~¤ô¦ô¤~ دوانية رشيقات المستقبل ~¤ô¦ô¤~الجزء الثاني

[شهرزاد الحكاية]

صباح الخير ...
الله يعينا على الاستمرار يارب ..
انا صج ناويه التزم وبعون الله ومساعدتكم .. راح يصير هالشي ..
اليوم تريقت توسته وحده مع جبن خالي الدسم وجاي اسود ..
والحين قاعده اشرب جاي اخضر
الله يعينا ويثبتنا يارب

 

[teenaa]

حده بطبط انا تنعبانه نفسيا


احس اني حدي ثقيله وكله مالي خلق


واي والله مو قادره اضبط روحي ماادري شفيني تعبت

 

[teenaa]

ببجي بنات والله نفسيتي تعبانه احس مو قادره امسك روحي ماادري شفيني
اكل
اكل
اكل
اكل
ويضيق خلقي

 

[بطة رشيقة]

ياللله شدى الحيل شدى الحيل .. تينا كونى قووويه قووويه ..

الحمدلله انا تريقت توست وجبن وجاى اخضر وباكل سناك تفاحه والغدا بشترى ديايه مشويه .. والعشا بخليه خفيف ..

وربى يسهل علينا انا اخليكم الحين واشوفكم على خير ان شالله ...

 

[teenaa]

عوافي بطبط انا منغثه لان تانيب الضمير ذابحني


شربت نسكافي والحين ليمون بالزنجبيل

 

[just-me]

ماله سالفه اكتب بديوانية رشيقات المستقبل

لا اراده لا ريجيم .. بلعة و بس

والله اني طاله بس عشان أسلم عليكم و لهت عليكم

البريك خربان و الحال ما يسر بلعه لمجرد البلعه

الحمدلله على النعمه و الصحه... اللهم ديمها

 

[ام فجور 2008]

صباح الخير
الحمدلله امس عدا على خير
لان عندي موعد عند الدكتور بعد اسبوع وخل استحي على ويهي على الاقل اروح له ولو نازلة كيلو
امس
تريقت كرواسونة +دايت
غداي سلطة
المغرب قطعه صغيرة كيكة +نسكافيه
العشا بيض مسلوق +طماط وخيار

 

[teenaa]

عوافي ام فجور


انا بعد الحمدللله امس التزمت وبتني الدوره اليوم

وحايشتني دوخه كليت قطعه كاكاو الصغار حيل ونسكافي
وبس

والله يقدرنا وننزل ووزني اليوم مع الدوره 71.7

 

[ام فجور 2008]

تينو وانا كل ما جابلتج تييج الدورة ههههههههههههه

 

[teenaa]

تصدقين لووووووووووووووووووووووووووووووووووووووووول


ام فجور عوار ظهر وبطن الله لا يوريج

بس مااقدر استاذن الله كريم

شنو نسوي شي ومكتوب علينا

يارب اوصل 70 بيومين

ولين الخميس اكون 69.9

 

[بطة رشيقة]

قوووه بنات شلونكم عساكم بخير ..

شمسوين .؟

ابيه شفيها الدوانيه كلش صخه ..؟

الله يكون بالعون ..


منمن وينج ..؟ وزيونه وباجى البنات كلش غلطين ,,

جسوت شلون يعنى وبعدين !!! ..؟

امس الحمدلله عدى على خير .. مشيت نص ساعه وتغديت دياى مشوى مع سلطه والعشا توست وجبن وخيار وطماط وعصير والسناك كان مكسرات ..

واليوم تريقت توست وجبن بالشوايه مع زيتون وخيار .. وعصير برتقال ..

والغدا احتمال كبير يكون تيركى بالشوايه مع جبن وشريحه توست ودايت ..

والعشا الله العاالم ..

انتوا شخباركم شمسوين ..؟؟

تينا الحمدلله وزنج زين لا تتحلطمين وايد اهم شى وقفى بلعه وان شالله بتشوفين ال70 قريب قريب باذن الله وانا وياج والسامع يقول امين ..

ام فجوره تمام الحمدلله حلو الالتزام شدوا الحيل يا بنات شدوا الحيل ..

 

[just-me]

أغدا ألقاك ؟؟





يا خوف فؤادى من غدي
يالشوقى واحتراقى فى انتظار الموعد
آه كم أخشى غدي هذا وأرجوه إقترابا
كنت أستدنيه لكن هبتهُ لما أهابَ
وأهلت فرحة القرب به حين إستجابَ
هكذا أحتمل العمر نعيماً وعذابا
مهجة حرى وقلباً مسه الشوق فذابَ
أغداً ألقاك؟



تهقون باجر أقدر أبدي ريجيم ؟؟؟؟

 

[بطة رشيقة]

فى احد هنا ...؟

جسووووت !!!!!! انتى هنى تعالى اشكيلج وتشكيلى



تغديت نفس ما قلت لكم تيركى وشريحه توست وخس وخيار وطماط ...

والسناك كان عرموطه والعشا ما ادرى شنو ...

ودى اشرب تروبيكانا قهوه قاعده ايوع

 

[just-me]

حسافه بطه مالحقنا على بعض

عموما انا وايد أفكر ---->طبعا لمن أكون شبعانه اني من باجر اتسنع و أصير

خوش مره ..ودي ودي ودي أصير هلثيه يوم بالاسبوع بعدين 3 ايام بالاسبوع

تالي اسبوع عقبها يصير سيستم حياتي

ودي يكون هاليوم بس فواكه




وسلطات




و مااااااااااااي




واشياء مومطبوخة روب



حليب والريوق بيض--->توج تقولين مو مطبوخ!!

المهم ودي من الصبح ليمن الليل بكمية مفتوحه ليمن تصير الكمية معتدلة

ياليت جان معدتي ترتاح و بشرتي تصفي و شعري يتعدل

ااااااااااااه يا ليت و الله مو صعبه بس ماكو اراده وعيز

 

[mn.mn]

اس اس السلامو عليكو

انا ييت بالسلامة واي حدي حدي ولهاااااااااااااانة عليكم صج صج فقدتكم وايد

انا كنت مسافرة لبنان من يوم الاربعا اللي طاف وتوني واصلة اليوم ما قدرت أنام قبل ما اطل عليكم

الرجيم لاااااااااااااااااااااا تسألوني عنه وعلى قولتج جسوت اغدا ألقاك ؟

الحمد الله غيرت جو وكانت رحلة حلوة بس لو بدون الياهال لأن صج صج قثوووووووووووووني بلويتهم وحنتهم

كان يبيله بروحي انا وقوزو نروح ونتفتل بشوارع بيروت اللي كلها عجقة >>> عايشة الدور حدي أرطن باللبناني

ان شاء الله ناوية انزل تقرير عن السفرة بقسم السياحة بس عسى احصل وقت

ولهت عليكم كلكم وحدة وحدة شلونكم وشخباركم ؟


:eh_s(21)::eh_s(21)::eh_s(21)::eh_s(21):

 

[mn.mn]

بعد ما قريت اللي طافني

جسوت مت من الضحك على سالفة المباركية خوش لوك والله ولا تحاتين مو ناسية الوعد والله يبارك فيج على نجاح الياهال

وتصدقين اني لي الحين ما شفت شهادة ولدي

بطبط ان شاء الله اجيك على طلبات الروضة واكتب لج اياهم

زيون بعد عمري عظم الله أجرج والله لهيت وما عزيتج سامحيني يا الغالية

عنيد ردي اشتراك الايقو لان طلتج الصبح لها طعم ثاني

تينا ما عليه ان شاء الله تردين تلتزمين احسن من اول لا تشدين على روحج

ام فجور شدي الحيل عشان لما تروحين حق طالب تكونين نازلة نزول حلو يشجعج

 

[زيـنـه]

فير الخير

جسوت اي والله .. اغدا القااااك ؟؟
يا ويل فؤاادي من غدي .

من من الحمدلله على السلامه .. و كيفها لبنين ؟؟
عسى مو عجئه خليجيين ؟
شكثر بيروحون بهالعطله .. نص السنه .


بطبط ..ان شاء الله اوكي يومج ؟


انا مو شي مع الريجيم .. واحساسي يقول اني انتقم من نفسي ..و ضميري مأنبني .. بس ليش و شحقه ما ادري !!
عسى الله يهديني و ارد للريجيم بيوم .

 

[ام فجور 2008]

صباح الخير
امس شوي خربطت مو وايد
لان كنت متضايقة بس مادري شسبب حطيتي حرتي بالاكل


من من الحمدلله على السلامة بس ما فهمت شنو يعني

كان يبيله بروحي انا وقوزو نروح ونتفتل بشوارع بيروت اللي كلها عجقة

عادي لقافه تحملي
وناطرين التقرير

 

[ام فجور 2008]

ماهذاا لذي تراه عيني
عنيد موجودة _shh_:

بنات عندي سؤال في وحدة تعرف ناس يشتغلون بالتطبيقي

 

[just-me]

صباح الخير جميعا ... منورين

يه يه من من تئبريني كيفيك ؟؟؟ يعني معاج ع الخط لووووول

شلونكم بنات ... هلا زيونه ... هلا ام فجر ...

ادعو لي من اليوم اصير هلثية ...

بطه .. تينا .. عنيد ... وينكم .. صباحكم فل