¨°o.O ( شلون تسوون الدقوس؟) O.o°

[قلب امي]

مشاركة: ¨° ( شلون تسوون الدقوس؟) °

يعطيكم العافيه ما قصرتو وتسلم ايديكم ويجزكم خير ان شاء الله مشكورين

 

[srabeel]

مشاركة: ¨° ( شلون تسوون الدقوس؟) °

بنات الدقوس الكويتي كله واحد ماشفت شى يديد ثوم وماى وكماط ومعجون وملح وساعات فلفل يا ليت إلى عندها شى أغرب يعنى دقوم مو شرط كويتي المهم دقوس

 

[jaggy-cat]

مشاركة: ¨° ( شلون تسوون الدقوس؟) °

انا استعمل معجون طماط فريش يعني مو الجاهز اطعم وألذ
واضيف شوية من دبس الرمان يعطي نكهة حلوة على حموضة شوي.

 

[jolie_q8]

مشاركة: ¨° ( شلون تسوون الدقوس؟) °

بالنسبه لي

احط شويه زيت بالجدر .. واحط عليه الطماط المقطع (قطع متوسطه) واغطيه 5دقايق بدون تقليب

وبعدين اشيل الغطا يكون الطماط ذايب وشوي متحمش ..احط عليه الثوم المقطع + 1 ماجي + 1 علب فلفل

وشويه معجون طماط .. واحركه شوي ..واحط عليه ماي اخليه يطبخ 10دقايق ..بعدين اقصر الجوله

يطلع لذييييييذ ...

 

[xxx]

مشكورين على الطرق

وبانتظار المزيد

 

[جارة القمر]

مشكوووووووووووووووووره

بنوته

وأنا نفس طريقتج

وساعات أحط فلفل علوب

مشكوووره

 

[ام نواره]

الله شوقتوني

 

[xxx]

العفو جارونه

 

[cs_q8]

رد: مشاركة: ¨° ( شلون تسوون الدقوس؟) °

انا استعمل معجون طماط فريش يعني مو الجاهز اطعم وألذ
واضيف شوية من دبس الرمان يعطي نكهة حلوة على حموضة شوي.

حبيبتي شلون تسوييين معجون طماط فريش؟؟؟؟؟:eh_s(1):

 

[malak_alroo7]

خوش موضوع كنت ادوره من زمان
يعطيكم العافيه ,, و طريقتى نفس طريقتكم .. ما فيها شئ يديد

 

[شندوخه]

احنا نسوي دقوس صبار ودقوس طماط ودقوس قوطي طماط ودقوس قرع ودقوس بيديان
بس ماعرف طريقتهم ^_^

 

[autointoxication]

ابي طريقة الدقوس

ادري شي يفشل بس و الله ماعرف اسوي دقوس بليز شنو احسن طريقة بالتفصيل الممل

 

[شندوخه]

انا اسوي الدقوس الطماط الحدج
طريقته
قصصي الطماط صغار وحطيه بالجدر ودقي الثومه وملحيهم وخيه عالجوله لحد مايذوب الطماط
وبالعافيه

 

[autointoxication]

شكله سهل

مشكورة حبيبتي بجرب باجر _03ba:

 

[GAP^^الكبيرة]

حبيبتي تقدرين تخلطين معجون طماط مع ثوم وملح وماي وتخلينه على الجوله مع شوي بهار او لومي

او تحمسين شوي بصل مع كزبر بودر وتضيفين له معجون اللي فوق


او تسوين المعجون مع صبار وثوم وماي

 

[جارة القمر]

مشكوريييييييييييييييييييييييييين

 

[جورية كويتية]

الدقوس بطريقة المطاعم

المقادير :
3 طماطم متوسطة
1 غرشه شطه متوسطة
2\1 كاس ماء
قليل من ملح
2 ملعقة طعام ليمون أصفر
قليل من فلفل أسود
قليل من فلفل دجاج
قليل من فلفل أحمر
1 ملعقة معجون طماطم

الطريقة :
تخلط المقاديرمع بعض في خلاط الكاس جيدا ثم يضاف إليها البهارات وعصير الليمون و ملح ومعجون طماطم وتقدم مع الرز

منقول

:eh_s(18): :eh_s(7): :eh_s(18):
​

 

[جورية كويتية]

الدقوس ..

المقادير:
4 حبات طماطم مقشر
2 ك ماء سلق الدجاج
ملح وماجي وفلفل اسود
ثوم نقليه بزبدة
صلصة طماطم
بصل مفروم
ثوم مهروس
زيت

الطريقة:
نسلق الطماطم بماء الدجاج وبعدين نضيف الثوم والصلصة والبهارات لحد مايغلي..
ونطحنه بالخلاط ، نقلي شوية بصل مع شوية ثوم بزيت ثم نضيف خليط الطماطم عليه ونخليه على النار لحد ما يغلي مرة ثانية..

اولسو منقول ^_^

:eh_s(18): :eh_s(7): :eh_s(18):
​

 

[ارحم بسمتى]

حبيتى طريقتى بالدقوس وسهله حيييل وسريعه

معجون طمام واربع طماطات وثوم حسب الرغبه وشطه وحسب الرغبه بقدونس او اشبنت او كزبرة

اول شي احمس الثوم واحط ليمونتين سود وعود دارسين ونص معجون الطماط واحط بهاراتى واقلب لين احس احمرار

المعجون صار حلو واكون طاحنه الطماط بالخلاطه احطه فوقه واقلبه واخليه لين يثقل احط عليه الى ابي من البقدونس او

الشبنت او الكزبرة واحط عليه شطه حسب الرغبه واحط قفشه ما يونيز عليه وبالعافيه

 

[مس فانيلا]

هاذي طريقتي اسويها دااايم كلهم أدمنوووو الرز واالاكل بسبب هالدقووووس لذيذ وسهل
المقادير:
حبتين طماط كباار
فصين ثوم أوقد ماتحبين
فلفل اخضرر حااار حبه وحده صغنووونه حيل
أطحنيهم عدل بالطاحونه
بعدين حطيهم بقدر صغير وخلي الخليط يغلي شوي بعدين وطي الناار وهي تطبخ ضيفي عليهم ملعقه صغيرره عصرره صغيره من معجون الطماط انتبهي لا تكثرين حطي مكعب مااجي واحد وحرركي على نار هاديه وطبقيه خليه يطبخ وجهزي على جنب بقدونس مفررروم نااعم والدقوس يطبخ سكري عليه النار وقدميه في الزبديه في الطااسه وحطي فوقه البقدونس المفروم وقلبيه والباقي اذا زاد دايم احطه في الثلاجه لمده يومين بس ملاحظه اذا عندك بهاار الكاري حطي عليه ملعقه بهاار كاري وهو يطببخ طعمه يجي شي خطيررر
أدعيلي بالتوفيق واني اتووظف ان شاء الله
بالعااافيه ياعسل