¨°o.O ( شلون تسوون الدقوس؟) O.o°

[نــوف]

رد: دقوس كويتي

مشكوره

 

[الدم البنفسجي]

الدقوس الكويتي

هلا بنات شحالكن

بنات ابي مقادير الدقوس الكويتي بالتفصيل بالضبط تكفونننننننن لان عندب عشاء وودي اسويه

 

[omajiad]

رد: الدقوس الكويتي

1. قصي طماط وحطيه في خلاط العصير
2. حمسي ثوم ناعم مع شوية دهن
3. معجون
4. الطماط
5. كزبرة (فرش أو ناشفة)
6. مــاء
7. ملح
وسلامتج وعليج بالعافية مقدما

 

[بشاير^الورد]

رد: الدقوس الكويتي

الدقوس الكويتي سهل اخذي طماط وشيلي منه القشر وحطيه في جدر وحطي عليه كم فص ثوم عدل وخليه على الغاز لمدة ثلث ساعه او نص ساعه وقصري على الغاز ومن ثم نزليه وخليه يبرد وحطيه بالخلاط ومن ثم جيبي جدر وحمسي فيه بصلة صغيرة بشوية زيت دلال ومن ثم حطي الطماط عليه ومن ثم حطي عليه شوية ملح وفلفل ومعجون طماط عدد 2 ومن ثم خليه على الغاز لمدة 5 دقايق وبس وبالعافيه ..

 

[جارة القمر]

رد: الدقوس الكويتي

شوفي هالموضوع

http://q8yat.net/showthread.php?t=186613

 

[الدم البنفسجي]

رد: الدقوس الكويتي

مي يمي شهيتوني فيه أن شاء الله بكرى أسويه

 

[نجد العذية]

كويتيات يدخلون للضرورة

السلام عليكم


أنا لي قرايب في الكويت كلما جيناهم ماشاء الله طبخهم لذيذ

المهم عندهم مع الرز يقدمون دقوس لذيذ صراحة ولاحظت كل بيت كويتي أدخله نفس الطعم

حاولت أسوي زيهم حلو اللي سويته بس مو مثل طعم الكويتي

فا أبي وحدة سنعة تعلمني ودي أتميلح عند أهلي

أمس ذاقوا دقوسي وأنهبلوا عليه بس أنا أبي الطريقة الكويتية


ساعدوووووووني ​

 

[نجد العذية]

رد: كويتيات يدخلون للضرورة

آآآآفاااا هذا وأنا شادة فيكم الظهر بيردون علي في غضووون نص ساعة

5 ساعات ولا رد !!!!!!!!!!!!!!!

 

[Mis$ LeO]

رد: كويتيات يدخلون للضرورة

حبوبه ما يبيله شي

تحطين شوية ثوم على على النار مع شوية زيت طبعا حتى يبدا يشقر
بالخلاط تحطين الطماط وشوية ماي (بعضهم يحبون فيه قطع الطماط تكون بارزه وبعضهم مهروس حيل مثل العصير)
تضيفين معجون الطماط على الثوم وتحركينه (يعني تحمسينه) وبعدها تصبين الطماط اللي بالخلاط
وتخلينه على النار حتى يبدا الماي اللي فيه يتبخر ويصير ثقيل شويه ( عاد انتي وذوقج خفيف او ثقيل)
ممكن تضيفين مكعب ماجي

بالعافيه

 

[أحلى همبه كويتية]

رد: كويتيات يدخلون للضرورة

حطي 3-4 طماط مع ماء ( مو كثير يغطيه شوي) على النار حتى تبدأ تلين (10 دقائق )

في قدر ضعي قليل من الزيت وفوقه فصين ثوم مدقوق وحمسي بدون لا تحرقينه وضيفي علبة معجون طماطم عليه
ثم اخلطي الطماط المطبوخ حتى يصبح كالعصير واضيفيه على الثوم والزيت واتركيه على نار هادئه 10 دقائق يتسبك ( لا تنسين الملح + رشة فلفل اسود حسب الرغبة وممكن بدال الملح 1 حبة ماجي)
( أنا أضيف عليه فلفل أخضر حار كامل بدون لا اقطعه ) يعطيه طعم حلو وريحة خنينة

يمكن أضافة معجون طماط إذا حسيتي انه خفيف _03ba:
وعليك بالعافية

 

[أم عزيـز]

رد: كويتيات يدخلون للضرورة

ثوم وطماط فرش ومعجون طماط وبصله صغيره وملح وفلفل اسود ورشه صغيره كركم

اذا تبينه حار حطي علب فلفل واحد من غير ما تقصينه حطيه على عداله
والف عافيه

 

[دمثة]

رد: كويتيات يدخلون للضرورة

طماطم مقطع في جدر صغير وشوي ماي يادوي يغطيه ولين يذوب الطماطم عالنار

وزيت زيتون ومعجون وفلفل احمر وعالنار و الطماطم هرسيه وفوقه وبس

 

[جارة القمر]

رد: كويتيات يدخلون للضرورة

مشكوريييييييييييييييين

http://q8yat.net/showthread.php?t=186613

 

[جرح الليالي]

رد: كويتيات يدخلون للضرورة

ما قصرتووو

 

[(رينا)]

ابي طريقة دقوس سنعه ولذيذة

انا عمري ماسويت دقوس وابي طريقة حلوة لمطبق زبيدي منو عندهاااااااااااااااا

 

[ريماس الحلوه]

رد: ابي طريقة دقوس سنعه ولذيذة

حنا انسوي صباره الي تمر هندي مع تمر عادي مع سويه ثوم وماء وتطبخ بس
وانا ابي طريقه الدقوس الحادي الاحمر

 

[بنت الاحلام]

رد: ابي طريقة دقوس سنعه ولذيذة

انا بقول لج طريقه حلوه
دايم اسويها
بس مو حار بارد
احط 3 حبات طمام بالخلاطه مع ضرسين ثوم
وشويه ماي واطحنهم حيل
واحطهم بالجدر الصغير واحط معاه حبه معجون وشوي ملح وفلفل اسود
واقد حبيت لومي

واخليه يطبخ ع النار لين يصير رايب حلو وسهل
وطعمه يهبل

 

[نجد العذية]

رد: كويتيات يدخلون للضرورة

مشكورين يابنات ربي يوفقكم ويسعدكم ويحرم وجيهكم عن النار قولوا آمين

 

[وسايم القصيم]

رد: كويتيات يدخلون للضرورة

حبيبتي مافي مثل المجابيس الكويتيه والاجارات والدقوس ترى انا سعوديه بس ياناس احب الكويت

 

[شندوخه]

رد: كويتيات يدخلون للضرورة

واحنا نحب اهل السعوديه اهلنا

انا دقوسي سهل دقوس الرفله

قصصي طماط صغير وكميه ثوم مفروم وملح وحطيهم بالجدر مع فلفله حاره على عدالها وخليه على نار واطيه