~¤ô¦ô¤~ دوانية رشيقات المستقبل ~¤ô¦ô¤~الجزء الثاني

[just-me]

شكو متليقفه و رايحه الفرع و شارية شاورما و مشروم و أرد أحمسهم و اغلي معكرونية و اسوي

صلصلة كريمة و أعفسهم على بعض و أطبخهم على نار هادية و تالي أتوحد فيهم

علي بالعافية بس كلش ماله سالفه هالتشهوي علبو ببلش الاحد ..حسرتي على العشا

 

[زيـنـه]

مسا الخير

شلونكم ؟

تريقت توست و جبن

غداي كان سمج مشوي مع 5-6 قفاش عيش مشخول مع سلطه .

للحين ما كليت اي سناك .. و الله يستر من عشاي بروح يمعة اهل اليوم .


من من .. و الله انا مو من مؤيدي الحبوب بس ان شاء الله توافقج وترتاحين معاها.

ام فجور .. يمكن برد ما يمدي من ثاني يوم يبين اثر الحبوب .

جسوت .. نووووو كومنت ... بس لوووووووووول
و ان الاحد لناظره قريب

 

[mn.mn]

مساء الخير

إي والله ان الأحد لناظره قريب

جسوت ما أردى من المربوط إلا المفتلت انا كل ما يضيق خلقي كل ما اعفس الدنيا زووووود

رحت قهاوي البدع علبو متضايقة وبقعد بمكان فيه هواء عليل يرد الروح

ما شاء الله بقدرة قادر لقيت روحي بجيليز وجدامي مولتن كيك وكابتشينو

رديت البيت بعد ماااااااااااااالي ويه اتعشى كليت برتقالة وبس

بس باجر آخر والصراحة انا مشتهية اتريق بيض وخبز وبروح الافنيوز وبطب وأتخير مطعم اتغدى فيه خو آخر خو

 

[ام فجور 2008]

صباح الخير انا راح عن بالي ان اليوم السبت حسبت عندي دوام هههههههههههه

 

[ام فجور 2008]

شكو متليقفه و رايحه الفرع و شارية شاورما و مشروم و أرد أحمسهم و اغلي معكرونية و اسوي

صلصلة كريمة و أعفسهم على بعض و أطبخهم على نار هادية و تالي أتوحد فيهم

علي بالعافية بس كلش ماله سالفه هالتشهوي علبو ببلش الاحد ..حسرتي على العشا

شيشيني اكثر زين مسكت عمري هههههههههههه لا تذكروني روحي مشتهيه باستا

اي زيون اكيد برد لان احس بثقل

من من بالعافية

 

[ام فجور 2008]

http://www.q8yat.net/showthread.php?p=15602375#post15602375

بنات حملوا هالبرنامج

بروح اكمل نومتي :balo:

 

[just-me]

صباح الخير جميعا

انا استغربت أقول ياربي شمقعد ام فجر من الفجر لووووول

باجر باذن الله الاحد و المفروض يوم الاحد محد يبي احد بس انا ابي ..أبي أضعف

أبي أسوي ريجيم أبي أمشي .. فباذن الله من باجر الصبح عقب ما اوصل البنات المدرسة

ودي أمشي لو نص ساعة كل يوم و ببدي ريجيم .. الظاهر انا نسيت حلم الحزام

الصيف ياي و الملابس الصيفية خفيفة تهفهف يبي لها جسم رشيق --->يكون قاطة حكمة الاخت !!

وجان زين من اليوم اخفف .. ولو ان جيس مخلط الرفاعي متروس مايمديني اخلصه .. يبي لي اقولهم ممكن

لو سمحتو ترجعونه و تعطوني بداله لوز مو محمص لوووووول

شاخباركم ؟؟؟

 

[زيـنـه]

جسوت .. لوووول

انا امس عشاي لويه باليمعه .. خو يمعه لازم اكل .
اليوم هم نص نص .


باجر اكيد الاوكي مع من من و جسوت .. و الباجين

سي يو .. و انجوي بلعة اخر اللحظات

 

[mn.mn]

خلااااااااااااااااااااااااااص خلصت العطلة وباجر دواااااااااام ورجييييييييييييييم

يما يما ضيقة خلق الله يكون بالعون

 

[just-me]

مساء اللفل ع الكل

 

[mn.mn]

لعيوووووووووووووون جسوت باجر ببدي بهالرجيم >>> جسوت أمانة خلج ويانا

الريوق

2 توست اسمر مع جبنه او لبنه قليله الدسم مع شاي

الضحى

نسكافيه او اي مشروب من ماركه تروبيكانا

الغدا

3-4 قفاش عيش او نص خبزه سمره خفيفه وبروتين بمقدار نص الكف محضر باي طريقه بس ما يكون مقلي طبعا... وسلطه
او
تشيز برجر من ماكدونالدز مع دايت كولا

المغرب

ككاو


العشا

2-3 برتقال بو صره

او توسته سمره مع مرتيدلا او جبن مع دايت كولا

اواي نوع سلطه من ماكدونالدز

 

[just-me]

بعد عمري منمن تسلم عيونج


خلاص من باجر نبدي التحدي باذن الله

 

[just-me]

من من ... بنات

لا تنسون تقيسون وزنكم و سجلوا باجر عشان نبدي عدل هالمره

ان شاء الله ... ماكو فري الا بعد اسبوع ..أي عذر أي حجه ممنوع

اتفقنا ؟؟

 

[زيـنـه]

عاشت من من و عاش الريجيم اليديد .

و جسوت هالله هالله بباجر .


لا تنسون نوزن باجر و نقول جم وزنا

 

[just-me]

 

[just-me]

أيوه أيوه .... عاشوا عاشوا

من غير شر عليج بطه ... ان شاء الله تطلين باجر و تنضمين لنا

يالله زيون ... ويانا والا احنا معاج؟؟؟ شدي الحيل

نبي أكشن ...نبي اراده .. نبي قول وفعل--->كرة قدم !!

 

[زيـنـه]

جسوت .. عاشت عاشت الحملة الاعلانيه للريجيم .. الله يكون بالعون

 

[just-me]

تحدينا منو تنزل 5 كيلوات ليمن 14 /3 شرايكم

شدوا الحيل ..ترا ماكو شي صعب باذن الله نقدر

حسرتي ..عسى بس مو كلام الليل يمحوه النهارووووووووووو

 

[زيـنـه]

جسوت .. هذا الخوف عسى مو كلام الليل يمحيه النهار .
التحدي حلو .. بس ان شاء الله نلتزم و نقدر عليه

 

[just-me]

ان شاء الله هالمره جد

بس خلاص أصلا انا مليت من التبربس على قولتج .. ليمتى !!

ان غدا لناظره لقريب-----> لا لا لا ما اعبر شهالمقولات العجيبه

زيون الصيف على الابواب و الملابس تبي جسم ... ورانا باذن الله مناسبات

و الاهم من منظرنا صحتنا ..ياربي العمر يركض اذا ما استانسنا و تلبسنا الحين عيل متى؟.

خصوصا النزول بيصير أصعب والله لا يقوله الامراض كثرت والاكل صاير كلش موصحي

يخوف ... ان شاء الله ان شاء الله هالمره اهيه المره

قولي ان شاء الله

يالله يابنية وراج دوام و انا وراي اوصل البنات المدارس

تصبحين على خير وحلمي بلوكج وانتي عصله


Good Night