~¤ô¦ô¤~ دوانية رشيقات المستقبل ~¤ô¦ô¤~الجزء الثاني

[ام فجور 2008]

بنات بقولكم شي بس لا تزفوني

مشتهيه باستا دجاج وربيان لذيذة

 

[بطة رشيقة]

صباح الخير ..

 

[زيـنـه]

صباح الخير و التاخير

شلونكم و شخباركم ؟

تريقت كالمعتاد .. توست اسمر و جبن .. و خس و خيار و جزر ..مع حليب بالقهوه .

و اموري مشت تمام امس و لله الحمد

انتوا شخباركم ؟

تينا .. الدارسين ينزل الدوره .. وللعوار في اكثر من حبوب تفيد .. منها مثل ما قالت من من بونستان فورتي 500 ميللي جرام
و بسكوبان .. و فيه حبة نوع ثالث نسيت اسمها لونها حمر .
و ما تشوفين شر

ام فجر .. موفقه بالريجيم والالتزام .. والجزر على حسب الريجيم لان احيانا لا صارت كميته شوي ومو يومي ما ياثر .

عنيد .. انتي موجوده .. بس انا ما اعلنت الخبريه .. بس لاحظت ريجيماته متشابهه وايد مع بعض يعني مو زد تغيير من وحده لي الثانيه .. بس الدافع المعنوي و الكلام اهو اللي ياثر

من من ..اللهم امين اشوف السبعونات .. الله كريم .
اليوم و انا البس الامطه ذكرت سالفتج امس ..انج ما شريتي ..لووووول

سمسم .. احنا نتعامل بمبدأ الشفافيه بيننا ---> نغزه لا تخشين وزنج عنا
شرايج فيني من من ؟



وين باجي رشيقات المستقبل ؟

 

[ام فجور 2008]

صباح الخير ..

اهلين بطبط من طول الغيبات _03ba:

زيون انا اكلت جزره صغيرة بس وحدة شفتهم بالجيس شكلهم يشوق صغار

 

[زيـنـه]

بطبط .. صباح النور .. شفيه البطل ساكت اليوم ؟؟

ام فجور .. تونا نقول موفقه بالالتزام .. وينج وين الباستا ... انزين ما عندج وجبه اوف ؟

 

[ام فجور 2008]

زيون هو مو معطيني بس انا بعطي نفسي ههههههههههههههه

 

[mn.mn]

ام فجور لا عادي ماراح نزفج لان انا لو اقولكم شنو مشتهية بتطقوني

بطبط وزيون أهلين والله اشوه طليتوا صخة ماكو سوالف

زيون عاد لازم اروح اشتري هالاسبوع يمكن على نهاية الاسبوع

وسمسمية شكلها بتسكر الدوانية وتشردنا من كثر ما طفرناها

ودي اطلع من الدوام ازرق البيرق بس مااااااااااااكو مجال أبي سنتربوينت ومذركير

والعصر موناوية اطلع لاااااااااااااازم اليوم اشغل جهاز المشي الميزان عقب باجر وأنا محلك سرررر

 

[بطة رشيقة]

صبحكم الله بالخير والورد والنوير ... اى اى جذى قرقه مو عادتج ساكته .. بالعه رادووووو .. خخخخخ :dddds:

لالا صج شلونكم بنات شخباركم .. مساع يت الدوام شوى متاخره لانى بصمت ورحت الجمعيه اشترى ماجله الشهر حقى وحق البنات ولا تخافون كل شى دايت واسمر ولو كالووورى ..انزين شنو ذنب الرشيقات ... ماكو الكل لازم يحافظ على وزنه _03BA:

امس الحمدلله امورى مشت تمام رحت المرينا مع قوزو ووكارز وتمشينا وتعشيت بجليز اخ يا قلبى يا جليز بس ما خربطت طلبت سلطه سيزر بدون دياى وكلتها بدون الخبز صغيره وطلبت سندويجه ستيك كلت نصها ومعاها مشروم مفيوح ... واى واى طبعا انا قاعده اكل هالاكله وعينى تتلاقط على صحن ريلى وعلى صوره المولتن اخ اخ :0bee2e8d89:

بس شنو قلت لازم اتحمل ولازم اكون قدها ولازم امسك نفسى واوفى يكون من اسبوع لى اسبوع والحمدلله قدرت :eh_s(1):

واليوم بعد بكون قويه ... والغدا بيكون دياى بالفرن مع تبوله والعشا الله اعلم ..

انتوا شخباركم .. شمسوين ..

عنيد شدعوااااااااااا قوليلنا وزنج ثابت والا زايد والا ناقص ..؟ وسمسم يالله عاد احنا نحب الشفافيه .. على قوله زيونه .. وترى الحين انا قمت ما استغرب من وزن احد او اقول فشله والا عيب لان اوزنانا متقاربه واكيد الواحد اذا استمر وعنده عزيمه واصرار ما يفشل من وزنه بل بالعكس يحاول انه يلغى هالرقم ويحط رقم ثانى .. ( حلوه بل )

جسووت الله يحفظج ويعطيج العافيه وراح نوله عليج وايد وايد .. بس اهم شى دراسه العيال ربى يوفقهم ان شالله :gathering:

تيناااا صباح الورد والنوير ..

ام فجوره عفيه على الشطوره :eh_s(8):​

 

[بطة رشيقة]

منمن الغاليه هل كيف نسيت انى اصبح عليج يا بعد شبدى والله شلوووونج وعساج طيبه ..؟ وشلون الاولاد ان شالله يكونون بخير .. بقولج شنو مشتهيه قوليلى عشان اناااااا اقولج بعد

ومذركير مسوى سيل ..؟

 

[mn.mn]

هلا والله بطبط توني عاد بشره عليج زين لحقتي على روحج

انا والله مشتهية اروح ابل بيز ومشتهية اروح سراي ومشتهية اروح جيليز اجرب الشوربة اللي مادري متى بجربها ؟

بس طبعا كل هذا ماكو لي الاسبوع الياي لان عندي يوم فري والاولاد تمام ماشي حالهم

ومذركير إي أمس بادي السيل عندهم

 

[teenaa]

انا ماخذه بروفين بس ماكو فايده عوار ظهر وبطن والطامبه الكبرى اخلص دوام الساعه 4 لازم اروح دوره وماادري متى اخلص وربي زهققققققققققققققققققققققت

 

[بطة رشيقة]

اشوه اشوه لحقت على روحى خخخخ ... وعلى قولتج انا امس والله مسكت روحى باعجوووبه تشووووقت حدى انى اكل اللى بخاطرى وقلت حق ريلى الاوف الياى ابيك تيبنى هنى خخخخ .. زين ما غص والا صار فيه شى مسكين

وانا اللى بخاطرى جد جد وعلى كل الخرابيط اللى صارت الاسبوع اللى فات ما كلته كيكه راقيه كشخه مولتن والا براونى تبرد الجبد ما كلت للاسف وهالشى لى الحين بخاطرى ..

 

[teenaa]

لووووول بطبط بس بس خلاص انا بسكت لان شكل الكيكه موووووووووووووووووووصج

 

[بطة رشيقة]

 

[زيـنـه]

من من ..البيرق حليو ..يبيله امره على يوم .. وسنتر بوينت مسوي سيل ؟؟ لي متى ؟؟
و على يوم الاوف تحتارين وين تاكلين .. بس ان شاء الله اتقررين على مكان .

بطبط ..شطوره .. هذه الاراده و المقاومه اللي اتكلم عنها .
ووايد زين اكلج في جيليز .
ان شاءالله تعوضين بيوم ثاني في الفري .. و حطي في بالج الدنيا مو طايره علشان تاكلين المولتن .. الايام تركض ما تلاقين الا يومج الفري الياي قرب و تاكلين اللي بخاطرج .

تينا .. الله يعينج .


الا بسال .. وين القى حق الابطال بوتات النايلون ملوت المطر ؟؟
سات مذركير ما عندهم .. و لا النصر الرياضي عندهم .. هل من خيارات اخرى ؟

 

[eng.q8]

صبااااح الخير على الكل

ما شالله الله يتمم على الكل ان شالله

انا الحمدالله امس تمام التمام ...انتوا شلونكم؟

 

[teenaa]

مبروووووووووووك الالتزام للكل


انا صمود صمود

 

[mn.mn]

بطبط ما عليه يا قلبي ان شاء الله الفري الياي تاكلين اللي تبينه الدنيا مو طايرة

زيون سنتر بوينت مسوي سيل بس مادري لي متى والبوتات انا عندي ملوت لندن من هني مادري وين ؟

تينا الله يعينج ويخف العوار شوي شوي

انوووووووووج برافو برافو إي والله هانت

 

[بطة رشيقة]

اى والله حتى انا بخاطرى بوت حق كارز بس ما ادرى وين احصله رفيجتى طالبته من بره بس ما ادرى اذا هنى فيه او لا ... والصراحه البوت انا اخاف من قياسااته لان ما تعرفين له عدل .. بس يبيله نجرب .. وعلى مذركير ودى امره ...

وعلى المولتن اى والله الايام تركض والاوف قادم ...

 

[mn.mn]

طلعونا سالفة نتناقش فيها صار صخة

أوف عيزت أدلل على حصتي الأخيرة جود مدرسة متأخرة بالمنهج تاخذها ماااااااااكو فايدة يعني قاعدة قاعدة

شنو غداكم اليوم ؟ انا كباب امريكانا وسلطة