~¤ô¦ô¤~ دوانية رشيقات المستقبل ~¤ô¦ô¤~الجزء الثاني

[المتميزة دائما]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

هلا هلا وغلا هلا ملاييين ولا يسدن على قولة اهلنا بالامارات حبيبتي ام منولة وينج يالغالية والله لج وحشة حبيبتي فقدتج ..طمنيننا على اخبارج يالغالية ان شاء بخير .. دوووم يارب وتوصلين حق الوزن اللي تبينه بصحة وعافية

هلا منمن حبيبتي .. اشلونج شخبارج وبالعافية عليكم الافنيووو ..والعطلة كل مكان زحمة .. انا نادر ما اروح الافنيووز ما احب الزحمة استغفر الله وعلى لوية المدارس اي والله احاتي حدي انا ماشاء الله عليهم 4مدارس لين ابوهم ينقل واحد فيهم مع اخوه وافتك ويصيرون 3 مدارس عالاقل يصير اهون اشوي علي وعلى ما اروح الدوام الا ضغطي فوق العداد الله يعينا

 

[mn.mn]

هلا والله ام منولة شلونج وشخبارج ؟

وان شاء الله تنزلين وتوصلين للوزن اللي تبينه

مميزة الله يعينج انا اشوه مدرستي ومدارس عيالي يم بعض بس هم على قولتج الصبح العداد يوصل حده

أتمنى باجر يكون فاتحة خير وارد التزم بالرجيم والمشي والله يكون بالعون

 

[بطة رشيقة]

السلام عليم شلووونكم بنات شخباااركم ..

رديت من بيتنا والحمدلله كل شى بخير رحت حلقت كارز وعقب الفطور تفطرت مجبوووس لحم شوى مع فطيره جبن وكلت الباااسكن وبس الحمدلله وان شالله الله ايب يوم الرجيم على حير واتمنى من كل قلبى انكم تشجعوونى بنات لان الوضع ما يطاااق وابى التزم سبحانه اللى يرزقنا الالتزام واذا اراد ياحذه منا بدقيقه والله متعجبه من روحى صايره اكره كل شى يخص الرجيم يارب يارب لا تخسر التعب يارب ان الاسبوع الياى يكون خير على يارب يارب ..

سبحته وانا تسبحت و وقلت بنطر شوى وانومه ما ابيه ينام متعسر الحين اشوووفه كل شوى يقول باجر لازم نروح ..؟ حسرتى عسى ما يسولى لووويه ..

مشالله هالسبوع حافل ووجى انجز كل اللى مخططه له

الاحد ماكو شى الاثنين ابى اروح حق رفيجتى والده الثلاثا وجى نمر المحموووله شوى الاربعا ودى اطلع الصراااحه لايعه جبدى ابى اغير جووو شوى مليت الخنيس عندنا يمعه فى بيت خالى والله كريم ان شالله مشالله والسبت عندى عرس تبارك الرحمن مليان هالاسبوووع والله يعينى على لوويته وان شالله ربى يعطينى اراده يديده وحديديه ..

منمن شلووونج حبيبتى وصاااجه السبت حتى الجمعيه زحمه عيل شلون الافنيوووز الله يعينكم بس تبين الصج انتى مو عاجبتنى ماادرى ليش هالفتره احسج مو على بعضج واحس فى شى مكدرج منمن حبيبتى ما ابيج تزعلين منى بس والله قلبى عندج واحس من كلامج انج متضااااايقه ربى يشرح صدرج ويفج ضيجتج ان شالله ..

ميزووووو حبيبتى شلوووونج والله يعينج على دوام عيالج الله يحفظهم ويسهل عليهم بس عسى مو زحمه الصبح عليكم وعسى روضتج جريبه من بيتج ..؟ تعالى صج ميزوو ومنمن انا اسمع اول ان التربيه يعنى اذا المدرسه ولدت وخذت امومه ينقلووونها من مدرستها حتى لو كانت ورا بيتهم ..؟ صج هالحجى ..؟

الله يعينا على بدايه الاسبوع وربى يسهل علينا ان شالله

زيون وجسووت وزجووول وعنيد واثمان وينككم ...؟؟؟؟؟؟

خل اروح احاول انومه وارد عليكم ..

 

[just-me]

مساءكم ورد وفل و ياسمين يا احلى الحلوين

اعتذر و بشده عن انقطاعي امس عموما انا لويتي لويه مثلكم عساها على خير يارب

زوزو باجر تداوم واليوم رحنا الافنيو سبحان الله ماتوالمنا انا و منمن تالي وديتها الصالون

تشيل شيرة عشان تقدر تستوعب و تدرس بالمدرسة خخخخخخخ المهم والا الصالون كله مراهقات مثلها

والله الزمن تغير المهم تالي مريت بيت ابوي انا معاها تفطرنا عند امي دياي بالفرن وشوربة عدس

وتالي مريت جمعية مشرف نشتري اغراض المدرسة حقها حسافة هم ماتصادفنا بطه

والحين باتسحر عشان باقي لي يومين باذن الله واعيد الثلاثا

 

[mn.mn]

هلاااااااااااااااا والله هلا بالغالية بطبط شلونج وشخبارج ؟

الله يعطيج العافية على المشاوير وتقبل الله طاعتج وبشري عسى نام كارز ؟ عاد تأخر الوقت نوميه عشان يشبع نوم

أنا بغصب الصبيان دشوا الدار الساعة 8 ونص وزوز هم بالغصب بعد نامت قبل شوي والحين بقعد اجابل فيلم وماني متعشية

مبدعة حدي بس باكل رطب ولبن وعلى الزحمة استغفر الله صج اليوم تنرفزت عاد السوق كله تنزيلات ودشيت واليس

عجبتني جم قطعة بس من الزحمة ولوية الياهال ما خذيت شي قلت يبيله بروحي أمر واقايس واشتري على راحتي

وعلى الضيقة إي والله مادري شنو فيني بس الحمد الله الحين أنا وايد احسن من الأيام اللي فاتت استغفر الله قبل جم يوم

كنت حاسة قلبي بيوقف من الهم والكدر جني ناطرة مصيبة أعوذ بالله بس الحمد الله هاليومين أحسن يمكن ليش ريلي

كان مسافر وهم الاسبوع الياي وراه سفرة وتدرين مسؤلية البيت والعيال وعدم وجود الأبو من غير شر شي يكدر الخاطر

وهم ما اخش عنج سالفة الرجيم واني مو قادرة أمسك روحي مثل قبل وااااااااااااااااايد مضيقة خلقي

الله يشرح صدري وصدوركم وتتيسر أموري وأموركم يارب بعد عمري والله لا خلا ولا عدم أصلا أنا مالي غيركم أفضفض له

 

[mn.mn]

هلا والله هم بالغالية نمبر 2 ما شاء الله الحبايب يهلون وحدة ورا الثانية

جسوت بعد عمري سلم المراهقات والله عقبال ما تودينها تشيل حق عرسها

لا تذكريني بالافنيوز خلاص بطلقه كل سبت لمدة شهر وتالي بعيد النظر صج اليوم كان قثا

تقبل الله طاعتج وبالعافية السحور أنا بروح الحين آكل الرطب واللبن وبشوف شوي التلفزيون وتالي بنام

تصبحوووووووووون على خير ونراكم غدا صباحا

 

[بطة رشيقة]

حبيبتى منمن اى والله الواحد هم الرجيم اهو اللى معكر مزاجنا كلنا تدرين ليش لان الاراده مو مثل قبل قويه واتوقع هالشى له دوور كبير دااخلنا مستغرب ان احنا مو ماسكين روحنا مثل اول ومعدتنا وجسمنا قاعد يستغل هالفرصه ويشجعنا على الاكل مره دكتتوره بالصباااح قالت لى ان الجسم بوقت الرجيم يحسب اهو فى مجااااعه عشان جذى اهو يحاول انه يخرن اكل ويقص علينا عشان ناكل بس احنا نقوم ناكل اهو ياخذ هالفرصه ويخزن كثر ما يقدر ويحاول يرجع الكيلووات بسرعه لاحول ولا قوه الابالله ما ادرى شفيه هالجسم والله مو مجاعه بس عشان روحنا وصحتنا بس ان شالله راجعين ياذن الله وان شالله ربى يشرح صدرج ويبعد عنا الهم والحزن والله يخلى رياااايلنا اى والله الحمدلله وجوودهم بحياااتنا مهم والله يعين الريال اذا سافر المره تحس انها ضاااايعه عشااان جذى انا احاول بكل الطرق انى اخرب خطط قوزو اذا يا بيساااافر خخخخخ ..

جسووت هلا هلا هلا حبيتى والله صج فقدناااج اليوم وامس وعسى المانع خير وحسااافه ما تصااادفنا بالجمعيه وسلم قلب زوزو والله اللى بتروح المدرسه باجر وتشيل شيره خخخ يحليلهم الحين عاد يصير هذا موسم ويقومون الصالوونات حزه المدااارس يفجووون عاد تصدقين انا اول كنت اشيل شيره بالبيت لما رحت الجامعه ومسكت السياااره عاد قمت اروح الصالووون والله الزمن تغير ربى يحفظهم ويبلغج فيهم والله يعينج على الصيااام انا بعد الحمدلله بقى لى بس باجر واخلص الحمدلله ربى عدااهم على خير ..

اليوم الياهال فى بيت ابوى سوووا شى وايد مو حلو شووفوا عاد قاعدين وساااكتين ويلعبوون وما سوووا شى الا لما ينا بنروووح واهم يلعبوون بالحووش ومخلين خدااامه امى تجااابلهم على بالنا صج الحين يكووون يعنى يعتمد عليها طل يطل ويهاا المهم يوم طلعنا والا كارززوووو التيس ويا بنت اخوى وعيال اختى ماسكين مطرقه وطاقين طووفه الحوش من الطر لى الطر اف اف اف تكسرت وتهشمت انا واختى عصبنا وزفيناااهم عاد الحين شيفكنا من ابوى الله يحفظه صراااخ ولويه والله احتريت يعنى الحين انا ما قمت اروح الا مره بالاسبوع وهم جذى تسوى والله ضااااق خلقى عاد لما ركبت السياااره زفيته زف يقول ان بنت اخوى قالت لهم خل نكسر لما نوصل بيت ام عامر

( بيت يراااانا )

والله صج ياهال ومخهم طنق وتفكيرهم وخيااالهم وااسع يعنى اشوى لحقنا عليهم والا جان دشوااا على بيت اليراااان وفشلووونا خخخخخخخخخخخخخخخخخخخخخخخخخخخخخخخخخخخخخخخخخخ الله كريم .. الله يهديهم ويصلح الحال ..

 

[شوكولاته&فانيلا]

السلام عليكم اشلونكم بنات..

الديرة كل مكان زحمة كل مطلعنا الاماكن متروسهيكون اشباح بكل مكان لووول ماكو احد في بيته ماشاء الله..

يومياتي كالآتي:

تريقت ربع خبز ايراني+جبن ونتفه حلاوه عن خاطري مجرد تغيير نكهة السندويجه <<احد قالج برري ههههههه

تغديت سمج+قفشه وحده عيش مشخول..

السناك حبة وحده حلاوة..

تعشيت قوطي روب قليل الدسم+توسته سمرا بالجبن وزيتون اسود..

 

[شوكولاته&فانيلا]

هههههههههههههههههههههه ميتة ضحك على سالفه ولدج بطبط ماشاء الله عليهم يتخيلون ويطبقون زين اللي لحقتوا عليهم امبيه والخدامه

قاع تطالعهم وماسوت شئ@@ بس صج صج متت ضحك الله يخليه لج يارب

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

الله اقوى يا نصيبي و انا وش بايدي .. كل ما عدلت واحد ..يميل الثاني .

لوووول .. الاغنيه مو معبره عن الشي و القصد للحين مود الاغاني براسي من عرسين الخميس واليمعه .. الويك اند راح بسرعه و السبه اللويه .
قررت .. و عزمت .. من باجر ارد زيون اللي تعرفونها و خبرتوها .. بابلش بيوم السوائل ---> قويه مووو ؟
بس على الاقل من باب التغيير .. و ان شاء الله ما اخوره.. و اطبقه صح .

جسوت و بطبط .. تصدقون انا اليوم بين المغرب من عقب العشا كنت في جمعيه مشرف و من الزحمه شريت جزء من اغراضي وباجر باكمل اللي ناقصني .

من من ..شوشو .. ميزو .. ام منوله .. زاجل .. عنيد .. صبوحه ..و الباجي شلونكم ؟

 

[عنيّد]

صباح الخير

مادري هل انا اول مره اصلي صلاة الصبح ؟

استغفررررررررررر الله من قبل لا يأذن بدقايق افزززز بروحي من الله ، واذا قمت صليت خلااااص بح ماكو نوم !!
عاد انا اعتبر هالشي ميزه وحامده ربي وشاكرته لاني قبل بطلعة الروح اقوم عالمنبه والحين بدونه الحمدلله
بس كلش موخوش فازه من الاربع ومواصله للدوام :\

عاد من الفضاوه واقفه بنص الدار من فير الله وقاعده اخطط اشلون بغير اثاث داري وناطره الخدم يقعدون من النوم عشان يدنون الاثاث معاي < فراااااغه :d


رجيميا الحمدلله خلصت اسبوع ^ـــ^ وطبعا مثل ماتوقعت انا من احط مخطط الرجيم ع العلن مادري يمكن اغتر بنفسي وعقبها اخربط !!!
يوم الخميس بليل رجعت من زوارة رفيجتي وكان مزاجي رايق ، دخلت البيت ولا اختي ورفيجتها ساطرين ٢ جار كوكيز من جوي قوي + بطاط بزينقلز + دايجستف ... وهالخرابيط
جان ابسط معاهم شوي واقوم بالواجب جم كوكيه على جم بطاطه فاعتبرتها وجبة العشا التبربسيه
بس الحمدلله يعتبر هالاسبوع الالتزام الرجيمي فيه = ٩٠٪ نعمه !


واليوم الاحد بداية الاسبوع الثاني ورررربي يسهـــــــل علي وعليكمممم

 

[just-me]

صباح الفل عالكل

انا مثلج عنيد و الحملله الاذان الحين صار بالاربع و 18 دقيقة على مايصير الشتا الا يمدينا

شويى ننام

انا اليوم طلعت من البيت 6:30 وصلت نشنوش حولي تالي صبيت بانزين

ووصلت الدوام 7:13 يعني لو ما البانزين جان وصلت 7

رفيجتي داقة علي اول ماوصلت والا الاخت توها طالعة من بيتها ومشوارها نفسي حولي بس تالي الدسمة

قلت لها من صجج ولا العصر توصلين..

وينكم نايمين و الا داومتوا ؟؟

 

[just-me]

أمبي زيون لا .. تيكرج مو محدث من 80 يوم فضحية

حسافة عاد ماشفتج امس قعدت انطرها بستاربكس انا و اهيه مع رفيجتها

تحوس بالمكتبة فوق

شلون العرسين عسى يونسون ؟؟

رفيجتي اليمعه كاتت معزومة على عرس بريجنسي المعرس قطري و تقول اغلب الحريم

لابسين بطوله وزفة المعرس نصها كويتي تالي نصها قطري وناااااااااسه

بس الغريبة تقول ان العروسه طلعت وقت دخلة المعرس

 

[just-me]

بعد عمري منمن الله يعلم بغلاج نمبر 1 و 2و مليون

انا اليوم ثامن صيام ولله الحمد وان شاء الله باجر اخر يوم

الله يتقبل من الجميع

امس قلبت لي كذا شغلة بزارا وخذيت لي جاكيبت شوي شتوي الخفيف نفس التوينز >>> عتيجة طلع من حلجج غبار

المهم و الا مسكر علي صوب الزند تسكيره عجيبة بس شريته ولاخليته بخاطري

اولا ب10:30 ثانيا لونه عنابي ياخدود الحليوة ثالثا بحطه دافع ليمن يبرد الجو عشان احس اذا فرقت

على عمري او لا

 

[just-me]

بطه ياختي على كارز بسم الله عليه شطانته حلوه هذا عمره وصدقيني لاكبر كلها

بتصير ذكريات حلوة .. ياما كسرنا و و ياما طقينا و انطقينا عادي عادي اتوقع حتى الوالد

ماراح ياخذ بخاطره يدري سوالف يهال

شوشو ماشاء الله استمري تبارك الرحمن و الظاهر العبد اثر علينا كلنا بالزفرة

انا الخميس تفطرت ربيان بالفرن ..يبيله سمج اليوم بس ما افتكر

امس دياي يعني اليوم حمسة هبرجر وصلحوا

 

[just-me]

وينكم ؟؟ عيزت وانا اهذر بروحي

بنات ...حدي خايفة لا عيدت ارجع للعجين ياربي شتريق بالدوام مو معقولة كل يوم بيض مفيوح

والكورن فليكس كاربوهايدرات اذا عندكم اقتراح بنات لا تخلوني

 

[عنيّد]

صباح الخير من الدوام

الحمدلله تمت الخطه ، دزيت مسج للخدامه اذا قعدتي دقي علي << عشتااااو
ومساكين كدشتهم معاي من الخمس ونص لما ٦ونص وامي واختي شافوا داري قالوا اوووه جذي ارتب كبرت الدار :eh_s(15):
وتسبحت وييت الدوااااام

جسوووت ،، صبااااح الخيراااات ، ويعطيج العافيه على التوصيلات والفرّات وعافيات الاكلات :eshrab:
اما على سالفة الريوق بالدوام وبما انج قاطعه النشويات فحتى الكورنفليكس ماينفعج مو اهو قمح !
يعني عندج يوميا مقرر الخيار والطماط + يوم بيض يوم جبن يوم بيض وجبن بس بهالحاله يكون الخيار والطماط مقصص طوال ودوائر
وايام سويهم سلطه وخلطي معاها الجبن او البيض وبعدين مو لازم كله بيض مفيوح ، سوي بيض نفيش على قولة اختي ، الي هو المخلوط مع طوووماط مثلا
لا صج حيره شتاكلين يعني
زين دخلي بس عالريوق النشويات ، يعني لو يومين بالاسبوع ، مره شابوره مره كورنفليكس ، وهكزااااا

 

[بطة رشيقة]

صباح الخير ..

 

[بطة رشيقة]

صباح الخير شلووونكم بنات شخباااركم عساكم بخير شمسوين اللى ضحك على قصه كارز اى والله اهيا تضحك بس هم تبط الجبد بنفس الوقت وخايفه اروح بيتنا انزف من بابا ...

جسوووت صباحج ورد وحب وياسمين والله يعطيج العااافيه على المشااوير واى والله صج اذا ما طلعتى مبجر تنحكرين بالزحمه .. وبلبعافيه اللى شريتيه من زارا تصدقين انا بطلت هالحركااات انى اشترى شى صغير واقول بيصير قدى لالالالا بسنا تكوود بالكبت .. ان شالله نتلنزم اكثر وربى يخفف عنا وبالعافيه الصيام انا اليوم اخر يوم والله يعديه على خير وباجر ابى عيديه عطوونى عيديه ههههه

عنيد تقبل الله صلاه الفير وانا جذى استغفر الله ساعات اقوم ساعات يقص على الشيطااان وانام ... واليوم قص على حسبى الله عليه .. وعليج بالعافيه تغير الغرفه وزين تسوووين ..

زيوون حساافه ما شفتج بالجمعيه امس كنا كلنا بالجمعيه ولا تصااادفنا وان شالله اليوم تردين للرجيم وتكونين زينه يا زينه .. تصجقين عاج على الاغنيه حسبت انج قاعده تغنين على الرجيم الله اقوى يا نصيبى خخخخخ ..

منمن طلى طلى يا ابله ..

شوشو تضحكين على قصه ولدى خخخخ ان شالله باجر ربى يرزقج عيال وتفرحين فيهم وما ابى اقول يسوون مثل كارز لان مو كل مره تسلم الجره اخاف صج يطقون الطووفه ويروحون بيت اليران الله يرزقج ولا يحرمج ان شالله .. الا تعالى شكثر بقى على عرسج ..؟

 

[عنيّد]

الله بطبط حلوه الصورة الي حاطتها رااايقه صباااحيه :hearting:
صباحج خيرات ومسرات