~¤ô¦ô¤~ دوانية رشيقات المستقبل ~¤ô¦ô¤~الجزء الثاني

[زيـنـه]

من من .. شلونج ؟
ابيج بكلمة راس .. و بالعافيه الترويئه---> يعني للحين بجو لبنان

 

[زيـنـه]

وينكم ؟

 

[mn.mn]

انا موجودة بس المنتدى بدى يعلق امبيه الرد يطلع 3 مرات

الله يعافيكم وانا ادري اني قاعدة اخربط على غير معنى بس ان شاء الله بيي يوم وارد التزم >>> اي عاد متى ؟؟؟؟؟

بطبط اقري فوق الاعلانات الادارية بخصوص التوقيع

زيون آمري حياج

 

[عنيّد]

انا غبت شهر ونص ورديت والمنتدى للحين خواره :eh_s(4): بس هم مالنا غناة عنه :>

عنيد يعني انتي دفعتي لهم 18 ولا 55 عادي ترى استيعابي بطيئ هههههههه

دفعت لهاشهر 18 دينار بس ، صار معلوم ؟ :tongue22:

قوة بنات شلونكم ...
انا الحمدلله اليومين اللي طافوا التزمت عدل ... لا ومشيت على الجهاز بعد
انجاز بصراحة بعد فترة طويلة من عدم الالتزام
بس انا بقول شي شهادة حق يعني ... انا لما قريت تجاربكم ووالله تحمست وتشجعت وقررت اصير مثلكم على الاخص عنيد حتى تميت اشجع خواتي واشرح لهم التجربة شعليج سويت لج دعاية ... الله يتمم عليج ويثبتج وتصيرين رشيقة وانتي بصحة وعافية وجميع الموجودين هني قولوا امييييييييييييييييين

انتي الضيفه اليديده ؟ اعترفي بسرعه انتي ؟
هلا وغلا فيج ، والحمدلله التجربه فادتكم هذا المطلوب وعسى ربي يحقق الي ببالكم :rerrerek:

صباحو .

شلونكم ؟

عنيد .. عودا حميدا .. و بالمبارك الراوتر .. يعطيج خيره و يكفيج شره ---> شنو سيااااره !؟

انا للحين مو اوكي .. و ما ادري متى باصير اوكي ؟!

باجي البنات .. شخباركم ؟

صباحوااااات :eh_s(18):
يبارك بعمرج ، والله العن من السياره اذا تنححححح وعلق وفصل
انتي ماتقوليلي يالزميله ليش موملتزمه ، شنو اسبابج ، قدمي لي الاعذار يالله وخلينا ندرسها ونشوف اذا مقبوله ولا لا :j013:

صباااااااااااااااااااح الخير واي وناسة الكل موجود والله يسلمكم من كل شر ولبنان حلوة لو مو الزحمة اللي تطفر

شهرزاد حياج الله بالدوانية يا قلبي

انا الحين بالبيت وريلي يايب خبز خباز ونخي حق الريوق يا ترى يا هل ترى ماراح اخربط ؟ ماااااااااااا اعتقد

اليوم بعد بروح المزرعة واتوقع ماكو رجيم لي الاسبوع الياي

اتريق وارد شوي اسولف معاكم

منمنننننن الحمدلله ع السلامه وزين سويتي غيرتوا جو شويه :eh_s(9):
وبسج تخربط عاااااااد الرياييل ماشالله عليهم كثر ماياكلون ماينتفخون بسرعه نفسنا ، وبعدين اهمه الي يتحلطمون على متن الحريم :eh_s(4):

اهلين اهلين مشالله الدوانيه عامره .. الله يخليكم ولا يقطعنا ابد ... شلونكم شمسوين عساكم بخير ؟؟؟ عنيد اهلين وسهلين .. والحمدلله على ردتج ربى لا يحرمنا من هاللطله الحلوه ..

وعلى قولتج الكل محتاج زفه كبيره .. عشان نرد نلتزم ...

هلا والله بطووووووووووط ، يسلمج ربي ماتقصرين عنوني :eh_s(22):
اي والله يازين هاليمعه ، بس لو ما المنتدى يعلق جان الحال احسن :denya:

 

[mn.mn]

الله يسلمج عنيد وصاجة الرياييل ما يبين فيهم انا والله حاسة جسمي فارق شوي علي ادري اني زايدة

 

[just-me]

ام فجور هاج الترجمة

نتفتل = ندور

عجقة = زحمة

نكسدر = نتمشى

شوب = حر

درك = شرطة ... شالسالفة ليش قاعدين نترجم اكو مسابقة و الا ام فجر

ناوية تنزل ع لبنين

 

[عنيّد]

مستخدمين موجودين حالياً يشاهدون الموضوع: 4 (4 أعضاء و0 ضيوف)
عنيّد, بطة رشيقة, just-me, mn.mn

يه يه يه شهالحلاة شهالطله شهالكشخه :rerrerek:

 

[زيـنـه]

عنيد .. اختاه .. و الله ماكو اسباب تذكر .. ظرف نفسي بس عدى و راح .. الاثار للحين مستمره ليش ما ادري .؟
ودي ارفع شعار " لا تياس من نفسك" بس شكلي ايست !

 

[just-me]

انا اعتقد اعتقد اني بلتزم اليوم

يارب ادعو لي

مشكوره ام فجر اللهم امين و لج مثله يارب

عنيد رحت المعرض واي افتر راسي انا اذا صار زحمه ما اعرف اشتري

حتى تنزيلات المحلات بالسوق اتدوده ما اعرف اشتري ما احب الهدوم المكوده

و الاوادم مخامط و البياعين نفسيتهم زفت مع ان الاسعار تشوق بس ما اقدر اتنرفز

من من اذا الله و كتب و سويتي بيبي راح نعرف انه Made in Lebanonههههههه

شهرزاد شوفي فلمج بالسينما حلو و منى زكي صايرة زوغه ماشاء الله عليها

زيونه .. ماتبيني بكلمة راس

بطه .. جنه يبي لج تروحين لبنان مع قوزو و كارز و تسوين لنا كارز 2---> بطفر من من لووووووول

وين أنوجه من غير شر ولهانه عليها

 

[just-me]

عنيد الله يحلي ايامج ماكو كنا ناطرينج تزفينا و تشجعينا عشان جذي ما كنا ملتزمين بالريجيم لووووول

احلي ما في المعرض الدورية اللي بين الصالتين ركبتها انا وبنتي لووووووول

 

[just-me]

بنات ما ادري شالسالفة ...هرموناتي ضاربه فيوز .. الشهر اللي طاف اسبوع المرور يتني مرتين بينهم اسبوع

الحين صار لي جم يوم ويهي و رقبتي متروسين دمامل كبار يعورون رحت المستوصف

خذيت تحويل حق امراض نسا بالرميثية و جلدية بالسالمية ---> الشكوى لله ماردي على الحكومه لا تأمين

مثل أول و لاهم يحزنون و بسوي تحليل هرمونات بشوف شالسالفة

بيني و بينكم حسيت اني قبل ما عندي سالفة كله بالخاص و مخلين الحكومه حق الزلمات

صج المواعيد تعل بس بلاش !!!

انا مستنكره الايميدين من بلشت فيه طلعت لي هالحبوب تهقون له علاقة والا انا من الاساس

بشرتي تعبانه و هرموناتي مشتطه .. و لو ان الايميدين زين حق البشره

 

[عنيّد]

زيون ،، خو عدا خو ، شنو هالتخربط الحين بالله

جسوت ،، اييي صاجه ، عاد انا امس استاذنت من الدوام ورحت الساعه 9ونص كان خفيف ولما طلعت 11 صار زحمه
بس والله عندهم عروض حليوه ، يعني عرض النت بفيفا وايد حلو
وبالكترونيات الغانم عروضهم حلوه ، شريت لابتوبين << شاقه الجيس امس وصايره مندوب :dddds: وعلى كل لابتوب اخذت ربح دينار + كوبونات الهدايا خخخخخخخخخخخخخ

مااااااشفتهم اي دوريااات ، أنا شفت بس ناس لابسين ذهبي بذهبي ويتفرفرون جنهم مطافي مادري شالحكمه منهم :tongue22:
بس عموما يبيلي زياره ثانيه افتر على راحتي :rerrerek:


ززززززززززززززززززززززين سمعوووووووووووووووووووووا
اذا مااااااالتزمتوووووووووا بالرجييييييييم
ترى هاااااااااااااااا
ترى بخربط معاكم وانتحر رجيمياً :eh_s(2):

 

[just-me]

لا لا لا لاعنيد انتي قدوتنا الحين الله يخليج لا تخربطين

خلاص انا اليوم تبت و حرمت ابلع --->شعقبه

 

[زيـنـه]

جسوت .. انا ابيج بهذرة راس .. لوووول
و ان شاء الله صرتي هيلثيه ؟

 

[just-me]

عنيد شنو اللاب توبات اللي خذيتيهم و على جم اختي تبي واحد وانا ماشجعتها

حسيت انه مايفرق بالسعر و قلت لها اخاف تشترين اي شي و تتحسفين

عموما الدورية صايرة بين المعرضين صالة 6 و 7 جديده بقراطيسها و لاب توبها

منها و فيها مجكنم و حركات الصراحة قبل انا و رفيجاتي كنا نسولف على ضحك

شنو امنية كل و حده ( تكون شبه مستحيلة بس بخاطرها )

وحده تمنت تلبس لبس مطافي و تتعلق معاهم و تروح تطفي حريجه الله يكافينا الشر

من صجنا مو غشمره بس طبعا استحاله لمن ركبت الدورية على طول طرت علي هالسالفة

و الثانية متمنية تركب اسعاف و تعيش الدور قلنا لها بسيطه نطيح فيج بوكسات و ندق عليهم يشيلونج

و تعيشين التجربة :tongue22:.. ووحده قالت ابي اركب باص متروس صعايده و هنود و حر و خيسة

ما ادري شنو الحكمه بس تالي قالت لي انها سوتها مع رفيجاتها ركبت محطة و انزلت اللي وراها

ورفيجاتها الحقوها بالسيارة عاد تخيلو كانت حامل

وانا تهقون شنو كان طلبي الشبه مستحيل ..؟؟

 

[زيـنـه]

جسوت .. الاميدين يمشي على ناس و ناس لا .
بغيت اجربه بس مو حاليا .. اجلته للخطه الخمسيه .

عنيد .. بالعافيه اللابتوبين .. و صرتي مندوب بالعموله .. انا مو هامني المعرض وايد .. لان اول السنه كنت طالبه لاب توب ووصل بالسلامه .
فمن جذي مو في بالي المعرض

بعدين معارض ارض المعارض تعل القلب .. من المواقف و الزحمه و الاوادم حدث و لاحرج .
ما قمت اروح الا بالسنه حسنه .. مع انه قريب منا وايد .

 

[just-me]

هلا زيون So far الحمدلله تريقت 2 بيضة مسلوقة و حليب سكيم

توني شربت عصير كيوي فريش و تبلت لي صدر دياية و سويت سلطه

على الله ما اطب بالقنجه عاد سبحان الله انا مو من النوع اللي تهزني العيوش

بس في Erorr عندي بال System يبي لي format لووووووول

 

[زيـنـه]

جسوت .. شنو طلبج المستحيل .. تركبين دوريه ؟؟!
و الا تاكلين بمطعم هندي بالمرقااااب !
و الا تخوضين ريولج بنافورة مارينا مول ؟
و الا تلبسين رول سكيت و تحوسين ؟
و الا تسوقين قاري على خط المشي ؟
و الا تدشين واحد من بيوت العزابيه في خيطان و الا بنيد القار و تنبشين قشهم ؟ ---> ويع ؟

عسى في شي يصير ؟

 

[mn.mn]

جسوووووووووووت بدعتي من لوية الياهال الواحد يقدر يسوي شي

لا لا انا ماخذة احتياطاتي ومأجلة فكرة البيبي إلى اجل غير مسمى الدور على بطبط وام فجور

انا مفتر راسي من لوية الاغراض والهدوم أوف يا شين الجنطة لي رديتي من السفر

والمشكلة ان اليوم بليل بنروح المزرعة ننام هناك لي الخميس وتعالي زهبي جناط ثانية وااااااااي بشق هدومي

 

[عنيّد]

جسوت ،، زين عشانج راح استمر
شريت لخالتي ومرت اخوي ، لابتوب توشيبا صغير 13 بوصه
سعر الغانم قبل المعرض وبالمعرض نفس الشي صح بــ 309 دينار
لكن قبل يعطونج على كل 100 دينار كوبون وانتي وحظج شنو يطلعلج
بس بالمعرض يعطيج على كل 100 دينار كوبون بو5 دنانير (احنا عطونا 10د.ك لأنه شرينا اكثر من 600 دينار) + كاميرا فيديو توشيبا صغيروووووونه اشحلاتها ومع اللابتوب جنطة توشيبا الاصليه + برنامج انتي فايروس ومايكروسوفت 2007

يعني سعر اللابتوب حلو ومواصفاته حلوه والعرض حلو ولو تشيلين سعر الكام والكوبونات بيطلع اللابتوب تقريباً250 دينار :icon30: