~¤ô¦ô¤~ دوانية رشيقات المستقبل ~¤ô¦ô¤~الجزء الثاني

[زيـنـه]

جسوت ما نبي شوفرااات لو سمحتي .

على قولة المصريين .. اوئف عوج و اتكلم عدل

 

[زيـنـه]

جسوت .. انا مو موافقه على شروطج ..ما اقدر عليها بصراحه .

 

[بطة رشيقة]

صبر صبر بروح وياكم سوووق المباركيه نطرووونى خخخخ واى جسوت بدعتى عاد شدعوا جذى ..؟ علج بصرى وحجاب بوتفخه خخخخخخخخ ..

الله يكون بالعون اى والله مبروكين نجاح العيال ربى يوفقهم ويسعد قلوبهم بنجاحههم وربى يبلغنا بعييلنا .. واى مالى خلق ادرس !!!

شفيها الدوانيه صايره صخه
!!!

انا ادرى ان اليوم الميزان بس لانى زعلانه على روحى ما وزنت شوفوا شنو سويت امس !!!

انا اول امس والايام اللى قبل كنت مبدعه ووعدتكم ووعدت روحى ان امس يكون بدايه يديده ... بس امس من الصبح شحلوى وماسكه روحى بالدوام طلبوا ريوق ماكلت وياهم والغدا كان تيركى مع جبن ودايت سفن وشويه خضار وكنت تمام .. رحت الاستقبال ,,,

جان

جاان

جاااان


اطب بالبوفيه يعنى ليش شحقه !!!!! واى واى انقهرت حدى والله زعلت من روحى يعنى لى متى جذى لى متى !!! ورديت البيت من القهر فجيت الثلاجه ( يتنى حاله جسوت ) وكلت كل شى فيها ما بقى بطاط ما بقى حلاو ما بقى كاكاو ما خليت ولا بقيت على قولتهم ... :eh_s(14):


يعنى ليش نسوى بروحنا جذى للللللللللللللللللللللللللللللللللليش ..

واى واى

الى متى الى متى الى متى :cxxxp:!!!!!!!؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


اليوم رفيجتى تقول خل نطلع مكان نمشى الياهال او نتيمع فى بيتنا والا بيتكم ... خايفه وحاطه ايدى على قلبى اخاف اكل وياها واى يارب ثبتنا يارب انصرنا يا رب كون معانا والله يا بنات احنا محتاجين دافع محتاجين شى يخلينا نستمر ابيه .. تعبنا تعبنا بس اذا هدينا نرد للاوزان البايخع استغفر الله ربى يكون بالعون :eh_s(13):

يارب يارب يارب :jumpon:​

 

[زيـنـه]

بطبط .. الحال من بعضوووو .

 

[بطة رشيقة]

الله كريم ربى يكون بالعون ربى يعينا ويثبتنا يارب ..

يالله بنات اخليكم الحين واشوفكم جريب ..

 

[just-me]

ماكو شفرات زيونه بس كنا ناوين نطلع اذا عطلت من من ---> هذا اهو السر

المباركية ؟؟مممممم ليش لآ يبي له المباركية ( دلق سهبل )

 

[just-me]

وين رايح .. بهالسهوله هانت العشره عليـك ---->الريجيم

وين رايح .. انجرح صوتي وانا انادي عليـك---->الميزان

يعني مرتاح بغيابي ولا ماهمك عذابـي---->الستينات

كل شي والله يسألني عليــك-----> التوست روب اكتيفيا كيوي دياي مشوي

انا ما احبك انا اتنفس هــواك---->الكاكاو

كل مافيني يصوتلك ابيــك----->النوتيلا

ضاعت سنيني وتاليها معاك---->شهور الرجيم

رد روحي لا تضيعها بيديك----> الشورتات ههههههي


انت مثل العمر مره في حياتي ما تكرر مرتيــــــــــن-----> الخمسينات

والله لو لي عمر ثاني والله لا اعيشك مرتيــن-----> الضعف

ايه احبك حب اغلى من حياتي فوق كل العاشقيــن ---> البلعه لووووووول




شفت هذا البعد كله من اجيلك ما يساوي خطوتين

شفت هذا الكون كله من اجيلك ما يساوي خطوتين

كافي صدمه يا حبيبي لا ما اتحمل صدمتين

يا احبك او احبك اختار من هالكلمتين

والله دمرني الحنين شوف دمرني الحنين

 

[just-me]

السلام عليكم

وينكم محد طل ؟؟ هذا و انا موصيتكم ..

شالاخبار ؟؟؟

رسميا اليوم وزني 75.1 .... ليمتى انا على الحاله .. ما ادري

والله انا خايفة عقب اسبوع اصك ال 80 اذا ماصحيت من هاللوثه

أمس رفيجاتي صبام و تفطروا و انا معاهم ---> انتي شكو

في الفورنو و انا ماجني دابه مجبوس دياي طلبت لي شوربة عدس

و ريزوتو تالي حلينا في هاقن داز ضيم ضيم ليش جذي

الله يستر

 

[شهرزاد الحكاية]

قوة بنات..
انا بصراحة سمعت عن تجارب البنات الناجحة اللي استعانوا فيها...بديوانيتكم عشان يوصلون للوزن اللي يبونه
فقررت اني انضم لرواد ديوانيتكم
في مجال ولا الدخول حصري عندكم؟

 

[عنيّد]

انا اللي فاقدتها صج ..عنيد .. عندها دوره صباحي .. بس جنه طولت !؟

بعد عمري زيون عساج ماتفقدين غالي :aha:

دورتي الله يسلمج هذي مالت المعينين اليدد ومدتها شهر ونص ، عزززززز وفكه من الدوام ياااااازين دوام بو أربع ساعات والله وبالنص بوفيه ريوق وروووووح :tongue22:

اى واله صاجه عنيد وينها والله يا خوفى هالبنت انعفست الظاهر انا عندنا عيب شرعى بالوزن اللى توصل 75 ترد قرى ..

بطوط لوووووووول بدعتي باللي سطرتيه
تصدقين أمس بيني وبين نفسي أقول اشسالفة رقم 75 ليش متنحين عليه :eh_s(4):
غيبتي بسبب الدوره لاتخافين مو عافسه الدنيا ولله الحمد :016:
بس بنفس الوقت مو ملتزمه 100% يعني تقدرين تقولين 80% :tongue22:



خلااااااااص خلصت الدوره ، ومن يوم الأحد نرجع للدوام الأصلي ، بس ماراح يكون عندي نت لأنه اشتراكي فيفا خلص ومابي اجدده ويع صار تكرمون زباله بآخر الأشهر فناطره المعرض لانه عندهم عروض حلوه ^_^

ولاتنسون ترى يوم الأحد باذن الله بيفتح معرض انفو سنتر بأرض المعارض وبيكون فيه كل شي من كمبيوترات وتلفونات وعروض من الشركات

 

[just-me]

السلام عليكم .. طبعا مثل ما توقعت محد بين .. الا عنوده ... أثاري ليتات الديوانية شابه

شلونج و حشتينا ...

بنات ... اليوم التاريخ 30/1 يعني حنيت حنه على 2010 و هاتك يا شعارات و بسوي

و بشيل و بحط و اخرتها بدال ما اضعف متنت ...شسوي و الله متضايقة من عمري

ليش افتلتت مني الاراده و بعدين شدعوه شهر Off شناوية على عمرج جسوت

بنات ترا قلة طلاتكم لها اثر بالخراب و البلعات لي و لكم



شهرزاد حياج ربي المنتدى مو بس الديوانية مفتوحه للكل و للجميع ماكوشي حصري




بنات .. طلوا صاكه فيني الدنيا

عنيد ... الحين اكو معرض الغذاء شغال من 26 الشهر ---> ماكو فايدة هم بلعة

 

[شهرزاد الحكاية]

مشكورة جست مي ..
صج انا محتاجة دعم نفسي ومعنوي عشان اواصل مشواري الريجيمي الابدي
انا صارلي 2 اسبوع اتبع ريجيم بدر نصر الله بس خربتها اليوم ووايد واي حاسه بالذنب
باجر بلتزم 100% ان شاء الله
وشريت جهاز القرص الدوار بتمرن عليه ك يوم ربع ساعة وساعة الا ربع مشي
ياريب يارب نضعف على صحة وعافية

 

[ام فجور 2008]

صباح الخير

 

[بطة رشيقة]

صباح الخير ..

غلط غلط غلط ..

كل اللى قاعد يصير غلط !!!!

شنو هذا ..؟؟؟ صارلى بالضبط عشر ايام خطها الرحمن وانا ما صكيت حلجى يعنى بالضبط 10 10 10 .. عمرى وحياتى من سويت رجيم من سنه ونص ما سويت هالحركه !!! شناويه يعنى ان شالله ارد لى 95 ..؟ يمكن اكيد مدام هذى سواتى اكيد برد وجنه العيد !!!!

استغفر الله ماكو اراده صايره 0 .... شنو هالخرابيط شنو هاللويه --------> علمى روحج ..؟؟

استقبال كليت ..؟

عزيمه بر.. كليت

طلعت مع ريلى ..كليت

يتنى رفيجتى كليت ..؟

شفت الكاكاو .. كليت !!!!

وبعدين يعنى شنو الحل ..؟

استغفر الله ما ادرى شفينا بس جد جد جد باذن واحد احد انا من اليوم داشه بحرب مع روحى هاللى ما تنعطى ويه ..

وان شالله بيكون اسبوع حافل للانجاززات وان شالله اقدر امده اكثر من اسبوع ..

جسوت صباح الخير ... شلونج حبيبتى واغنيتج مالت رويشد صح صح صح 100% وربى يكون بعووووووونا .. واى واى ابداع ما ادرى شفينا جذى يعنى احس شوى شوى قاعد معدتنا تتعود على البلعه وتحلى لها وايج ذاك الشعور مال اول انتى كبت يمشى وشكلج مو حلو ( مو بس انتى كلنا طبعا ) واخر شى نقول لا عادى واى شدعوا الاكل حلو والدنيا ما تسوى ونسى روحج شدعوا !!!!! وهالشى لازم ما يصير جسوت خل نجعم هالكرشه جعاااااااااام !!! وان شالله اليمعه قريب قريب نتشاوف صج ولهانه عليكم ويبيلنا جم كلمه بالصميم عشان نستحى وما نخربط اكثر ..

وعنيد هلا وغلا الحمدلله انج بخير والرجيم بخير وربى يتمم علينا ..

ضيفتنا شهرزاد حياج الله ويانا يالله خل نبتدى بحماس يديد ونكون اقوياااااء ..

خلاص ماكو سوالف عن اكل ..

ماكو مناقشاات عن مطااااااااعم ...

اى وحده بتقول خربطت راح ازفها زف ...

وان شالله انا قويه من اليوم ..

:eh_s(4):

:weight_lift:

:rerrerek:​

 

[ام فجور 2008]

بطبط صح كلامج شتقولين عني
الي اروح لدكتور لا ولي ويه اروح له

 

[هنوفه الحلوه]

صباااااااااااااااااح الورد والفلللللللللللللللللل ...


اشلونكم رشيقااات الموسم ...


يومياتي لليوم

لعب على الجهااز ثلث ساعه وفتح وضم 40مره ...وتريقت 3فراولات ولبن وبثثثثثثثثثثثثثثثثثث

 

[بطة رشيقة]

عافك الخاطر خلاص .. عافك الخاطر .. حاولت اسامح خلالالاص مانى بقادر .. روح بطريج وانا بطريج وخلنى على خبرى العتيج خلالالالاص عافك الخاطر ...

اهداء حق البلعه ..

هلا وغلا ام فجوره ..

وهنوفه صباح الخير ..

 

[زيـنـه]

صباح الخيرات و المسرات .

الظاهر الكل رافع شعار "لا للريجيم "

عسى ربي يهدينا و يردنا لصوابنا من عقب هالينون اللي حايشنا و انا اولكم .

 

[teenaa]

باح الكئابه

انا شفيني بعد صايره بس اكل
امبيييييييييييييي


والله صايره بالوعه وامشي واشفط


وااااي لالا استغفر الله مو جذي

ببلش امشي من اليوم وبحاول اكل اليوم بس خفايف


والله تعبت

نفسيتي تحت الصفر من الي قاعده اسوي بنفسي انا 72ونص
بس اليوم ماادري جم من بلعت امس
امبي احس نفسي متنت حيل

واي

لالا


بس ياااااارب

من اليوم ببلش امشي وراح اسوي شي قاسي لان خلاص حرام ارد قري بعد كل هالتعب

 

[بطة رشيقة]

اشوى اشوى تينا معاى يالله خل نشد الحيل عفيه على الحلوه تينا ..

لا للاكل

لا لا
لالا

نعم للرجيم نعم نعم

يا حلو الرشااااقه
يا حلوها يا حلوها ..

يا حلونا اذا صرنا جذى ملتزمين ونشجع بعض اصلا والله مع البلعه نحس روحنا ثقال واحس نفسى انى كارهه روحى والاكل ماله قيمه جدامى !!! استغفر الله بس صج صج بكون قويه وبدخل مع روحى بتحدى .. ربى يتمم علينا ويثبتنا ...

​