~¤ô¦ô¤~ دوانية رشيقات المستقبل ~¤ô¦ô¤~الجزء الثاني

[ام فجور 2008]

انا بطلع داقين علي بنتي وايد تعبانة بروح اشوف شفيها

 

[just-me]

سؤال اليوم بره الريجيم ----> سمسمية بتطردني

شنو طريقتج بالحجاب لووووووول

سؤال عن الريجيم عشان ما انطرد ... شرايج بالاثقال Dumbelles تستخدمينهم ؟؟

 

[teenaa]

ام فجور شوفي بنتج شفيها وطمنيني

 

[زيـنـه]

ام فجور .. ما تشوف شر بنتج .

جسوت .. انا اكتشفت اكتشاف خطير بس مو متاخر .. ان طيقة لفة الحجاب تعتمد على 3 اشياء ..نوع الحجاب .. و طريقة لبس الامطه و نوعها .. و اخيرا و الاهم موديل الرس (الصماخ بالكويتي) شلون صاير .
يعني في لفات تلوق على ناس ما تلوق على ثانيين لو نفس المواد المستخدمه و السبب تدويرة الراس و موديل الويه .

و على الدمبلز .. ما استخدمهم .. عندي القرص الدوار و منسي تحت السرير .. كل يوم اقول خل استخدمه لو 5 دقايق و انسى !

 

[بطة رشيقة]

هلووو هلووو هلووو انا باااااااك ..

جسوت شلونج عساج بخير ..؟

انا رجيميا الحمدلله تمام وربى يتمم على ان شالله ..

انتى شلونج شحبارج ,...؟

تعالى انا مساع سألت عنج وحطيت لج صوره معبره عشان تردين حق صوابج بس يمكن صاروا بالصفحات اللى فااتت .. المهم على لفه الملفع انا ما احب هالخرابيط وهالفات اللى مالها داعى ويضيق خلقى .. لما اشوووف هالملافع البايخه ..

بس يعنى احب البس الوان اذا كنت طالعه او يمعه او جذى .. بس مو اكثر وعلى الدمبلز انا استخدم ملوت نايك ب كيلوو والعب فيهم بين مده ومده ...

 

[mn.mn]

هلوووووووو مرة ثانية من بعد اللوية

ام فجور سلامة بنتج وانا اشتري الامطات من كل مكان يكون فيه محلات الشيلات مثل نوران وتوب شيك وغيرهم

تينا خوووووووووش خطبة اثاريج متوحشة واحنا ما ندري بس كلامج 100 % صح

وعلى اللفات انا لوني الملكي الاسووووووووود ويكون فيه ستراس ملون بس الملون نادر ما البسه حدي بني وكحلي

جسوت هلا والله يا الغالية وانا بس عندي العود ادرسه امس خارت قواي وانا ادرسه الاسلامية

 

[زيـنـه]

بطبط .. يسلمو على الالتزام
و صاجه ملافع هالايام مو شي بالمره !

من من .. انتي نفسي اشتري امطات من اي مكان .. بس المهم تضبط .
و الله يعينج على اللويه .

 

[teenaa]

منمن شعبالج انا طلعت انيابي حق ام فجور لووووووووووووووووووووووووول



والله انا ملافع كوني صغيره بالعمر البس <<< عفوا شقصدج
البس كحلي
اسود
بني
بيج
افوايت الي فيهم ستراس
وساعات البس مو فولار المنقش

واحطه الحطه العادي مو تبع الالف وخمسميه دبوس لوووووووووووول

بس يااااااااااااااكرهي ال تحط صاروخ وربي احس نفسي قزم يمها لوووووووووووووووووووووول

 

[زيـنـه]

تينا .. يثلم دلبج و الله ---> الترجمه (يسلم قلبج و الله)
و صاجه امهات الصواريخ انا استغرب ما يتضايقون ن نظرات الناس و تطنزهم ؟
مالهم اهل يعلقون عليهم ؟

صج دنيا غريبه.

 

[teenaa]

لوووووووووول عادي يعني لما تشوفينها خلقه تتنحين اهيا عبالها معجبه فيها
لووووووووووووووووووووووووووووووووووول ضيم الي يعيش ياما يشوف

 

[بطة رشيقة]

وااااااااااى تحر تحر هالملافع اللى هابين فيهم والله ورب الكبعه استغفر الله شكلهم بشع احس يعنى شلون الريال يرضى مرته تروح معاه جذى ما يعرف يقولها لا تلبسين جذى بالدوامات بالجمعيات حتى بالطبيب !!! يعنى رايحهالطبيب مريضه وتعبانه وحدج ... مالج خلق مسووويه كل هالللويه ..؟ مليون دبوس !! ومليون لفه ..؟ وحاطه شباصه ما ادرى قيصريه ياهل والله والله شى يفشل !!!!!!!!!! الله يهديهم ان شالله ... استغفر الله ..

اليوم ما ادرى شنو بتغدى ..؟

 

[just-me]

كاني رديت

ام فجر مالها شر بيتنا

تينا لا يكون احنا ديناصورات ههههه انا البس ملون و فولار و الشرقية و ماي فير ليدي

و بابو و حناين و كلو يدلع نفسو

بطه شفته الدكتور النفسي و فطست ضحك على الصوره يبتيها ريت

زيون انا مؤمنه بنظرية الصماخ مليون بالامية

من من انا عندي امطات نوران ام محمد الفيحاء محاميد اولادنا راوية الغانم الشرقية

يعني مو مخلية ولا مبقية من اللي ام سير من ورا ليمن ام نشا من جدام ليمن ام قصة

و ام من غير قصة و الشفافه ماشاء الله افتريت عليهم و لاني مرتاحه

عموما انا موقصدي لفة الملفع الصاروخية و لا الزناطية ام 16 دبوس

انا قصدي شي ثابت غير متحرك يتمدد بالحراره و ينكمش بالبروده لوووووول

مابي راس جدر و لا مزنوطه هههههه

على طاري الجدر ترا غدانا مجبوس دياي و المجرمه بنت عمتي مطرشه معكرونية

بالباشاميل مو تدوخ الا تسدح و تجلط و تثول اللي ما ينثول و مطرشه فطوس

يعني بالله شسوي بعمري اقضب خط الشاليهات ليمن الليل يعني و الا شسوي بروحي

 

[just-me]

على طاري الشبابيص الصاروخية

وحده من أهلي تعطي محاضرات بالتطبيقي عاد تسولف علي ذاك اليوم تقول تصدقين عندي

طالبه غابت عن محاضره مهمه عقب داومت جان تقولها عسى ماشر شفيج غايبه

جان تقول كماشتي انكسرت و الصراحة ما قدرت اداوم خفت يضحكون علي البنات ؟؟؟!!!

بالذمه هذا عذر ؟؟ هذا منطق ؟؟!! حتى لو قاعده تجذب هذا جواب !!

 

[زيـنـه]

بطبط .. انتي نفسي اقول ما وراهم احد يقول لهم لا .. تلاقينها تمشي و ريلها يمها و راضي .. و الا لا حطت شي اوفر تلاقين الملفع حتى رقبتها من ورا مو مغطيها !

تينا .. المصريين قالوا .. اللي يعيش ياما يشوف !

جسوت .. نظرية الصماخ و الويه بعد اهي اللي تحدد لفة الملفع .. و هم نوعيه الحركه اكو ناس لا اله الا الله ما يعتفس و لا يدور و لا يفتر و لا يسبح .. ملفعهم مثل ما طلعوا من البيت مثل ما يردون .. و في ناس ينحاسون من قبل لا يطلعون من البيت ---> جنه انا منهم مرات !
و على الجدر يوزي .. تمشين و تبلعين .. ما يصير يتراولي لو تمشين خط الشاليهات مشي على الاقدام --> ردينا فصحى
رايح راد مرتين او 3 ما راح يشفع لج المجبوس و الباشميل .. وين اللي تقول اليوم يومي بدون نشوياااااات ----> يا لهوي !!

 

[just-me]

زيون ليش المعكرونية و المجبوس من النشويات ؟؟----> طالعي الاستعباط عاد مليقه

وعلى الرياييل اللي يسكتون عن الحجاب الصاروخي ....اذا هذا على هالموديل الهوله

مايبطل حلجه معناته في امه خير يقول لها تلت التلاته كام هههههه

عاد انا الصراحه ما حلاته الريال يصير خروف حلاته حمش موكل شي ميخالف؟؟ ويع ...

بس عاد اذا عفر و عنفص أصب أحوله و أنفش كشتي وأطلع ضروسي---->أخاف صج بس

على المشتهات لووووووول

 

[زيـنـه]

جسوت ... لوووووول
و المعكرونيه و المجبوس ياليت مو من النشويات .. جان ما ادري شنو بيصير باللي يسوون ريجيم ..

..

..

اشتهيت فوتوشيني الفريدو مالت بيتزا اكسبرس !


عموما .. سناك 1 كتكات

سناك 2 جاي خضر و لوز و يوز

و الحمدلله على النعمه

 

[teenaa]

لوووووووووووول جسوت بدعتي


مجبوس وبشاميل قلتي ها

والي طاق بباليها بافالوز وصامده لان رجيم ولازم نضف لين متى بطات وييييييييييييييييع



جسوت انتي مطروده


حرام عليكم يوع يووووووووووووووع والله

 

[teenaa]

عواااافي زيون انا حاسه بيوع بس والله صمود ووعد اصمد المغربيه باكل كورن فلكس ثاني وربي كرييييييييييم




ليمونه خونت فيني امس تقول من باجر يعني اليوم
اليوم داقه عليها تقولي من باجر مال ذبببببببببببححححححح

 

[mn.mn]

مسااااااااااء الخير

تغديت شوربة و2 همبرجر والعصر حليت بكيكة باسكن وعشاي صمونة حلوم

أدري مو ملتزمة بس الحمد الله على كل حال والدنيا مو طايرة على قولة عنيد

وأدري باجر بنصدم من الميزان الله كريم >>> تينا خطبتج العصماء كانت مؤثرة بس الارادة لازم تكون من الاعمااااااااااااق

 

[زيـنـه]

من من .. بالعافيه .

انا من الحين اعتذر عن ميزان باجر ----> وايد مبجر الاعتذار .

بس لان عشاي كان وجبة فري و كانت فري من قلب في لونتر مع صديقة عزيزه علي و اخت دنيا و كانت خوش طلعه
و بصراحه ما قاومت .. فاعتبرتها وجبه فري .. و من باجر عائدوووون للنظام .