~¤ô¦ô¤~ دوانية رشيقات المستقبل ~¤ô¦ô¤~الجزء الثاني

[just-me]

السلام عليكم جميعا

شلونكم اليوم ... زيونه ما ادري لازم نسأل أبله من من

شخباركم شلون الويك اند وينكم محد طل من أمس

خل أقول لكم اخر فنتق ... طحت لي على خوش أمطه من رفيجتي

تصير جنها قبعه و كلها شبك و صايره بف و فيها سير من ورا و ربطه

عشان اتحكم بالتوسيع و التضييق و الله حليوه بس خل اتعود عليها

اهي وايد تشبه أمطات الشيخه موزه








أمبي تحسون ان بالي مو بالريجم حسرة قلبي

لا لا ان شاء الله اصحى من هاللوثة على الأقل لا صرت بالبيت المفروض ما

اخربط .. نعمه اذا بس بلعت و خربطت بالطلعه والا شرايكم؟؟-->قولي حق روحج

 

[mn.mn]

منمن اقولج اياها بالخط العريض ماكو فايده الريجيم متبري منج

منو قالج ماكو فايدة ؟ انا وصلت نص الطريج وراضية عن نفسي الحين والحمد الله مرتاحة مع ريلي وما عندي

اي مشكلة ولا وراي حمال الحمد الله عندي 3 ربي يحفظهم وجسمي زين بالنسبة لوحدة متزوجة ووالدة

3 مرات في بنات لي الحين ما تزوجوا وعني 3 مرات الله يعينهم ويرزقهم الارادة ويضعفون بصحة وعافية

انا طمعانه بالستينات بس مو اذبح روحي عشان رجيم !الواحد لي بغى يلتزم يلتزم ولي بغى يخربط يخربط

 

[mn.mn]

جسوت أوكي طلعي بالعطلة بس حاولي انج تلتزمين بالبيت والعطلة تخلص 13-2

يعني من يوم الفالنتاين خلااااااااااااااص ماكو لعب

 

[just-me]

هلا من من شلونج ياحلوه

انا معاج 100% بكل كلمة احنا ذابحين عمرنا نبي نلحق على كل شي

ريل حمولة عيال تدريس وظيفة مواجيب خدام كل يوم يطلع لج شي واي بنشق هدومنا

وفوق كل هذا المطلوب نصير سمبتيكات شهالمعادلة الصعبة!!!ش

 

[mn.mn]

جسوت كله يدلع نفسه على قولتج

عموما انا فصلت هالفترة خلاص العطلة قربت وانا عندي لا لا للرجيم في العطل والاعياد والمناسبات الرسمية لوووووووول

انا بعد ان شاء الله من بعد عطلة الربيع ببدي الجد وهالله هالله على الجد والجد هالله هالله عليه بس حاليا ما اجذب عليكم مااااااالي خلق الرجيم

بس ان شاء الله بحاول ما اخورها على الآخر وربي يسهل علي وعليكم كلكم

اشوفكم بعدين عندي تدريس و16 الف مشوار اليوم عساني ألحق بشق هدومي

 

[teenaa]

صباح الخير

انا امس كان x

راح ابدي من اليوم رجيم الكورن فلكس حسافه بعد ما وقفت على حدود السبعونت وما بيني وبين الستون شي


منمن ليش زعلتي وعصبتي انا ما قلت شي بس توقعت لما اقولج راح تلتزمين :>


لا تزعلين وبكل الحالات ضعفتي او متنتي صحتج مهمه وراحتج اهم


ولا تفكرين دام انتي يبتي عيال ان انا لازم اكون متينه

يالعكس

عسسى ربي يرزقج الاراده وترتاحين بحياتج على طول

واسفه اذا كلامي ضايقج
بس توقعت نكون خوات


وسامحيني مره ثانيه

 

[عنيّد]

اشفيهااااا النااااااس بتشقق هدومهاااااااا اسمالله عليكم :dddds:

صبااااااح الخييييييييير يا ويووووه الخييييييير
:gathering:


والله دلععععع هالمعده مع كل اجازه يسحبوووووووونها فررررري على طول الاجازه بششششششش <<~~ محتره هالمره مومخربطه كلش وبخاطرها تخبص

أمس رفيجتي تقولي ان رفيجتها بسبب الحمل زايده 15 كيلو :eh_s(12): :eh_s(1): انا انصدمت وانصعقت وقلت لها اعوذ بالله من هالزياده :s142:



زيون ،، متى مراجعتج عند العُبد واشلونج معاه ؟

 

[just-me]

هلا تينا شلونج ..بعد عمري اذا تسمحون لي بما اني اكبركم اني اوضح شي للجميع

ان كل و حده فينا مرت بمراحل عنيفه و صراع قهري علشان توصل للي

وصلت له ( انا متأكده حتى انتي والله ادري و حاسه فيج ) و بالعكس ما اتوقع من من زعلت

اكيد كلنا خوات بس أعتقد لانج ماكنتي معانا بالديوانية من زمان ولا عرفتي معاناتنا من العام ليمن هالسنه

شهر 2 بنكمل سنه ان شاء الله و ماشاء الله تبارك الرحمن من من الوحيده فينا اكثر وحده عانت

بالريجيم و خصوصا من غير دكتور يراقبها ( ماشاء الله ) و مرت بظرف الله لا يعيده و لايراويه عدو و لا حبيب

فزين منها صامده عشان جذي اعتقد كلمتج أثرت فيها خصوصا بهالفتره والعام كانت ملتزمه و لاتركت الريجيم الا بسبب الله

لا يعيده و هم لانها اهي و احنا و انتي تعبنا فعلا وبدت بطاريتنا تخنس و محتاجين من يشجعنا و يازرنا خصوصا هالفتره

فكل كلمة تنقال تترك اثر سواء ايجابي او سلبي .... ماادري مو تفهموني غلط انا بعد

ان شاء الله لما اتعودتين علينا اكثر بتفهمين طبايعنا ( بنات هالديوانية ذهب و انتي اولهم :eh_s(17): )

v
v
v
v
v
v​

عنيد اجازة من قلب بس خل تعطل جوجو و تبلش المطاعم على اصوله ان شاء الله و عسى ربي

مايخيب تعبنا و يفرحنا و يفرحكم ...بس رزو عطلت الله يستر من الشهادة

وااااااي ماني مصدقه خلاص وصلنا لمرحلة الانهيار العصبي و اليوم عندي تدريس دين

أحس ودي أروح امتحن بدالهم هههههه ...و على الريجيم باذن الله بريك وراجعين

15كيلو بالنسبة لرفيجة رفيجتج بالحمال تعتبر يحليها محافظه

انا اذا مرتين حاشني زلال بحملتين صرت فيل... زدت فوق ال 25 كيلو ذكروا الله

بس يومين عقب الولادة انزل 13 او 15 كيلو سوائل (يارب تعطينا عمر و نشوف عنيد و تينا بالحمل هههههه)

عموما انا مسوية اليوم نوتيلا كيك و باستا سالاد على العشا حياكم هههههههه

صج صج أحس سمسمية بتشوحني من الديوانية

 

[mn.mn]

صبااااااااااح الخير

شلونكم وشخباركم ؟

تينا بعد عمري انا ما زعلت بس حزت بخاطري الكلمة لأني أساسا متضايقة من التخربط فالحرة طلعت فيج

احنا خوات وأكثر أفا عليج وانا اعتذر منج اذا كان ردي دفش وادري المفروض ما اقتنع اني عادي اكون متينة دام عندي عيال

لان في ما شاء الله امهات دق العود ويايبين 5 و6 ربي يسهل الامور ويرزقني الارادة واقدر اكمل

جسوت يا بعد عمري لا خلا ولا عدم ربي يتمم علينا هالصحبة والله جنج ببالي عرفتي تحللين الموقف عدل

صكيتي على محللتنا النفسية بطبط بعد عمري والله صج انكم خوات دنيا

عموما انا طرأ طارئ وشكلي ماني خايرتها على الثقيل عندي ما شاء الله حفلتين ملجة على الشهر الياي >>> الفال لتينا وعنيد

 

[ام فجور 2008]

صباح الخر الت تسالوني عن الرجيم لان انعزمت على الشاليه ولاللرجيم في الشاليه

 

[mn.mn]

صباح النور أم فجور ما عليه كلنا نخربط بالويك اند بس من اليوم التزمي

 

[ام فجور 2008]

ان شاءالله من من لان ابي اشوف 83 للحين ما شفتها ههههههههه

 

[بطة رشيقة]

صبااااااح الخير ... شلوووووووونكم شخباااركم عساكم بخير ...

شفيكم اسم الله عليكم !!!!!

تعوذوا من بليس وماكو الا العافيه وابتعدواا عن المشاااكل .. وان شالله يارب كلنا نوصل للى نبيه وبصحه وعافيه ..

وتينا حليوه وخوووش بنت ..

ومنمن واللله ترى ذهب وخوش بنت ومعرفتها تسعد القلب وتريح الانسان وانا عن نفسى وايد وايد تشرفت بمعرفتها واحس انها بنت حبوبه وحليوه ومن اطباعى وقريبه من قلبى وانسانه حبوبه وطيبه وعقلها مشالله تبارك الرحمن كبير وصج معرفتى فيها مو كبيره وايد ومو من فتره طووويله بس مشالله انسانه معرفتها مكسب

وكل البنات الباجى مشالله خوش بنات يزونه تهبل وجسوووت عاد يا حلوها ويازينها واحس انها صج تحبنا وتخاف علينا
صح ..؟



وبقى الحين انتى يا تينا وعنيد وام فجوووره نتعرف عليكم ونشووووفكم

على الصعيد الرجيمى انا الخميس واليمعه خذته اوف وامس رديت لرشدى والحمدلله كلت جزء ما بخاطرى .. وربى يتمم علينا ...​

 

[ام فجور 2008]

بطبط قولي يارب ان اشوف 82 هالاسبوع
صرت طماعه مابي 83 ابي 82

 

[mn.mn]

ان شاء الله ام فجور تشوفين ال 80 مو ال 83

بطبط بعد عمري والله والله احرجتيني بكلامج الحلو افا عليج اللي عندي بعض مما عندكم وانتي بعد معرفتج ذهب

والله يعلم باللي بالقلوب وغلاتكم كلكم وحدة وحدة بعد عمري والله ما تقصرون عسى ربي يجمعنا على الخير دايما

وتعالي شنو جزء ما بخاطرج ليش شنو بعد مشتهية وما كليتيه ؟

 

[ام فجور 2008]

والله يعلم باللي بالقلوب وغلاتكم كلكم وحدة وحدة بعد عمري والله ما تقصرون عسى ربي يجمعنا على الخير دايما

وتعالي شنو جزء ما بخاطرج ليش شنو بعد مشتهية وما كليتيه ؟

من من وانا شنو غلاتي بقلبج :eh_s(7):

 

[بطة رشيقة]

يا بعد شبدى والله منمن .. وربى دوم دوم يجمعنا على الخير .. وافا عليج هذى كلمه حق لازم نقولها وما اجامل فيها وطالعه من معامييييييييييييييييييييييييييييييييق قلبى .... ..

وبالنسبه لللجزء اللى بخاطرى .. شوفى

الخمبيس كلت مجبووس دياى وعلى العشا كلت صاج حلوم وفلافل وكلت كيكه لندن .. كنا متيمعين فى بيت خالى .. واليمعه تغديت فى فرايديز .. كلت جكن وينقز وتوستر بس ما قدرت احلى للاسف .. والعشا كلت باسكن روبنز وتعشيت خرابيط بالبيت .. يعنى المفروض كنت ابى اكل كاكاو بعد وابى مطعم ثانى .. وابى ماكدونالدز ..

وسلامتج

---------------------> حشا حشا مشالله كل هذا ماكلته وبعد لازمال بخاطرج شى !!!!! اى شدعوااااااااا بعد لازم ما اخلى بخاطرى شى مشتهيه بعد اشاااز وان شالله ناويه عليه ..

صباح الخير ام فجوره ويارب توصلين للى تبين وقريب قريب باذن الله ..

 

[ام فجور 2008]

بالعافيه بطبط جميع المأكولات

 

[ام فجور 2008]

وين زيـــــــــــــــــــــــــــــــــــــــــــــــــــــــون وانــــــــــــــــــــــــــــــــوج
عنيد ترى طولتي علينا

 

[بطة رشيقة]

تريقت جاى حليب وبسكوت وما ادرى شنو بيكون مصير باجى اليوم ..