~¤ô¦ô¤~ دوانية رشيقات المستقبل ~¤ô¦ô¤~الجزء الثاني

[ام فجور 2008]

السلام
انا ماراح اقول امس شنو بدعت هههههههههههههههههههه
اكلت بوظة ههههههههههههههه بس ما تغديت
اكلت بدال الغدا بوظة
واليوم ماتريقت بس بتغدا بعد شوي يمكن حمسة همبرجر

 

[mn.mn]

مساااااااااااااء الخير

جسوت عسى ما شر يا قلبي لا تتكدرين ولا شي طلعي مع البنات روحي مكان حلو وسعي صدرج

وخلي بداية الرجيم راحة من التخربط مو عقاب عشان لا تتأزمين وعلى السلام إي الغرف وايد حلوة ولادتي بزوز

كانت هناك بس جنه الحين رويال حياة صك عليه >>> يعني نغزة الرابع بييبه هناك خخخخخخ

عنيد اهلين وسهلين ومبرووووووووك المركز الأول تستاهلين والله وحلو انج مستمتعة بالدورة لان اذا كانت مملة بتلوع جبودكم عدل

ام فجور بالعافية واذا بس ماكلة بوظة مو مبدعة

يمامة بالعافية اللي كليتيه

انا كان المفروض اني ملتزمة بس خرتها عادي عادي انا لازم احلل الويك والتزم باجي الاسبوع

شكلي استانست على هالخطة على الاقل فيها نص كيلو العوض ولا القطيعة

 

[ام فجور 2008]

من من انا صايرة من اكل شي غلط احس اني مخربطة :0bee2e8d89:

واليوم انا ما تريقت بس توني اكلت همبرجر بالفرن 2 وشوي سلطة
وقطعه صغيرة حلوى
وبعد شوي بشرب نسكافيه

وبتعشى بوملي
تخيلو اليوم عقب مالقيت لي شقه زينة ودقيت على زوجي عالشان اعطيه الرقم
قالي لا مو الحين :0bee2e8d89:
قلت له اذا ما عندك تدفع هالشهر انا ادفع هالشهر والباقي انتي
يقولي نطري شهرينن :0bee2e8d89: شكو

 

[بطة رشيقة]

قووه بنااات شلونكم واى واى المنتدى معلق من امس اف نرفزنى حدى منبطه جبدى منه ..

شلونكم بنات شخباااركم ..

اول شى انا اهنئ نفسى واهنئ حبيبات قلبى بنات الدوانيه منمن وعنيد على الفوووز الكاسح وايد وايد استانست لما شفت النتيجه الصراحه تبيض الويه الحمدلله على هالنتيجه الحلوه علينا بالعافيه واتوقع انها دافع كبير لنا كلنا عشان نكمل ومانوقف كلش .. ربى يعينا ويتمم علينا ويبارك لنا يارب ويحقق امانينا ..

شلونكم وشلون الويك اند ..

اول شى بعترف لكم انى امس خرتها وضاق خلقى وايد بس رحنا ودينا امى ميس الغانم ومع اللويه واليمعه تشوقت وكلت وياهم وانا اقول هم احسن من انى اخرب اليوم كله يعنى بس خربت العشا والحمدلله واليوم رديت قواعدى وتغديت سلطه وتعشيت جبن وزيتون وخيار وحليب مع خبز ومشيت نص ساعه وان شالله ربى يقدرنا ونوصل للى نبيه قريب ..

منمن بالعافيه العشاااا ..وان شالله اليوم انتى احسن ..؟

جسووووت حبيبتى اسم الله عليج حطى بالج على روحج وربى يشافيج عادى هالامور تصير انتى بس روحى الطبيب وجسكى وشوفى شسالفه هالدم اللى ماذيج وشلونج ان شالله نفسيتج احسن الحين ..؟
وديرى بالج من الهدووووم اللى قاعد تيخ خوووفج باجر تصير الفجه بعيده وتضطرين تغيرينهم ( هالحجى للتخويف ) يانتى يا اخصائيه اجتماعيه حخخخخخخخ

عنيد عليج بالعافيه الدوره وزين تسوين تغييير انا ناويه ان شالله اخذ دوره الشهر الياى وربى يسهلها على ..

يمامه بالعافيه حبيبتى ..

فجووره عفيه عليج انا جربت هالمطعم من مده بس ما عجبنى ..

ام فجووره حبييبتى والله قلبى معاج الله يكوووون بعونج وحاااسه فيج بالضبط مثل قصتى .. ربى يفرجها علينا قريب ويهدى ريااايلناااا والله اهم لو يفكرون شوى راح يعرفون ان رغبتنا بالطلعه من بيت الاهل لصالحنا وصالهم ربى يهديهم ويحقق اماانينا هاالسنه يارب يارب يارب ..

 

[just-me]

صباح الخير

بعد قلبي من من ... مشكوره بطه والله صج انكم اكثر من خوات و حاسين فيني

ما ادري شفيني قبل امس و امس بس مغلقة و مبوزه اعوذ بالله ما ادري اشفيني

و الدوره هاللي مخربطه علي مضيقة خلقي زود انا غاسله قبل العمره 8محرم

يعني الجمعه اللي قبل اللي طافت و ردت يتني بيصير لها اسبوع شالسالفة !!!

عموما امس اشوه طلعت و الا كنت بانفجر مع ان اول مره مالي خلق اطلع

العادة استاتس اتلبس و اتمكيج احب الطلعات و الهياته

المهم رحنا فلم Avatar ب 360 Imax



و الصراحة انصح و بشدة تروحون له مع اني كلش ما احب افلام

الخيال بس الصر احة هالفلم موطبيعي و المخرج قعد 15 سنة

مو راضي يسوي الفلم لحد ماتتطور التكنلوجيا عشان يطلع بهالمستوى

صج الفلم اكثر من روعة و لا تروحون الا ال IMax والا بيطلع

الفلم حده عادي ... الفلم مدته ساعتين و نص بس ما تحسون بالوقت من كثر

ما اهوه مشوق و احداث ...

يبا حطو قسم سينامائيات عشان كل وحده تحط رايها بالفلم من وجهة نظرها ...

بنات تحملوني ادري صاير دمي ثقيل بس مو مني من النفسية والله مو حجه

و عذر و الحمدلله طلعت بس ساعات الوحده تحوشها غلقة اعوذ بالله ما ادري ليش

بسم الله عليكم عسى الله يكفينا شر الاوادم و الهرمونات و البلعات

على فكره عشان ما اطلع من طابع الديوانية

غداي كان مو ريجيمي بحت كان عيش مشخول مع مرق لحم

بالسينما ما طب حلجي شي -----> غريبة صح ؟؟

العشا فلافل ناديا وما ادري متى ناويه ابتدي ريجيم أو على الاقل تخفيف

 

[بطة رشيقة]

قوووه جسوووته حبيبتى ما تشوووفين شر ان شالله اسم الله عليج اعوذ بالله من الشيطان الرجيم ربى يحفظج من هاللى لفيج وترى على قولتج الوحده ساعات تمر فى ضروووف وما تعرف شنو سبب اللى فيها الله يكون بعووونج حبيبتى ..

ومنى لج لى 3 ايام جدام لا تفكرين بالرجيم هذا مو تخريب ولا تحريض بس عشان تغيرين من نفسيتج .. وربى يكووون بالعون ..

انا بس قاعده واتشهوووى ابى اكل برد ابى كيك ابى وجبه وابى وابى بس ان شالله ناويه هالاسبوع على طلعه حلوه مع قوزو وان شالله تضبط ... ( عشتواا بغير من نفسيته )

والله يكون بالعووون ..

اليوم بتغدى همبرجر مع خضار والعشا ما ادرى شنو والريوق كان توست وجبن وخيار وزعتر .. وعصير برتقال وسناكى عرموووطه ,,,,

 

[mn.mn]

صباااااااااااااااااح الخير

عدنا والعود احمد للدوام والرجيم >>> يعني تميت طول الويك اند مبدعة

انا أمس رحت الوفرة مع ريلي وعيالي برووووووووحنا يعني ما كان ولا قطو هناك والصراحة سوينا family day

والياهال حدهم استانسوا خذينا راحتنا لان ما كان في احد موجود قعدنا بالخيمة شبينا الدوه وجاي فحم وقهوة شغل عدل

والغدا شوينا لحم ودياي وريش والياهال كيفوااا على البقي تمينا لي صلاة المغرب صلينا ونزلنا والرجيم كان بصوب وانا بصوب

والصراحة ما كدر خاطرنا غير حادث شفناه بالردة جريب ماكدونالز كان غررريب شفنا حصان ميت على الارض وسيارة أعوذ بالله معدومة

وايد وايد الحادث عور قلبي وللأسف كان في وفيات بعد شوي بطل بالجريدة اكيد كاتبين عنه اليوم بس أبي أعرف الحصان من وين ياي ؟؟؟

ربي يحفظنا ويحفظكم من شر الطريج ولا يفجعنا >> اللهم لاتزغ قلوبنا بعد إذ هديتنا اللهم اجعلنا آمنين

 

[بطة رشيقة]

صباح الخير ..

شلونكم بنات شخباركم ..

ان شالله بخير ..؟

انا الحمدلله تمام والرجيم تمام ..

بس امس ما مشيت ولا تحركت متكسر حيلى عندنا اسم الله عليكم حاله وفاه وحدنا متكدرين ربى يرحم امواتنا واموات المسلمين اجمعين ويوسع عليهم ويجعلهم من اهل الجنه يارب ..

وامس نومتى كانت متخربطه ما ادرى شنو صار احس نفسى مانى قادره انام كل ما اغمض عيونى احس انى افز من نومى وقلبى يرقع ...

والحمدلله على كل حال ..

منمن حبيبتى عليكم بالف عافيه الروحه ومشالله يعطيكم العافيه وربى يسعدكم على طووول ويبعد عنكم الشر ... وعلى الحادث لاحول ولا قوه الا بالله اى والله ساعات الواحد يشوووف شى يكدر خاطره ربى يحفظنا ويبعد عنا الشر ويبعد عنا شر هالحوااادث .. استغفر الله شى يضيق الخلق ..

المهم انتوااا شخباركم وعساااكم بخير .. ​

 

[mn.mn]

هلا والله بطبط بعد عمري عظم الله أجركم

وربي يجعلها آخر الأحزان ان شاء الله

انا بعد لي بليل أتذكر الحادث وأقول الله يعينهم كانوا طالعين وما يدرون شنو كان ناطرهم

سبحان الله ولا تدري نفس بأي أرض تموت ربي يرحم اللي مات ويلطف باللي شالوهم بالإسعاف

بس عجيبة طليت بالجريدة مو كاتبين شي عن الحادث مع انه كان مبجر أمس

بس خلاص خنغير الموضوع ما نبي هم وكدر من الصبح

انا اليوم ان شاء الله رديت لقواعدي الرجيمية وناوية يومين اسوي رجيم المشاريب باجر والأربعا تعويضا عن الخسائر الفادحة

اللي صارت بالويك اند عشان يوم الخميس يكون ميزاني أوكي ودي اشوف ال 76 وربي يسهل الأمور

 

[ام فجور 2008]

صباح الخير
اليوم ماراح اروح حق طالب
المسعدة طلت علي هههههههههههههه وطالب يقول اذا اول يوم لا تيين تعالي رابع يوم
فقلت يمكن يوم الخميس اروح له وانا وقت الدورة ماا سوي رجيم

 

[eng.q8]

صباااااااح الخييييييييييييير
بطه...عظم الله اجركم وان شالله خاتمه الاحزان
عنيد..خخخخخخخخخ اهم شي انه عجبتج المجرمه طلي عااد

ام فجر وجسوت وزيون ومنمن شالاخبار الرجيميه وشلووونكم؟؟

 

[بطة رشيقة]

اجرنا واجركم حبيباتى ما تقصرووون ...

وربى يرحمهم برحمته الواسعه ..

وعلى قولتكم خل نغير الموضوع ..

انا الحين بتريق توست وجبن ..

وعصير ..

مممممم

انوووووج ازيك عامله ايه يا اخوووووووووووتى .. وازى الود ابنك كويس ..؟ وازلا الدوام يا حبيبتجى .. ابيه انوج طلى من الدريشه وشوفى المراجعين تحت اليوم ما ادرى شعندهم شكثرهم مشالله ..

منمن .. ان شالله تشوفين ال70 قريب وانا وياج ..

ام فجوووره .. خلاص ان شالله اذا خلصت الدوره تروحين له .. عاد انا باجر بتينى ان شالله ..

 

[mn.mn]

الله يسمع منج بطبط ونشوف ال 70 بس متى حبيبي متى تعطف علي متى مرت شهور السنة ولا شفناها

هلا والله انوج انا تمام بس رجيميا لا وان شاء الله من اليوم بلتزم عشان ميزان الخميس

هلا ام فجور وصح روحي له بعد يومين بس هم لا تخربطين علبو يايتج الدورة

تريقت توست وجبن وخيار وطماط وجاي حليب

 

[teenaa]

صباااااااح الفل


ازيكووووووو

انا تمام عال العال

الحمدلله عالويك اند عدل على خير



امس كانت مراجعتي عند طالب الشمري

وزني كان 70.1 بدووووون اي منازع

يعني نازله 2.200

الحمدلله يمكن شوي بس رااااااضيه لان للاسف هذا حصيله اسبوع مو اسبوعين


بس ونسني بشغله وحده قالي انتي ضعيفه ما ينشره عليج

حسيت نفسي فراشه لوووووووووووووووووووووووووووووووول

 

[بطة رشيقة]

مبررررررررووووووووووووووووووووووووووك تيناااااااااااااااااااااااااااااا.....

 

[eng.q8]

بطه...الحمدالله انتي شلونج وشلون كارز؟؟
جيكت على الزحمه الله يعيييين

منمن موفقه للخمييييييييس ان شالله

تينا ما شالله علييييييييييج ولا توقفيييييييييين موفقه ياارب

 

[mn.mn]

هلا والله تينا مبروووووووووووووووووك عفية عفية والفال لنا نشوف هالرقم الحلووووو

انوج لا تحاتين صاااااااامدة بعون الله لي الخميس وراي الميزاااااااااااااااااااااااااان >>> حشى بعبع مو ميزان

 

[teenaa]

يبارك فيج بطبط



انوج حده لايووووووووقف لايوووووووقف
لوووول
موعدي الياي 23/1 ادعوووووووووولي اشووووووف الستوووووون ايوا ايوااااااا

 

[teenaa]

منمن حدددددددده انا على اطراااااف السبعووووووون


باقي 100 جرام وادش الستوووووون عقباااااالج يا رب يا رب يارب :>
ايواااااااااااا

 

[mn.mn]

تينا ان شاء الله نهاية هالاسبوع تعطين السبعون بكس تطيرينها من حياتج للأبد

والله يسمع منج واشوفها هالسنة راضية انطر لي نهاية السنة بس المهم اشووووووووووووووووفها