما جبرتي بخاطري

كل عام و الوالده بالف خير و الله يطول بعمرها و يخليكم لها ويخليها لكم يارب

يالنسبة للي شافه ولدي اكيد فخوذي انا ادري لانهم امتن شي فيني لا ولابسة تريننغ سوت مع الثقة

و بالنسبة لج ليش مقدمة ابن خلدون شفيها ؟؟ انا خابرة القوزو عندهم اعتقاد ان كل ماكبرت

و انتي ضعيفة عندهم احلي بس عاد مو ليمن تصير جنها

اوتي بالمصري :dddds: لا عاد اهني انتي تكرهين عمرج

بس صدقيني بطه لا ضعفتي يفشون انا لمن كنت متينة كانو داشين بحلجي و لمن

احط ريل على ريل فخوذي يوصلون ليمن حنجي شي خيال

الحين ابن خلدوني فشو بقو كشنات الديوانية على عدالهم خفو بس مو زود

عموما باذن الله دام احنا نشجع و نساند بعض لا يهمج شي المهم انتي لا وقفتي

جدام المنظره قولي الله ياحلوي .. يابختي أهبل

الحمدلله على الصحة و العافية يارب ديمها علينا و يارب لا تعيزنا لدكاترة و ابعد عنا

الامراض يااااااااااااااارب

بنات حافظكم الرحمن و باذن الله اقدر اطل جريب.... لاتخلون طلو

العصاري و بالويك اند ....

 

[بطة رشيقة]

حافظج الله جسوته وشكرا شكرا على النشجيع واصلا نص الرشاقه الثقه بالنفس احنا المفروووض نزرع الثقه فى نفووسنا بالتالى سوف نستطيع تحققيق النتايج .. وربى يعنا ويوفقنا وعلى مقدمه ابن خلدووووون وان شالله نتخلص من الكشنات والمساند ومن كل المطارح ونصير صاله خاليه من الاغراااض خححخخخخخخ ربى يعطينا على قد نيتنا ..

وانتى بخير وصحه وسلامه وربى يكون بالعون

حاليا قاعده اشرب جاى اخضر ..

 

[teenaa]

لووووووووووووول شخباااااااااااااااري جسوووووووووووووووووووت
شنو هالشعر شنو هالحركات


اليوم وزني 71.1
يعني الحمدلله ما بقا شي

وموعدي عند طالب يوم السبت انشالله ما اخربط بالويك اند

 

[mn.mn]

جسوت بعد عمري يارب اقدر اكمل على هالحال والله راااااااااضية نص كيلو بالاسبوع

وانتي بعد ردي ابدي عالخفيف لاتخلين السالفة يا طخو يا كسر مخه

بطبط مت من الضحك على سالفة قوزو وما عليج كل ما تضعفين يفشون

تينا هلا والله وموفقة وان شاء الله ما يصير الا اللي ببالج

انا اليوم بليل زوارة اهلي وراح تكون السالفة فيها تزرق وباجر وعقبه مادري شنو الظروف الله يستر

بس هم ماراح اتضايق لان ادري من الاحد برد التزم وحبه حبه لين نوصل عرفت حق نفسي ما اقدر على اللوعة والحرمان << حلفي بس

 

[ام فجور 2008]

صباح الخير
واخير شبك النت
اليوم قايست وزني 84.5
وامس ابلليل خربتها لان زوجي قال يبي جيز كيك وانا قلت له خلها الاحد وحسيت انه زعل بالليل استوعبت انه زعل جان امر اشتري كيك وقعدنا ناكل _03BA: فالحة اوي _03BA:

وامس كان :ريوقي نسكافيه
الضحى اعشاب مع كاكاو
الغدا بيرجر مع شرايح طما وخيار
والمغرب خربتها واكلت فليك صغير مع فجورة ونسكافيه
والعشا خربتها اكلت بيضة مسلوقة يعني تقيمي حق نفسي خمسة من عشرة :0bee2e8d89:

 

[mn.mn]

هلا ام فجور عليج بالعافية بس اليوم ستوب وردي كملي عشان تنزلين

 

[ام فجور 2008]

من من اليوم شكلي بطلب لي ووبر من غير ما يونيز

 

[mn.mn]

من ضمن الرجيم ولا لأ ؟

ويفضل تشيلين قطعة من الصمون

 

[eng.q8]

صباح الخييييييير


بطه..الحمدالله ..وعلى وكارز ربج كريم ان شالله حل نخلص من شي عشان نبدي في شي
انا كنت ناويه وبس الحين خلاااااااااص وقفت التفكير ووقفت كل شي ,,,صايره سالفه عووووووده وجدامي خيارين ..والله يجدم اللي فيه الخير ويهدي ريلي

انا اليوم جنه جنه شفت السبعوناااااااااااات بس قلت ما راح اعتمدها الا على ميزان الدكتور الاحد ان شالله

جسوووووت ولكم باااااااك ويلا كملي المسيره معانااا ولا تخربطين بسج

ام فجوره عواااااااااافي الجيز كيك/

منمن وزيون وينكم
عنيد المجرمه ...طلعي

 

[ام فجور 2008]

هو قالي اكلي صمونة من غير ما يونيز

ام فجوره عواااااااااافي الجيز كيك/

يعافيج _03ba: فالحه انا وايد اصلح حق رجيم

,,,صايره سالفه عووووووده وجدامي

ياكثر ما تصير سوالف :0bee2e8d89:

 

[eng.q8]

تينااااا.....يلا هاااااااااانت وان شالله من ترتاحين من ال...يبين الوزن ان شالله

ام فجوووووور ...صح يفضل ..بس دامج يوعانه بالعافيه

 

[ام فجور 2008]

بنات يوم الاحد او السبت بخليه فري باي مطعم تنصحوني ودي اعزم زوجي احس كسرت فيه من سالفه الكيك كسر خاطري

 

[eng.q8]

ام فجوره وانتي صاااجه ...ياكثر هالسوالف
بس تدرين انا مليت يا تتعدل هالسوالف يا بلاهااا من الاساس...احس جد تغيرت

انا بخاطري هاليومييين فيلا فيرووووووووووووووووووووووووز شرايج؟

 

[mn.mn]

هلا والله انوج بعد عمري ربي يكتب لج الخير وين ما كان ويهدي بالكم ويبعد عنكم كل شر آمين

وان شاء الله شوفة السبعونات تتأكد وما تشوفين ال80 أبد

أخ إي والله يبيله فيلا فيروووووووووووووووز

 

[ام فجور 2008]

انا فيلا فيروز ولا مرة رحت له هههههههههههههههههه والله