~¤ô¦ô¤~ دوانية رشيقات المستقبل ~¤ô¦ô¤~الجزء الثاني

[عنيّد]

طاااااااااااايب صايرين شغل من تحت الطربيييزه يعنيييي هاااا :eh_s(14):
الا غردي شنو آخر اخبارج الرجيميه ؟ رديتي عليه ومع اي نظام ؟

 

[ْ{صبّوحه}ْ]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

صباح الأشغااااااااال المنزلية و عوار الظهر
آااااااااخ يا ظهري يعوّلني
اليوم اشتغلت عدل مدل و ما كنت نايمة غير ساعة بالليل !! لكم تتخيّلون حالتي التواير السووود حوالين العين و اللبس مبهدل و عين مفتوحة و عين مسكرة << شكو رسوم متحركة
يعني من الصبح زوقو مستغرب ليش وااعية و ما نمت :eh_s(10): لما راح الدوام قعدت ألعب في psp عقبهاا رحت رتبت البيت ونفضت الغبرة عن الحوائط .. قصدي الكبتات و الادراج و ما إلى ذلك :eh_s(10):
و غسلت جزء من الملابس و كويت جزء و كنست البيت و توّي خلصت طباااااخ .. يعني يوم حافل بالاشغال
مشكلة البيت بسرعة يتوسخ ، الله يخلي ايااااااااام العزّابية مع الماما ما كنا نحس بشي .. لوول:016:
يعني أستااهل طلعة صح ؟ << عنبو ما تسوي شي ببلاش

 

[بطة رشيقة]

هلا هلا عنيد انتى ما تدرين اصلا ان انوج صارت صدييقتى الصدووقه والله مو مجامله بس خوش بنت وحبيتها من كل قلبى ومشالله قعدتها حلوه واهيا حبوبه وايد والحمدلله قاعد نتشاوف على طول وربى يديم علينا المحبه طول العمر ان شالله عشان جذى اهيا تدرى عن الشوووقه .. انتى بعد شدى الحيل وخلينا نشوووووفج ونتعرف عليج :tek:

ومنو اللى كنتى معاها بالاسلكى ..؟ :eh_s(3):

واى خلصت الشغل بعد عناااء .. :cxxxp:

يالله انوج خلصى وتعالى استناااك :gathering:​

 

[tamto0om]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

صبوحه ::

ههههههههههههه اي والله مادري شصير فيني اذا وقفت عليه وانشالله بشد حيلي واوصل للوزن المثالي لي العيد

بطوط ::

مشكوره حياتي وربي يعافيج وامييييييييين الله يسمع منج اهم شي الاراده والعزيمه

زيون ::

يلا توكلو على الله وشدو الهمه وانا معاكم باذن الواحد الاحد

شخباركم بنات اليوم ؟؟

 

[بطة رشيقة]

هلا صبوووحه حبيبتى .. يعطيج العافيه واكره شى عندى يوم التنظيف صج يملل .. شخبارج عساج بخير وان شالله يارب تتعدل نومتج وعليه حبيبتى وايد كاسره خاطرى ان شالله يارب اليوم تنامين هنى ..

واكيد تستاهلين احلى طلعه سيرى اى مجمع وتعشى واستااانسى ...

 

[eng.q8]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

عنيد كنت مع نصر الله والحين بشترك برجيم سنتر

بطووووووووووووووووووووووووووطه والله احرجتيني وما اقدر اقوووول الا هذا من بعض مما لديكم
والله يتمم علينا يارب

 

[بطة رشيقة]

افا عليج انوج .. عزيزه وغاليه

 

[ْ{صبّوحه}ْ]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

بطبط .. اي والله آمين ان شاء الله اقدر أنااااااااااام ، واي شفتي عاد !! انا ما عندي شي غير التنظيف في البيت بطااااالية ما اشتغل لان عندي شهادة ثانوية فقط لا غير و الله يسهل ، و صج بعد ما لي خلق اشتغل << بس لي خلق طلعات
من يقول زوقو يالله نطلع أقول له غمّض عينك و أكون جاهزة >> شكووو
-----
ميزو .. حبيبتي والله ما شربت شي فيه كافايين و نااااااادراً ما أشرب كوفي و الا شاي اخضر بس انا اعرف زين ما زين انهم ما يأثرون فيني ، يعني كنت اشرب وايد قبل بس ما احس فيه تأثير خاصة ايام الامتحانات .. لوول
----
اهلا و سهلا انوج الحمدلله على سلامتج ^^

 

[عنيّد]

بطبط ،، دامكم طاقينها صحبه عيل شكو ماتييبيلنا اخبارها واشلونها ومالونها << متسلطه عليكم اليوم خخخخخخخخخخ
ايييييييي الله يسمع منج ويديم المحبه يارب
وانشالله قريبا نتشاوف :ceaf32e183:
اما الي كانت معاي لاسلكيا هي وكيلة فريرو روشيه بالدوانيه

انوج ،، اهااااااا ، يالله مووووووفجججججه ولاتقطعين

 

[بطة رشيقة]

هلو عنيد اى والله ما ادرى شفيج علينا اليوم .. والله انتوا ما سالتووونى عنها والا جان قلت لكم انها طيبه وبخير الحمدلله وقاعده تسوى رجيم وتبى تصير رشيقه خخخخ وعلى وكيله فيروورووو روشيه وينها اليوم ..؟ مادشت الدوانيه والا كبر راسها من الرووشيه اللى كلته وما تبينا ...؟ وحتى جسوت طلت واننحاااشت ما ادرى وين راحت ..؟ ولا منمن الصبح مو قاعده تطل اكيد لاهيه مع الورعان اليدد بالمدرسه خخخخخ الله يعينها ... اليوم اشفينا يا كافى وحوش مو بنات ..

هاهاهاهاى

 

[eng.q8]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

هلا والله صبووووووووحه الله يسلمج حبيبتي شلونج رجيميا؟؟

عنيد لا ان شالله الله ما ايييب القطاعه ومن غيركم بوقت الازمه الرجيميه

بطه حبيبتي والله ...

 

[عنيّد]

بطبط ،، انا سالت عنها بيني وبين نفسي ، والاعمال بالنيات ، بس قلت يمكن البنت بزي شكو كل شوي متليقفين عليها :\ بس الحين خلاص دلينا طريجها
وعلى وكيلة روشيه خبرج اجازه شايفه عمرها علينا وشكلها خايفه من الحسد خخخخخخخ
اما منمن فكل ماذكرها قلبي يعورني لان رفيجتي نفسها وتعااااني ، الله يعينهم
احسن يطلعون الاجازه من جبدهم <<< لا لا احنا اليوم ابو النحاسه

اااالله يعطيهم العافيه كلهن وجلهن ، حتى جسوت الظاهر حايسه :s142:


انوج ،، ها طلعت السالفه مصالح يعني ، ماتعرفينا الا وقت الازمه :flower:

 

[بطة رشيقة]

الله كريم ان شالله الله يرزقنا الارااااااده ان شالله ..

 

[بطة رشيقة]

واى عنيدووو ليش نحيسه لا تزفين رفيجتى يالله عاد .. وعلى منمن الله يعينها

 

[عنيّد]

بطبططططط ،، مازفيتهااا يه ، اعاتب :lololoe:
بطو اسمج ذكرني بمسرحية الكره المدوره وعبدالرحمن العقل لما يقول بط بط بط بط


اااخ ياربي تعبت من القعده ، واليوم غداي كيوي ، وانا احب الكيوي الذهبي على قولتهم الي يكون داخله اصفر ، اينننن اشحلاته عسل ، بس الجمعيه ومركز سلطان مافيهم غير الخضر
حبكت يعني حبكت ، صج مايخلون الواحد يسوي رجيم :bbbiu:

 

[بطة رشيقة]

واى شخبارى عنيد الكره مدروووه

عاد ذاك اليوم حاطينها بعطله العيد خووو حطوا مسرحيات يديده صج ان كلهم يلوعون الجبد بس ماعليه نشوووفهم على الاقل عشان نحكم عليهم

وعلى الكيوى اى الله يعينج عليه واى يخلى الحلج يقرص ..

انا اليوم ما ادرى شنو اتفطر بس اللى اعرفه ان عندى مشواار ضروروى للجمعيه لان ماعندى اغراض وبعدين اسوى اى شى واكله الله كريم ونسوى رجيم

 

[just-me]

أنووووووووووووجه

:nbvppw::nbvppw:

أهلا أهلا ... أزيج

وين هالغيبة اشدعوه يبا شهالتغلي

شالاخبار

بطه بعد قلبي ماباركت لج على دوام كارز الله يبلغنا بنجاحهم يارب

اليوم جوجو داومت باقي زوزو الاحد و تبدي رحلة الشقا و المعانات الله يعين

بنات صرت لإهحهؤشم موظفة وزارات

توه يانا راعي ميك اب و لقطت منه خرابيط شادوات و قلوسات وحمر شكو ما ادري مع الخيل

ياشقرا انا اشتري الغالي و الرخيص بوطقه و ماركه بس سبحان الله كنت اقول ليش جذي موظفات

الوزارات ما يحللون معاشاتهم و مجابلين البياعة ... دارت الدنيا و العياب عند الباب و شريت

واللي صار صار باقي مواعين المسبحة و الحمص و الكوافيرة اللي تيي الوزارات و اصير صج

موظفة وزارات مع الاحترام للكل

هلا صبوحة يسعد صباحج .. انتي عروس لاتشيلين وتحطين رحمج رطب

واحتمال اي وقت ربي يكتب لج حمال ديري بالج

تمتمومه شلونج مع الريجيم ...شالاخبار

 

[tamto0om]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

هلا هلا ابجسوته والله الحمدلله اليوم اول يوم بالجد وربي كريم دعواتكم انزل على يوم الاحد هدفي كيلو ونص وحلمي كيلوين هههههههههههههه :eh_s(13):

انتي اشلونج وشخبارج :fun:

 

[المتميزة دائما]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

باااك:RoadRunner:

السلالام عليكم حبيباتي الرشيقات
يعطيكم العافية كلكم الموظفات واللي قاعدين في البيت
يييتكم عقب اللوية ونص الزحمة ..لأن الزحمة الصجية بتطلع يوم الاحد الله يعنيا جميعا

مرحبا بجسوت ..عساج بخير ..دووم يارب
مرحبا بصديقتكم اللي ما تشرفنا وتعرفنا عليها للحين ودام اهي صديقتكم اكيد اهي نفس اخلاقكم الطيبة .. مرحبا مرحبا :hjy5jewf:

بطبط : اشلونج ..وشخبارج .. ان شاء الله عقب هالحلم بتمشين سيدا لوووول يمكن من الزف والخرعة لووووول بعد من قدج ماشاء الله عليج الدكتور يالج بنفسه .. الله يوفقج يارب وتنزلين بصحة وعافية

صبوحة .. اشلونج وشخبارج الغالية ... اليوم عاد روحي ورفهي عن نفسج بعد هالتعب والشغل في البيت والله يرزقج انتي وبطوطة ومنمن وكل اللي وده بالذرية الصالحة يارب:yaaaaaarb:

تمتوم : اشلونج والله يتمم عليج وتنزلين وموفقة يارب :edbf4317b9:

عنيد : اشلونج .. وشخبارج .. بالنسبة لرجيم النقاط انا حسيت ان رجيمج غير ومو منتشر كثر ذاك الرجيم من جذيه سألتج ... الحمد الله انا مع الصيام للحين ما شية علية وبقول لكم النتيجة النهائية الاربعا او الخميس وانا باجر بيكون آخر يوم صيام ويوم الاربعا راح يكون العيد والله يسهل

 

[المتميزة دائما]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

انا في تاريخ 16-9 وزني كان 51 بنشوف يوم الربعا الصبح جم بيصير .. الله كريم مع اني لازم اوزن الخميس .. يبين يوم الاربعا كبداية اشلون النتيجة النهائية