~¤ô¦ô¤~ دوانية رشيقات المستقبل ~¤ô¦ô¤~الجزء الثاني

[بطة رشيقة]

مشكوورين على الترحيب والله يكون بالعون والحمدلله على كل حال ...

 

[ام فجور 2008]

يالله اشرايكم نسوي عيد للرجيم خخخخخ

بتختفي الاعياد هههههههههههههههه

 

[ام فجور 2008]

بنات شرايكم بالموز يمتن ؟؟؟
مشتهيه موز اخضر لوووووووول مادري شطاري علي
شكلي بمر اخذ لي حليب بالموز شكو >>>>

 

[زيـنـه]

عنيد .. تعليقي على عيد الحب --->رزق القطاوه على الخاملات
يعني مربح للتجار و بس

بطبط ..الله يكون بالعووون حبوبه

ام فجور .. الموز حده مو رفيج الريجيم --> اغلب الدكاتره ما ينصحون فيه .. كله نشويات و يمتن .
و عليج بالعافيه اذا مشتهيته .

سناكي الاول .. روب اكتيفيا بالفراوله .

 

[ام فجور 2008]

هذا الي لقيته عن الموز::
زيادة الوزن والعمل:


وجدت دراسات قام بها معهد علم النفس في النمسا بأن ضغط العمل يؤدي إلى التهام أطعمة مهدئة مثل الشوكولا ورقائق البطاطس. حيث وجدت بأن سبب بدانة أكثر من 5,000 موظف كانت على الأرجح بسبب ضغط العمل. ولتفادي شهوة تناول الطعام ، نحتاج للسيطرة على مستويات السكر في الدم عن طريق تناول وجبات خفيفة عالية بالكربوهيدرات والفيتامينات المغذية، كل ساعتان، فكان الموز الفاكهة الأكثر ملائمة لمنع البدانة.


زيون وانا كل ما اشتهي شي يطلع مو رفيج الرجيم لووووووووووووووول

وعليجب العافيه السناك الاول عاد لذيذ ذاك اليوم شريت لي واحد اثاري الحلوة فجر ماكلته عني عليها بالعافية هههههههههههه

 

[ام فجور 2008]

ابي شعري جذي​

 

[زيـنـه]

ام فجور .. شفتي شلون على الموز
و على هيفا وهبي .. ترى كله تركيب في تركيب .. لا يغرج .

 

[بطة رشيقة]

الله انا اخليكم الحين .. واشوفكم على خير ان شالله وربى لا يورى احد لا شده ومكروه وربى يحفظنا ويحفظكم ...

 

[زيـنـه]

بطبط.. درب السلامه .

 

[mn.mn]

مساااااااااااااااء الخير

انا الحمد الله أموري تمام تريقت توست وجبن وزيتون وخيار وطماط وجاي حليب

وغداي كان جيزبرجر ودايت والعصر شربت قهوة عربية وكليت حبتين جالكسي صغار

بعد شوي يمكن اشرب قهوة 3 في 1 حدي مصدعة ليش ما نمت الظهر

وعشاي راح يكون سلطة ماكدونالز وبجذي مسكنا أول الطريج بس حسافة ما مداني امشي

 

[زيـنـه]

هللو .

غداي كان همبورجر مع سلطه

سناك 2 .. كان 3 حبات كاكاو تقديم الصغار .

عشاي ما ادري شنو .. بس احتمال نص صمونة صب واي .


شالاخبار ؟

 

[mn.mn]

هلا والله زيون

انا وايد راسي يعورني مادري ليش جسمي مستغرب من المجاعة تعود عالبلعة ونسى الرجيم

كليت حبتين بندول وان شاء الله يفج بعد شوي بس الحمد الله مرتاحة نفسيا ليش رديت التزمت بس الجذب خيبة ميتة يووووع

 

[زيـنـه]

من من . ما تشوفين شر .. اما من الريجيم او حبوب زين الاتات او انج ما ارتحتي و لوية اول يوم دوام لج و للعيال .. والله يكون بالعون .
و على الريجيم .. كل شي في بدايتة صعب .. بس على شوي شوي .


انا تعشيت نص صمونة صب واي سمره فيها تيركي و جبن و خضار .. و الحمدلله على النعمه .
قلت برد على اعشاب المطوع و بحاول اكثر جاي اخضر .. اعرف وحده لا اله الاالله سوته طبع فيها لازم عقب الوجبه شاي اخضر .. ان شاء الله يصير طبع فيني .

شالاخبار .؟؟ و من موجود ؟؟؟

 

[زيـنـه]

اكو احد ؟ ؟ ؟

 

[بطة رشيقة]

صباح الخير ..

شلونكم بنات شمسوين ..

تونى داشه الدوام .. وقلبى يحاتى ابوى حبيبى الحين قاعد يسوووله قسطره الله يسهل عليه ويحفظه لنا ويرده لنا سالم .. من امس احس انى مصدعه مشالله امى من طلعت وبيتنا ما انصك نناس رايحه وناس يايه اهو هالشى صج مو زين على صحتها انها تجابل الاوادم وتتكلم وايد بس شنسوى هم الناس فشله يايه ما نردها ..

بس يالله الحمدلله على كل حال

ربى يخليهم لنا ويشااافيهم ..

زيون شلونج ..؟

منمن حبيبتى ماعليه ماعليه .. انتى بس عشان اول يوم بس والله ترى عقب 5 او 6 ايام تحسين انج التزمتى ومعدتج تعودت ..

انا لى الحين مانى عارفه راسى من كرياااسى ما ادرى اللى قاعده اسوييه رجيم والا مجاعه !!!!! مو قاعده اكل شى احس روحى مو مشتهيه شى .. احس نفسى مسكره اسنغفر الله .. ويهى لا تشوفونه كل من يسألنى شفيج شفيج تعبااان مبين على مالى ...خلق استغفر الله اللى صار هدنى هد .. الحمدلله على كل حال .. ​

 

[just-me]

صباح الخير

وينكم اليوم ؟؟؟

 

[just-me]

هلا بطه ... صباحو

 

[just-me]

الحمدلله على سلامتهم و ان شاء الله تبشرينا بسلامة الوالد جريب

وين تينا هذا لها فتره مو مبينة..؟؟

ام فجر اليوم دوام مو سبت وينج ؟؟

عنيد شنو عندج دوره ؟؟ شفيكم اليوم

من من ..بشري شلون أول يوم ...؟؟ غمضي فتحي يصير الخميس الايام تركض

 

[زيـنـه]

صباح الخير .

شلونكم ؟

بطبط .. الحمدلله على سلامة الوالده و من غلاها الناس تيي و تروح و هالشي زين .. ربج لا حب بني ادم حبب خلقه فيه .. و الحمدلله
و ان شاء الله تتطمنون على الوالد قريب .
و مو زين عليج هالمجاعه على قولج .. ديري بالج على صحتج ..مو زين هاللي يصير لج .

جسوت .. اهلا و سهلا .. شلونج ؟!

الباجي وينكم ؟

 

[just-me]

هلا زيونه .. شالاخبار ..

ما ادري شالسالفة محد مداوم